麵屋丸京

《面屋丸京》清汤丸京拉面 🍜📍牛头角宜安街9号地舖丸京对我来讲系有种情意结，因为牛头角店就响我转左观塘返工冇耐之后开，应该都差不多系9年前，可以话睇住佢开，而咁多年，特别我响观塘𠮶几年一路都有食开，味道各方面都唔错，lunch食返碗绝对系好嘅选择。我冇做观塘份工都有3,4年，今日特登抽空去探一探佢。《清汤丸京拉面 🍜》香味 (3.5/5)因为点左嘅系清汤，冇刻意加香味强烈嘅香油，所以香味并唔算好强，都ok。汤 (3.5/5)汤底应该系主要系用鸡骨煲，或许都有加猪骨，不过鸡骨味为主，食到中后段香菇🍄‍🟫嘅味会出左黎。酱油有加但比例唔算重，咸甜度算刚好，稍偏甜，顺喉，完全冇任何负担。汤嘅温度就唔多够，不过咁啱今日系大热天，反而好，唔驶食到身水身汗。面条 (3.5/5)中细面，烟韧，面味中等，正好同个清汤几夹，几好食。配料 (4/5)猪叉烧份量非常足！有4块较细块嘅叉烧，同3块较大嘅叉烧，睇肉嘅纹理同味道应该都系猪肩肉。第一款叉烧有颇重蒜味，我就几钟意。第二款佢地称之为”真叉烧”，大块好多，不过冇特别调味。两款叉烧肉味甘香，不过唔算好软嫩。因为份量真心多，食得非常痛快，唔驶就住食。笋方面真系抵赞👍，非常咁好！够粗，够腍又不失爽口，口感系完美，调味又刚刚好，超水准！溏心蛋就一般，虽然生熟度系好，但调味出左事，有少许苦味，可能料理酒加多左。整体 - 值得小推荐👍。因为呢间店咁多年都有保持一定水准，而且限定汤底常常有推出，永远唔会闷。…查看更多

服务态度好差，楼面好专心玩电话，叫咗个面同波子汽水，波子汽水先到，就咁粒声唔出放低走咗去，我想叫佢比饮管，但佢已经劲快返埋收银位专心玩电话，我望住佢成五分钟，想睇吓佢会唔会见到有客揾佢，真系完全唔理。到有一张准备埋单，佢先抬起头见到我叫佢，天气咁热五分钟，冻饮都变热饮！ 问佢有冇饮管，快而准「无！」，就咁走咗返去继续玩电话！ 大佬你冇都比只杯嚟啦，hea到咁,早知帮衬马蹄径新开𠮶间拉面店，咁多嘢饮卖竟然冇饮管？ 罐装可以就咁饮（只要人哋唔嫌你个罐污糟），但波子汽水点就咁饮？ 我倒落杯都比粒波子kick 住出唔到汽水，希望呢间铺嘅老板见到呢个po, 真系比之前差咗好多，连食物卖相都系，唔会再有下次，劲hea, 埋单$118 ，唔怪之得个个北上消费！ No next time!感觉店舖环境/卫生/服务都差咗好多，明明以前丸京唔系咁样！…查看更多

面屋丸京 牛头角店 好钟意丸京呢间分店的装潢，好多宅宅物，睇见都开心，店内亦播好多J-POP、ANI-SONG，好似去左日本咁，有FEEL枱面有壶冰水，够冰冻，而落单就系自己画纸仔🦪 炸牡蛎（$35）写明35蚊5只，计落几抵就试下粉浆好厚，蚝无咩味道亦好细只，只能够话好彩叫左都唔肉赤🍗 沙律炸鸡（$42）呢个炸鸡系我心中嘅丸京MVP，大件夹抵食肉汁丰富，炸起来香脆热辣辣，沙律酱同大量葱花同鸡件夹到爆！🍜 清汤丸京拉面（＄100）要成旧水系因为点了真叉烧，呢个系佢地招牌主打，不负众望，真系几好食，肥瘦适中，熟度掌握准确，出面好少食到咁有心思嘅日式叉烧汤底食落应该系酱油汤底，清澈得来足味，面条就一般般，感觉无以前咁好食了溏心蛋、笋就依然保持水准，我平时食拉面好少食笋都会食哂丸京嘅笋🎋🍜 浓汤豚骨拉面（＄78）汤底香浓，完全满足想要油脂嘅感觉普通叉烧就无真叉烧咁高质，但都系合格以上…查看更多

浓汤丸京拉面中规中矩，冇乜特别但楼面态度不良好，唔想做你生意咁同朋友嗌咗2碗面，上菜个时完全听唔到佢讲乜，唔知边碗打边碗冇下一次！！！唔需要特登过黎食，不推荐！…查看更多

呢间日本拉面店真系唔错！佢嘅招牌半熟叉烧拉面好吸引，份量几足，叉烧多得满满一碗，叉烧肉质鲜嫩多汁，好入味，令人回味无穷。拉面面条爽口唔会太腍，加上浓郁嘅豚骨汤底，啲面都系超级挂汁，味道更加香滑。每一口都充满叉烧同汤底嘅味道，令人食完都想再嚟一碗。呢间拉面店唔浮夸，但系每样嘢都好用心烹调同准备。如果你钟意叉烧同拉面，真系值得一试！总括嚟讲，佢嘅半熟叉烧拉面系美味同满足嘅完美组合，绝对值得推荐，而且价钱唔贵！…查看更多