麵家山下

叫左豬骨叉燒拉麵 ，份量真係幾大，但叉燒有點細塊。枱面有罐蒜油用黎撈埋叉燒一齊食真係一流。章魚小丸子岩岩整起外脆內軟，建議襯熱快d食。芝士味薯條份量足 芝士粉都係勁香係食緊 芝士圈咁。…查看更多

今天午餐再來麵家山下食拉麵。叉燒還是很金香好吃。但今次感覺不太良好，在廚房有位高大男士責罵一位長期員工，這位員工工作了很久但應該是弱智人士。我們在用膳時聽到他被責罵他時感覺都不太良好。看到這位員工很緊張。 當然我們不知道事情來龍去脈但見這位員工整體都很勤力工作。請多包容🙏🏻🙏🏻…查看更多

山下麵家我細細個就已經食開，以前舖頭喺對面跟住搬咗去宜家位置。細個嘅時候係紅店因為老闆娶咗一個日本老婆嚟呢度開拉麵。幾鍾意呢度拉麵嘅湯底同叉燒係有煎香過嘅香味。但有一段時間食嘅時候我覺得水準係下降左不太好味。今次過返嚟食有返以前細食嗰種味道。我叫咗黑蒜叉燒拉麵，叉燒煎得香，紫菜脆，湯底濃郁。而家檯仲有蒜蓉油嘅調味非常好配搭。我哋叫咗兩碗叉燒拉麵，滿$100就可以優惠價$25加一碟餃子（原價$40）。非常好，因為$40餃子就有啲貴。 今次體驗好好，母親嘴刁都讚…查看更多

日本拉麵店價格都係尼個價位，78-110 蚊左右是市價，但當加上尼間店既老闆娘係日本人，就成件事變得好玄妙，因為可以話係食到正宗日本拉麵，食評我無野好講，因為係食過既人都知咩叫好食既正宗拉面，所以想講就係尼間舖既位置好有傳統日本拉麵既特色，就係開係隱閉既巷仔。入黎同老婆叫左碗特盛拉麵，麵條彈牙，叉燒汁多肉滑，兩隻流心蛋簡直完美 100 分，個口感只有食過先知咩叫 100 分，再加上滿滿既配菜，份量大滿足，可以話肥仔都會食唔曬，真係食得好飽好抵食，今時今日重可以食到咁正既拉面，真係且食且珍惜。…查看更多

1/12/2023，星期五嘅下晝，我坐上何文田開往上水的鐵路。如果唔喺奉旨出Trip去上水開會，身為港島人嘅我同上水嘅緣份早喺十年前已經結束。留喺我記憶入面嘅上水，除咗水貨客，仲有隱世巷子小店《麵家山下》拉麵嘅味道。 《山下》主打豚骨叉燒拉麵，十年嘅洗禮，搬咗鋪，氛圍唔同哂，餐牌無點變，基本叉燒拉麵$63起跳，按叉燒同味玉嘅份量可以推到$110。難得舊店重遊，嗌返十年前同一款麵，黑蒜拉麵DX：〰️〰️〰️🍜 拉麵▪️ 麵條喺捲曲嘅中太麵。湯底用豚骨做基底，用味噌、黑蒜、醬汁，辛辣同塩調出五種口味。🗣 麵條軟硬適中，近乎零鹼味，唔錯。黑蒜嘅香甜味突出，喺熱度同肉味差咗啲。豚骨湯上枱前會打泡，湯面喺俾一層泡沫密鋪平面，想複製經打泡處理過雞白湯順滑嘅口感。心思在線，可惜湯底唔夠厚身，hold唔到啲泡同掛唔實啲麵，感覺似貌合神離嘅湯同麵。 🥓 叉燒 (中)▪️ Default跟灸燒豚腩肉4️⃣片，有肉味同唔騷，致命嘅敗筆喺近乎全瘦嘅肉質，喺對牙力一種考驗嘅重纖維感，真心建議大家轉卷叉燒！ 🍳 味玉 x 2️⃣▪️ 標榜“日本國內蛋使用“！醬漬嘅時間足，醬汁哂穿透蛋白直達半流心嘅蛋黃，鹹甜適中蛋香濃郁新鮮唔腥，喺今日MVP！〰️〰️〰️💸 埋單 $88，❌️ 加一。🧱 店員態度唔錯。小店目測14個位甘上下，細得嚟算乾淨企理，喺迫咗啲。🗣 十年後嘅今日，區區都有代表自己嘅拉麵店。今日食嘅喺一種回憶同執著，味道上未必比得上日本江龍同其他特色小店，有故事同愛加持嘅《山下》，喺經過值得支持一下嘅執意小店。…查看更多

依間拉麵店開左十年以上，位置有啲隔涉但係上水區內幾出名，以前舊店係二樓，要行樓梯有少少唔方便。搬新店後第一次去（就係舊店對面），面積細左少少但裝修靚左，拉麵味道亦保持到水準👍🏻拉麵有六款選擇，寫明每款嘅叉燒份量同配菜，如果鐘意食叉燒但唔一定要食溏心蛋嘅話，「叉燒拉麵」係我嘅心水推介，份量超多😆🥚🥚🍜 拉麵ᴅx $𝟠𝟝 (𝟠.𝟝/𝟙𝟘) 我好鐘意食溏心蛋，依款有四片叉燒同兩隻溏心蛋，係令人滿足嘅份量！叉燒肥瘦適中，唔會太多肥膏亦唔會淨係得肉，火炙火喉啱啱好令油脂味好出同好淋🔥溏心蛋好入味同夠流心🤤之前食過醬油味湯底覺得有啲偏咸，今次試味噌覺得唔錯，麵質爽口彈牙，唯一美中不足係個湯唔係好掛得住個麵。依家係香港好難食一碗質素好嘅拉麵加埋飲品仲$100有找，我覺得依間性價比幾高🙌🏻…查看更多

麵家山下搬咗去舊鋪對面，餐廳地方細細，入到去落order，之後搵位坐。叫咗個特盛拉麵，話明特盛，叉燒同芽菜都比其他拉麵多，仲包埋紫菜，雞蛋，荀。湯底就揀咗醬油。麵質爽口唔會太過腍，叉燒有7片，火灸過，聞到好香既豬肉油脂味，肥瘦適中，肉質好鬆化，好腍唔鞋口。醬油湯底好濃厚，但有少少過咸。整體嚟講係好食，值得嚟多幾次…查看更多