麵家山下

叫左猪骨叉烧拉面 ，份量真系几大，但叉烧有点细块。枱面有罐蒜油用黎捞埋叉烧一齐食真系一流。章鱼小丸子岩岩整起外脆内软，建议衬热快d食。芝士味薯条份量足 芝士粉都系劲香系食紧 芝士圈咁。…查看更多

今天午餐再来面家山下食拉面。叉烧还是很金香好吃。但今次感觉不太良好，在厨房有位高大男士责骂一位长期员工，这位员工工作了很久但应该是弱智人士。我们在用膳时听到他被责骂他时感觉都不太良好。看到这位员工很紧张。 当然我们不知道事情来龙去脉但见这位员工整体都很勤力工作。请多包容🙏🏻🙏🏻…查看更多

日本拉面店价格都系尼个价位，78-110 蚊左右是市价，但当加上尼间店既老板娘系日本人，就成件事变得好玄妙，因为可以话系食到正宗日本拉面，食评我无野好讲，因为系食过既人都知咩叫好食既正宗拉面，所以想讲就系尼间舖既位置好有传统日本拉面既特色，就系开系隐闭既巷仔。入黎同老婆叫左碗特盛拉面，面条弹牙，叉烧汁多肉滑，两只流心蛋简直完美 100 分，个口感只有食过先知咩叫 100 分，再加上满满既配菜，份量大满足，可以话肥仔都会食唔晒，真系食得好饱好抵食，今时今日重可以食到咁正既拉面，真系且食且珍惜。…查看更多

1/12/2023，星期五嘅下昼，我坐上何文田开往上水的铁路。如果唔喺奉旨出Trip去上水开会，身为港岛人嘅我同上水嘅缘份早喺十年前已经结束。留喺我记忆入面嘅上水，除咗水货客，仲有隐世巷子小店《面家山下》拉面嘅味道。 《山下》主打豚骨叉烧拉面，十年嘅洗礼，搬咗铺，氛围唔同哂，餐牌无点变，基本叉烧拉面$63起跳，按叉烧同味玉嘅份量可以推到$110。难得旧店重游，嗌返十年前同一款面，黑蒜拉面DX：〰️〰️〰️🍜 拉面▪️ 面条喺卷曲嘅中太面。汤底用豚骨做基底，用味噌、黑蒜、酱汁，辛辣同塩调出五种口味。🗣 面条软硬适中，近乎零碱味，唔错。黑蒜嘅香甜味突出，喺热度同肉味差咗啲。豚骨汤上枱前会打泡，汤面喺俾一层泡沫密铺平面，想复制经打泡处理过鸡白汤顺滑嘅口感。心思在线，可惜汤底唔够厚身，hold唔到啲泡同挂唔实啲面，感觉似貌合神离嘅汤同面。 🥓 叉烧 (中)▪️ Default跟灸烧豚腩肉4️⃣片，有肉味同唔骚，致命嘅败笔喺近乎全瘦嘅肉质，喺对牙力一种考验嘅重纤维感，真心建议大家转卷叉烧！ 🍳 味玉 x 2️⃣▪️ 标榜“日本国内蛋使用“！酱渍嘅时间足，酱汁哂穿透蛋白直达半流心嘅蛋黄，咸甜适中蛋香浓郁新鲜唔腥，喺今日MVP！〰️〰️〰️💸 埋单 $88，❌️ 加一。🧱 店员态度唔错。小店目测14个位甘上下，细得嚟算干净企理，喺迫咗啲。🗣 十年后嘅今日，区区都有代表自己嘅拉面店。今日食嘅喺一种回忆同执著，味道上未必比得上日本江龙同其他特色小店，有故事同爱加持嘅《山下》，喺经过值得支持一下嘅执意小店。…查看更多

依间拉面店开左十年以上，位置有啲隔涉但系上水区内几出名，以前旧店系二楼，要行楼梯有少少唔方便。搬新店后第一次去（就系旧店对面），面积细左少少但装修靓左，拉面味道亦保持到水准👍🏻拉面有六款选择，写明每款嘅叉烧份量同配菜，如果钟意食叉烧但唔一定要食溏心蛋嘅话，「叉烧拉面」系我嘅心水推介，份量超多😆🥚🥚🍜 拉面ᴅx $𝟠𝟝 (𝟠.𝟝/𝟙𝟘) 我好钟意食溏心蛋，依款有四片叉烧同两只溏心蛋，系令人满足嘅份量！叉烧肥瘦适中，唔会太多肥膏亦唔会净系得肉，火炙火喉啱啱好令油脂味好出同好淋🔥溏心蛋好入味同够流心🤤之前食过酱油味汤底觉得有啲偏咸，今次试味噌觉得唔错，面质爽口弹牙，唯一美中不足系个汤唔系好挂得住个面。依家系香港好难食一碗质素好嘅拉面加埋饮品仲$100有找，我觉得依间性价比几高🙌🏻…查看更多