麥香田Bakery

麥香田蛋糕 Mak Heung Tin Bakery (尖沙咀 TST)超得意造型蛋糕!🥹朋友生日，我哋決定買一個特別啲嘅生日蛋糕!呢排鍾意啲搞笑/得意風嘅, 咁就試吓麥香甜田嘅星之卡比蛋糕⭐️For my friend’s birthday, we decided to get a special birthday cake! Lately, we’ve been into funny/cheerful themes, so we thought of trying a Kirby Star Cake🌟————————————————感想:❆ 星之卡比生日蛋糕!🩷 $358Kirby Birthday cake! 外表唔使講啦, 超 級 得 意! 仲有6隻卡比小公仔你食完洗乾淨可以拎走收藏🧸三百幾蚊9個人食完晚餐食, 有啲剩, 可能10個人食會啱啲!蛋糕就係忌廉雪紡蛋糕，大概一磅, 入面仲有鳳梨椰果肉,都幾好食但可能有少少甜，不過呢個蛋糕都係造型取勝㗎啦🤣 超級適合小朋友!It’s super cute! Plus, you can take home 6 Kirby plastic toys after cleaning up. It costs around $3xx and could be suitable for 10 people. 👯The cake is a cream snow sponge cake, approximately 1 pound, with pineapple and coconut flesh inside. It tastes quite good, but it might be slightly sweet. However, the cake’s highlight is its design and shape!😚 Suits children very much!————————————————整體:✦ 價格 Price: 4.3/5✦ 味道 Taste: 4.0/5✦ 服務 Service: 4.0/5✦ 環境 Ambience: 3.9/5✦ 再訪指數 Visit again: 4.3/5麥香田蛋糕 Mak Heung Tin Bakery (尖沙咀 TST)地址 Address: 油麻地新填地街141號恆運樓地下C號舖營業時間 Opening hours: 星期一至日 06:30-20:30…查看更多

朱古力伯爵布甸 首先的味道是朱古力，吃下去就是淡淡的伯爵茶香味。朱古力的甜味和伯爵茶的香味是如此的配合!法式烤布蕾麵包綿密是好麵包的必要條件。頂部烤如法國硬包，而中間即是綿密的麵包。麵包充滿蛋香，兩邊則塗有忌廉(煉奶?)!難怪一打開袋時，麵包的香味便會飄出。…查看更多

記得有次想買個腿蛋包，口快快講左腿蛋冶，個女店員用一個好唔耐煩嘅語氣話無。無咪無，洗唔洗咁抆啫。過左大約一年冇幫襯，又經過呢間，諗住算啦，買個包啫。個店員袋好個麵包後係完全冇意思遞比我，就咁放在櫃台，個膠袋手挽個邊係向住佢自己（佢地個舖位係高左大約一級樓梯, 所以平時d顧客係要企在行人路買野同要向上望同d店員溝通，如果你生得矮細d你絕對要踮起腳尖攞），我要自己伸長隻手攞，佢見我伸長手攞完全冇諗過將袋包放前小小，仲要佢地一向唔講多謝，態度冷淡，係咪8、9蚊一個麵包就唔係錢吖？以後唔會再幫襯。…查看更多

已經幫襯過好幾次，每次啲麵包都係新鮮，蛋糕都好食。今日下晝去買包，明明櫃裏面有新鮮嘅，個店員擰轉頭拎個包，我都覺得好奇怪，一咬落口，就知係隔夜包😑疫情之下，生意好難做，我明嘅，但對熟客係咁，真係無話可說😒，個麵包櫃裏面仲有烏蠅，成條街得一間麵包舖，係咪獨市生意就係咁呢？如果店員係老細，就自己打爛自己嘅招牌。一向都覺得老店要撐要支持，但咁嘅質素又叫人點樣支持呢！如果要食隔夜麵包，我不如去超市？我諗以後都係要去茶餐廳買件蛋治算。…查看更多

一向少寫食評，無奈這次經歷非常不良。10月9號打8號風球，早一日10月8號下午落訂單訂購兩磅蛋糕，即時付訂金安排9號當日4時深水埗取，為小兒慶祝生日。由落單到9號當日一直無收到任何通知蛋糕安排會有問題，直到預約取蛋糕時間，到門前，嚇然發現店舖竟然無開舖，我們站在門外不知所措。Whtsapp 深水埗店，無人回應，後來在舖頭門前見到油麻地店招聘聯絡電話打過去，幸好有人接聽，否則都不知如何是好。但令人非常震驚的是我們預訂的蛋糕並無製造出來，原因是下單的深水埗店無人上班。油麻地店的店員一直解釋為8號風球影響，無人上班，但一整日下來都無人通知。其實管理不擅，漏了訂單就是漏了訂單，如果是8號風球影響，油麻地店都應該不會有人上班。途經此店多年，第一次訂購即碰上如此經歷，蛋糕做得再靚都無用，因為在客人最重要的日子完全失信。最後油麻地店提供兩個解決方法：退款 / 去油麻地店在店內僅有的蛋糕款選取取代。我慶幸不幸中的大幸是今次並非為老人家擺大壽又或是其他更不容有失的公司慶祝活動或週年節慶，否則連自己的誠信亦難以挽回。慎選店舖，否則悔恨不可彌補…查看更多

今日行行下突然好想食曲奇，咁岩係油麻地附近，所以諗起呢間舖頭。麥香田係一間香港傳統式既麵包舖，佢有好多種唔同既麵包，亦有蛋糕、甜品、蛋撻、曲奇同埋好多其他款式既烘焙製品。雖然佢間舖頭好細，但麻雀雖小、五臟俱全。佢有幾款曲奇可以揀：阿華田、好立克、牛油、朱古力、合桃味。我最鍾意既就係佢個隻原味牛油曲奇，因為佢就係個種香港舊式餅店，最簡單但最令人懷念既味道。係影相之前我已經忍唔住食咗幾塊，因為真係好食到停唔到口。個半磅曲奇($36)我應該好快就可以KO哂佢。好快又要再去麥香田買過lu~😂…查看更多

路經油麻地,準備去睇戲,見到有間轉角的麵包小店今期又寫緊小店,停下腳步去望下~好多公主造型既大蛋糕,由198至298起一磅,不過呢d真係食賣相另外就有普通款式蛋糕賣,雜果cake,朱古力,芒果等等,基本款式都有齊,數埋都差不多十款有馬卡龍,芝士切餅單件賣,單價合理,一件切餅$15起睇完戲見佢仲未關門,原來收2100,見仲有d麵包買左2隻火腿餐肉蛋包一隻,一隻咖哩牛肉包 總數$15另外加一隻蛋撻麵包普遍都係幾飽滿多餡料既都係大路款式,叉燒,肉鬆,奶油椰絲,番薯包,pizza款,肉腸包$7-10有找都幾抵食既波羅包賣5蚊個！同時另有酥餅類賣，皮蛋酥，蛋黃酥，蛋撻，紅豆酥，老婆餅仲有多款曲奇賣，３２蚊半磅講返咖哩牛肉包，個餡料係多汁既，有洋蔥絲同牛肉粒，唔係辛辣既，一般會辣，呢隻係甜香餐肉火腿蛋包，比較乾身～…查看更多

今日2019年10月1日， 想講講我的蛋蛋糕故事。較早前喺facebook網上見到一間麥香田的帖子，貼出嚟有米奇老鼠蛋糕款式圖，我覺得好靚，我很鐘意米奇， 有見網上啲人話 呢間蛋糕店好食， 就試下whatsapp與他們聯絡，預訂這款蛋糕，我從來冇試過喺網上訂蛋糕，一向都襯開連鎖店。因為我要喺油麻地點取蛋糕，所以取得油麻地店電話，直接下單預訂9月30號取米奇蛋糕一個。他們報價話米奇老鼠圖的蛋糕係288蚊一個，加生日牌加十蚊所以298蚊，所以就下單預訂 ，我仲叫佢whatsapp張單畀我，確定大家冇搞錯。到了9月30日當日我叫我個仔放學後直接去油麻地店取蛋糕，因為我要番工去唔到攞。 當我個仔去取蛋糕，他們就話報錯價，這款要320蚊，叫我個仔補多三十二蚊，我個仔唔知頭唔知路， 就照畀32蚊攞蛋糕走， 之後先與我聯絡，話畀我知此事。大家試想下，我下咗單，有單有據，又有電話錄音文字確認，完全沒有問題， 過來取蛋糕，就話價錢唔啱價錢，要加錢，同時佢話三百二十蚊，但$320蚊減$298蚊都係等人22蚊,何來收我三十二蚊, 真係令我火滾 嘜咁樣做生意都得㗎咩 佢呃我錢喎 如果真係你自己報錯價，你就要硬食啦，何來嚟攞蛋糕要加我錢。 有咁嘅經歷，我一定唔會再幫襯呢兩間店。** 都講下個蛋糕，原先佢畀我睇嘅圖，同我食果個米奇老鼠蛋糕，係有少少出入嘅，大家可以睇下圖。 我要新鮮雜果內涵，但佢話又要加錢（ 佢喺facebook講明內餡係新鮮雜果㗎）, 所以冇加到 ，裏面係啲罐頭雜果，菠蘿比較多， 蛋糕上算新鮮鬆軟， 另外嗰啲食用色素太犀利，隻手揩到啲色素cream，都差唔多可以上色，所以冇下次唔會再幫襯。** 其實訂蛋糕嘅時候，個職員語氣態度都唔係好好， 佢全程錄音，個女人有啲鄉下音都幾難聽下架。…查看更多

成日聽到同事話麥香田D包好正但因為唔順路一直都冇機會試結果有日放工餓餓地於是決定走去試！細細個就好鍾意食甜甜圈後尾知道佢好油後就再冇食過數數手指都十幾年冇食過番工咁辛苦緊係要獎勵下自己又見到佢賣淨一個似乎試得過咬咗一啖完全覺得係食緊幸福！唔油唔滯仲要唔係食甜雖然咬咗一啖但都即刻影番張相去記低當下幸福質素果然唔錯，下次再試其他！…查看更多

樓下一間街坊麵包店，成日行過都會幫襯，佢賣嘅麵包、蛋糕同甜品嘅總類有好多，連雪梅娘都有！不過我唔係特別喜歡cream，所以始終最鍾意戚風蛋糕❤️ 十幾蚊有咁嘅質素同咁大個真係好抵食，食落有蛋味同牛油香味😋😋…查看更多

我最錫嘅姪仔生日，訂咗個藍色ironman蛋糕，唔得閒去訂，只係打電話去請店主whatsapp蛋糕相比我揀，銀行過數okay, 好方便比多20蚊轉芒果底。估唔到個蛋糕咁好味，唔太甜，小朋友非常開心但色用色素甩到小朋友嘴同面都有藍色，師父話第二日會甩我唔擔心，會再幫襯…查看更多

去完運輸署行去深水埗站，買左3個包！第二日食先發現原來好好味！好味過d連鎖店！祝開多幾間分店^。^最值得讃係果袋6個星形原味蛋糕仔！非常好味！而且價錢仲好大眾化！麵包款式也很多，眼見人流都非常多，住附近的街坊有福了…查看更多

✨✨✨✨✨✨✨✨✨✨前日經過見到深水埗分店新開張買二送一，麵包魂又燃起🤦🏻‍♀️呢到三個包total$15蚊咋🤪.🍵綠茶紅豆菠蘿包$8🍵綠茶味不濃，紅豆餡都唔算多🤔但個菠蘿皮算幾香脆，成個包不過不失啦~.🌰榛子朱古力$7🌰面頭係墨西哥包既皮，朱古力餡幾多❤️翻焗完有少少流心效果😛.🥐髒髒包$8🥐切開一睇，唔係髒髒包黎😂只係有吉士餡既普通朱古力包🤷🏻‍♀️無一層層既酥脆口感，無朱古力餡🌚寧願你叫翻朱古力包好過😂而家好失望呀💩.分店新開張既關係，揾唔到地址🤣最後一張圖約略畫左位置👉🏻係深水埗C1出，長沙灣道往政府合署方向行就會見到架啦~食物質素: 🌕🌕🌕🌘🌑食物顏值: 🌕🌕🌕🌗🌑性價比: 🌕🌕🌕🌕🌘回頭率: 🌕🌕🌕🌕🌑✨✨✨✨✨✨✨✨✨✨✨✨✨✨✨…查看更多

平日開會或者farewell，我哋都會訂麥香田嘅蛋撻，蛋糕，布甸同埋奶凍等食物!總之就係平靚正!今日好急咁定咗個2磅蛋糕， 而且我哋在取餅時加咗唔小要求， 好彩蛋糕師傅未收工，令個蛋糕更完美! 多謝你哋嘅幫忙!…查看更多

這天到電影中心睇戲，路過這間，被其香味吸引。價錢相宜，也不想吃太飽，麵包剛剛好。好的麵包，除了味道，香味也很重要。在連鎖麵包店的麵包，少了出爐的香氣。我就喜歡屋邨內的舊式麵包店，每當有新鮮焗好的麵包，遠遠已被香味吸引。當日吃的是薯蓉包同芝士包，兩款夠飽肚，餡料充足，唔似連鎖店的空心包。我就好鍾意薯蓉，呢個包加了調味，就更加好味。店的名字代表了其麵包，在麥香田買的包有麥香味。…查看更多