麥記美食 (景文樓)

营业中

休息中

—失望的米芝蓮街頭小食推介等我仲bookmark咗咁耐想食燶到一個點都上枱畀客人🥹🥹🥟生煎鍋貼//生煎包($12/3)鍋貼同生煎包個底係好明顯嘅對比價錢係幾抵 肉餡濕潤扎實正正常常♨️小籠包($30/4)咬開完全冇肉汁/湯汁流出🫢感覺只係將鍋貼轉咗煮法做蒸 🥛豆漿($10)————————————————————麥記美食北角堡壘街19號景文樓地下2號舖北角堡壘街21-23號美嘉洋樓地舖麥記美食

生煎包·煎鍋貼·酸辣湯期待個生煎包同鍋貼🥟外皮個底煎得夠脆～但唔會成隻都乾淨淨～食落仲有肉汁😃酸辣湯有少少偏鹹🫣但飲完唔會覺得太口乾👍如果再辣少少就更好🤭🤭酸辣小雲吞·小籠包·蒜蓉牛油雞翼雲吞細細隻有8粒😉一啖一粒剛剛好😃小籠包較一般🫣皮有少少厚及唔夠肉汁🫣但味道可以👍雞翼蒜油味香濃👍煎炸得乾身🤤小編絕對係雞翼愛好者😂😂所以覺得可以食多幾隻🤭盛惠$1xx💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講舖頭細細座位比較小同迫😅建議兩個人去食剛剛剛好😂太多人未必可以一齊坐～不過睇得出舖頭食物品質有誠意👍出餐快但唔係求其～雖然有部分食物有美中不足🫣但整體上值得推薦俾大家👍下次有機會小編都會想再去試吓舖頭嘅麵食🤡

嗰日夜晚去到本店差唔多關，姐姐話都冇乜嘢食賣了所以就叫我哋去佢哋最近喺同一條堡壘街嘅新店。需知道阻人收工猶如殺人父母，我哋就梗係即刻聽從指令改去新鋪😂 新鋪好正喎，光猛多位仲有冷氣添💛 之前聽人講話新鋪啲人態度差冇乜人情味，嗰日去到可能當時唔算太忙，又真係冇呢個情況發生。佢哋仲好nice 添次次嚟到都係生煎包同鍋貼之間心大心細🥟不過通常最後都係揀咗鍋貼，貪佢冇咁飽咁先可以食多啲其他嘢😂 鍋貼皮薄底脆入面仲有肉汁，外型摺得的骰又靚仔，不得了之後要咗雲吞擔擔麵，湯底食到好濃郁嘅花生味🥜 而家個麵底 keep 到有咬口唔係一 pat 嘢咁。大粒飽滿嘅雲吞加埋微微辣嘅肉碎口感豐富又實在。個人推薦食到咁上下可以加少少醋去消滯解膩😋 小籠包皮薄多汁，夾起嘅時候都要小心翼翼，好彩都無穿無爛唔失禮 🤭麥記嘅上海包點都係佢嘅每日鮮制。重點係真心勁平，又好食好抵食🤑不容錯過

噚日(20-10-2023 Fri)老公嘅”爺爺”過身守夜, 我就約老公放咗工後過嚟食咗晚飯至去靈堂,老公先去到,冇耐我都去到喇,老公就先落單,就係$67.00既駌鴦餐,佢要咗檸七,冇耐,套餐到嚟,我就加豆漿同小籠包,分別係$10.00同$30.00.豆漿係來貨,唔評,但要讚嘅係佢哋雪到好凍.講返套餐,我先食窩貼,個底係脆,餡料鹹淡適中,但唔係我細個時食到嗰種風味.味道:2.8分酸辣湯呢,見到有豆腐同木耳,食落係有酸辣嘅味湯,但其實的唔係鍾意酸辣湯,飲咗兩啖就俾晒老公飲.味道:3分生煎包呢,餡料同窩貼一樣,個底都係脆脆地,內裡唔係爆汁.味道:2.8分而佢同窩貼都唔係好熱.最後小籠包,呢個等咗好耐,耐到個店員收嘢時至記得原來呢個未到,呢個就熱騰騰,夾起唔會穿,要小心食,因為真係好熱,佢嘅肉汁係有好多,呢個就出色.味道:5分環境:呢喥有bar枱,而普通方枱好特別,好懷舊,似日本風.其他:呢喥嘅調味料要自己攞,水亦係自己斟.抵食係 2.8分

細細個已經開始食麥記，由$10/4 鍋貼到而家$12/3 ，已經加價不少。最近再同街開咗堂食，價錢再貴一點點。今晚一個人買外賣，等咗成20分鐘，人唔算太多，但我見店員只招待熟客，遲來先上，最後我去收銀催促，馬上就好了。我見每一個店員都有紋身，雖然不是什麼大不了，但整體比我感覺不是太好。食物水準維持，應該會繼續食

有時唔係好餓，又想搵d野墊下個肚，就會搵d掃街/小食店，先前已經聽講過呢間食店嘅名。同朋友share咗呢個🥟鴛鴦餐 ($52)，呢個餐有5件鍋貼、5件生煎包、酸辣湯🍲同熱飲。 熱飲叫咗☕️齋啡，估唔到港式齋啡都唔錯，平時飲開掛耳包/手沖咖啡嘅Yummy已經飲唔慣港式嘅啡，但呢杯意外地ok。酸辣湯入面有豆腐、豬紅、🐷豬皮、黑木耳絲等配料，味道還好，覺得係咸咗少少，可以再🌶辣少少。🥟生煎包&鍋貼鍋貼同生煎包個底煎得夠脆，鍋貼味道唔錯有肉汁。生煎包內都有肉汁但唔係隻隻都爆汁，個人覺得生煎包比較出色😋😋小籠包 ($30/4隻）另外再追加嘅小籠包，少失望，入面d餡同鍋貼/生煎包嘅係一樣😅 有d有湯汁，有d又冇咁，小籠包嚟講就普普通通

路經堡壘街發現麥記小食開左餐廳😮又唔駛等位同坐街邊，立即坐低叫左兩個套餐同老公試吓! 鍋貼同生煎包依舊出色😋😋，酸辣湯有驚喜😋! 上海雲吞麵中規中矩👌凍奶茶同支裝豆漿味道正常! 由於午餐時間，人流開始多。四眼女店員要求坐四位枱嘅三位食客放一個位出黎俾人搭枱，但男食客唔願意因為佢話佢哋有嘢要傾🤔。其實午餐時間大家都會快快食完就走，盡量可以快啲番枱，特別係小店! 可能四眼女店員表達麻麻，激嬲三位食客，佢哋不斷鬧佢今時今日咁嘅服務態度仲咁差，唔會再幫襯等等! 然後娜娜聲食完就走人! 我唔係幫小店，四眼店員態度真心唔算好差，只係表達能力麻麻哋! 而三位食客當小店係置地coffee shop咁坐又有啲說不通。香港人，午飯係休息時間，大家應該放輕鬆啲，以和為貴🤣🤣🤣 希望麥記“管理層”好好吸取今次經驗，令店員，師傅同食客建立好好關係😃

呢間鋪個女侍應態度差到不得了。入去坐底侍應1就比 menu 我哋，問食咩。我話睇睇先。好啦，睇完諗住 order 就叫侍應。(問題開始)帶眼鏡個肥妹就好惡咁話“唉嘢一定要行去櫃面”。態度已經衰 。咁我走行出去。當時得一個比緊錢嘅阿叔係度。我行埋去個四眼妹又話我排得唔啱。佢指住個外賣牌話要係門口嗰邊排，我話我唔係叫外賣佢就答“你係唉嘢同俾錢，咁就係排呢邊”我已經開始猛增。我話你又冇講，鬼知當食同外賣係同一行。佢仲要答“係㗎啦”。到開始食嘢，我阿媽睇錯咗支醋係豉油，講咗句“哎呀我睇錯㖭”。個四眼妹由後面沖過嚟話“我哋寫咗，我關我哋事。你冇睇清楚” 講真，我哋傾計關你咩事？又冇人話你哋錯。好，食到中途隔離嚟咗對男女。但係人哋就可以係枱度落單。之前全部入嚟四眼妹都係叫人一定要出去落單。我就我我阿媽話點解咁，個四眼妹又由後面衝過嚟又講：“我解釋比你聽，係因為之前有其他人 order 緊”。根本就唔關事。無人 order 佢都係叫人出去落單。食到接近尾聲，當時我碟仲有幾件嘢，個四眼妹又嚟。好快手執我哋啲嘢。我話我未食完，佢竟然答“但係我聽見你阿媽話佢食完” 痴線。我阿媽食完咁又點呢？同佢理論，佢勁

北角其中一個名物要數係堡壘街嘅麥記小食，成日同朋友推介嘅時候佢哋都以為係M記😹兩者好大分別架！呢間麥記已經開業40年，第一代老闆麥生師承上海師傅，用巧手炮製各種上海點心🥟同小食🍢闖出名堂。最出名係鍋貼、生煎包、蔥油餅，用嚟煎包嘅大鐵鑊出面認真少見😏麥記本身係區內好受歡迎，幾年前開始攞到米芝蓮推介之後更加吸引唔少人嚟排隊🔥🔥本身總店細細間，主要做外賣，或者係馬路邊放幾張摺枱，但大家慕名而來都唔介意。最近第二代老闆就係同一條街開咗間新舖，沿用上一手Brew Note Coffee Roaster留落嚟嘅裝修，木枱、懷舊通花玻璃等coffee shop嘅陳設變成小食店都幾有趣🤣🤣食客而家就可以歎住冷氣坐低慢慢食。實不相瞞作為街坊嘅我都食咗好多年🤪絕對係我至愛嘅comfort food，但係以前主要都係外賣就無影底推介比大家，今次就去到新店影返啲靚相📸麻辣撈麵有肉碎、辣油、蔥花等，撈麵係新店新推出嘅菜式，不過個醬料同以往舊舖有嘅紅油抄手係一樣，佢嘅抄手麻香十足🌶️好香花椒味😋😋辣度唔算高，鹹鹹辣辣，撈勻腍到幾乎變蓉狀嘅肉碎，加上熱辣辣雲吞，絕對係我嘅comfort food🥰🥰成日都會叫呢個架。

之前喺舊鋪食小食今次新鋪外賣一次終於堂食一次其他嘢食都可以特別擔擔面我好鍾意食，只不過朋友嗌咗個雲吞雞湯麵我飲咗啖湯，佢基本上唔稱得上係湯？係加咗水嘅面之前收工你嗌外賣返屋企食，佢都話賣晒，所以今次朋友是食咗之後發覺完全唔係嗰回事湯係水麵好一般 雞髀咸因為我哋坐靠牆嗰一邊冷氣唔夠，所以係熱住咁食麵鍋貼底煎得好燶奶茶有水準奉勸大家千祈唔好嗌雲吞雞湯麵擔擔面就好好食 推薦順帶一提，有個姐姐唔識聽廣東話你要同佢講普通話至聽得明

偶然看到哩度竟然有蔥油餅賣 立刻衝過來試下 沒想到竟然如此好吃 係厚身的餅😍 唔會油膩 表面好似有少少椒鹽 蔥落的恰到好處 唔會有好大粒裡面仲係濕濕果種蔥 但係又有蔥香 因為我唔鍾意生蔥 但又鍾意食厚實碳水 搵到這家舖真係好感動🥹 以後常來看到好似係下午三點開售 我會買果陣時 店員姊姊講出邊啲凍賽 總俾鍋上面熱辣辣的餅我❤️❤️❤️

長文，慎入。麥記我食左好多年，由我中學，佢老豆開，食到宜家佢個仔接手，我個仔讀中學都仲有食。但今日買外賣既經驗，真係令我好嬲好嬲。今次係我第一次幫襯新店，其實一知佢開新店，已經好期待，諗住搵日要去食下,因為有冷氣有得坐，唔使好似以前咁”茂“響街邊。今日我仔話想食佢啲辣魚蛋，咁我就12點15分左右落去，諗住買埋啲生煎包鍋貼做午餐。好啦，我一落去，係有幾枱客既，有個女人等緊外賣，我行埋收銀機，問老細有冇餐牌，佢無理我，繼續專心入佢張單。另一個身型龐大既阿姐就幫緊枱堂食客落單，我聽到呢位阿姐同枱堂食客講，等老細落埋張單先幫佢落，但其實老細係入緊前面張單，完全無理過我。好啦，等老細入完佢張單，我話我想要餐牌，佢就響收銀機範圍自轉左一個圏，無俾任何回應我，然後有個矮矮地既阿姐就叫老細響門口張枱拎本餐牌俾我。咁果個龐大阿姐呢個時候就過去收銀機入單喇，我就想行過去問下佢一串魚蛋幾多粒，點知佢真係好野，佢豎起隻手指響咀前面，殊我叫我唔好嘈（我後尾睇到佢對之後買外賣既客都係咁），然後我無出聲，只係行前左一步，完全無出過一粒聲，佢竟然右手繼續入單，用左手掩左向住我既左耳，我真係第一次見有人咁招呼食客，好出

樓面個呀姨勁趕客本身佢話落單要出收銀處落郁左半個身位 好nice既收銀姐姐話過黎落單落完單之後個樓面呀姨走黎找晦氣類似話下次落單行出去(收銀)呀之後隔離入左檯一男一女樓面呀姨又係同樣操作我心諗你地可唔可以夾好少少先黎招呼人之後個樓面呀姨將我地叫既野食送左去隔離檯明明就係我地落單先🥶到第二次個樓面呀姨又送錯去隔離檯隔離檯話佢地仲有叫咩咩咩架喎個呀姨真係好好笑仲死撐冇錯😂埋單果時收銀姐姐話下次再見真係要諗下先😅

經過見多人排隊就一試，雲吞擔擔麵有5大隻雲吞足料好食，酸辣湯酸辣度適中，但餃子和生煎包覺得皮偏厚，爆汁度低，辣醬醋吾問就無畀，煎包底部吾夠脆，不過套餐價錢親民，整體ok。

麥記美食想試好耐 曾多次入選🤩米芝蓮小食但平時小去北角 所以未有機會試同事啱啱食完讚不絕口 尤其係擔擔麵仲話係舊舖附近新開左間分鋪小店入到去大概六點半 侍應姐姐話生煎包已經賣哂🙃之後陸續都有客人入黎想叫生煎包 可惜 今次無緣試到 🤓叫左一個餛飩擔擔面套餐 跟三隻生煎鍋貼同飲品 ($54) 加$3轉左凍豆漿另外 散叫8隻生煎鍋貼($32) 同4隻小籠包 ($30)💁🏻‍♀️餛飩擔擔麵擔擔麵湯底非常出色 花生味同辣味配合得恰到好處😍辣得黎帶香 仲有肉碎酸菜蔥花 好有咬口 麵條掛到湯 整個配搭好惹味😋餛飩有6隻 不過餛飩就普通 皮夠滑但偏厚同過淋 每隻都係一夾就散 d餡跌晒出黎 但餡料足 豬肉鮮甜 味道不錯 💁🏻‍♀️生煎鍋貼餃子賣相煎得相當吸引 餃子底煎得香脆 可惜皮厚有d靭 底部咬落好乾硬 食到個口好攰😅豬肉餡料偏少 食唔到鮮肉味💁🏻‍♀️小籠包小籠包個皮一睇就知厚 食落去就係同諗法一樣 但個皮口感唔錯 好煙韌 如果皮薄少少就好啦肉汁同豬肉偏鹹 欠缺豬肉鮮甜 豬肉比較多肥肉 厚皮都扣左唔少分💁🏻‍♀️凍豆漿樽裝豆漿 唔係自家製 微甜帶小小豆香 同埋好夠凍✨整體黎講餐廳整既皮都比較靭同厚 同想像中