麥當勞 (新興街)

我今早去長洲參加行山比賽，上左長洲碼頭就見到麥當勞在附近，即刻去買外賣。我點左個魚柳包早餐＋薯餅$34，餐飲係即磨白咖啡＋$2；好友點左豬柳漢堡早餐＋薯餅$33，餐飲係即磨白咖啡＋$2。長洲的早餐，最方便快捷的方案也是最簡單的，好好交代就是。…Read More

之前睇電視見到麥當勞嘅麥樂雞，出左隻新嘅鹹蛋黃醬，見到廣告已經好想去試，今日終於有機會啦！我外賣自取攞返屋企慢慢食，由我攞到喺手到返屋企開餐，大約相隔10分鐘左右。薯條依然好食，唔會又凍又淋；飲品我叫咗杯新出嘅玉泉乾薑味汽水，呢個雖然冇我心目中薑啤嗰種味道，而且冇乜薑味，但係都出奇地好飲！講返個麥樂雞，今日嘅麥樂雞炸得麻麻地，唔脆而且好重炸粉味，嗰個鹹蛋黃醬一啲都唔係心目中諗嗰隻味，雖然佢有好少嘅鹹蛋黃味，但係唔知點解佢係有一種好重嘅甜味同少少嘅酸味，um....可以話似平時食開嘅甜酸醬加咗少少鹹蛋黃撈埋一齊嘅味，所以係有啲怪，唔會有第二次囉！…Read More

食完午餐，雖然已經飽了八成，但一定要完成此次長洲之旅其中一個重要任務：「麥當勞」！長洲唯一一間麥當勞就對正碼頭出入口，由佛誕前三兩天開始，與平常日子最大分別就是「McDonald’s」招牌對上多了一個臨時宣傳招牌「齊齊齋」；意思明顯不過，就是在佛誕前一段時間，響應長洲傳統，齊齊食齋。多年之前的長洲，遊客並沒有這麼多，主要都是本港居民，外地遊客固然少，更加沒有國內自由行；加上大部份都是尊重傳統的上一輩老香港人，所以，每年由佛誕（太平清醮）正日之前的三天開始、一直到佛誕第二天將長洲所有神祇恭送回去各自的廟宇之前，全島守齋。近年，隨着時代變遷，加上遊客越來越多，守齋期名義上雖然沒有改變，但部份餐廳為了配合旅遊市場，在守齋期間也賣葷菜式 ⋯⋯ 雖然有點不太好，但長洲的傳統會社似乎也隻眼開隻眼閉。不過，「麥當勞」這一類跨國連鎖飲食集團，卻一定會做到政治正確，以顯示其尊重地區傳統的責任感。所以，今年就由5月9日晚上11時開始至5月12日（佛誕正日）太平清醮會景巡遊結束期間，售賣非肉類、非奶類、非蛋類食品；對於「麥當勞」來說，就只剩下粟米粒及薯條，所以在這幾天推出限定脆香素菇飽，否則不如暫停營業。難得有機會品嚐這一個地區限定兼期間限定（每年只推出不到四天）漢堡包，一定要試！這間「麥當勞」長洲分店雖然細細間，樓上也有少量座位；但地方實在太細小，相信即使在平時的週末週日也會滿座，何況今日是佛誕？脆香素菇飽套餐（$37）包括中薯條及汽水一杯。「麥當勞」的炸薯條質素一向幾穩定又高質，表面香脆、內裡鬆軟，每條薯條都熱辣辣 ⋯⋯ 銷量太高，差不多是即叫即炸，好難唔好食！制作炸素菇餅的主要材料包括馬鈴薯、青豆、粟米、紅蘿蔔及香菇；原來只是薄薄一塊炸素菇餅，賣相唔吸引。加上價錢唔貴，即使未食已經肯定知道沒有可能是原塊大啡菇，亦沒有太大期望；只不過，一口咬下去，味道較預期中還要差。90%以上的材料只是馬鈴薯、青豆、粟米及紅蘿蔔茸混合而成的薯泥，香菇切得極之幼細，完全品嚐不到香菇應有的綿軟、煙韌口感。只不過，緃使如何難食，這款難能可貴的「麥當勞」食品，無論如何也要一試。晚上，步行前往北帝廟遊樂場，再次經過「麥當勞」，LED顯示屏的餐牌已經完全回復正常。如果要品嚐這一個相信是全球第一的「全素麥當勞漢堡包」，又要等下一年的長洲太平清醮了！…Read More

今天入左長洲， 正正碼頭就對住間McDonald，仲有甜品站。回程趁有時間，未有船，就去買左新出既士多啤梨味新地筒，相片好吸引，一見到就好想食。朱古力脆皮草莓新地筒 $6.5，用福崗草莓，不算太藥水，價錢平，不會太高要求，可惜的是朱古力脆皮太少，未能覆蓋整個草莓新地。因我是為了吃朱古力脆皮，就有些少失望了。草莓新地筒 $5.5，朋友吃少了朱古力脆皮的草莓新地筒，平$1。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨…Read More

麥當勞又推出18件麥樂雞了, 當然要立即一試試四款滋味醬!!! 左至右順序是我覺得美味排名: 蜜糖芥末醬> 星洲咖喱醬> 四川宮保風味醬> 川式甜酸燒汁醬... Shake Shake粉還是和風紫菜調味粉, 和美式BBQ蜜糖調味粉好味!!! 紅豆特飲: 紅豆完全是當糜爛狀態, 再配上奶水一樣的液體, 視覺上和口感上同樣很嘔心!!! …Read More

朱古力批: 這批是期間限定, 所以一看見立即買!!!(請原諒我這遲到的食評...)我吃的朱古力批是熱辣辣的, 朱古力是呈流心狀態的...甜度剛剛好, 不會太甜又不會太苦!!!朱古力醬絕對沒有吝嗇, 真材實料!!! HKD 7 絕對超值!!!…Read More

由細到大，熱香餅加豬柳都係我既favourite,去親m記食早餐基本上都會叫最近出左隻韓國柚子糖漿，將我摯愛既柚子蜜同熱香餅一齊上，梗係要試下切完急不及待就食一件....😳😖一入口係柚子既酸味，同hot cakes 一齊食...好奇怪，可能我腦入面有左設定..食唔慣呢個match...都係將柚子變番做熱飲會正常啲😂😂下次都係要番原配好啲🤔Ps今日個脆薯餅稔左😢…Read More

從不曾在麥當勞吃過齋包，這天可真是有生以來的第一次。原來「麥當勞」每年在長洲太平清醮活動舉行前數天，都會特別推出只得長洲獨有，期間限定的齋包，名為「脆香素菇包」。這一天，自己因為工作所需來到長洲，正是太平清醮舉行前兩天，「麥當勞」剛剛推出這全世界吹唯有長洲才能吃到的漢堡包，不禁讓好奇的我甘心情願為它放下二十多元，一試究竟。雖然，這包的味道和口感都令自己頗為失望，算不得甚麼美味，分數也只是僅僅及格而已，但難得一次，適逢其會，也總算是一個難得的體驗吧！這包今年的供應期是12/5-14/5，假如你在這期間會去長洲的話，又會否一試？…Read More

入長洲點咗美式手撕雞堡套餐。個餐$38。上咗樓上食個新款包。個手撕雞肉包係將個切碎咗個雞肉加入沙律醬。口感有點新鮮。沙律醬加生菜再加個麥記包。個沙律醬好甜，好厚身。雞肉屬上等食材。個薯條炸到好脆。杯熱奶茶好正。香濃可口。唔駛加糖都好飲。…Read More

今日去左長洲，之後去咗麥當勞食嘢。必食嘅薯條，唔熱又唔脆，失望。菠蘿滋味蝦堡太奇怪，菠蘿同塊蝦堡太唔多夾，但唔係太差嘅. 整體嚟講我比六分.....魚柳包，越整越細個，但包身尚算軟。炸雞翼還不錯，皮脆，肉質都ok,唔乾身…Read More

又到一年一度太平清醮既日子，按照傳統，一連三日，島上居民都要守齋直至飄色完畢，而島上的麥當勞亦是全世界一間會售賣齋包。今年一連三日假期，當然要入長洲湊熱鬧啦，一踏入長洲，麥當勞熟悉的招牌展現眼前。原本想叫埋薯餅同甜筒，但原來都無得賣，聽店員講原來係製造過程中有加入非素既材料，所以齋戒期間暫停供應。試左一口素菇包，感覺有啲似蝦堡，只係中間果舊換左炸菇，但由於我自己對台灣鹽酥菇有一定的偏好，以為素菇包入面應該差唔多，原來係有一堆雜豆，但我完全食唔到完整既菇，所以都有少少失望（而且我唔係太喜歡雜豆）。…Read More

熱辣辣黎到長洲，真係忍唔住要買番杯雪糕黎降下温。 我買左杯朱古力新地黎食，食左幾啖， 已經見到中間完全係空心既，真係無奈左。 雖然d朱古力醬係香濃，生粒都幾多，雪糕甜甜地唔會太重奶味，但空晒心就真係有d失望。…Read More

等船果陣見有時間 去左對面麥當勞見天氣又熱又焗 就買左芬達冰雪新地下面嘅係芬達味嘅思樂冰 凍冰冰 消暑解渴 上面係雲呢拿味雪糕 電糕好重奶味 好滑 將雪糕同d冰雪撈埋一齊食 兩個隻味好夾 好好味 仲要大杯裝都唔洗10蚊 好抵呀!!…Read More

上星期在麥當當買了一份外賣上船吃,這新套餐名叫: 麥爆雞shake shake分享盒,正當我坐在船上,準備享用它們的時候,打開盒子後,才發現其中一格竟然是"吉"的?! .\o/.驚訝過後,我便逐一把它們吃進肚子裏,新品: 麥爆雞=KFC炸雞粒?!感覺像在吃炸麵粉團( 雞肉與麵粉比例 "1:3" )。現在知道麥當當使用過期肉及次品製作成品...OMG \*O*/已經不敢再追究了( 期間限定: 不敢吃*n*" )。…Read More

在國外，漢堡包店有素食選擇是很正常的事。但，在香港，兩大漢堡包連鎖店，都沒有真正的素包出現，就算有，都是期間限定，並不是長期供應。而且，在 Green Monday 之前，在麥當勞推出素食漢堡那期間限定 promotion 之前，素食人士要食麥當當，只有叫一個豬柳蛋漢堡走肉，或，每年在長洲太平清醮之前的一、兩日式當日，來長洲品味這一個太平清醮限定的素漢堡。是日，我們也是抱著這一個願望來長洲，不過，因為那一個素食漢堡的 promotion，直接令到那長洲限定的素漢堡全港化，而且我們來早了兩天，長洲未開始齋戒，能吃到素漢堡也是因為素食漢堡promotion，而受惠。長洲的麥當勞，位置非常之好，一落碼頭就能見到，如此位置好的店舖，的確是非大財團莫屬，大眾化，簡單而又保證好食，好多人來長洲玩，都會不自覺地，繼續吃苦悶的麥當勞。不過，前段已經說過，我們是因為想試太平清醮限定的素漢堡而來的，而這一年的素漢堡用了作全港性的素食推廣，直接令入長洲睇太平清醮食素漢堡的特色同意義失去了。這一個素漢堡，以素雜菜加菇類壓製而成，大大片的素食扒，同平常在素食食材店看到的相似，但以菜為主的扒，入口比起純以麵粉加菇頖製成的扒更可口，多了菜香，入口帶脆而內心酥化，再者，加有適當的黑椒來增強味道，味道雖沒有葷食的漢堡出眾，但入口的感覺也是奇香的。同時間的期間限定，是粟米批，在市區的麥當勞，這是一個幾乎賣斷市的東東。原因是什麼? 我們買了、吃了，就知道這東西為何會斷市。饀的內心，是清甜的，粒粒的粟米，帶著原形的甜味，真的，是非常之出眾，而且那甜味也可以說是甜入心。健康的味道，健康的漢堡，沒有想過可以在麥當勞吃到吧。素食的包包，是長洲限定，推廣限定.....不要做限定好嗎，香港有很多人吃素的啊..........…Read More