麥當勞 (太安樓)

年初二睇完煙花，心情本應興奮，但肚仔開始打鼓，搵食先係王道！諗住返太安樓應該有嘢食，點知行到去，發現好多餐廳都收咗鋪，剩低啲開緊既都逼滿人，等位都唔知要等幾耐。最後為左有得坐，唯有認命入M記，雖然無得揀，但至少有得食有得坐。點咗個，揀咗有菠蘿嗰款漢堡，加埋龍蝦湯，當自己食緊「新春限定豪華餐」。另外加多個，配粟米同熱檸茶，總算有少少溫暖嘅感覺。雖然呢餐未必係最滿意嘅選擇，但見到四周同樣無得揀但依然開心嘅食客，感覺又無咁無奈。年初二，餐廳收早，煙花再靚都敵不過肚餓。下次真係要記住，食飯先再去睇煙花，唔想再焗住食M記！…查看更多

麥當勞係小朋友至愛🍔，其實媽媽今日想帶吱吱去試試附近新開嘅餐廳，但佢點都要食麥當勞，媽媽真係冇晒乎😂小朋友去到麥當勞，最鍾意就係食薯條，第二就係食麥樂雞，所以媽媽order咗麥樂雞餐俾佢，仲加錢轉飲 佢最鍾意嘅鮮榨橙汁至於媽媽就order咗魚柳包餐，light啲，冇咁肥～…查看更多

炒蛋脆雞漢堡餐：之前都想試呢個包好耐、佢係炒蛋沙律醬再加脆雞漢堡喺中間，一打開個包真係好多炒蛋即刻流晒出嚟，我本身鍾意食炒蛋，所以都覺得冇乜所謂，炒蛋同埋脆雞嘅配搭都唔錯，再加埋少少沙律醬其實口感幾好，早餐一份係$36，包埋嘢飲同埋薯餅，呢個價錢嚟講唔算太貴，炒蛋亦都非常熱辣辣，都幾鍾意食呢個包！薯餅呢一間質素都唔錯，都係熱辣辣睇得出唔係放得太耐，再加多少少茄汁食係我最鍾意嘅配搭。最後加多杯熱檸茶。熱檸茶就正常質素吧。…查看更多

好耐冇食過麥當勞嘅早餐其實食鈣個早餐都全因為由薯餅食，單叫薯餅又貴唔抵，所以既然嚟得就當然係叫早晨全餐，今次仲揀咗珍寶珍寶早餐係畀普通早晨長餐多咗兩塊熱香餅唔知係咪連紀大咗，模擬前世歌嘅時候覺得咁好食熱香餅比較癡口，咬落去嘅時候會黐住；第一次是試食阿華田脆脆會煉奶，都幾特別，脆脆幾好味彈嘅份量都算係幾多，但係就唔夠滑但係塊漢堡扒就真係失望，非常之薄，一啲質感都冇兩塊鬆餅都好細，又唔熱，配上去嘅藍莓醬都係無味嘅最期待嘅薯餅都夠脆，但係就略嫌唔夠熱至於各港式奶茶不過不失…查看更多

每次叫親外賣，永遠都要Double check，店員永遠都會執漏嘢，返到屋企發覺，又要行返落街攞返，去到舖頭同佢講，態度仲要非常之惡劣，好似覺得我哋講大話呃佢咁，send email去投訴都唔會有人處理，呢間分店十分之差…查看更多

依家麥當勞真係好唔掂…之前叫餐企喺度等，薯條同麥樂雞都係凍嘅，同埋勁慢，要等好耐，我拎嘅時候摸到食物盒已經唔熱。今次叫早餐杯橙汁好淡，好似溝咗水咁。我平時都叫開橙汁，其他鋪都唔係咁嘅味，仲要加兩蚊要大橙汁，真係好失望，好似飲緊橙水。如果要買建議大家要揀特製，因為見繁忙時間佢哋好多食物都已經準備好，但工作人員執外賣執得好慢，所以啲食物喺個食物枱已經凍咗，或者堂食可能會好啲。或者去過第二間，呢間真係會令你失望。…查看更多

珍寶套餐(奶朱口味) $38 🌟🌟🌟🌟見到廣告佢有朱古力醬，就即係買黎試，太中意朱古力啦，無計啦。不過，應該無咩人未食過m記早餐，所以野食就唔多講啦，就講下個朱古力醬啦！本身以為朱古力醬既份量會唔夠，點知原來朱古力醬同糖醬一樣都係一盒既，好開心。但佢既醬同糖醬唔同，係比較杰身，搽係上黎就唔會流到周圍都係比較易控制，朱古力味都唔係假假地果d朱古力，所以個醬都幾好食，出色既。而煉奶就一包包，但份量都足夠既，味道就同一般煉奶一樣，無咩特別。P.s. 如果包黑椒可以多d就好啦，真係唔夠落落d蛋度啊！！！(今次個炒蛋終於無蛋殼碎，好感動。)…查看更多

The chocolate coating is quite nice. Definitely not rich and crunchy as expected, but still it gives a contrasting texture from the ice-cream inside.Then, the matcha ice-cream inside the cone is rly bland... I could barely taste any matcha in it. But well, at <$10, it certainly gives you the bang-for-the-buck value.…查看更多

晚上7時許到達，人流非常多。電子屏幕無人使用，所以於該處下單不需等候，但候餐仍需約10分鐘。職員笑容欠奉、態度麻麻。買了一份The signature collection既蘑菇安格斯配薯條，飲品選了ginger ale，不用另外加錢。當天只有麻油味shake shake薯條粉可選。約15分鐘到家後，薯條已變林，失色不少。而蘑菇安格斯漢堡雖然形狀扁塔，賣相較差，但肉的份量適中，配搭蘑菇及其醬汁亦非常可口。不會再試，但作為快餐合格有餘。…查看更多

西灣河呢間麥記d食物超差、成個包唔單止唔熱有時仲係凍、D薯條都係凍完全唔熱而且炸得好似石頭咁硬……本人食過觀塘嗰間完全相反、成個包都係熱、而D薯條都係熱又好食……呢間簡直差到不得了………查看更多

藍莓芝士批 ($8)評分：6/10～♠～新嘢報導～♠～見有新批仲要係藍莓芝士味出咗第一日即刻衝咗去試 💃 皮如同平時一樣香脆，暖笠笠 🤤 但新口味覺得還好，唔特別甜，藍莓醬味道唔太真實，似食糖漿多啲 😣 芝士味 🧀 亦都唔特出 😅 都係蘋果批好食啲…查看更多

今日同朋友跑完步,諗住走個陣行下行下覺特都幾肚餓咁所以一見到間麥記就走左入去買個板燒雞腿包餐,仲要係加大加大左可以SHAKE SHAKE薯條,要左個美式BBQ蜜糖調味粉,飲大可樂少冰排左隊我諗2分鐘就到我叫餐了,都算快架喇間野都唔係好大,不過都有位坐既叫完餐俾左錢等左大約5分鐘就有野食了可樂少冰其實都唔算好少,不過咁樣就真係岩岩好既個板燒雞腿包都OK既都幾好食,唔知係唔係因為肚餓呢?洋蔥,雞都算幾香,個汁都唔錯薯條SHAKE完又真係好似好食D咁,個BBQ蜜糖調味粉都唔錯呀…查看更多

麥當勞新出的珍珠奶茶你試過未?我今日就貪新鮮試左了，原價20.5一杯，套餐價5.5都還可以飲落去茶味不突出，珍珠有點硬而且過甜，不過兩者夾埋都ok既唔算難飲，份量都頗夠!…查看更多

新出Tabasco 洋蔥圈安格斯包，試下無妨，一次就夠。第一次中午去試堂食，打開個盒打大風咁，賣相令人失望，中午多人，應該新鮮熱辣辣整好，點知係室溫，另一失望，裡面洋蔥圈同煙肉吸曬濕氣，林左吾脆兼叫油膩，又一失望，D醬超少，令包乾身，兼冇Tabasco味，此乃最失望也，唯一安慰系塊牛夠厚。第二次比多次機會佢，5點買走。呢次有進步。煙肉夠乾脆，醬特登叫「多醬」，醬末見多好多，令個包濕潤番D，Tabasco味仍末見特出，只是千島沙律醬味，洋蔥圈依然系林。薯條要特登要求新鮮炸起才吾會林曬或起鋼。呢個包真系得gimmick.…查看更多

時間：星期六 8pm人數：2餐廳30%滿，都冇乜人，得1個人排緊隊買野食。<< 食物 >>泰脆洋蔥安格斯 套餐 ($37.8 - $5 優惠券)一條洋蔥都食唔到喎，係咪俾漏咗呢。除咗塊牛，有芝士，蛋。仲有超多醬，咇哂出黎。廣告話有濃香肉汁，忌廉芝士醬。食落幾濃味。原來唔同麥記嘅價錢可以差好遠架！😮上次喺尖沙咀果間，呢個餐$45.3。今次呢間 $37.8，平$7.5！飲品 (跟餐)唔想飲汽水，轉橙汁，得好細杯。係minute maid。薯條轉粟米 (跟餐)用新地杯裝，有大半杯。好過食薯條，健康啲。係冇牛油嘅，似整熱咗嘅罐頭粟米。朱古力芭菲 ($0，買安格斯餐送芭菲)原來呢個優惠去到6月28號。上次限咗焦糖味。今次可以揀士多啤梨 / 朱古力。上面有3塊Oreo餅仔，冇咗餅條。魚柳飽 ($11)唔夠醬，有啲乾。<< 服務 >> 點餐時唔記得講轉粟米。 同佢講，員工已經執好咗。 佢話下次做啲講啦。不過都肯轉俾我地。總共 $43.8人圴 $21.9…查看更多