麥當勞 (康麗花園)

麥當勞出咗Chiikawa系列，是近來可愛系快餐最療愈嘅一款！🧡蟹肉可樂餅漢堡套餐$47.50今期兩款新口味嘅其中之一，聽講蟹肉可樂餅更好食，幾鍾意個包身嘅口感，而且有大量生菜好清新，仲有個醬汁都好好味，至於主角蟹肉可樂餅，意外地有好多蟹肉軟綿綿的，雖然佢唔係日本正宗嘅可樂餅，口感creamy嗰一種，但味道算唔錯。🩵中薯條配櫻花蝦味調味粉(+$3.00)，Shake Shake薯條不嬲都好好食，櫻花蝦味主調就係海鮮嘅味道，正常冇驚喜，但Shake Shake薯條實在太過癮，如果薯條能夠新鮮熱辣啲就更加好，等餐等得太久。❤️焦糖燉蛋批(+$11.50)，好多人話呢個批太甜，霖迪感覺還好吧，焦糖就係好典型嘅味道，燉蛋其實係吉士，幾討厭吉士但呢個可以接受，加埋脆脆嘅批，還好吧，好食過其他奇怪味道，但前題係接受得到甜。💚Mango Frappe (+$6.00)，好多人都唔知道想要Chiikawa，係要點套餐連Mc Cafe，呢杯芒果冰雪都幾好飲，個芒果味非常之濃，拍得住果汁店嘅水準，而且會有少少芒果肉，不過飲到最後會覺得好甜，唔係Chiikawa粉絲都可以試吓呢杯。今期仲有個新品森永焦糖雪糕，好想試但如果食埋就會引發糖尿病🤣，還是下次再試吧。特別要贊一下這家Mc Cafe的店員，下單的時候問到特飲應如何下單，有位男店員非常耐心地告訴我，事後還親自示範，今時今日如果人人都有這種服務態度，那麼香港就會成為服務之都了#Chiikawa #文迪漫遊漫生活…查看更多

先報備一下🙋‍♀️我呢餐係好耐之前食既麥當勞，你話佢廉價又唔算，話佢高級又唔係，但佢就係可以係2者之間攞個平衡，確實係相當厲害既公司，佢選擇多，有唔同套餐，又可以外加小食飲品，單買又得，有咸食又有甜食，仲有素食，又有各種優惠，加上有埋mc cafe，鐘意嘆人生既人都滿足埋🫡🫡🫡而且係香港，節奏咁快既地方，佢依然跟得上👍👍環境❤️❤️🤍🤍🤍er...一般mcdonald?衛生❤️🤍🤍🤍🤍咁大型既連鎖快餐店，真係冇辦法要求太多。。。呢一間分店可以話係全屯門最大流動性既一間，無論真幫襯定入去休息既人不計其數，而員工絕對係比例最不足既一間（邊有人想同樣係mcdonald但做最忙既一間？🤣）所以衛生會係最難搞既一間，整理根本追不上進度服務❤️❤️🤍🤍🤍原因同上，客觀黎講，唔合格，但主觀說，會體諒食物❤️❤️❤️❤️❤️食物一直冇太失望，係有時某d分店薯條實在太淋擺太耐唔好食咁囉，其實薯條真係麥當勞既靈魂，好緊要。但今次我係食麥樂雞食到飽麥記麥樂雞一向好食，不過近呢幾年質量稍降，有時會食到油益味或澀味但整體說，都係值得支持既…查看更多

楓糖班戟豬柳蛋漢堡餐一直想到日本食楓糖班戟豬柳蛋漢堡，今日香港終於有售，所以第一時間去試😌但因為人太多，今日都等左大約25分鐘！期待左好耐！預咗好好味，估唔到楓糖班戟同豬柳蛋漢堡咁鬼夾，鹹甜分明，鬆化juicy口感樣樣齊，衝動想食兩個🤣更開心係過左十一點都食到薯餅！希望可以恆常發售🥳暫時未有機會去日本試，就係香港食住先，大家不妨去試下呀！…查看更多

位於新墟的麥當勞，附近都是鐵路站和各個小巴、巴士站，人流相當之多。。。即使早一至兩站前，透過 APP 下單，相隔 15 分鐘都未拎得....所以 LUNCH 同收工時間要食就真係要提早落單...…查看更多

走入啱啱裝修好嘅麥記，諗住嚟個微醺下午茶，心諗試吓佢哋新出嘅黑芝麻系列好唔好食。第一眼見到"黑麻麻麻薯扭紋麥旋風"，名噏咁古怪搞笑😂，不過好奇心驅使下，揀咗佢！色澤深邃嘅雪糕，絲滑得黎有個曖昧嘅奶香，黑芝麻嘅回味悠長但又唔會搶鏡，咁樣滑過喉嚨真係一流👍。呢隻雪糕筒自己都染咗黑，藝術感十足，雖然無黑芝麻味，不過支持創意呀！黑麻同米飯雞翼包，聽落都幾特別🍔。攬住個包，頭一啖咬落，糯米嘅黏、玉米煎蛋嘅軟綿綿，仲有芝士香氣四溢，意外地夾得正！雞翼皮香脆，肉質多汁，有股家鄉嘅溫暖味。呢個包大大件，個肚真係飽到唔使晚飯！當然，少唔得一杯清新荔枝特飲嚟清清口🥤。夏日炎炎，一啖荔枝特飲，甜甜哋中帶啲椰果嘅Q彈，想唔爽快都難！總結呢餐食驗，又驚又喜，心諗麥記仲有無啲咩新搞作？下次再來探險啦！…查看更多

次次食麥當勞包係運氣睇下薯條炸得好唔好個漢堡包整都靚唔靚汽水有冇氣....今日就選擇炸雞配latte加多個蘋果批熱量滿滿既一餐宵夜，因為未咁早訓所以叫咖啡飲。平時都係早餐先加錢轉咖啡。今日無試薯條汽水，評價唔到今日運氣🫣🫣不過炸雞靚仔，都唔係甩皮甩骨。Latte就後生仔一個人忙緊，都拉到個花出黎，麥cafe d咖啡一貫水準不過不失啦，收貨架啦。希望下次食一般餐試個3樣野可以都有返水準就心滿意足。…查看更多

這家漢堡店的漢堡包真是非常好吃！肉餅煎得剛剛好，加上蟹黃醬和生菜，非常爽口美味。麵包也很鬆軟，吃起來非常好吃。店家的服務態度也非常好，是一個很值得推薦的餐廳。另外我也很喜歡他們的薯條，熱辣辣很好味，如果有加shake shake 粉就好了…查看更多

從來未試過買麥當勞早餐會咁嬲，顯示屏製作中同請取餐兩邊都無左我張單個no(呢個已經係好常見既情況)，去到櫃檯前面見唔到我張單，咁同執餐果個人講，佢望兩望都搵唔到袋外賣，問左佢幾次都唔睬我又唔繼續幫我搵又唔叫人執，淨係係度做其他啲單，鬧佢先叫人搵，好，終於搵到喇，我叫兩個餐，佢拎黎得一袋野，又無野飲，打開睇下袋野又得一個包，終於執齊曬，返到公司一打開杯野飲，我叫奶茶佢俾檸水我，仲要個包勁樣衰想點呀😩…查看更多

好耐無去Mc食野，就決定去買脆香雞翼同豬柳蛋漢堡餐，麥當勞🍔價錢真系貴左好多，買個餐都50幾蚊🥹🥹🥹其實我鍾意係佢既士多啤梨🍓奶昔呀！雖然依家加大要加錢…查看更多

一直都唔係麥當當嘅fans,因為感覺不太健康.但間中食一餐都唔錯.星期日和老公去新墟買餸,突然間好肚餓,見到附近有一間麥當奴,就入去醫肚.老公喜歡食板燒雞腿包:板燒雞腿包係長形的,雞腿肉質豐富,加上沙津醬和燒汁,咬落鬆軟好食,整體味道不錯.我叫了豬柳蛋漢堡套餐:麵包質地鬆軟,有一片芝士、一隻煎蛋和一塊漢堡扒,係好夾,好好食.套餐還有一杯可樂.非常抵食.呢間薯條炸得好脆,但蝴蝶邨個間就唔掂啦！軟淋淋的.其實佢哋嘅食物質素,間間都唔同的.…查看更多

我係麥當勞嘅香芋批愛好者，不過可惜香芋批唔係長期有，一有會9秒九買嚟食，所以今次雖然有吉士，但都不放過。香芋吉士批：因為買返屋企食，凍咗所以焗返熱，外皮依然仲好香脆。餡料相片可見幾豐富，大大粒香芋；甜度適中；個人覺得加了吉士，會蓋過了香芋味。…查看更多

麥當勞宇治抹茶新地，茶味都算香濃，而且仲有香脆嘅花生加Oréal餅乾，口感豐富，最緊要係佢只係收你$7雞港幣，真係平到不得了，超級抵食，性價比超高，麥當勞雪糕真係越來越多花款，哈哈…查看更多

食咗個下午茶唔係太肚餓又想食啲嘢，所以決定哎個麥當勞食😎有三部自助點餐機，唔洗等太耐就有得用👍🏻👍🏻哩間麥當勞地邊夠大等餐位好寬闊，唔怕企係到等會阻到人！不過執餐嘅staff得一個人，所以等餐時間有少少耐😿哎咗一個麥樂雞餐一個板燒雞腿包餐仲單點咗個魚柳包🍔麥樂雞餐🐥🐥🐥麥樂雞可能擺咗陣，食嘅時候已經唔脆😿板燒雞腿包餐塊雞肉keep得住平時嘅水準唔乾仲有少少汁魚柳包🍔最中意食魚柳包仲醬配嘅炸魚柳 正！…查看更多

以往食炸雞只會諗起另一個快餐店，食漢堡先會諗起麥當勞，麥當奴又出HKD$120買到四個雞餐，有麥樂雞，麥炸雞。今日我就食左麥炸雞，麥炸雞炸得非常好食，個外皮炸得金黃脆皮，裡面既雞肉又非常嫩滑，一咬落口果啖D肉汁咇出黎，而一個麥炸雞餐，就有一舊雞腿扒+一舊雞棒棒腿，唔會俾雞胸肉你，所以成舊炸雞都唔會「好鞋」。而且係飲品方面都有好多選擇，汽水（可樂，雪碧，芬達）之外，仲有奶茶，咖啡，檸檬茶俾你揀，不過呢一間麥當奴既茶底比較苦，所以杯檸檬茶就麻麻地了。…查看更多

好耐唔食一次麥當勞，今日個女話想食，就帶佢去食一次滿足佢……入到去見到冇乜人即刻叫嘢食，因為趕住去接爸爸收工，只可以買外賣返去食…叫左巨無霸餐加大，豬柳強餐同開心樂園餐嘅豬柳漢堡餐……點知一返到屋企，阿強唔見咗，食豬柳強就係為咗阿強，但係竟然就變咗一個用豬柳強紙包住嘅豬柳漢堡，同埋一個正常豬柳漢堡🤦🏼‍♀️點解豬柳漢堡要易服？阿強你到底去咗邊？😣😣😣講真真係失望…點解可以唔檢查清楚就交比客人？如果話客人都有檢查嘅責任，唔通我見到用豬柳強紙包住嘅包，我要打開佢望下佢有冇強先走？我覺得呢個係整包嘅員工嘅問題☹☹☹…查看更多