麥田廚房

今日去係銅鑼灣唔知食咩好😂就試下一間叫麥田廚房既特色俄國菜首先叫左個小食 - 芝士熔岩牛油雞卷佢面頭係芝士熔淋左落去牛油雞卷勁香既cheese 😍😍佢格黎會有d蕃茄配菜 會增加多d色彩個牛油雞卷都幾脆個面而個雞都幾滑整體黎講都算不錯之後就黎個龍蝦湯係超正, 有勁大既龍蝦肉係入面每一啖都係湯加龍蝦肉, 係真材實料!!!最後就叫左個主菜鮮茄焗雜菜意粉最鍾意食鮮茄加上最近食得太多肉所以叫左個雜菜意粉就岩岩好啦…查看更多

今日同fd黎到食間麥田廚房食俄國菜其實唔知俄國菜同其他西餐有咩分別都係叫左正常既野食, 哈哈就係俄式串燒牛柳同燒肉眼配燒汁要試下俄式既串燒牛柳同其他有咩分別先~俄式串燒牛柳佢一舊牛柳格住一個青椒咁樣感覺唔會淨係食肉好似健康D咁~之後我個FD就叫左依個燒肉眼配燒汁好多肉汁, 同埋最重要係一D都唔硬如果2種比較既話燒肉眼好食D同特別D~因為出面好多時都得牛柳食但燒肉眼就唔係成日有得食再加上佢配埋個燒汁, 味道就更加昇華…查看更多

話說今日黎左依間麥田廚房食俄國菜餐廳環境氣氛都好好裝修夾雜住中式同俄式 夠特別影返幾張相打卡都無問題最重要係坐得舒服 自然食得開心1.流心芝士牛肉漢堡啖啖牛肉配上啲醬汁 一流如果中意食漢堡一定要試下呢個2.牛尾湯個湯好足料…查看更多

第一次食俄國菜，羅宋湯好濃，胡椒味同個湯好夾，係呢到既招牌之一。至於肉眼扒就煮得好林身，基本上唔洗配燒汁都已經好好味，反而燒汁有少少搶左牛扒既鮮味。最後有個銀雪魚柳，彈牙，而且煎得好香脆。最鍾意係個魚柳，比平時食既更爽更彈牙。雖然本身未試過俄國菜，但我都好鍾意佢整佢來既食物既味道。…查看更多

餐廳佈置得幾靚，好鍾意D俄羅斯娃娃，仲有暴力熊。由於未試過俄國菜，所以專程黎試下，好fusion 下嘅菜式，好似西式﹑韓式同埋俄式醬料擺埋一齊，整體算唔錯，沙律同個醬汁嘅配搭幾清新，串燒D肉質都還可以。…查看更多

何謂俄國菜？好耐之前已留意依間餐廳，因為香港少數自認為俄國菜。我沒有去過俄國，對俄國認知係--俄國牛柳絲飯，小時候就係大快樂食過。但係依餐，真係完全打破了依幾年的期望羅宋湯，侍應介紹較綿。不覺得煎牛咸俐，好味，太細粒豬扒，很厚，多肉汁，蘋果醬做得可好魚，夠香，但媽媽話有點腥雖然都算好食，但不感受到俄國色彩。九龍人難得過海想食特色野黎講，都幾失望餐廳入囗亦不顯眼，沒有招牌人客不多地方很乾淨酒店的餐廳，椅子都唔算舒服…查看更多

見到呢間比較特別，係俄式風格嘅西餐廳，就諗住嚟試吓。午餐餐牌都幾多選擇，但係有D嘅價錢都係比較貴。餐湯羅宋湯真係比普通嘅羅宋湯唔同，係俄式嘅羅宋湯，味比較濃嘅。蒜蓉包係脆嘅但係唔夠味。話說我幫阿媽叫住嘢食先，因為阿媽未嚟，係幅相👇🏻就見到侍應特登攞隻碟，蓋住個湯等佢唔好凍晒👌🏻。沙律菜比較乾同埋好細碟，D汁有啲甜，食唔出係咩汁😓。🥗黑椒煙鴨胸沙律（$138）鴨胸都幾多塊，但係好多肥膏。啲沙律菜同頭盤嘅沙律一樣，同埋啲汁都係一樣比較甜冇乜花款，唔抵食😓。🐟香煎三文魚柳番茄刁草醬配意粉（$142）三文魚柳幾細件，但係都煎得幾好味外脆。意粉都唔少，同埋煮得啱啱好。啲番茄汁比較甜，我個人唔係好鍾意。餐飲都比較細杯，但係啲味道唔錯。咖啡嘅奶唔係熱嘅。侍應嘅服務態度都幾好，餐廳比較細最好book埋位。但係我唔會特登嚟食。坐近窗位先比較光，坐裏面就比較暗啦。…查看更多

入數碼港前在約男友在銅鑼灣食個靚靚西餐作開始，上網search到麥田廚房評價不錯，又係少有既上海派俄國菜，所以就去一探究竟。星期日下午時分沒什麼人，所以可以靜靜地享受一個悠閒午餐。 比個餐牌大家睇睇先店門口放著一套俄國套娃，非常精緻。店內木製的椅桌，工業風的裝修，bar 枱放著很多某牌熊公仔，加添了一點色彩。 木枱上介紹了上海派俄羅斯菜的由來，可惜影濛咗我地叫咗一份香煎三文魚柳蕃茄刁草醬配意粉，以及秘製咖喱吉列豬扒飯。湯我地揀一紅一白，忌簾湯奶味比較重，覺得都唔錯。而羅宋湯茄味比坊間既重不少，不過又幾甜，料都好多，總之就好味啦。主菜三文魚煎得太熟、皮亦唔脆有點失望，不過碟上其他食物都好好食，尤其是個意粉，好香，個醬我差唔多用哂。 三文魚下的薯蓉亦香滑，成碟不經不覺就存放了在我的胃內咖喱堅係秘製喎，一般辣，食落有種麻麻地脷既感覺。 豬扒大大塊，炸得都算幾脆，唔錯唔錯雖然午餐黎講唔算係好平，不過呢個環境同食物質素都算值得既。…查看更多

「麥田廚房」屬香港少有的俄國菜館之一，並揉合上海菜的原素。在餐廳的內部，見得最多的擺設是俄羅斯娃娃，亦有一系列暴力熊 (？) 公仔整齊排列在水吧位置。 「上海派招牌羅宋湯」是餐廳的招牌菜，湯汁調厚，甜重酸輕，牛肉投入量不算少，味道不俗。 「香煎帶子沙律」簡單以醋汁調味，並以帶子作點綴，平實無華。 「麥田脆炸雞翼」製作熱辣香脆，只是略嫌老火了一點點。 「香煎牛舌粒」沒有預期中的爽彈感，反而有些似吃鹹香餐肉的感覺。 「傳統迷你蝦多士」出品薄脆香口，蝦膠見彈，讚！ 「俄式薄餅」以俄式薄餅 (小蛋糕) 作底，面上唧上酸忌廉及放入紅魚子醬，味道以鹹鮮的魚子醬為主，酸忌廉及甜蛋糕作襯托，輕輕調和魚子醬的重味。 接下來是豬牛羊三道大盤，當中以「香煎黑毛豬配蘋果汁薯角」最為吸引，豬扒大塊鬆軟，輕蘸玉桂蘋果醬口味佳。至於「俄式串燒牛柳」及「俄式串燒羊 • 雜菜沙律」的製作都未予驚喜，牛柳稍鹹，羊肉羶感不重，約八成熟度味道比牛柳稍勝一籌。再來三客飯麵主食，同樣以鬆軟豬扒作代表的「茄汁焗豬扒飯」水準最佳，飯粒乾身富嚼勁，芝士茄汁酸香可口。焗飯表面適度燒焦，亦是另一惹味源頭。「黑椒牛柳絲意粉」及「俄國牛柳絲飯」勻以牛柳入饌，選材大條，厚切充實。前者以黑椒香味作主導；後者味道相對平和，汁醬調味佳。整體來説，小編對這間「麥田廚房」評價正面。雖然説是俄國餐廳，但其實大部分小吃大盤對港人而言並不陌生，可以試試。 …查看更多

餐廳細細間，坐得舒服。少少俄式，又有少少中東色彩。有好多俄羅斯子母公仔，又有好多巨型 lego 公仔，好靚，好特別。waiter 好細心，會介紹食物俾我哋。推介香煎牛舌粒，好好好味，內軟外脆，未曾試過咁好味既牛舌 香煎黑毛豬，又香又軟又有肉汁，煎得剛剛好 Girl talk，當然要食甜品 甜品選擇唔太多，雪糕好似就只有雲呢拿味。不過， 配料新鮮，剛剛焗好的迷你薄餅，內軟外少少脆，好味！推介呢間，一定要再嚟，食下其他菜色。…查看更多

羅宋湯發源於烏克蘭，是在俄羅斯等東歐國家流行的一道湯羹。前蘇聯年代的十月革命，很多皇家成員和商人怕被迫害，並連同家中僕人和廚子流亡到中國各地，其中主要的就是上海。他們很快就落地生根，當時有不少山東人跑到上海，跟白俄廚子學煮俄國菜，並調校成貼近上海人口味的「海派羅宋大菜」。其中有一道酸甜爽口的俄式紅菜湯，後來被上海人改良成了如今的羅宋湯。那「羅宋」二字源自早年上海的洋涇浜英語，是「Russian」的音譯，指的就是俄式。四、五十年代初期，很多上海人過來香港定居，各區都有俄國大菜的西餐廳，簡直風靡一時。時代變更，傳統不再，現在很難找到傳統海派俄國菜，而麥田廚房的葉師傅就是其中首批俄國大菜的老師傅，入廚快四十年的他現在全力教授兒子Andrew並希望將此菜式傅承下去。店主Andrew除了想繼承父親的手勢外，還想要傳承這上海派羅宋大菜的文化！ 羅宋湯實在太好喝，據說俄國人在喝光羅宋湯後，還會用麵包將碗底擦得乾乾淨淨！俄式紅菜湯辣中帶酸，酸甚於甜，上海人並不習慣，後來受原料採辦及本地口味的影響，原本的主角紅菜被卷心菜、番茄、胡蘿蔔等十幾種蔬菜取代，酸味減淡，上海人喜歡的香甜味則大大加重，漸漸形成了獨具海派特色的酸中帶甜、甜中飄香、肥而不膩、鮮滑爽口的羅宋湯。海派羅宋湯與原版俄式紅菜湯之食材差異，還有另外一大原因：當年在上海租界的俄式餐廳，牛肉和紅菜頭版本的羅宋湯價格不菲，特別喜歡這道湯的上海人在「盜版製作」的時候，覺得牛肉太貴，紅菜頭又不好買，所以自創了海派羅宋湯，結果這道湯的大眾化速度遠遠超越了俄版。這款貧民而經典的羅宋湯裡，最主要的食材就是紅腸、洋蔥、馬鈴薯和番茄醬，蔬菜則是卷心菜或胡蘿蔔。 真的！跟在外面的很不同！不會被茄膏搶了味道，相反，由於有大量蔬菜，比較清甜，又帶點牛肉味❤️想不到蝦多士都係傳俄國菜！跟中式的有點不一樣，很酥脆的喔！ 俄式羊肉串燒上菜的時候真的有點像印度餐或土耳其餐都是配有很豐富的沙律菜的很貼心 因為我喜歡菜夾肉吃減低油靜膩感還好這羊不很油，咬開還帶點juicy的而且沒有很重的香料味，驚喜👍🏻流心芝士漢堡滿期待的一道菜，有點新潮做法的漢堡流心沒有令人失望，芝士夾牛絕對是天生一對，很喜歡💕女生食飯小不了甜品，點抵道傳統的這pancake小小一塊，厚厚實實的味道甜甜比較像一件小蛋糕蛋味很濃，配雪糕，讓蛋糕像海棉吸了雪糕汁，這樣吃最美味了…查看更多

羅宋湯真材實料，鮮牛肉味濃郁，飲到係用心製作前菜恰如其分，咸牛脷輕食配酸菜沙律，喚醒個胃，準備享受晚餐羊架嘅肉處理得很幼嫩，有我喜歡嘅羊酥味，同介辣薄荷醬極襯。可惜係又係酸菜+沙律菜，如果係薯角或者薯茸，作為主菜比較合適。俄國牛柳絲飯，係最無特色之選，$138大家唔好試嘞聯想唔到有咩俄國味道 環境可以，未full book，可以傾到計食完整餐，完全無俄feel，真係失望啊不過，當一般餐廳咁去試吓還可以。…查看更多

剛從俄羅斯回來，就對俄國菜念念不忘。在openrice 尋找俄國菜式食店時卻發現香港只有零星幾間，其中一間就是麥田廚房。它是一間俄式上海菜。所以就約了朋人一起前往品嚐。 麥田廚房的裝修明顯是花了心思，一進門就見到放置了數個俄羅斯娃娃的玻璃櫃。由於當日人比較少，所以環境清靜，是聚會的好地方。俄國菜最出名當然是羅宋湯。我們當然是叫了。主菜就叫了蘋果汁配黑毛豬。肉排十分厚，配上熱熱的蘋果汁，味道不錯。7點前還有happy hour 時段，叫1杯酒另1杯可以半價！整體來說，價錢偏貴，人均要$400多才飽肚。食物質素算是不錯，但這價錢可有更好的選擇。…查看更多

朋友話帶我去食俄羅斯菜，未食過俄菜既我覺得好好奇！細問之下先知銅鑼灣果間麥田廚房就係專食俄菜。上海派招牌羅宋湯 ($58) 呢個湯係呢度既特式招牌菜，係真材實料煮成，湯底好濃稠。帶點微辣超級惹味😻 不得不提入面既牛肉煮得好冧好吸湯！俄式薄餅 ($158/4粒) 有薄餅，酸忌廉同紅魚子醬。呢個樣既薄餅我都係第一次見😂 佢比較似一舊雞蛋糕，食落好鬆軟，蛋味好重😻 紅魚子醬食落好鮮味，加埋忌廉口感更滑。香煎黑毛豬配蘋果汁，薯角 ($228) 黑毛豬好冧好鬆軟，好香點埋啲酸酸甜甜既蘋果醬中和膩感🤤 朋友對呢度既蘋果醬讚不絕口!俄國牛柳絲飯 ($138) 呢個睇落普通到唔普通既飯，食落都幾特別。呢個汁稠到好似湯咁，淡淡地，有少少似薯仔湯，但撈飯食好正好滑!! 牛柳絲份量好多，都夠冧。…查看更多

今次落銅鑼灣食下一D特別O既菜式, 上網 search過呢間上海派俄羅斯菜式o既o野, 見D comment都唔錯, 而且又唔遠, 所以決定book位去試一試… 間餐廳一入到去, 環境好靚, bar枱上同下都有好多公仔, 而且環境好舒適…坐低O左, 枱面有張紙介紹上海派俄羅斯菜嘅由來, 終於明點解又上海又俄羅斯菜…今次就ORDER O左俄國菜最出名O既羅宋湯, 見食評個個都叫, 所以我都叫O黎試下先….個湯十分足料，可以話一半係湯, 一半係湯料, 雜菜同肉係煲得好淋身, 個湯唔會好似平時飲開O個D咁, 落蕃茄糕得D顏色而冇味道…唔怪得係必點推介之一….另外,,, 我地叫O左個蝦多士…..炸得好酥脆金黃，幾有咬口…再配上沙律醬更好味, 而且佢隻碟係雲石碟…好靚….之間再o黎多個羅勒香草醬帶子炒意粉….帶子好大粒, 意粉唔會炒到好油,, 之後o黎埋個羊架,,呢個真係值得推介….外面煎到好香, 有少少濃邊, 好香脆…我地叫左7成熟, 所以入面仲係好淋身…真係好好味……查看更多