鹿鼎薈鹿角靈芝火鍋料理

寻晚喺太子附近行街，见到呢间新开灵芝主题火锅店，趁个温度仲凉凉地，一于快快手打多次边炉。餐厅座位做到好似每枱有个包厢空间咁，基本上唔会见到其他枱的客人。招牌灵芝四季清润椰子鸡汤底 （含灵芝及清远鸡半只）$208汤底好足料，有齐灵芝片、马蹄、竹蔗茅根、椰子肉等嘅材料，店员建议我地落食物之前要试一试个汤底，个汤底果然好清甜，而且入喉非常舒服，好有清润感觉。跟埋个汤底有半只清远鸡，半只鸡份量唔少，而且肉多唔肥，肉质嫰滑有弹性，食落冇雪味。西班牙黑毛猪片 $138有8大块黑毛猪片，食落肉质细嫩且富有弹性，带有浓郁猪肉原味而冇猪骚味。自家灵芝响铃 $68唔知系咪因为响铃面舖满灵芝粉嘅关系，呢度嘅响铃味道多个层次，食到淡淡药材味。本地牛肉丸（8粒）$88呢度牛肉丸唔系平时食到口感较扎实𠮶种，而系有啲似饮茶食到蒸牛肉球𠮶种质感，所以肉质会再嫰滑啲。灵芝海中虾滑 $98虾滑都有加入灵芝粉，同埋除左食到弹牙口感外，仲可以食到有一粒粒新鲜虾肉。菠菜苗 $48有机玉米 $38呢度蔬菜类食物都好新鲜，食落好鲜甜，可以中和整餐火锅肉食嘅油腻。瑰荔堂煌 $108（买一送一）我地一入枱，店员就拎左两杯呢款鸡尾酒welcom drink俾我地试饮，店员介绍𠮶阵讲系话用左灵芝白酒去调配，而呢杯鸡尾杯确实系非常容易入口，因为系加左橙汁同蜜桃糖浆关系，好啱女仔饮，加埋有买一送一优惠，我地最后都再order左两杯。另外想赞一赞呢度嘅服务做得好好，我地食左差不多一半时间左右，有店员突然主动提出话想落啲灵芝粉喺我地个汤底度，个作用系可以减少汤底入面嘅嘌呤，食打边炉可以keep住健康啲，当然啱哂我地啦。…查看更多

喂！各位食肉兽同养生达人注意喇！今次同大家介绍嘅「鹿鼎荟」真系坚离地佢哋个安格斯牛柳粒蕃茄薯仔汤底，一上枱已经赢晒！汤底用咗大量蕃茄同薯仔熬成，饮落去酸甜开胃，劲有果香。啲安格斯牛柳粒油脂分布匀循，落汤渌一渌，入口即化，肉味浓得嚟又吸晒蕃茄汤嘅精华，正到爆！跟住必试嘅系灵芝津菜饺子！你无听错，真系落咗鹿角灵芝落去㗎！但放心，一啲都唔苦，反而带啲甘香，同清甜嘅津菜猪肉馅出奇地夹，咬落去爆汁之余，感觉成个人即刻「灵气」咗，补气养神，食多几只都唔怕滞！压轴梗系佢哋个招牌灵芝四季清润椰子鸡汤底啦！呢个真系无得顶，清甜到不得了！用上原个椰青水做汤底，再加入鹿角灵芝同嫩滑鲜鸡一齐滚，饮一啖，个汤又甜又润，充满椰香，灵芝嘅功效慢慢渗出嚟，感觉成个肺都润晒，喉咙好舒服，打完边炉都唔会热气，系女士同怕热气人士嘅恩物！=「鹿鼎荟」呢个灵芝火锅系列，绝对系养生同美味嘅完美结合。今个秋冬想进补又唔想食到浓油赤酱咁滞，嚟呢度打个灵芝边炉就最啱数，包你食完暖笠笠，精神爽利！…查看更多

# 【食评】太子高质灵芝主题火锅店 —— 鹿鼎荟灵芝火锅 火锅店咁多，但系以灵芝做主题嘅就真系少见。今次嚟到太子呢间楼上火锅店 **鹿鼎荟**，用餐体验可以话系几特别。 ---## 🏮 环境同气氛 一入去已经感受到同一般火锅店唔同，装修华丽大气，用嘅餐具都系金光闪闪，摆设带少少中式古典味，感觉高贵有格调。环境干净阔落，唔会觉得迫，坐得舒服。 ---## 🍲 汤底 我哋拣咗 **醉鸡汤底（$208，附灵芝+清远鸡半只）**。 - 清远鸡肉质嫩滑新鲜，食得出鸡味同香浓嘅花雕酒味。- 汤底带有淡淡灵芝香气，唔会太浓烈，饮落清清地，健康感十足。 - 加咗少少花雕酒之后，汤底即刻多咗层次，味道更加圆润。 ---## 🥢 精选食材 - **蒙古羊肉片（$98）** 完全冇膻骚味，羊味香浓突出，薄切易熟，涮完入口软嫩。 - **灵芝四宝丸（$98 / 8粒）** 四款系虾丸、牛丸、墨鱼丸同灵芝猪肉丸，呢个系店嘅招牌之一，用料足，口感弹牙，仲食到淡淡草本味，几特别。- **云吞（$88 / 8粒）** 我地拣左虾同韮菜双拼，大粒饱满，皮薄馅靓，落锅之后仲保持到口感，唔会散开。- **脆肉鲩鱼腩（$88）** 新鲜无腥味，肥美滑溜，涮几下就食就啱啱好。 - **金钱牛肚（$78）** 爽脆入味，吸晒汤底精华，好正。 - **出前一丁（$18）** 火锅必备，最后落去吸尽汤底精华，完美收尾。 ---## 🍹 特别体验 途中店员仲送咗小食（脆卜卜嘅灵芝七味脆脆）同埋一杯灵芝酒，酒杯仲有金鱼图案，打卡感满满。呢啲细节令成个用餐过程更有特色。 ---## 👩‍🍳 服务 店员态度好好，经常过嚟加汤，问有冇需要，介绍食材都好有耐性。仲会主动送小食同酒，同埋俾我地试佢哋嘅灵芝粉，话会减少汤底purine，仲送多几包我地返屋企煮嘢同冲都得，令人觉得好贴心。 ---## 💰 价钱 今次两个人埋单 $915（已包一成服务费）。虽然唔系平，但考虑到环境、食材新鲜度同埋特色主题，都算系值嘅。 ---## ⭐ 总结 **鹿鼎荟灵芝火锅** 成个概念几新颖，以「养生 + 火锅」结合，食材质素高，服务好，环境有格调，系一间值得同朋友或者家人一齐嚟试嘅特色火锅店。 👉 **推介指数：★★★★☆（4.3/5）** 📌 必试：醉鸡汤底、蒙古羊肉片、灵芝四宝丸 ---…查看更多

见到呢间火锅有做灵芝火锅, 认为比较几新颖, 于是入黎试下~老板声称自己系70岁，而且基本上一星期都食5日灵芝左右无论打边炉/煲汤，都会落灵芝粉所以今次我哋打边炉都唔例外，要试吓佢地招牌灵芝火锅🍲！先黎一杯🥃cocktail茅台酒加入左少少灵芝, 喝下去无咁伤身 / 宿醉而且有微微的荔枝、玫瑰味, 所以喝下去很清甜, 非常易入口~再送一份餐前小食: 灵芝七味脆脆小食，表面放上灵芝粉，再带微微辣味，尤其开胃另外再order左一壶灵芝茶:有沉香，更有减肥功效，喝下去苦而不涩~鹿鼎五色海鲜·灵芝养生锅套餐招牌灵芝四季清润椰子汤底店员建议可以饮汤先，尤其清甜，之后再放海鲜入去烹调~蛏子皇（涮煮20-25秒）可以不用蘸任何酱汁，吃下去非常弹牙，尤其新鲜~台山蚝（涮煮4-5分钟）涨卜卜超级肥美，鲜味十足，而且不会有任何腥臭味~鲜鲍鱼（涮煮20-25秒）鲍鱼切成一片片，煮一阵仔就可以享用，口感无庸置疑系好弹牙啦~大花甲（涮煮20-25秒）无任何沙粒，吃下去好淡淡肉好新鲜，餐厅选择的海鲜食材绝对系高要求~吃到一半，店员会中途放灵芝粉，会减少「嘌呤」店员亦送了2包灵芝粉，无论之后熬汤/在家打边炉，都可以放入去一齐煮架~手工韭菜饺子🥟好丰富的韭菜馅料，饺子皮亦唔会太厚，放入口size刚刚好~手工鲜丸 (云吞，虾丸，墨鱼丸)云吞馅料都好丰富，有原粒虾 & 猪肉，皮薄馅靓~虾丸 & 墨鱼丸绝对手打制造，口感弹牙灵芝蟹籽墨鱼滑墨鱼滑弹牙，配上粒粒蟹籽一起吃，有粒粒涨爆口感~而且配上灵芝，感觉无咁肥腻~田园蔬菜前面食咁丰富，当然要食返D蔬菜中和一下口腔肥腻感~个人比较推荐食淮山，真系好清甜~日本芋丝份量非常充足! 口感爽脆~蓝莓🫐芝士奶冻 配 灵芝酱酒餐厅奉送的甜品，放上酱酒一起吃，一开始会以为好难入口，酒精太浓烈估唔到配上奶冻一起吃，可以balance返~而且好match!!…查看更多

太子新开灵芝主题养生火锅店 汤底都同食材都以灵芝入馔 有生猛海鲜同手切本地牛仲有靓环境 我地试左呢个$688既五色海鲜·灵芝养生锅二人套餐 一次过试晒咁多款高质养生食材🤗🍲 灵芝养生汤底试左招牌灵芝四季清润椰子鸡汤底 打边炉前先饮啖靓汤 清甜滋润 喉咙好c服😌 清远鸡半只 皮脆肉嫩 再加入鹿角灵芝片同养生食芝灵灵芝粉 汤底同食材越煮越提鲜 甘甜唔苦涩🦐 生猛海鲜 精致海鲜盘包括 蛏子皇 台山蚝 游水中虾 原只鲜鲍 贵妃蚌 全部饱满鲜甜 店内仲有即捞即切既活龙虾同加拿大象拔蚌 非常吸引🐮精选手切本地牛有牛颈脊 牛爪边 金钱牛腱等唔同部位 试左平时少见d既牛爪边 位于肩胛同肋骨附近既部位 口感嫩滑 带少少筋膜既爽弹 油花分布均衡 牛香四溢 唔洗点酱都已经好好食 岩晒牛魔王🥰🍢 特色小食有灵芝七味脆脆 椒盐鸭舌 百花酿油条 炸午餐肉 响铃 全部都系用灵芝油炸出黎 当中既多糖可以分解油腻 食完唔会热气 送酒一流🥟 手工配料套餐包括手工韭菜饺子同手工鲜丸 最中意梅菜猪肉丸 大粒弹牙 猪肉同梅菜咸香非常之夹😍 仲配埋新鲜蔬菜篮 除此之外仲有多款养生配料 例如原筒花胶 竹笙 配养生汤底都好推介自家制灵芝cocktail亦都好有特色 椰子蜜露充满椰香同酒香 容易入口 鹿角沉香茶充满回甘 仲有助改善眠排毒消滞~…查看更多