鷹巢

前排去左旺角希爾頓花園酒店入面嘅「鷹巢」中菜廳開餐 完全係估唔到咁有驚喜一入到嚟就覺得好恬靜舒適 同出面旺角鬧市係兩個世界 位與位之間夠闊落 坐得好舒服 傾計都私隱度十足 服務又好 一家人嚟食飯成個體驗都好好秋高氣爽 又係食蟹粉既時候 今次我哋叫咗啲時令嘅菜式《八寶芝士焗釀元貝》個元貝大隻好厚肉 面頭層芝士焗到金黃色 一拉開見到入面啲料多到瀉！八寶餡好豐富 芝士味香濃但又唔會搶咗元貝嘅鮮味 太遠正！《蟹肉燒釀滑豆腐》呢個真係考功夫 外面煎到微微香口 入面啲豆腐滑捋捋 加上滿滿既鮮甜蟹肉 清淡得嚟又好味 老人家同細路仔實鍾意《蟹粉扒豆苗》金黃色嘅蟹粉多到呢 每一啖豆苗都掛滿濃郁蟹粉 仲食到一絲絲蟹肉 甘香到不得了！個豆苗又嫩綠冇渣 完美配搭！《原個菠蘿黑豚咕嚕肉》個賣相已經贏晒！原個菠蘿上枱 咕嚕肉用咗黑豚肉 食落特別鬆化 個外皮脆卜卜 個酸甜汁調得啱啱好 仲有陣陣菠蘿果香 唔會得個酸字 好開胃！《生炒臘味糯米飯》呢碟飯夠鑊氣 ！糯米飯炒到粒粒分明 乾身唔油膩 臘味嘅油香同鹹香滲透晒入每粒飯度 食到尾都唔會覺得膩 係完美嘅句號！整體嚟講 呢餐真係冇揀錯地方 由頭好食到尾 服務又貼心 如果想喺旺角搵個地方靜靜地、舒舒服服食餐高質粵菜 鷹巢絕對係一個好選擇！👍…查看更多

入座舒適,餐廳職員安排座位,枱距有保持合適間距,唔會聽到隔離枱對話, 一讚!兩位經理彬彬有禮, 仲識講笑氹得屋企人幾開心,感覺不錯!最後點左個set meal,言語間經理透露食物都係師傅即叫即製,所以需要小小時間等待,傾傾下計, 其實食物好快就到,＊普洱香茶先來一口香茶,醒神解膩,迎接黎緊既美食!＊杏香荔蓉帶子酥外皮佈滿杏片, 帶子飽滿香嫩,配上特製醬汁,不錯!差D忘記影相!＊花膠菜膽龍皇杏汁白肺湯花膠白肺足料! 感覺滋潤, 舒暢!媽咪仲講笑, 皮膚好似即刻令左!＊薑汁炒芥蘭份量剛好, 清菜過後就準備重點的鮑魚!＊原隻南非九頭鮑魚鮑汁撈麵鮑魚軟燸香甜, 撈麵爽口, 假如有生菜伴碟撈汁,相信更加舐舐脷!＊水晶桂花糕略帶小甜,傳統糕點, 屋企人至愛!＊陳皮紅豆沙有時候會怕陳皮味太重的紅豆沙,呢個味道適中,亦唔太甜,幾好! 閒時小聚一餐, 媽咪幾鐘意,酒店環境, 小小儀式感, 見媽咪一路chill下,一路分享圖片比朋友,有時快樂就係咁簡單!離開時見到隔壁台蜜汁叉燒, 好似幾吸引,下次再黎試!…查看更多

屋企有長老生日所以襯住restaurant week訂左收藏左好耐，位於Hilton Garden Inn中菜廳鷹巢去慶祝。今次點既晚餐套餐一共有八道菜，以擺盤獨立上菜，精緻高貴感滿滿。金牌叉燒王拼冰燒三層肉叉燒唔止香口咁簡單，外層燒過帶少少焦香，肉質軟腍得嚟層次感十足，肉味濃郁到食完仲有回甘！冰燒三層肉個皮脆卜卜，入口即融。海螺芝士焗釀加拿大扇貝扇貝本身嘅鮮甜完全被芝士同醬汁吊出嚟，驚喜在於咬到埋藏喺裡面嘅海螺肉，口感瞬間升級，滿滿既海洋鮮味花膠菜膽龍王杏汁白肺湯用左原條花膠筒黎烹調，湯底醇厚帶杏汁清香，滋補感十足福祿瑤柱富貴包腐皮吸滿咗濃郁上湯，一切開瑤柱肉粒餡料湧出，非常多汁，味道鮮美又有口感！欖角陳皮骨陳皮嘅微酸好過癮，平衡咗排骨嘅油膩，外層炸到脆口但又保留到肉汁魚湯鮮蟲草花浸時蔬特別清新解膩，魚湯鮮甜，蟲草花增加咗一絲特別嘅口感。原隻南非九頭鮑魚撈麵粗麵彈牙爽口非常掛汁，原隻鮑魚炆到軟淋淋好入味。水晶桂花糕清香解膩，用黎做成餐飯既結尾恰到好處。…查看更多

假期前嚟「鷹巢」食Lunch，果然無失望！午市套餐性價比高，點心款式多，樣樣都試到。最驚喜係懷舊錦鹵雲吞，外皮脆到不得了，個酸甜汁係精髓，仲有叉燒、蝦粒，食落好過癮！點心拼盤都好高質，蝦餃、鳳眼餃新鮮足料，春卷脆身唔油膩。啫啫唐生菜夠鑊氣，瑤柱蛋白炒飯亦夠香口。不得不讚服務，換碟加水好主動，全程食得好暢快！絕對會再嚟！…查看更多

首先，杏香荔蓉帶子酥🍤，外皮酥脆，內餡滑嫩，杏香味恰到好處，讓人一口接一口，回味無窮。花膠菜膽龍皇杏汁白肺湯🥣，湯頭清甜鮮美，花膠大條，口感彈牙，搭配濃郁的杏汁。薑汁炒芥蘭🥬，清脆的芥蘭與香濃的薑汁完美結合，為這道菜增添了獨特的風味。原隻南非九頭鮑魚鮑汁撈麵🍜，鮑魚鮮美入味，搭配濃郁的鮑汁，麵條滑順，每一口都讓人感受到奢華的享受。最後，甜點環節的水晶桂花糕🌼清甜可口，口感Q彈，讓人愛不釋手；而陳皮紅豆沙則香濃順滑，為整頓飯畫上了完美的句號。餐廳的環境優雅舒適，服務人員熱情周到，讓整個用餐體驗更加分。這次的美味饗宴讓我和媽媽都非常滿意，期待下次再來！🥳…查看更多

今次同朋友嚟食lunch，特別點咗招牌豉油雞，雞肉嫩滑入味，皮脆肉香，豉油汁甜鹹平衡，淋飯一流，啖啖都停唔到口，絕對係亮點！另一個試咗XO醬炒蘿蔔糕，糕質鬆軟，XO醬鮮辣惹味，配埋金牌叉燒，肉質鮮嫩多汁，甜蜜不膩。湯品如白玉藏珍，燕窩配瘦肉，清甜養生。飲品選蛋白杏仁茶，香濃滑順，解膩解渴。份量適中，味道地道，食完身心滿足。不過，負評係價錢偏高，一人午市套餐約$200-400，豉油雞單點過$300，對於旺角區嚟講性價比一般，尤其無優惠時略貴。菜式選擇雖多但變化唔大，素菜款式少，適合肉食者多過素食主義者。高峰期座位擠迫，雖然環境靜但人聲稍鬧，影響輕鬆感。豉油雞雖好食，但汁水有時過濃，食到後段略鹹。整體而言，鷹巢食物質素穩定，豉油雞係必試之選，環境酒店級，但若求平民價就唔係首選。下次會試片皮鴨！…查看更多

生日驚喜飯局👨‍👩‍👧‍👦 一家人早排去咗旺角希爾頓酒店二樓嘅【鷹巢】，為哥哥慶祝舊曆生日，送上小驚喜。餐廳環境高雅，服務貼心，菜式精緻得嚟又有心思，每一道都食得出廚師嘅誠意。🍖 金牌叉燒皇 配 秘製蜜餞豆叉燒焦香甜美，肉汁鎖得好實，咬落去有種「皇者」風範。蜜餞豆甜中帶豆香，好有懷舊味，令人回味童年茶樓時光。🥩 鐵板京蔥爆西冷牛肉鐵板滋滋聲一上枱就吸引晒目光，牛肉嫩滑，京蔥香氣撲鼻，醬汁鹹香惹味，配白飯一流，差啲忍唔住叫多碗。🥣 白玉藏珍外表清雅，內裡藏鮮。好似一碗靜靜地講故事嘅湯品，唔浮誇但好有心。🍤 香煎海鮮琵琶豆腐外脆內嫩，煎得啱啱好，海鮮餡料啖啖鮮味，形狀似琵琶，擺盤靚靚，打卡一流。🍚 櫻花蝦海皇蛋白炒飯炒飯粒粒分明，唔油膩，蛋白滑溜，櫻花蝦香氣突出，海鮮配料唔馬虎，有種「清爽版豪華炒飯」嘅感覺。🎂 壽桃壽桃一出場就好有儀式感，外皮軟糯，內餡香甜，唔止係食物，仲係一份祝福。哥哥妹妹都話好有趣！🌕 低糖豆沙月餅豆沙滑而不膩，低糖設計食得安心。中秋未到，已感受到團圓氣氛最尾有職員一齊舉生日燈牌唱生日歌😊…查看更多

上星期一家人去左旺角希爾頓酒店嘅鷹巢食中菜☺️真係超滿足呀，個個都大讚好好食😋而且環境寬敞 坐得好舒服👍🏻🔸八寶瑤柱冬瓜盅消暑極品 夏天享用最適合✅ 湯色清如琥珀，冬瓜盅內藏乾坤，有帶子、燒肉、蘑菇、蝦仁等等，食材真係超豐富呀😍 因為加咗海鮮，所以湯頭特別清甜🫶🏻🔸海螺芝士焗釀加拿大扇貝加拿大扇貝 超大隻，肉質彈嫩🙂 扇貝上面鋪上濃郁芝士同鮮甜螺肉，烤焗後充滿奶香同鮮甜味，必食呀！🔸燒雞肝拼蝦多士雞肝塗上蜜糖之後先燒，甜甜地好特別👍🏻 而蝦多士炸得超級酥脆，蝦膠彈牙，大人細路都超鍾意食😂🔸鐵板京蔥爆西冷牛肉鑊氣十足，超級惹味🙂 西冷牛肉片軟嫩多汁，京蔥辛香撲鼻，醬汁濃郁入味，送飯一流🤩🔸鮑汁雞粒荷葉飯揭開荷葉瞬間香氣四溢，粒粒米飯吸滿鮑汁精華，雞粒同香菇增添口感，好好食😋…查看更多

鷹巢位於旺角希爾頓花園酒店，網上對他口碑不錯，特別係金牌叉燒，假日就去試一試囉😍😍✨金牌叉燒王配秘製蜜餞豆叉燒的肉質鮮嫩， 蜜味多汁，外層呈現誘人的紅色，並帶有微微的焦香。當你咬一口，甜中大鹹的醬汁瞬間在口中散發，令人回味無窮😋😋✨皮蛋瘦肉粥粥底質地滑嫩，米粒開花，散發出濃郁米香。皮蛋煮至軟綿，入口即化，和鹹香瘦肉鮮味交融，加上薄脆，豐富層次口感，令人食指大動👍✨水晶鮮蝦🦐🦐外皮薄而柔韌，口感滑嫩。內餡的鮮蝦爽彈鮮甜，配上辣椒醬， 更添風味😋😋😋✨布拉腸鮮蝦腸粉🦐🦐外皮薄而有彈性，鮮蝦肉質鮮嫩多汁。淋上鹹甜醬油，使整體味道更豐富，味道更可口😋😋✨蛋黃千層糕層🍰🍰外層蒸包鬆軟有彈性，配上香濃鹹蛋黃奶黃，一層蒸包，一層奶黃，層層交替配搭，咬下去時能感受到其細膩質地，口感亦豐富，帶來極大享受🥳🥳✨百花釀魚肚🐠🐠魚肚吸收了上湯和鮮蝦鮮甜精華，鮮蝦肉爽口，加上蟹籽點綴，滋味無比😋整體而言，環境舒適寬敞，食物質素不錯，不妨一試。…查看更多

5大1小慶祝父親節，父親都十分滿意。我們沒有叫套餐（套餐6位3900元左右起）我們散叫了家常餸，最好味了冬瓜盅因為在出面枱分，沒有拍照，湯好清甜，料十足，有些帶子切片，肉及燒鴨的鴨皮，一口鴨皮及清湯是一種特别的配合，十分回味。其他餸菜質量很有水準，叉燒大大厚切，但有点肥及小許筋。皮琶豆腐外仍脆，有点莞清香不覺膩。荷葉包飯的真的帶荷葉香味。咕嚕肉帶子薑粒，以為食梗波蘿但原來是薑，醒神。埋單約$2850有小貴，但以坐的環境及質素是合理的。…查看更多

#爸爸叻叻豬系列 🙌🏻🥰為慶祝母親節，爸爸安排了位於旺角希爾頓酒店的鷹巢餐廳晚餐。這裡環境優雅，氣氛寧靜，非常適合家庭聚餐。😘享受了一頓美味的晚餐。😋😋多款特色菜餚，首先是金牌叉燒皇，搭配蜜餞豆，甜鹹交織，令人回味無窮。燒雞肝拼蝦多士新穎搭配，雞肝香濃，蝦多士酥脆，口感豐富。香煎海鮮琵琶豆腐外酥內嫩，鮮美可口。主食蟹肉燴伊麵蟹肉鮮甜，伊麵爽滑，非常入味。仲有品嚐了端午的經典瑤柱金腿鹹肉粽和黃金香滑蓮蓉鹼水粽，兩款粽子都非常出色，讓人感受到端午的氣氛。去到我哋見到做緊端午節優惠，鷹巢自家製端午美粽可享8折優惠，滿$388免運費。希望未來每年都能聚在一起慶祝，留下更多美好的回憶❤️🤗…查看更多

旺角希爾頓酒店既🦅鷹巢啦😍地點夠哂方便，仲要每道菜都好好味呀😍金牌叉燒皇 配 秘製蜜餞豆 尼個叉燒真要超讚呀👍外皮脆香，肥瘦均勻，夾埋蜜餞豆一齊食，味道更豐富😋百花帶子釀啤梨 鮮甜既帶子配上清甜既啤梨，口感絕配👍欖角陳皮骨 肉汁細嫩配上欖角陳皮加蜜糖煮成既醬汁，真係好惹味香口，送飯一流👍日本南瓜賽螃蟹 用原個南瓜出場既南瓜賽螃蟹，真係超有驚喜❣️蛋白十分幼滑，配上蟹肉同南瓜既鮮甜，真係好好食鴛鴦桃酥大蝦球蝦球超鮮甜彈牙，兩款口味各有千秋❤️經典瑤柱金腿鹹肉棕絕對係佢地既招牌❕選用特級鹹蛋黃，加上五花肉，仲有超大粒粒完幹貝、金腿、大花菇、 栗子，真係勁鮮味，作為糭怪既我真係大愛呀😍黃金香滑蓮蓉鹼水粽鹼水糭非常黏糯，配上香甜幼滑蓮蓉餡，點d砂糖或蜜糖，香軟煙韌真係絕配😋每道菜都好好食呀😋下次家庭聚會又多個選擇啦❣️婆婆一家好鐘意食❤️🌟阿媽我超鐘意食糭，來緊端午節，可以入定幾隻糭送俾親戚朋友或者自己食😋…查看更多

係酒店中菜廳飲茶食個靚包，適逢端午節飲茶仲可以食埋粽，你話正唔正？💗覺得正就快啲訂位同屋企人一齊去 #旺角希爾頓酒店鷹巢中菜廳 chill吓啦！ 🌱瑤柱金腿鹹肉粽🌱足料餡鮮，豆蓉樸實綿香，金腿鹹肉肥瘦適中，冬菇瑤柱栗子精華入晒糯米，啖啖豐富啊！🌱黃金香滑蓮蓉鹼水粽🌱有咸粽又少得甜粽呢？蓮蓉幼滑微甜，好清新好啱春夏天食啊！🌸鳳鳥歸巢鹹水角🌸造型100分，中式點心真係好精緻啊，外脆內軟，餡料調味好恰當。🌼熊貓蓮蓉包🌼蒸完都咁靚證明好有心得，唔止外型靚蓮蓉包餡料都好好味，唔捨得比茶茶食多個😆🌸木瓜椰汁糕🌸橙白色好搶眼，凍上甜點好清甜，係輕盈甜品之選🌼蛋黃千層糕🌼蛋黃鹹中帶甜，食到流沙蛋黃口感，正！🌸脆皮金粟墨魚餅🌸好耐未食過咁足料嘅墨魚餅，入面嘅蔬菜配料配搭好好，味道層次提升咗唔少，晚餐做小菜都好適合啊！…查看更多

今次專程去希爾頓花園酒店試下佢地中菜廳推出既套餐鷹巢精選嚐味二人餐8️⃣道美食各有特色，賣相同口味都相當出眾金牌叉燒+蜜汁燒脆鱔呢味顏色澤鮮明對比，叉燒肥瘦啱啱好，嫩軟多汁。燒脆鱔外脆內軟，配埋微甜嘅蜜汁，賣相更加出眾。一啖一件，滋味又滿足。福祿瑤柱富貴包賣相好靚！高湯瑤柱煲做底，黃金福袋飽滿圓潤，呈現出金碧輝煌海中寶。真係要相機食先呀。杏香荔蓉帶子酥外型好似盛開蓮花，咬落去外脆內軟，裡面係大大件帶子鮮嫩欲滴，好驚喜。是日份湯大大件完整花膠相當吸睛，好足料好滋補養生。經典瑤柱金腿鹹肉棕大大隻鹹肉棕，配料有瑤柱、火腿、豬肉、鹹蛋黃、香菇同綠豆等，好足料好好味。黃金香滑蓮蓉鹼水粽鹼水粽內有香滑嘅蓮蓉，配以白砂糖或蜜糖一齊食，唔同食法一樣既享受。一餐完整既中菜，點少得蔬菜、飯、甜品方魚炒芥蘭鮑汁雞粒荷葉飯甜品三重奏（手製客家欖仁豆沙茶粿、新疆棗皇糕、桂圓蓮子燉桃膠食完一餐，視覺味覺以及心靈都得到大滿足…查看更多

真係太差，差到要第一次係openrice打食評！本身母親節訂左位，6點左右入座，當時得我一枱客，單點左4款菜，等左成個鐘都仲未上到一款菜，但係過我入座個幾枱客已經食緊第2-3款藥，當時入座率一半客都冇，餐廳並唔係忙，我追左幾次，職員都冇回應過我地啲菜幾時上，態度極差，由其是個位黑色衫既應該係經理，同佢講等左成個鐘幾時會上菜，佢竟然答我：「我點知啊」之後就走左，呢個係四星級酒店嘅態度？ 仲衰過街邊茶餐廳…查看更多