鳥十

大圍圍方現代居酒屋鳥十空間感充足坐得舒服，Dinner Set 好抵，適合約會同朋友聚餐 🙆🏽‍♀️ 餐廳旁就係 Pet Friendly 嘅商場平台，見到好多狗仔勁 Cute 😻❀ 嚴選二人前｜$688⋄ 松葉蟹肉釜柚子沙律清新之選，蟹肉份量超多，配以爽脆沙律菜、蟹籽同柚子酸汁，令人胃口大開 ☀️⋄ 刺身四點拼盤吞拿魚腩、油甘魚甘香肥美，赤蝦大隻甜糯 🦐 時令深海池魚經炙燒香氣突出，魚皮微焦好正！套餐加 $228 就有一份日本海膽刺身，海膽 Creamy 鮮甜完全無苦澀味，絕對無將貨就價 🙂‍↕️⋄ 天扶良盛合炸粉十分薄脆，油溫控制恰到好處、帶子配以紫蘇葉更清甜 ✨ 另外點咗舞茸，炸後仍保留菇香；三蟹卷內有乾坤，紫菜中係濃郁嘅蟹膏及蟹肉，鮮味突出好好味 😋⋄ 網燒安格斯牛扒牛肉軟嫩多汁，牛味濃而不膩，份量好足食到好飽 🤣⋄ 名古屋風豆腐雞白湯濃厚湯底熬到膠質出晒嚟，豆腐細膩豆香，幸福感滿滿 💛⋄ 迷你香蔥吞拿魚腩蓉丼雖然話迷你但份量毫不手軟，吞拿魚腩蓉鋪到滿一滿，油脂豐富美味 ☺️居酒屋梗係要食串燒，雞皮燒得乾身金黃，表面唔油但仍保留肉汁；牛舌、雞腎簡單鹽燒爽口脆嫩，火候拿捏得宜，素菜方面燒豆腐、山芋都好好食 🤤📍 鳥十大圍車公廟路18號圍方2樓233號舖…查看更多

慶祝屋企人生日，提早訂枱嚟試午餐。第一次入去入面頗寬敞，而且座位之間位置充足唔會太迫。餐牌上選擇眾多望咗一段時間之後先落到單三個人叫咗五款菜。牛油果軟殼蟹卷軟殼蟹酥炸脆而且卷物上面有部份沙律醬，屋企人最愛沙律醬，食得滋味。牛油果算新鮮配上酥炸軟殼蟹可以解膩。餐牌上展示咗各式各樣嘅丼飯好吸引，揀咗我嘅最愛帆立貝三文魚子丼。帆立貝滿滿鋪起丼飯上非常吸引，而且鋪成花嘅形狀，有部份都頗厚切好有口感。帆立貝、三文魚子新鮮鮮甜，但最後食唔晒啲白飯🤣另外仲叫咗兩個午市套餐。午市套餐有沙律菜、麵豉湯同埋茶碗蒸等配菜.所以如果一個人食午市套餐，絕對夠飽。叫咗一個壽司八件配烏冬套餐一行三人share食壽司，擺盤好靚而且用金色嘅碟裝住啲壽司令人好有食慾🤭本人食咗兩至三嚿壽司，全部都沒有腥味，壽司飯份量適中好食。刺身非常有魚味係食得出嘅新鮮。最後叫咗另一個午市套餐內串燒有驚喜，蘆筍豚肉啦調味足夠，唔會淡而無味。另外淮山串燒非常爽脆，以及雞軟骨棒十分有口感。套餐內，有五款壽司刺身，三文魚厚切嘅，蝦頭鮮味最後叫咗天婦羅炸得唔會太老，而且食完唔會有油膩感 ，輕嘅天婦羅感覺。整體所有嘅食物不錯，感覺下次會再嚟 …查看更多

很久沒有吃居酒屋了，那天A編和朋友相約大圍找happy friday的晚餐，其實很少在商場吃居酒屋，但這間氣氛和食物的性價比都不錯，晚市幾乎滿座～～
𝐌𝐞𝐥𝐭𝐢𝐧𝐠 𝐃𝐚𝐭𝐞𝐬 𝐌𝐞𝐧𝐮 特別推薦  ✍🤎 壽司盛合 🍱
9件壽司每款都很鮮美，三文魚籽非常甜，個人很滿意吞拿魚、三文魚和帆立貝的口感，壽司飯裡已有wasabi，非常好吃！

因為本人是吞拿魚愛好者，所以也另外加點了中吞拿魚壽司和大吞拿魚腩壽司，有入口即融的感覺，過關！
🤎 牛油風清酒煮蜆 🍶濃郁酒香配以新鮮的蜆，兩個人食份量剛剛好，喜歡清酒的朋友把湯幾乎all clear✨
🤎 每日現串「三黃雞」系列串燒 🐓點了鮮雞腎($45)、鮮雞心($38)和鮮雞肝($38)，只能說內臟真的很好吃！！而且不是每間居酒屋都有雞心，配上特製醬汁口感很好～

兩個人吃了人均大概HKD600，我們除了以上的特推菜式之外，也吃了烏冬、餃子等多款飽腹感重的菜式，總結而言質素很好、環境舒服適合聊天，所以值得約朋友一試！…查看更多

上星期喺鳥十食咗幾款推介菜式，感覺好滿意。龍蝦雜錦刺身丼用料新鮮，龍蝦爽口，刺身選擇豐富，食落去清甜舒服。本鮪三味就更加特別，可以一次過嚐到三種不同部位，口感同味道都好有層次。加拿大海膽天婦羅炸得輕脆，咬開就聞到海膽嘅鮮香，份量啱啱好。最後嘅紅豆年糕燒，外層香脆、內裡軟糯，甜度適中，作為收尾好適合。餐廳環境寬敞整潔，氣氛輕鬆，員工態度亦都友善細心，令整個用餐過程特別舒服。無論係同朋友聚會、同家人一齊，甚至一個人慢慢歎，都好啱。…查看更多

🍱呢間日本餐廳整體表現出色，料理精緻且層次豐富：三文魚丼油潤滑嫩、入口即化，三色吞拿魚丼魚味濃郁，配搭恰到好處；白身魚柚子沙律和柚子他他清新醒胃，香氣宜人；赤蝦刺身加檸檬油鮮甜爽口，燒鱈魚乾香脆惹味。湯品方面，菇湯自然甘甜，海鮮湯濃厚鮮美，既暖胃又暖心。🪷餐廳環境優雅寧靜，座位寬敞舒適，令人放鬆愜意；服務方面尤其值得讚賞：上菜節奏恰到好處，送菜時細說食材與食法，提升整體用餐體驗；結帳時高效率又有禮貌，予人賓至如歸的感覺。✨整體而言，無論食物質素、環境氛圍或服務細節都令人滿意，是一間值得回訪的日式餐廳。…查看更多

自己一個去鳥十食飯都幾chill！叫幾款都夠滿足，位置闊落整體環境舒服，每道菜都啱心水，會再encore！🥢 ☺️時令生蠔超新鮮，配上醋汁啫喱同日本蔥，酸酸哋好開胃，生蠔鮮甜無腥味！海膽軍艦紫菜脆身，海膽今次正常發揮！火炙三文魚芝士魚皮卷簡直不得了！火炙三文魚本來好食，加埋芝士咸香同魚皮脆脆超夾，食落層次豐富！係一定要食！串燒系列（白鱔／黑豚蘆筍串／日本黑豚五花腩）全部燒得啱啱好！白鱔燒到皮脆肉嫩，黑豚五花腩肉汁爆出，豚肉配蘆筍冇得輸～牛油風清酒煮蜆係MVP!!!!!!!!! 蜆肉超飽滿厚肉鮮甜！加上湯汁有牛油同清酒香氣融合，真係想飲埋落肚！…查看更多

去開大圍做野順便去咗大圍圍方鳥十，想自己一個夜晚靜靜地坐下食日本野。貪佢環境安靜舒服，坐得自在。本身想飲下酒但平日就留番下次先，叫左下面呢啲野食壽司赤身：厚切新鮮，無腥味。帆立貝：好鮮甜，鮮味濃。甜蝦：彈牙又爽口，好甜。玉子壽司：蛋香濃郁甜甜地，唔乾身。串燒五花腩：肥瘦適中，燒到香脆，夠惹味。白鱔：焦香重，肉質有彈性。大蔥雞肉串：雞肉滑，大蔥半焦帶甜，夾埋一流。天婦羅舞茸菇舞茸菇天婦羅外皮薄脆，咬落仲有清香菇味，唔覺油膩，特別有驚喜。整體食物好味材料新鮮，環境一流，價錢中等，但以質素嚟講都算抵。自己一個食冇壓力，下次會想再嚟同朋友可以飲埋酒同試埋其他菜式。…查看更多

最近去咗鳥十食午餐，真係好抵食！百幾蚊就可以享受到前菜、沙律、小食同埋甜品，性價比高！百幾蚊除咗有一個丼飯之外，另外仲有5件壽司set，本身以為另外五件壽司都應該係啲比較普通嘅壽司，點知竟然有比較貴嘅選擇😍超驚喜佢哋嘅魚生非常新鮮，每一件都切得好厚，每一口都可以感受到魚肉嘅鮮甜，由擺盤都可以睇得出係花咗心思，完全冇腥味，真係好好食！總括來講，鳥十嘅午餐真係一個唔錯嘅選擇，無論係食物質素定係價錢，真係好值得一試。下次一定要再去，試下其他嘢！…查看更多

今日下午我嚟到圍方呢間日本餐廳，想試下佢哋嘅午市套餐，真係非常抵食，價錢大概$130左右，包埋前菜、沙律、小食同埋甜品。首先，前菜嘅沙律新鮮，口感清脆，仲有少少醬汁，令我食得非常開心。接住就係我最期待嘅魚生飯，真係超級新鮮，魚生款式多到眼花繚亂。我選咗鰻魚，仲有一隻燒刺身，味道非常好，鰻魚肉質滑溜，配埋飯一齊食，簡直係完美！小食方面都有幾款，味道都唔錯，甜品就係一個清新嘅水果拼盤，食完之後心情都好好。最重要嘅係，呢間餐廳嘅服務非常好，員工都好有禮貌，令我感覺好受歡迎。總括來講，呢個午餐體驗非常滿意，絕對會再嚟試其他菜式！如果你鍾意日本料理，圍方呢間餐廳真係值得一試！…查看更多

同朋友去咗大圍嘅圍方食lunch行過見到佢哋嘅lunch set都幾抵食刺身二百幾蚊左右超多款刺身，而且刺身都非常新鮮同埋厚而且仲有麵豉湯同茶碗蒸食我哋仲追加咗免治雞骨串！呢個超好食！但係佢哋晚餐比較貴，所以lunch set都不錯，而且好少人…查看更多

念念不忘富山新鲜美味價廉的魚生，心想在香港應無法遇到。本來打算吃烏冬算了，還是錯有錯着去了，$158 有七款魚生的丼，最肥美是霧炙左口魚帶裙，份量是兩條長長的，似其他店祇是一小片，微炙的帶子特別鲜甜，蟹膏竟比東京的蟹道樂更滋味，吃來滿口蟹的鲜味，吞魚腩茸份量不少，十分肥美，拌醋飯吃是極品，特別要讚是鲜磨的秋葵，和精心的plating，送上的丼飯，真如藝術品，充滿誠意。這丼飯的確可以令香港人暫時去日本。…查看更多

那天跟朋友庆祝生日， 因为靠近她家， 订了鸟十， 总体挺失望😕1） 订了位置， 到的时候人不多，但是代带位的就随便给我们一个中间的位置，后来在我要求下，就才让我们做窗口位，其实那我为什么要订位？2）还没进店的时候，在外面闻到一股很大的腥味，整个晚上也是被那股腥味围着， 然后靠近8:30的时候，他们开始洗shushi bar时候，又闻到洗洁精的味道，那算高级餐厅吗？3） 服务也是让我最失望的地方， 9:10就过来收盘子但是我们都还没有吃光东西，就已经准备拿走，是我叫他留下来的。当初我们连茶都喝过了，也不来加茶，那就等于赶客了后来9:30的时候，就要求我们先买单， 我们也埋了， 然后9:50的时候基本上就一直催我们走了，4）食物味道还可以，但是性价比确实蛮低。48块1条串串，那是一个怎么样的概念。两个人吃了 1000 块， 这个服务应该是不合格了。整体感受很差，如果Lubuds集团是打算定位高级餐厅的话，那鸟十恐怕差太远。 …查看更多

聽日好想食壽司，因為好耐冇食魚生啦！去大圍就試吓呢間新商場嘅餐廳！個門口有啲隱蔽，搵咗一輪先搵到🤣🤣原來攝咗喺入邊！地鐵站出口一上電梯嗰層原來就係2樓🤣有午市自選檔！其餘嘅Menu其實上佢個官網都:)揀咗一輪我哋就要咗一個刺身檔同埋一個刺身定食share，交換一啲大家想食嘅魚生！我就想食海膽沙律要求左走沙律醬！佢呢個沙律菜嘅沙律醬係芝麻即係肥嗰隻🤣有個前菜小食就係側邊嗰個應該係業績蘿蔔絲加一片非常薄嘅獅子狗沙律菜，好新鮮！有海膽係要加$38 ，加拿大海膽三片，幾新鮮幾Creamy，唔算太澎湃不過:)有啲餐有跟海鮮蒸蛋，不過自選檔就冇，海鮮蒸蛋雖然好細碗幾啖食晒，不過好好味而且仲有好好味嘅銀杏，即係我哋中國叫白果我嘅刺身！兩片鯛魚好味！不過唔知點解鯛魚成日都係切得好薄，而三文魚我平時唔鍾意食覺得呢度嘅比較新鮮冇咁腥我都肯食！油甘魚好肥美！比朋友揀嘅自選檔厚同埋肥！朋友嗰個燒油甘魚係三片薄片，但係甘香:)唔知我嗰個係咩蝦，呢度就係赤蝦，我嗰個蝦就係啡色 好少日式餐廳系呢隻，早知問吓侍應！筆記都唔錯，試咗一遍 不過就冇乜特別普通貨色唔係新鮮冇染色嗰種食飯唔多嘅？我哋未夠飽，加多個煙燻火雞片沙律沙律醬另上，佢呢個沙律醬係柚子醋好味！我都掂咗少少。煙燻火雞片其實係好似煙三文魚咁嘅味。下晝。因為呢間間餐廳價位都比較偏高，睇完Menu覺得108個燒魷魚好似性價比高啲 但係原來上枱係細咁多！不過食落都鮮味，醬汁太多重咗味少少 🤏整體環境同服務質素都非常之好甜品係蕨餅，不過有啲林唔算優質，係不過不失咁…查看更多

之前同屋企人去咗呢間喺圍方嘅日本餐廳。位置當然無可挑剔，喺大圍站行過去，只係需要5分鐘都唔使。平日人就唔多，通常都唔使等位，服務合乎預期，係有時有一兩個侍應會扮見你唔到或者掛住同其他人傾偈。食物選擇同種類與其他普通日本餐廳差唔多，都係有刺身、壽司、鍋、天婦羅、小食(例如串燒蜆等等)俾你選擇。食物質素同味道有一定保證，不過一分錢一分貨，價錢都頗貴。因為同我一齊去食嘅屋企人都胃口偏大，最後兩個人係食咗$1300。我覺得總括而言，食物質素係幾好，不過性價比唔係好高。…查看更多

嘩！Mar15在圍方晚飯，剛剛遇着啱啱鳥十的四位料理長將解體原條藍鰭吞拿魚刺身！$40 一盒四片，買了三份回家品嚐！🐟🐟🐟新鮮的藍鰭吞拿魚片，高品質且口感豐富，刺身的味道鮮美，質量上乘！絕對是一個值得嘗試的美味選擇！這個活動相信成功吸納了一班新顧客，對鳥十的其他料理也有期待☺️🌟食評指數：9/10💁🏻‍♀️人均消費（外賣 pop up）～HKD100🗺️ 地址：shop 232, 2/F, THE WAI#twfood #twjollyfoodie #JKHK…查看更多