鯛魚魚湯專門店

午膳時段去試試這家店，12:00剛開門沒什麼人。這裡原本是出名烏冬的，但我對烏冬很一般，就點了個湯飯。鮮帶子三文魚籽湯飯，特價$128，用一個小鍋盛着，頗大碗，份量合格。魚湯還好，但其實可以更鮮一點，可能要再多加魚骨。點主食可以加$18點鯛魚片。點的時候我以為是魚生，照片看起來的就是魚生啊，可是來的是魚片湯。魚片湯本身可以，只是和預期有點出入。同行朋友點了一個羽衣烏冬，烏冬看起來扁扁闊闊像河粉，但吃下去是烏冬的味道，有興趣就可以嘗嘗。要提一下，這家店不會主動提供茶水，但明明杯就在當眼處，我們去到的時候根本就沒有其他的客人。當我們吃得差不多真的有點口乾，問侍應要兩杯茶，她的態度很愕然，反問我們是不是真的想要。我們聽到她反問也是呆了一下，之後她就端上兩杯滾水。像這種日式小店，這樣的態度真是遠低於預期。…查看更多

開咗個新站而家嚟九龍城方便好多 唔想食泰國嘢就嚟試吓呢間鯛魚專門店 門口都幾日式 不過入到去就冇咗呢個感覺餐牌啲嘢都幾吸引 👇🏼鯛魚濃湯烏冬配日式鰻魚飯 鯛魚湯冇失望最鍾意呢啲重魚又冇乜味精湯 👇🏼日式鰻魚飯 呢個反而幾有驚喜 食鰻魚仲多過食飯 加埋啲味素 好滋味👇🏼安格斯牛肉蕃茄鯛魚湯 反而呢個我又覺得冇乜特別 唔似安格斯牛嘅質地 感覺都只係一般牛👇🏼跟餐加咗個小食 炸蝦 正常👇🏼叫咗兩支蘋果梳打同哈密瓜梳打 哈密瓜就麻麻哋 反而蘋果都ok 最後都係建議大家食返啲招牌嘢就夠 仲有舖頭淨係收現金～…查看更多

去完法國醫院睇醫生，原本諗住行去九龍城食泰國野，但太多又唔知邊間好，行到攰攰地是但入左一間，我鐘意食海鮮，見有蜆又有蝦仲魚湯就試下，間鋪幾細間下唔多客本身無乜期望，但野食上左比我想像中算好，蜆有成7隻，都大隻又無沙，蝦應雪藏但都大隻實淨，個魚湯我都ok （唔鐘意既人唔知會唔會覺得腥），佢d湯飯有d脆脆地仲有海帶，比我想像中用心，六十零蚊我覺得ok了。係個環境差少少，同埋食食下枱底有隻細飛蛾嚇一嚇，不過個鋪頭職員（定老細？）都好好，即刻過黎問咩事有咩幫手，好好禮貌。…查看更多

禮拜六落完雨又濕又熱加上肚仔唔太餓就同男友簡簡單單食個湯飯算啦。男友之前喺北角返工食過佢哋嘅北角店話都幾好嘅一入到去經過門口風閘位之後我就覺得有d焗，然後聽到隔離枱叔叔同佢朋友講:呢度都幾部5匹冷氣喎，跟住我就向上望下，咦，又係喎，但叔叔可能睇漏左部冷氣無開㗎⋯⋯咁我都真心覺得焗就開自己開手提風扇仔囉。講食物～海膽魚湯飯：海膽新鮮無腥味無怪味，份量都好標準，不多也不少，配珍珠飯正常口感，有大葱，木耳，玄米，豆皮配襯恰到好處，但個湯呢，唔知點解有點熟悉，似魚米定湯加個湯底味，希望我係錯覺啦。男友食~蒜片牛柳粒配魚湯烏冬： 配料同湯飯一樣只係主食變咗烏冬，我只食咗幾粒牛柳粒，蒜片香脆，牛柳粒係全熟嘅，但好在只有少少鞋但唔un嘅，炒得幾香單講食物有資格攞美味emoji, 但天時暑熱坐滿9成客都唔開齊冷氣就真係唔得囉，費事問係因為男友話佢會話壞咗囉，問嚟做乜呢🙄…查看更多

記得之前食過鰂魚涌果間，太震撼味蕾，好好食，今次黎到九龍城，一於試下分店手勢如何。我叫左豬扒小食，crazy地大份😨😨😨同埋炸得好好，非常酥脆之餘仲要唔會油，佢有個架隔一隔d油，d肉都唔鞋口，佢仲要即叫即炸，試枱果刻仲要熱辣辣，呢個推！之後我再叫左個龍蝦，佢啖湯好鮮甜好好味，龍蝦又大隻，啖啖肉，仲有連菜都好多架！呢個好抵食！另外呢個牛肉蕃茄都唔錯，唔係茄膏味，真蕃茄，d肉多到唔使錢咁，都幾淋身，份量好多！…查看更多

第一次寫食評勿見怪係九龍城 成日經過，見到入面Weekend又full house的日式湯飯 同朋友好奇入嚟試試。晚市食左海膽湯飯，整體味道還可以 （加飯湯海膽），湯味道偏鹹，超重胡椒味，湯冇乜魚鮮味。朋友嗌咗海鮮烏冬,啲蜆肉有沙，成碗烏冬食咗幾啖就冇食了。我自己到訓覺前都仲覺得頸渴 懷疑味精落重咗少少試一次就得，應該唔會有下次。冷氣十分凍，來建議要帶褸。終結係十分失望，同建議可以落少啲味精…… 飲左幾杯水都仲頸渴…來九龍城都係試返啲正路泰國菜，潮州菜，日式燒烤…以上為個人論點，不喜勿插。祝大家身體健康，飲多啲水…查看更多

之前一直想試鰂魚涌分店好耐但係未有機會，尋晚在九龍城，知道有分店，二話不說即刻去試，我係真心寫食評出黎，因為期望愈大失望越大一打開門只一枱客，不過無關係，九龍城平日夜晚都唔係好多人，坐低後我叫左鯛魚片湯烏冬，首先碗湯係微熱唔算好熱，個烏冬仲係原個餅狀係個湯入面，仲係小小硬硬地身要用筷子用力了散，我見個烏冬係熟熟地唔係凍同好硬，所以照食，唔想退貨麻煩，湯底好鹹，好重胡椒味，好腥，完全唔好味唔清甜，碗野係用難食黎形容，食左兩啖已經放低左，最令我驚訝係個烏冬仲可以餅狀放湯就送出黎比客人食另外男朋友叫左個雞白湯沾面，相比起個烏冬，沾面味道正常，可以食完一碗，但係有小小奇怪係隻滷蛋係熟蛋，唔係半熟蛋，係全熟蛋黃…查看更多

為慶祝加拿大國慶放假一天，雖然為了避開鬧市的人群與狗隻而沒有去銅鑼灣、旺角等人又多，狗又多的地區，還是趁熱鬧來到地鐵剛通車沒多少天的九龍城，打算在午飯過後在新開的宋皇臺站乘地鐵回家。雖是假日，九龍城一帶一向不會太多人，但這天九龍城的人流比以往的確多了不少，大量的遊人從宋皇臺站的九龍城出口湧出來，讓這一帶熱鬧多了。也所以，還未到中午十二時，多間區內有點名氣的食肆都要排長龍等位。不想等位的我，結果終於找到這間在中午十二時才開門營業的「鯛魚魚湯專門店」，可以在它開門不久便入內吃午餐。店名「鯛魚魚湯專門店」，當然要一試它的招牌鯛魚湯，所以便點了店舖推薦之一的「鯛魚片魚湯烏冬」（$75），一於好事成雙。魚片魚湯兼而得之。這裡的各款烏冬，都可以加錢加料，從花膠（$30/4件）、鮑魚（$28/隻）、帶子（$18/隻）以至墨魚丸（$18/兩粒）等等都有，只要肯付款，要幾豐富都可以。而我就另加了廣島生蠔（$18/隻）和八爪魚（418/3片）做餸。這裡的鯛魚湯底的確不錯，甜而有魚味，配以軟滑的烏冬和鯛魚片，加上廣島蠔、八爪魚片和少許配菜，清清的，都幾好味。老婆仔不想單吃烏冬，便點了她最喜歡的「日式鰻魚飯配鯛魚濃湯鳥冬」（$108）。她的烏冬跟我一樣，就不多說了。鰻魚飯的鰻魚份量不少，澆以濃甜的鰻魚汁，單看那模樣已覺吸引，把鰻魚件、鰻魚汁拌勻下面的白飯吃，暖洋洋，甜滋滋，滋味無窮，讓它輕易地成為人歡喜的 Comfort food。稱得自己做鯛魚魚湯專門店，這兒的鯛魚魚湯當然有相當的水準，想不到，它的鰻魚飯也不錯呢！…查看更多

「九龍城不只是泰菜」之三今日愉快的中午，去左鯛魚湯專門店黎一個濃濃鯛魚湯，開個good dayMenu上有幾款已經好吸睛，原隻龍蝦／原隻蟹，成鍋上的湯飯或烏冬，仲可追加海膽睇完個圖，立刻忍唔住叫黎食有定食，炸物配鯛魚湯，價錢從7,80左右都有，幾抵食不過，胃就得一個，同友人商議，share食，叫左原隻波士頓龍蝦湯飯$138安格斯牛蕃茄烏冬$88一黎就成個火鍋烘住上檯的龍蝦湯飯，賣相滿分，再傳黎濃濃的海鮮香味，口水分泌緊啦～但點都影張相，打咭呃下Like先龍蝦新鮮彈牙，蝦膏實淨香濃成鍋鯛魚湯底配龍蝦，飲啖湯就知濃稠香甜，湯飯配料豐富，有娃娃菜，香蒽，豆卜，木耳絲同昆布，仲灑上白芝麻，點會唔大啖大啖飯咁食呢？好好送飯，粒粒都沾滿鯛魚湯！甜安格斯牛肉蕃茄烏冬，好彩牛肉唔係薄切，我最怕太薄，會冇咬口，牛肉都好食，應該浸住熟唔太韌，而且叠放係烏冬面我略嫌蕃茄偏酸，遮左鯛魚湯的鮮甜但係呢個組合蕃茄+牛肉+鯛魚湯係好夾下次再多次，睇下點PS，值得一讚，細心位，預備哂鉗，濕紙巾同叉，方便食龍蝦用，雖然師傅已處理左蟹鉗位，其實就咁就開到…查看更多

平時食壽司都喜愛食鯛魚壽司，因為鯛魚味道鮮甜而且肉質彈牙。原來鯛魚有好高營養價值，用來製作魚湯的話，整碗魚湯也是寶，不單止味道好，對身體也有益處。其實坊間用鯛魚餚湯的餐廳不多，而這間餐廳便是主打用鯛魚製作湯底，無論點飯或烏冬的菜式，都可一嚐鯛魚湯的鮮味。波士頓龍蝦手打烏冬 $138原隻波士頓龍蝦配鯛魚湯底的烏冬，龍蝦新鮮彈牙而且爆多膏，鯛魚湯底本身已經鮮味，加上龍蝦令湯底味道有更多層次，令人回味無窮。吉列廣島蠔定食  $85飯類定食也配一碗鯛魚湯，奶白色的魚湯非常美味。加配了2款小食，煙三文魚蟹籽沙律 ($45) 及 餃子雞翼 ($40)，價錢合理而且質素也很好。…查看更多

去九龍城，大多數都會食泰國菜，但係而家去九龍城又多咗一個好選擇⋯⋯一個又健康又好味道的專門店，全部湯底都係用鯛魚淆製，曾經係鰂魚涌主店都食過幾次，有時同朋友食，有時同屋企人食，估唔到而家九龍城開咗分店，住呢區嘅街坊又多咗個好地方食嘢，去呢區行街又多咗個好地方食嘢選擇👏👏———————-🟫安格斯牛肉蕃茄鯛魚湯配手打烏冬：面頭足料又鋪得滿滿的安格斯牛肉，咬落肉嫩多汁，足料又濃郁的新鮮蕃茄🍅和鯛魚淆製出來的濃郁湯底，又鮮又甜又健康，蕃茄🍅和鯛魚🐟富多種含豐富營養的維他命，隨了好吃😋，還有健康是最大的幫助之選，吃一碗足料又甜又好味的安格斯牛肉蕃茄鯛魚湯烏冬，就是好味道的盡在不言中🥰————————🟧鯛魚🐟濃湯鮮蟹🦀配手打烏冬：第一啖一定是先喝濃郁淆製的鯛魚湯底，趁熱再飲多幾啖，除了有鯛魚湯淆製的鮮甜外，還有濃郁蟹🦀的鮮味，🐟、🦀兩者味道不會被搶走⋯⋯又再去食滑溜溜又軟熟的手打烏冬，如果你未曾食過真正的手打烏冬，就要品嚐一吓普通烏冬同真正手打烏冬嘅分别，（係真正手打烏冬，唔係吹水話係手打烏冬嗰D呀😂😂😂）講反隻蟹🦀先至係主角😛啖啖肉嘅🦀蟹，鮮甜肉滑，唔會過熟，熟度剛剛好，食得滋味，成碗湯和食物全部比我食清光就知有幾咁好味😋——————-🟩白提梳打：日本產地的白提、清甜好味道———————🟥蘋果梳打：一樣來自日本產地的蘋果梳打、一樣芬芳清甜的好味道———————-食得健康....食得爽朗開心🥳⋯⋯就係咁簡單———————-…查看更多

我呢個唔會經常煮飯俾男朋友食既人，經常幻想有一間唔貴，有營養，好食，材料又上勝既餐廳係左近！ 之前收工成日去鰂魚涌分店食，而家！ 今時今日！係我附近開左新店！ 好滾動！ 即刻同男朋友去食！！ 之前食過皇牌花膠鮑魚，今次見到有限定有限數量既番茄安格斯牛烏冬，同虎蝦大硯烏冬，即刻要試！另外加左個烏魚燒，蜜瓜汽水1） 安格斯牛肉番茄🍅鯛魚湯湯手打烏冬 $88安格斯牛大片又好食🔥其實番茄加牛肉根本就係絕配，而個湯底有魚🐟，更加係好野味有鮮味，啱晒食肉獸。我見好多男客人都叫呢個！ 2）蕃薯蜆虎蝦手打烏冬虎蝦係真係好虎🐯！又大又彈牙！我平時係屋企已經煮好多此虎蝦，但呢隻係海虎蝦！我男朋友都話好大隻！ 至於蕃薯蜆又鮮又大又冇沙，仲要粒粒有肉冇混吉！兩個烏冬都係好入味，又煙韌！你諗下！$88蚊一碗咋！ 我自己煮都唔止啦講真！ 3）汁燒烏賊🦑燒呢個$42，有5隻咁多，好好味，其他鋪頭（燒物果d),俾3隻你都要偷笑啦！呢度係5隻！ 簡直係抵呀！4） 蜜瓜疏打汽水來自日本，都係20蚊，又係果句，city super一定唔止啦下話😂😂所以，呢間開係九龍城實在太好啦！ 會成日黎😂…查看更多

九龍城有好多好食嘅餐廳，今日經過見到呢間鯛魚湯專門店，就想試下佢嘅烏冬同埋個湯底。我同朋友分別叫咗一碗蕃茄湯牛肉烏冬&雜菇炒肥牛魚湯烏冬。一嚟到：哇！好大碗烏冬，肥牛份量亦都係超多，所以佢呢個份量係相當之值呢個價錢～（每碗大概$70-80）😍個蕃茄湯好濃味，仲有好多蕃茄，超級足料，然後烏冬就好夠彈牙。至於牛肉，雖然佢唔係入口即溶嗰d，但都唔難咬，又大塊。整體嚟講都好有水準。反而個飲品就較為普通。最讚都係個蕃茄湯底同牛肉烏冬，加埋呢個價錢嘅份量真係好抵！推薦大家嚟九龍城一定要去試下！😋…查看更多

想食泰國野就一定諗起九龍城，但其實九龍城除左多泰餐之外，其實都可以搵到唔同既菜式餐廳既😂。而喜歡食烏冬既小編就見到新開呢間日本餐廳從外觀上搭咗唔少日式設計⛩，令人心郁郁想試下。而且店名寫明係鯛魚魚湯專門店，魚湯已經好想一試🐟，呢個餐廳就係叫「鯛魚魚湯專門店」。✦✦✦✦✦✦✦✦✦✦✦✦✦✦🎈F1 安格斯牛肉蕃茄鯛魚湯烏冬 $88蕃茄加上鯛魚湯🍅，兩種香濃味道加埋一齊，甜味十足，魚既鮮甜💦，蕃茄既酸甜。安格斯牛肉一片片簿切🥩，入口有韌性又入味，好食。而除咗有牛肉之外，仲有豆卜，娃娃菜，黑木耳，非常豐富。其實小編最欣賞、最重點既就係鯛魚湯底🍲，濃郁既程度令湯底帶些少結身，魚鮮味十足，未食就已經聞得到，越飲越上癮。烏冬幼身，湯身夾住烏冬，大啖大啖咁食🍜，非常值得推介。✦✦✦✦✦✦✦✦✦✦✦✦✦✦🎈鮮桔蜂蜜 $10沖出嚟既蜂蜜加上桔既味道係非常夾👍，蜂蜜甜度加桔既酸味，開胃解渴🥤。加10蚊飲杯野，係香濃既鯛魚魚湯帶出平淡。✦✦✦✦✦✦✦✦✦✦✦✦✦✦總結：今次小編又特登去到九龍城一試其他菜式，尤其見到呢個「鯛魚魚湯專門店」更想一試😳。小編認為餐廳既魚湯底真係名副其實好味👏，亦係賣點。餐廳大部分都係以烏冬作粉麵，而亦都有款式配搭，有興趣既朋友就入嚟九龍城一試，鮮甜香濃鯛魚湯底🍲。✦✦✦✦✦✦✦✦✦✦✦✦✦✦…查看更多

因为离家比较近买菜都会经常经过，看到有下午茶套餐50元左右都可以吃的很好所以经常会尝尝，目前吃了唐扬鸡块套餐、炸猪扒、蘑菇牛肉乌冬，全部都好好吃！汤味道好鲜美，女孩子可能会吃不完。另外服务态度真的是好好，一个中年叔叔态度非常好，会过来问你吃的开心吗？店内的环境也比较干净整洁，有几个年轻人同一个中年叔叔服务，下午茶都有好多人吃，非常好吃、平靓正！一定会再去吃去帮衬，不知道龙虾乌冬怎么样，推荐推荐推荐。…查看更多