鮮入圍煮花膠雞海鮮火鍋

一早就book咗呢间期待已久嘅火锅店，夜晚做完gym九点过咗繁忙时间先嚟到，环境好静，坐得舒服又方便倾偈。入座即刻叫咗佢最出名嘅花胶鸡煲做汤底，一开始先饮汤食鸡同花胶。半只鸡两个人食啱啱好，鸡肉滑嫩，花胶胶质丰富，煲得耐啲再入口有啲黏口感，令人觉得滋补。汤底初入口似拉面汤，浓郁但唔会过咸，带少少甘甜味，饮落暖胃又舒服。随住时间煲得耐，汤底味道愈来愈厚，鸡肉精华同花胶胶质慢慢融入汤中，层次更丰富。每次加汤都保持到原本嘅香味，唔会冲淡，反而愈饮愈觉得有深度。用嚟涮牛肉特别好，肉片吸晒鸡汤香气，入口鲜甜。蔬菜落汤之后亦变得更有味，爽脆清甜。今次仲试咗蛏子，体型大只，肉质厚身，落汤煮一阵就熟，唔会缩水。入口爽滑鲜甜，冇沙冇腥味，吸咗花胶鸡汤精华之后更加惹味，系海鲜之中最突出嘅一款。服务方面，店员态度亲切，虽然夜晚人唔多，但都会主动加汤同收碟，令用餐过程好舒服。环境阔落，枱与枱之间唔逼，坐耐都唔觉压迫。价钱方面，以火锅嚟讲属中高档，两个人食到好饱，平均每人约$500，以食材质素同汤底水准嚟讲都值得。总结：花胶鸡煲汤底真系有水准，愈煲愈香，食材新鲜，环境舒适，服务贴心，系一间值得一试嘅火锅店。…查看更多

呢间位于尖沙咀嘅「鲜入围煮」，个花胶鸡火锅真系夸张到不得了！未试过之前都唔明点解咁多人排队，试完之后即刻明白，系有理由嘅！一坐低二话不说就嗌咗个招牌「花胶鸡锅」做汤底。个汤滚起𠮶阵，成间房都系浓郁嘅鸡汤香气，睇到汤底呈奶白色，已经知系真材实料。急不及待饮咗第一啖汤，哗！个汤底浓郁到呢，饮落系黏口嘅，满满骨胶原感觉，鲜甜得嚟一啲都唔油腻，鸡味香浓到不得了，成个人都暖笠笠！重点嚟喇——啲花胶！真系大块到吓亲人，厚身得嚟炆得啱啱好。夹起嚟嘅时候仲要「duang duang下」，充满弹性。放入口一咬，质感软糯烟韧，超级黏滑，真系黐到成口都系胶质，个种满足感难以形容！至于只鸡，肉质嫩滑，一啲都唔「鞋」口，吸尽汤底精华，正到无朋友！跟住落嚟打边炉，叫咗海鲜拼盘。啲蛏子、海虾上枱时仲生猛到郁紧，落锅渌熟后，鲜味更加突出，同个花胶鸡汤底系绝配！最后连个汤底都饮到一滴不剩，真心满足。以后想补胶原蛋白，一定会再嚟呢度！…查看更多

都几贵下，而海鲜同肉都真系只属于正常，见评论话唔错，同屋企人6个人一齐去，最后埋单要三千五左右….半只鸡嘅花胶鸡汤底已要380蚊，系大煲嘅，金黄色浓汤大块花胶，鸡都嫩滑，汤也浓郁。不过饮晒成煲汤就加白水开始打边炉。海鲜喺渔缸内，每项落单按斤计。菜牌分开无数张纸仔，划下划下递完纸，再划下啲送菜就不知不觉点过量，感觉似系一种手段令食客不知不觉咁点咗好多嘢。不吃海鲜的人，肉类选项不多，最便宜嘅黑猪腩肉片都要168，但肉质真系麻麻地。而且鸡汤/清汤煮完后食落去会有腥味。龙趸鱼要298…鱼肉的确嫩滑，愈煮愈嫩，但价钱真系贵过街市自己买。贝壳类海鲜都要1-200嘅range。花甲同蛏子算仅有新鲜口感嘅，因拎上台时还再郁动。其他野食味道都好普通，冇乜特别。总额按人头计每位酱汁收15蚊，仲要另外收加一。个酱汁调味料tray仲要好快脆地被收走。调味料味道好一般，成煲豉油沟埋调味配菜都几咸，cover咗本身海鲜嘅鲜味，需捞汤淡返少少。最后人均差唔多600蚊打个边炉都真系几唔抵。…查看更多

今日终于嚟到鲜入围煮试佢最出名嘅花胶鸡汤，成个环境设计得好似香港传统旧式大排档但系环境好干净，入口已经有个大鱼缸俾你睇吓海鲜嘅新鲜程度！我哋两个人点咗半只鸡，同埋单点咗一碟牛，一碟菜，一碟牛骨髓，仲有竹笙同埋圣子王！食海鲜之前梗系饮几啖汤呢度嘅花胶鸡汤相对嚟讲唔会好似出边咁浓更加啱打边炉饮完亦都唔会口渴证明系真材实料，而且半只鸡嘅份量都非常之大，食完都饱咗一半！个汤真系我哋每人都饮咗三碗，平时煲汤都要呢个价钱！蛏子好似手掌咁大只，六十几秒就食得，非常之鲜甜！牛肉亦都非常之新鲜，份量一碟都好大，但系佢个菜夹埋佢个汤底先系最出色，加埋系极度甜，令你越嚟越爱上咗食菜！竹笙亦都非常之足本成大碟相有成六条，啱晒钟意食嘅朋友！而且佢啲饮品亦都非常之健康，有一啲养生茶嘅选择，亦都有啤酒嘅选择！…查看更多

天气凉咗好想饮啖花胶鸡汤又想食火锅，就上网揾边度有花胶鸡汤火锅。嚟到先入围煮就当然一定要叫佢嘅花胶鸡汤，唐生菜、爽脆牛黄喉、澳洲和牛牛展肉、鲜味炸鱼角、鲜嫩笋尖片、爆炸姜汁皮蛋贡丸。先嚟上咗个花胶鸡汤，一望落去就已经觉得个汤系好浓郁，一望到都好想饮𠮶个感觉，首先饮啖汤非常之鲜甜，而且个汤都系好香浓嘅鸡味浓郁嘅质地即系证明花胶都唔少。连续饮咗几碗汤连埋鸡同花胶一齐食完之后全身暖笠笠，个汤都清得差唔多7788之后店员就会帮我哋加返个猪骨汤底嚟食火锅。首先一定要试吓佢个澳洲和牛牛展肉，爽口得来牛味好浓，第一次食牛黄喉原来系好爽好好味，另外都系第一次食佢嘅招牌姜汁皮蛋贡丸，一啖咬落去好丰富嘅口感，而且真系食到有姜汁同皮蛋嘅香味，真系好正，另外个炸鱼角同一般平时喺街市买到嘅绝对唔一样，因为佢系比较弹牙香口。…查看更多