魚尚 (新翠商場)

想搵間食得輕、質素唔差、價錢又唔貴嘅日式店，喺柴灣新翠商場嘅「魚尚 Uo-Show」係你唔錯過嘅一間。一入舖就見到壽司、飯團、便當、刺身樣樣齊，感覺好有小資 feel。佢哋嘅 好多款式，刺身食得出新鮮，例如三文魚腩、帶子、甜蝦都幾爽口，混搭熟料嘅壽司飯口感偏鬆，食起嚟輕鬆唔膩。雖然飯粒唔算緊實，但喺value level 已經幾滿意。我試過一盒 ，香氣四溢，油潤有咬口，一掃就淨晒，回購心勁勁爆！仲試咗，例如照燒鰻魚飯團、蒜香牛肉飯團，飯團外層紫菜夠脆，入面餡料豐富，尤其燒鰻選擇最滿意。記得有次食完先見到包裝寫住：可以微波加熱 25 秒更夾味，下次要試！「魚尚」品項多到有過百款 —— 壽司、飯團、卷物同便當通通有，選擇自由度高，平日急住食都有得搵到心水。人均消費通常唔使過 $50，性價比高得誇張。整體而言，「魚尚 Uo-Show」係柴灣區既快又簡單嘅日式輕食好選：食材新鮮、款式齊全、價錢合理，無論想買個下午茶又或係正餐都方便快捷，絕對一試！…查看更多

平時番工都係出去食或者去飲茶, 今日同事突然話好想食壽司, 咁就搵下附近有咩壽司店。元氣長期都要排隊, 我地廢事食得咁急就決定買外帶壽司。見呢間魚尚都多人買, 咁就試一試。間鋪好細, 入左兩三個人就已經冇位俾你揀壽司。見到有好多一盒盒既壽司就直接拎兩盒, 唔洗煩要揀邊款食。排隊等比錢就要D時間, 因為得一個收銀但都多人買野。個收銀職員人幾好, 會主動俾多D豉油同wasabi.壽司上面D料都算新鮮, 壽司唔會包到太細粒左邊相果盒 黑松露好香, 帶子都鮮甜。右邊相既三文魚夠肥美, 唔會係薄薄一片呢D大盒壽司價錢都係$88~$98, 幾抵食…查看更多

第一次食魚尚 入去感覺似爭鮮不過佢啲野食款式多樣化啲 吸引啲 尤其係飯團🤤不過因為係食晚餐原故 驚食唔飽 所以最後揀咗個壽司飯角切刺身便當 ($45)份量都幾大架！ 原先以為會食唔曬 點知大食既我 胃口又好 清咗上面啲刺身都好足料😍有蟹柳絲 玉子蛋粒 青瓜粒 角切三文魚魚生 大量蟹籽 帶子刺身粒味道方面 青瓜細細片 好清脆 玉子蛋少少甜甜地 有蛋味 帶子好淋 不過唔夠鮮甜蟹柳味道唔出三文魚剌身麻麻地 有幾舊好硬 咬唔到😕感覺整體刺身唔夠新鮮🍚至於米飯 可能落得比較多醋(?) 好似有少少偏甜 要落好多豉油調味 令佢鹹啲-整體唔算好食 只係我今日好肚餓🙈不過好有興趣試佢其他野 因為真係好似好正有預感飯團會好味!價錢合理 算抵食 因為份量真係好多好夠…查看更多

約了朋友吃晚飯，未到約定時間，但有點兒肚餓，便到魚尚買份什錦壽司吃。什錦壽司有九件，有刺身和熟料，三文魚腩，帶子和甜蝦刺身有鮮味，新鮮度可以，熟料份量則略嫌較少，而壽司飯較鬆散，容易掉落，有改進空間🤔…查看更多

午飯時間途經這裡，見他在做優惠，買壽司可以優惠價九蚊換取紫菜飯團，進內一看，見到三文魚腩壽司，已即時被吸引，加9 蚊換購了味噌牛舌飯團。回公司開餐了。六件三文魚腩壽司，一打開盒魚香四溢，魚肉爽口，有咬口，油香撲鼻，一下子幹掉六件，略嫌豉油偏鹹味噌牛舌飯團的紫菜非常脆，飯的軟硬程度適中，略嫌牛舌太碎，沒口感，吃不出是什麼來總括來說非常美味，埋單39個大洋，下次再試其他。…查看更多

今日晏晝一支公，去咗柴灣魚尚買咗四舊飯團當下午茶同晚餐，分別係肉鬆手卷、炭燒雞肉飯團、照燒鰻魚飯團、同蒜香牛肉飯團，個人覺得照燒鰻魚最好味，順帶一提，佢封面有個建議食法可以入微波爐加熱25秒之後再食，今次睇唔到，食完先見到，有機會下次再試吓。…查看更多

本人真係極愛飯團，平時想食飯團既時候，通常都食華御結，因為比較就腳。但華御結黎講，都係耐唔耐食一次，因為一個好味飯團都幾貴。至於魚尚，以前一直覺得好似同爭鮮差不多咁，我就一直都冇試過。前排知道佢有個溏心蛋飯團，雖然恨不得立即狗衝，但每間都不太就腳。今次咁啱經過，一口氣買左兩個溏心蛋飯團！仲唔比我搵到你！仲要12蚊！可能比人摷過或者擺得唔好，有啲溏心蛋爛左，所以要揀返啲靚靚既溏心蛋！飯團係豉油飯，食落不算咸但又唔會冇味。溏心蛋極正，仲要有少少沙律醬！成個飯團好似日本便利店的溏心蛋飯團咁，只係飯團入面冇肉！一口氣狼吞虎嚥左兩個，其實都幾飽😳如果大家好似我咁唔鐘意食肉，一定要試呢個飯團！今次個口又好似返左日本咁🤤店內仲有其他唔同既壽司，同飯團！除左encore 溏心蛋飯團，仲會想試埋其他食物！😋…查看更多

魚尚感覺一向都小分店，原來柴灣有一間！做左成日野，得小小時間食個lunch就係魚尚買左2個飯團頂下肚☺️☺️😈⭕️溏心蛋飯團 $12之前係instagram見到好多foodie有食，終於有得試了！係凍櫃就會搵到，溏心蛋有半隻，好好味，同係日本食既差不多！d飯有甜醬油，偏淡味但反而甘先突出到溏心蛋既味！好好食，會再食⭕️鰻魚飯團 $11佢係一個架到，有好多不同款既飯團，係常溫，感覺叮熱會好味d🤔鰻魚好好味，有油香，正！但，鰻魚太小，除左食中間個度其實都係食白飯💁🏻同上面個個相比，呢個就差d啦😂…查看更多

天氣咁熱唔係好想食熱野，於是便決定買壽司返屋企食。 特級炙燒壽司盛 ($40)40蚊有八件壽司，可以食到三文魚、左口魚裙邊、赤海蝦同帆立貝，味道不錯，特別係赤海蝦，都算厚身，又爽又甜新出嘅糖心蛋飯團($12)啲飯本身有味道，加咗鰻魚汁，但都係乾左少少，糖心蛋好入味，如圖超級流心!!原本定價$14，新品試食價平兩蚊。千層蛋糕($18)口感紮實，都幾多cream，食得出蛋香，件蛋糕細細件，唔算好多層，幾啖就食晒。總括來講，飯團同壽司都唔錯，比爭鮮略為高質。…查看更多

今日打風前夕38度，完全無想食熱野既胃口，咁就買壽司食了！成日一得閒就食，最愛係花之戀！基本食親都食佢架而佢個沙律青瓜蟹子沙律都好味，而其他款既壽司不嬲無乜興趣，但都ok新鮮既，未試過食魚尚有肚仔事，好食過x鮮好多下架都而佢個虎蝦壽司都有蝦味，三文魚魚味都重，因好多時去食類似le d 3蚊壽司真係好唔掂下，食左都唔知食緊乜，但魚尚就唔會了！晏就時間付款都要排隊有條細蛇餅，可想而知都幾受歡迎架，所以如之後想食平價日本野都推介黎魚尚食！咁既價錢算很不錯了！！…查看更多

魚尚$72收工坐便車去到柴灣！轉車前先去附近商場買嘢，順便去買壽司做晚餐，去到店面好細，粉紅色主色，好細小，仲滿晒人，係滿到轉身都無位，好辛苦揀好再比錢！可以八達通比錢！店員爽手袋好比我！回家就打開食，比埋竹筷同豉油芥辣！醬油糖心蛋（$12/2隻）一盒兩隻，皮光肉滑！醬油入味，蛋白彈牙，蛋黃好似岩洞！蛋味濃！自選壽司：蟹籽：紫菜已淋，蟹籽唔夠脆，一般北寄貝：貝夠淋，少彈牙，ok黃金魷魚:紫菜已淋，魷魚粒彈牙，黃金蟹籽彈牙！幾好赤貝：有啲腥！花之戀魚子盛（$42）赤蝦：蝦肉厚，其中一隻有有啲腥！花之戀：賣相幾靚，蟹籽唔夠脆，三文魚ok，沙律醬酸酸地！正常！三文魚：厚肉唔腥！三文魚子：紫菜已淋，三文魚子卜卜脆，唔腥正常！呢種平價壽司店但求正常，呢間味道ok!店員有禮，好爽手！壽司快餐…查看更多

2016年接近尾聲，在新一年開始之前就寫下食評，為2016年劃上完美的句號。作為2016年之總結篇， 當然是介紹我最喜歡的日式食物，鰻魚控的我選擇了鰻魚玉子飯團漢堡， 媽媽則選擇了壽司（鮨），壽司亦可喚作鮨或鮓，不過這兩個字都較為少用，而壽司最早源於東南亞的湄公河，後傳至中國，輾轉之下大約八世紀才引入日本，在日本發展成不同種類的壽司，而在關東和關西地區壽司製作方式亦大有不同，而且各有特色。回到正題，鰻魚玉子飯團漢堡內有鰻魚，玉子燒即日式煎蛋卷，生菜絲，沙律醬，日式燒汁，紫菜飯團等。紫菜飯團包著鰻魚和玉子燒，玉子燒和日式燒汁甜甜的，沙律醬酸酸甜甜，很開胃，鰻魚沒有腥味，配上生菜絲，沒有半點油膩感，多重食物搭配起來，口感很豐富，味道不錯，可惜的是飯團不夠結實，有點鬆散，用手拎起來食，食起來有點狼狽，對比之下，傳統的日式手卷較為方便，日式手卷，又名為卷壽司，其實亦是壽司的一種，顧名思義即以海苔（紫菜）捲著壽司餡料並捲成圓錐體的形狀，手拎著來食，小嚼一口可以，大啖吃亦得，醬汁和餡料不會滿瀉。至於媽媽選的壽司，味道應該不錯，而且價錢便宜，我下次再買多點試下。…查看更多

魚尚比起其他公司都叫做好食呢間人流多補貨都補得快暑假行過見到佢有出魚生飯更係gogogo試下啦有三文魚同帆立貝揀我揀左帆立貝雖然唔稱得上好新鮮同好清甜但以三十幾四十既價公黎講佢算好OK雖然帆立貝做主打但佢都有好多三文魚同飯梅花間竹咁樣放係個杯入面個份量對女仔黎講剛剛好男仔就難講D唔夠既話要多幾夠散裝壽司都夠飽～…查看更多

興華邨附近做完野，見得閑又口痕就買魚尚啦，試下嘛！！買左一個飛魚子手捲$7 三文魚壽司，蟹籽蝦軍艦，仲買左個平時比較少接觸的海蜇軍艦。日式手捲有7蚊，9蚊，11蚊既分別飛魚子手捲的蟹子比較少，但係個飯好大，壽司醋味勁，但個飯好暖，冷一點會較好，紫菜爽， 而且幾香口所以襯番舊飯真係好好味。三文魚刺身雖然係薄切，但係睇得出佢個條紋系横形，都幾靚，幾岩做壽司，挺肥美。蟹籽蝦軍艦，蝦有兩隻，抵食，唔係爽口而係黏黏地海蜇微辣好爽口，但軍艦的紫菜是淋的 ,外帶呢樣野人人都知啦，不過估唔到佢林左之後一d味都冇。不過廿蚊有找的一餐都幾抵啦，又識得飽。魚尚無爭鮮咁多分店，但係佢嘅質素同爭鮮差唔多，但差少少，感覺上魚尚的手捲係平過爭鮮。…查看更多

去柴灣體育館book左場打羽毛球，是日10點左右食左個m記早餐，但去到1點見肚餓了，個身無咩力，就去左魚尚買個飛魚子手卷醫醫肚。手卷醫肚真係掂過碌蔗，大件夾抵食，仲會比足wasabi同豉油，服務唔錯喔個味道都ok, 酸酸地，帶d壽司醋酸味，舊飯是暖暖的，飛魚子在手卷中間出現大量，清甜得來有點爽口，不過好多粒都爆開哂，令到個飯染橙…查看更多