魚你相聚 (富景商場)

約好藍灣朋友癲拿，為了晚餐的幸福，大家行多步，來這邊的商場。而酸菜魚，吾所愛也。目標鎖定了，可以馬上下單。藤花椒酸菜湯 鯛魚片近期身體寒濕，需要食辣調和。職員表示藤椒辣度最高，所以點這款湯底。餐牌有四款魚肉，先剔除龍脷；而生魚常常遇到，又可pass。鱸魚鮮甜但肉嫩，煮熟後易散，反而想試試鯛魚。  真身：真的好很大盤，果然是2-4人份量。盤裡有很多材料，滿滿的實篤篤。用勺子，撈一撈，要比手力。在表面佈滿青bb藤椒油的湯底夾出彎彎的鯛魚，魚肉沒有鬆散／分裂。鯛魚口感比脆肉鯇更脆，跟餐牌描述的<爽脆>一致。就因為爽脆不易鬆散，這鯛魚沒有沾蛋白漿。除了鯛魚片＆酸菜，盤裡還有濶薯粉萵苣豆腐蘿蔔豆腐皮大豆芽金針菇娃娃菜海帶，慢慢食慢慢夾。湯底又是另一亮點。湯底似是魚湯，不太鹹；辣椒不多，而藤椒的麻卻沒有花椒那般強烈，入口順喉，可以單獨飲用，餐後也沒有勁飲水。只是自己嗜辣，覺得這藤椒酸湯底根本不辣。套餐配二個澱粉質：薯粉朋友點薯粉，配酸辣湯底。白飯 自己喜歡軟綿綿的白飯伴酸菜，鹹度剛剛好，仍嚐到米的原味。盤裡的酸菜，就是今晚纖維的主要來源。酸菜，See you tomorrow。最後來一杯凍檸檬茶！…查看更多

魚你相聚 - 醒神冰室今日介紹一間位於小西灣嘅酸菜魚專門店，不過今次就唔係食午市或者晚市嘅酸菜魚，係食早市嘅冰室茶記，一樣咁醒神。醒神麵餐 $37有多款唔同嘅配料選擇，包羅萬有，揀咗沙嗲牛肉公仔麵，仲有火腿奄列，同埋方包。至醒扒餐 $40 + $1雞扒、豬扒同埋牛扒三款選擇，揀咗香煎豬扒，配煎荷包蛋茄汁豆，加埋烘底方包。特色湯粉餐 $40 + $3濃郁甜甜酸酸嘅蕃茄濃湯肥牛烏冬，之後仲可以配餐肉同埋太陽蛋添。三文治餐 $26+$2+$1最後叫咗個鹹牛肉炒蛋烘底三文治！…查看更多

去咗小西灣嗰間魚你相聚，環境算乾淨企理，但坐得幾舒服。嗰日叫咗酸菜魚、涼拌海蜇同青椒皮蛋。酸菜魚上枱時好香，酸味夠開胃，魚肉滑滑嫩嫩，唔腥，湯底帶少少辣勁，食到不停落口。涼拌海蜇爽口彈牙，酸酸鹹鹹嘅味啱啱好，唔會太重手。青椒皮蛋都幾出色，青椒帶少少焦香，皮蛋軟滑又唔嗆，撈埋一齊食好開胃。整體份量唔算少，以呢個價錢嚟講真係抵食。平時想食下川味又唔想太辣太重口味，呢度係個唔錯嘅選擇。佢哋仲有2個地點可以揀！…查看更多

最近喺小西灣食咗一間超多街坊光顧嘅茶餐廳。早餐有 A 至 F 套餐選擇，價錢合理，款式由通粉、公仔麵、沙嗲牛肉到多士、三文治都有我哋嗌咗BDE餐，茶餐廳風味滿分。凍飲加少少錢都好抵，凍奶茶夠香夠滑最印象深刻係我哋唔小心倒瀉咗杯飲品，職員即刻主動幫手清理，仲再沖多杯畀我哋，完全冇黑面，反而好有禮貌，真係感受到茶餐廳嘅人情味🥺辛苦晒喇環境雖然簡單，但整潔企理，係一間會想再回訪嘅街坊好店。如果你喺小西灣搵早餐，呢度絕對係個唔錯嘅選擇！…查看更多

今次去左食酸菜魚，我同朋友叫左：鯛魚酸菜魚 (檸檬酸菜湯)這道湯品的酸菜搭配新鮮的鯛魚，湯底清爽且帶有檸檬的香氣。加入娃娃菜、生菜、金針菇和豆腐，使整體口感更加豐富，十分開胃。花膠濃滠雞煲這道煲仔菜色香味俱全，花膠的彈性和濃郁的雞湯相得益彰。墨魚和肥牛的搭配也讓整道菜更具層次感，十分推薦！青椒皮蛋這道小菜清新可口，青椒的脆嫩搭配皮蛋的滑順，讓人一口接一口。鹽焗手撕雞手撕雞肉鮮嫩，鹽焗的香氣恰到好處，讓人忍不住想多吃幾片。炸日式餃子餃子的外皮炸得金黃酥脆，內餡鮮美，搭配醬油或辣醬更是美味。蘋果梳打這款飲品清新爽口，蘋果的香甜恰到好處，非常適合搭配重口味的菜品。凍菜蜜這道甜品清爽又不過於甜膩，完美地為整頓餐點劃上句號。…查看更多

「魚你相聚」藏身喺柴灣富景商場，平日晚市時間都幾多街坊客排隊，一到座位先知真係有料，環境雖然唔算豪華，但乾淨又有空間放大盆食物，仲有卡位幾方便。主角非那碟莫屬！超級驚人—份量真係嚇親人，明明兩個人食都可能唔食得曬。魚片可揀鯛魚，口感爽脆既鮮甜完全無魚腥，真係每片都正。酸菜魚湯底選咗清新檸檬款，酸得開胃、辣得啱啱好，湯頭鮮甜唔死鹹，落咗好多配料包括闊薯粉、娃娃菜、大豆芽、金針菇、豆腐等等，慢慢夾慢慢偷食先至係享受。套餐仲包兩款主食可以揀薯粉、白飯或者米線，好貼心！配搭酸菜魚湯底一流，食到啲湯汁都唔想放過。另一碟都好搶手，雞肉嫩滑、湯底黏黏濃郁，啖啖滋味，配埋娃娃菜，熱辣辣又滋潤，啱啱好喺慢慢食碗面落到肚暖暖。另外唔少食客會掂埋同嚟做小食，微辣開胃又入味，分分鐘成檯野。埋單計返枱，兩個人食加埋飲品，人均大概 $150–200 左右，性價比超高，絕對高於期待。總之，如果想食夠、食好、有選擇又唔想俾貴，呢度嘅酸菜魚絕對係首選！氣氛親切、上菜快、味道準，值得朋友聚餐或家庭飯局重訪！…查看更多

食得家常菜多 都想試下新野刺激味蕾🤩小西灣呢間小店 川菜水準都幾好正宗四川風味 性價比高餐牌好多選擇 五臟俱全☺ 🍴川式毛血旺 一人套餐 麻辣鮮香 勁道十足薯粉索晒湯底 超刺激一人份量都勁大盤 入面配料亦唔馬虎有齊鴨血 豬腸 毛肚 黃喉 芽菜 午餐肉另外仲可以再揀蔬菜我地揀左萵筍 豆腐 黑木耳好豐富🥳 🍴花膠濃湯雞煲米線好有水準!!金黃色嘅雞湯超正超濃郁雞肉肉質滑 花膠大大塊娃娃菜同響鈴吸收晒雞湯精華入口滋潤充滿膠質😍好滋補 🍴青椒皮蛋食完主食其實已經好飽但都忍唔住試多個小食🤣皮蛋溏心晶瑩 口感Q彈軟滑味道鹹香辣好平衡 送飯一流 🍴紅豆冰🍴鳳梨梳打食完辣野最啱配冰凍飲品😏…查看更多

煲仔飯 好正 ！仲有飯焦！酸菜魚 小朋友都啱食 ，有辣同吾辣！（本來想影相，但大家太肚餓 影吾切）只影到煲仔飯因要等飯焦🤣價錢公道早餐 下午茶都抵食三文治有驚喜！正！當天 兩位男士（樓面）服務周到！好好！！…查看更多

店舖環境寬敞，枱夠晒大，即使係叫到成枱都係嘢都好夠放，餐廳有好多其他套餐可以揀，就算一個人都可以有好多選擇🤣大盤生魚片酸菜魚👍👍👍（2-4位） $268湯底非常鮮甜，生魚片夠嫩滑，一啲骨都冇，呢盆大大盆嘅酸菜魚入邊勁多配料，金菇，大豆芽，粉條等…..套餐仲會包兩份主食，可以揀薯粉米線或者白飯，建議如果係兩個人想叫嘅話，一定要準備1GB既胃🙈泡椒鳳爪$38鳳爪食落好爽滑，唔係食落「腍啤啤」嗰隻，泡椒味非常重，唔算太辣，食到少少辣嘅都可以試吓麻辣雞腎$38雞腎份量十足，非常入味，但係略嫌辣咗少少，蓋過咗佢原有嘅味道…查看更多

🐟 2-4人份鯛魚片藤花椒酸菜魚 $268呢間酸菜魚算係香港食到嘅味數一數二正宗嘅，藤花椒酸菜湯真係超級正😭🌶️上枱嗰陣大碗到嚇親，兩個人真係唔係幾食得曬，事關佢除咗咁大碗酸菜魚仲有兩碗主食，可以揀白飯米線或者薯粉，而且本身酸菜魚入面都有大量寬粉😳 Menu好細心咁有講到唔同魚嘅口感，可以自行根據喜好去揀食咩魚，而小編最愛就係鯛魚片，每塊都非常爽脆，仲有吸晒湯汁嘅芽菜、寬粉同豆腐，辣得好過癮🤤🤤.💰人均消費：～$350.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5…查看更多

朋友仔今日過左來小西灣探我，當然要同佢食佢至鐘意既酸菜魚啦！🔅大盆酸菜魚套餐 配 白飯 2 碗揀左鯛魚片酸菜魚，配老壇酸菜湯鯛魚片口感爽脆、鮮甜，湯底有花椒、八角、酸菜，增加左唔小香氣同層次感而家因為係二人份量，配菜超級足料，有：闊薯粉、薯仔、萵筍、豆腐、豆腐皮、大豆芽、娃娃菜、金針菇、海带，樣樣都有，如果只得2個人食，啲鍋一定足夠！🔅 花膠濃湯雞煲 配 米線花膠濃湯雞煲真係一味好滋補的美食，滑嫩的雞肉，口感豐富。配上Q彈既花膠，真係好正，濃郁既湯底，真係比人有一種醇厚的口感，配埋米線，真係一流！真係好岩而家凍凍地既日子食！🔅青椒皮蛋四川小食，青椒配皮蛋連埋啲麻辣醬汁，真係夠曬野味！🔅 涼拌海蜇涼浸浸既海蜇，配上醬汁，味道鮮甜爽口，海蜇底係生菜絲，配搭一齊食，爽脆度倍增！…查看更多

前幾日放工後去咗朋友新居入伙，佢介紹咗附近富景商場嘅「魚你相聚」試下。呢間餐廳主打酸菜魚，但因為有朋友唔食得辣，佢哋好貼心，提供咗唔辣嘅湯底選擇，真係好方便！🐟🍲我哋揀咗一人套餐 - 魚肉揀咗鯛魚，魚肉滑嫩冇骨 - 湯底揀咗蕃茄濃湯湯底，酸酸甜甜，完全唔辣，但又好開胃，啱晒唔食辣嘅朋友！ - 配菜包兩款，我哋揀咗豆卜同萵筍，豆卜吸晒湯汁，入味又多汁；萵筍清甜爽口，平衡咗蕃茄湯嘅濃郁味道。 - 粉麵底方面，我哋選咗手工薯粉，薯粉條爽滑彈牙，吸晒湯底嘅鮮味，真係一流！ 因為幾個朋友一齊食，我哋仲額外加咗幾款配料落去： - 肥牛：肉質鮮嫩，放落湯底煮一煮就好好味。 - 肥腸：處理得乾淨冇腥味，口感煙韌，非常惹味。 - 黃喉：爽脆彈牙，係湯底配菜嘅好選擇。 份量真係好夠，幾個人一齊分著食，氣氛好開心，食得好爽！煲仔飯 佢哋啲煲仔飯都好出名，點咗一個窩蛋牛肉飯： - 牛肉係免治牛肉，但味道濃郁，牛肉味比一般蒸飯嘅牛肉重好多，仲有啲似山竹牛肉嘅質感，但更特別！ - 飯焦煮得非常好，脆卜卜又唔會太硬，係煲仔飯嘅靈魂所在，呢個真係加分位！小食 另外仲試咗兩款小食： - 鹽焗鳳爪：香料味濃，鳳爪淋身入味，分量都幾大。 - 涼拌海蜇：海蜇爽脆，味道清新，係啱晒熱辣辣飯菜後嘅清爽選擇。甜品 最後梗係要試佢哋嘅特色甜品紅糖糍粑： 糍粑外層煎得金黃香脆，配埋紅糖漿一齊食，外脆內糯，甜而不膩，真係完美嘅收尾！「魚你相聚」嘅食物選擇多樣，味道好，而且份量足夠，價錢合理，真係好啱一班朋友或者屋企人聚餐！下次去小西灣一定會再試其他湯底同菜式！😋🍲🍽️ 魚你相聚柴灣小西灣道18號富景商場地下49-50號舖…查看更多

今晚唔得閒煮飯，同阿女行去屋企附近，小西灣富景商場的魚你相聚食晚飯。餐廳做街坊生意為主，價錢好大眾化，所以經常都好多人光顧。🍅番茄濃湯鯛魚片娃娃菜米線，另外追加肥牛。湯底酸酸甜甜，番茄味道濃郁。最愛魚片夠爽脆又鮮甜，份量幾多。可以配米線，薯粉或飯，我選擇了米線。女女食鹹蛋肉餅煲仔飯，要等大約25分鐘，保證即製熱辣辣，女女話好好食，仲有飯焦好香。小食：炸脆皮雞中翼，非常香口。薑蓉口水雞，非常惹味，雞肉嫩滑。餐飲凍鹹檸七青蘋果梳打…查看更多

朋友好鍾意食酸菜魚，今晚揀左魚你相聚試下。七點到達，門口已經開始要等位，但等得唔算耐，約5-6分鐘就入得。餐廳地方唔算好大，有少量卡位。大盤酸菜魚  $268呢度有四款魚可以選擇：鯛魚片、鱸魚片、生魚片、龍利柳。而湯底就有三款選擇：老壇酸菜湯、藤花椒酸菜湯、檸檬酸菜湯。我哋今晚就試鯛魚片檸檬酸菜魚。大盤酸菜魚估唔到真係咁大盤，超出我地預期。套餐仲包2個主食，主食可揀薯粉/白飯/米綫。入面除左有酸菜魚、馬鈴薯、萵筍、豆腐、豆腐皮、大豆芽、娃娃菜、金針菇、海帶仲有闊薯粉，好足料。朋友唔太食得辣，檸檬酸湯辣度剛剛好，仲有淡淡檸檬酸味，清新開胃。鯛魚片口感爽脆鮮甜，檸檬湯底無蓋過魚嘅味道。大大片薯仔片，娃娃菜好吸湯，其他配料份量亦多。花膠濃湯雞煲 $75套餐同樣包一款主食，花膠雞湯底濃厚，有少少黏口。花膠就唔多，有兩塊。但雞肉份量足夠，仲有娃娃菜做配料。以一人餐黎講，都抵食。熱柚子蜜 +$7凍檸檬茶 +$5…查看更多

環境簡單舒適，價格合理，由四川廚師主理，質素令人滿意。鯛魚片酸菜金湯酸辣適中，湯底濃郁但不過鹹，最愛金湯中加入了大量蒜蓉。自選配料如米線、金菇和白蘿蔔吸收了湯的精華，口感豐富。鯛魚爽脆，如果喜歡魚肉的朋友，可以額外加鱸魚片，魚肉新鮮，沒有腥味，滑嫩可口。生魚片蕃茄濃湯朋友完全不吃辣，點了蕃茄濃湯。同樣額外加鱸魚片。生魚和鱸魚都柔軟鮮味。花膠濃湯雞煲湯頭濃郁順滑，花膠質地軟糯，雞肉鮮嫩入味，娃娃菜清甜，是一道滋補又美味的選擇，非常適合天氣稍涼時享用。麻辣手撕雞雞肉鮮嫩而且撕得幼細，麻辣味層次分明，作為配菜或開胃小食都非常不錯。紅糖糍粑我喜歡它做得特別幼身，所以更香脆，很好吃。…查看更多