魚一丁刺身居酒屋 (已結業)

前後在22.10.2010和24.12.2010去捧樂師傅場, 吃得開懷, 當然每次都捧腹而回, 飲飽食醉:).薑餅人愛上喝紀州綠茶梅酒, 貪其帶自然的綠茶清香, 送魚生是不錯的.每次樂師傅必先送來賣相精緻, 手工精巧的沙律及前菜, 新產品有明太子豆腐三文治.再來是色澤紅光的和牛刺身, 入口油潤.還有我不吃的熊本蠔, 珍珠蠔, 全都被灌進薑餅人口裏, 薑餅人說醋汁和醬汁調得不錯, 增添蠔的鮮甜味.不停放在我們碟上的刺身種類有響螺, 帶子, 深海池魚, 油甘魚, 牡丹蝦, 海膽, 吞那魚腩等, 很鮮, 很甜, 很甘香…仲有第一次吃的白子(即魚類的精巢) 和汁煮鮑魚. 前者吃時帶點戰戰兢兢, 口感軟滑, 有陣薄薄的衣包着似的, 味道鮮甜, 樂師傅配以酸醋汁減低其膩感. 後者煮得淋中帶靱, 甜中帶鮮, 還有其甘香內臟佐酒一流.吃完凍凍的刺身, 再來是燒物, 炸物及煮物, 當然不少得我超愛的濃魚湯配稻庭烏冬, 喝完熱湯腸胃頓感舒服.可是…知道此處快將結業, 我們很捨不得呢:(! 不過我和薑餅人會繼續去捧樂師傅場的, 再會!!…查看更多

1-Terrible experience! 2-很少 choice! 3-Not worth for the price!4-Missing order!5-Waitress lack of experience!The couples who sit next our table left after they read the menu, I heard that they commended nothing to order, choices are less! Unluckily we had already ordered otherwise we will acted like them to leave that place. …查看更多

今日一行11人去了公司附近的魚一丁慶祝聖誕。我地叫了唔同的定食, 其中同事叫了一個定食, 有兩層幾格, 有相睇好豐富, 有炸蠔,燒魚,一丁沙律麵,魚生,三色飯。一丁拉麵沙律好味同事的三色飯好味份量奇多, 一個人都好足夠。另外一位同事叫了壽司定食, 壽司好新鮮,款都幾多。有甜蝦及魚生刺身 好新鮮小食有炸雞,一般我叫的是燒秋刀魚定食有一大條秋刀魚, 香脆好味。有4款魚生, 吞拿魚, 蝦,八爪魚,三文魚。 (三文魚同蝦, 好好食,好新鮮, 其他不是我杯茶)小食是豆腐, 好香豆味,好滑.另外我地叫了個魚生沙律,同炸生蠔。沙律內有幾款魚生同生菜, 不個分量不多,生蠔外表好脆,因為本人不食蠔, 不知味道如何。…查看更多

睇綺貞老師音樂會之前只有大約一小時食晚飯，可能時間尚早啦，經過唔使等位就試一下。坐位與坐位間唔會好逼，但張枱好細，叫多兩碟都無位放。服務算不上慇勤，OK啦。廣東蠔鍋：無乜料:(，唔係好抵食。三文魚茶漬飯：好清新呀，有緩和肥膩嘅作用。炸天婦羅烏冬：粉漿好薄、烏冬好彈牙。焗芝士土豆雞肉：超級好味，三樣食物都好夾，加上即時焗，熱熱的更好吃！整體食物好味，但係份量比較少，可能食完唔係好飽。同埋價錢都唔算抵食。…查看更多

同同事出去食個 good lunch, 同事想食日本嘢, 附近都係 sushi 果 d, 就決定食魚一丁喇.去到大概 2:00 都無咩人, 星期六下午唔係會好多人既咩?? 去到坐左陣叫左個鐵板牛舌同埋天婦羅定食, 個鐵板牛舌好易 un...要睇火囉...個天婦羅就好好食, 都有水準咖!!最唔好係 3:00 叫我地埋單, 只可以坐到 3:30...點解咁快咖??dinner set d 嘢好似好吸引, 會再去咖!!…查看更多

21-10-2010終於做了要到九龍灣做的事, 搞掂後同朋友到德福食晚飯. 雖然早兩日食的港式日本料理唔差 (http://www.openrice.com/restaurant/commentdetail.htm?commentid=2125878), 但各方面始終覺得魚一丁好好多, 加上推介 / 時令 (?) 餐牌的食物幾吸引,「唯有」翻兜再翻兜 (以前又幾時嚟過: http://www.openrice.com/restaurant/commentdetail.htm?commentid=2032278). 鐵板牛舌: 自己燒的, 所以店員奉上已 grease 的鐵板再即席點火, 我哋就要一路睇住鐵板幾時 "grill-worthy"... 牛舌無醃過, 淨係面頭捽了點黑胡椒, 就咁食味道淡得很, 不過另上的酸酸甜甜柚子醬同牛舌唔夾味, 最後只好蘸少少醬油同吃.蟹肉忌廉薯餅: 炸得鬆脆唔油膩, 餡料雖然忌廉多過乜, 不過奶味好香, 質地滑溜, 幾討好的; 不過圍邊的蕃茄醬汁味道奇似「大」記連鎖的「一哥豬扒飯」, 幾大煞風景...日式煎蛋卷: 每次必叫, 呢日的亦如常鬆軟帶甜多汁, 正 鱈場蟹雜炊: 「堂煮」的一味, 一大鍋湯 (木魚清湯?) 內有飯, 冬菇及揼成細細件的蟹腳, 滾起後再加入生雞蛋拌勻, 味道濃甜到呢 蟹腳幾好肉, 味道亦鮮甜; 飯粒則軟綿綿, 索滿湯汁, 加上蛋花的香滑, 我食了 3-4 碗 身體不適又好多嘢都唔食得的情況下, 呢碗雜炊絕對係最 comforting 的 comfort food, 太滿足了. 天婦羅蝦茶漬飯: 天婦羅唔油, 浸了湯就當然唔脆, 不過蝦肉爽口又帶點鹹鮮, 同拌了 wasabi 但較淡味的茶漬飯同吃, 其實唔差的一味, 不過雜炊實在太搶鏡了, 結果呢碗茶漬飯淪為雞肋.埋單每人約 $160, 熟食繼續滿意, 會繼續來完又來的. …查看更多

薑餅人在大陸工幹途中, 又突然日本菜上癮, 打長途電話給樂師傅, 待回港後一晚便立即結絆去坐壽司枱:).是晚胃口甚佳(其實只有少數時間是沒胃口呢~), 坐下不久樂師傅便送來三樣餐前小食, 分別有山葵沙律醬伴海藻, 蟹肉卷和麻醬菠菜卷. 這三精緻小吃清新開胃, 不消一下子已被清掉.接著呈來響螺刺身, 爽、脆、甜.赤貝刺身像極朵朵綻放的橙紅花, 吃下同樣很吸引, 鮮甜帶嫩.帶子刺身像梳子一樣, 肉質帶清爽, 不像大多外間吃到的那般滯.黑肉爽清新, 我愛吃白身魚質地爽脆, 也愛紅身魚味濃都嫩滑.油甘魚腩真的是又爽, 又油, 又甘香, 愛死它呢!樂師傅不久送菜味噌蒜頭, 炸蕃薯片和醋製蘿蔔. 最愛是呈粉紅色的醋蘿蔔, 切片後像是蕃茄, 它清甜多汁.樂師傅有心思地做出三款紫菜卷, 一是脆紫菜包着赤貝條和黃色蘿蔔條, 三樣都是脆卜卜. 二是包著數款魚生粒粒, 鮮甜多汁. 三是燒海膽飯焦, 香口美味.牡丹蝦伴着吞拿魚腩蓉兼海膽, 鮮甜到不能形容.蛇腹吞拿魚腩很美, 入口油香在口徘徊流連.熟食有汁燒魚, 椰菜包雞肉卷, 炸薯球, 魚湯. 每樣都很好味, 尤以魚湯喝後頓感舒服及幸福.甜品有黑糖雪糕和綠茶雪糕.很飽, 真的吃得輕鬆又精采.…查看更多

同朋友到九龍灣，好耐冇去魚一丁，於是今晚重臨舊地。環境唔錯,座位唔算逼~星期日夜晚七點幾都唔洗等，入座後點了一丁拉麵沙律, 廣島蠔鍋, 一丁自家製陶板特式香腸, 雞肉土豆芝士燒一丁拉麵沙律,加上芝麻醬好味,每次來到魚一丁都叫:)廣島蠔鍋,一般,但都低食O既一丁自家製陶板特式香腸,建議多人食會好D,因為食得多好咸, 味道都唔差,幾脆,幾香口雞肉土豆芝士燒,個人認為是今餐最好食的,可能因為有芝士的關係,但啲薯仔同雞都唔錯,值得推介:)…查看更多

和薑餅人結絆去看史力加3後, 便去魚一丁吃晚飯.由於我們都不太肚餓, 於是叫了不太多食物.原本叫了知床刺身盛合, 但後來師傅為我們特意造了另一盛合, 真好啊!刺身盛合全都合我口味, 有響螺, 帶子和白身魚, 很新鮮味美, 夏天吃冰涼刺身真是暢快~~:)薑餅人說口渴, 所以要了杯梅酒葡萄解渴兼降温.另外要了大滿足三文魚籽壽司和鐵板一口餃子.三文魚籽壽司真是大滿足, 一堆三文魚籽灑在芝士牛油果卷上, 還送上小鐵匙給我們一啖啖嗶來吃.鐵板一口餃子皮薄餡汁也多, 也是薑餅人最愛之一.很愛史力加3的薑餅人騎薑餅馬橋段.…查看更多

這天剛好因公事來到九龍灣，想吃有質素的午餐，一想便想起魚一丁了。這天點了個北海魚生飯定食，前菜有豆腐，豆味濃，挺滑，很好味呢。面豉湯有一的水準。而魚生飯的魚生種類挺多，有三文魚、吞拿魚、甜蝦等(大部份切粒)，全部都很鮮甜。吃罷主菜，看見惠顧午市甜品半價的優惠，便從那細小的餐牌中(餐牌只顯示三款甜品)點了熱情果奶凍$18。奶凍有點淡淡熱情果的味道，酸酸甜甜，很醒胃呢。吃罷甜品及餐飲，便結賬離座。怎料甜品並沒有作半價的優惠，職員解釋說那細小的餐牌為時令甜品，已作特價優惠。半價優惠只限正價餐牌。這樣取巧，實在令我感到被騙。食品質素雖好，但也應清楚提醒客人優惠條款。我會再來這食店，但下次必定問清楚食品價錢才下單。…查看更多

成八點，見到間野無人等位，試試！兩個人，叫在三樣野，埋單成兩舊幾，好似無食過！！下次唔黎！！第一樣：煎蛋卷：四大件，無咩特別！:(第二樣：都唔知咩薯餅！伸笨！第三樣：蟹粥：都唔似粥，好鹹，又貴，又唔好食，結果食完都要行去食甜品！下次都唔會試，D：侍應都好少咁！…查看更多

成日同花老嘢食飯,今日決定撇甩佢同個舊同學食飯(其實係佢撇我)大家都想食得清d,於是決定食日本嘢.原本想去和民,不過攞飛嗰時d waiter講啱啱full house,可能要等耐少少先有枱.咁我就梗係唔等喇,即刻改去魚一丁.去到門口冇人,即入:)叫咗...一丁拉麵沙律:每次都必叫,好好味.芝麻醬配冷麵,加d菜同蕃茄balance吓,正呀!枝豆:我鍾意食熱嘅多過凍嘅,呢度啱晒我.不過有少少overcook,d皮好淋,有d輕輕一咬連皮都爛埋....蟹肉忌廉薯餅:唔係乜食到蟹肉bor不過d cream都ok嘅,幾滑同埋都唔算漏日式明太子煎蛋卷:食唔出有明太子喎......係d蛋卷中間有一層橙色囉.上星期食過蟹肉蛋卷,好似好味d喎...大蝦天婦羅烏冬:冇食,不過個湯烏冬好似唔錯~~由7點幾坐都差唔多10點,waiter其間不停幫我哋加茶,服務唔錯,讚!下次同老嘢去食先,Asahi draught beer做緊$20 1 pint,老嘢最鍾意~~…查看更多

第一次食魚一丁...係TEA TIME時間口痕...就同朋友仔入左去食,諗住食少少野,夜晚又要食飯...點知,咁岩呢排有PROMO,有平野食,20蚊一大碟壽司,有12舊,真係好正,好抵~絕對係新鮮,一流~呢個價錢買百佳都唔得啦...不過一台4人以內可以叫一碟,8人叫2碟,如此類推!仲試左個奄春蛋串燒,好好味~其他既串燒都唔錯,值得一試:)拉麵沙律都好碟...真係唔錯~平時食日本野好多時都好細碟,魚一丁就好夠份量!!!真係一讚呀~…查看更多

本來是要去和民的,但才7時就人多得很,算,放棄了,去了同是日系的魚一丁。叫了定番的一丁沙律,半價的5點壽司,蟹肉玉子,蠔鍋。沙律保持水準,我覺得好像麵比以前還多,很好。5點壽司,只吃了帶子,鮮甜,飯略有點硬實,不過可以。蟹肉玉子,基本上吃不到蟹肉的味道,只有高湯的味道,所以..下次可以叫玉子就好。蠔鍋湯底鮮甜,令蔥等等很入味,只,份量太少..不夠吃。不夠飽只有再追加一個8點壽司,今次吃了墨魚及三文魚,新鮮,但飯仍然是同一問題。不算太飽,於是去了吃甜品。…查看更多

為了慶祝父母結婚三十二週年, 加上適逢家中有多件值得高興的事件, 今次便由我請一家人去吃日本菜. 還是第一次和家人坐在吧檯吃日本菜, 結果大家吃得很高興, 很滿足, 值得值得.師傅先送來燒雞泡魚干作開胃菜, 接著薑餅人便急不及待點了一大支久保田解渴.第一樣呈上是廣島蠔, 不吃蠔的我轉贈給媽媽吃, 各人對此都讚賞, 加上可能大家都肚餓, 眨一眼便掃清了.響螺及帶子刺身, 不用多說, 新鮮得很, 配上柚子wasabi很清香.今餐最大驚喜是我和薑餅人言笑之間, 提及有人將活生生的鰻魚苗加在sake中一起喝, 怎知師傅聽到後說他們是夜有此供應, 即席我們表演了生吞鰻魚苗清酒, 喝得過癮, 玩得開心.瑩光魷魚鮮甜無比, 割愛了些給愛吃魷魚的爸爸.針魚刺身光亮閃爍, 配上葉子吃添上甘香.池魚和油甘魚腩都屬味强的一類, 它們的油脂特別甘香, 令人回味. 油甘魚配上濃濃的海膽, 吃後只想將甘香的餘韻一直留在口中.鯖魚的外皮被火輕輕燙過, 魚香很重, 配上特製醬油吃更和味, 令我對一向印象麻麻的鯖魚改觀了.牡丹蝦配上其蝦頭膏, 吞拿魚蓉和海膽, 見到外貌已令人着迷, 吃後更動了情, 深深愛上它了:).今晚師傅教曉了我吞拿魚腩各部位的名稱和特點, 我們今次吃的位置叫蛇腹, 特點是魚味較重, 但可能不夠霜降位置鬆化即溶. 粉紅色和白色的粗條子相隔, 看落真有點像蛇腹, 味道很香濃, 愛死它了.吃了這麼多凍食, 接著便來熱東西令腸胃舒服下來.白蘿蔔卷着鮮蟹柳清甜不膩; 燒魚絞和雞肉都是啖啖肉.蒸蛋熱乎乎, 滑嘟嘟; 燒松板牛油香肉嫩, 吃很嘴脣像塗了lip gloss一樣的油亮.燒芝士年糕比預期輕怡, 年糕鬆懦而不死實, 芝心香濃.最後來個茶壺海鮮湯, 鮮甜得厲害.到了媽媽最愛的甜品時間, 今晚要了三款甜品, 分別是新款的藍莓糯米糍配雪糕, 黑糖珍珠雪糕和綠茶雪糕大福.今晚, 很高興, 很温馨, 很滿足, 很飽啊~!…查看更多