魚がし日本一 (AIRSIDE)

营业中

休息中

第一次嚟新開airside~咁啱約住附近既朋友tea,行過有壽司食所以入去試咗個$398 Omakase set包十件廚師發辦壽司，茶碗蒸，小沙津，同埋疑似湯飯😂香港大型新商場，大約$400 一位嚟講（未計加一）可以接受既～一試無妨不過D凳就坐得唔太舒服😂冇腳踏位可能高人啱坐D

個個都去新商場湊熱鬧，我當然唔執輸😎由公司出發，去到airside 都係10分鐘左右🤓✌🏻我啲同事已經去過，得我係大鄉里😂商場空間感好大，樓底好高，用啡色做主調，有啲K11 Musea feel。商場𨋢有啲似太古 one island east，可能大家都係啡色，所以感覺有啲似。我哋嘅目標係要試哂商場所有餐廳🍴😂今日去試立食壽司，其實都無特別指定想食邊間餐廳，見到有位就行入去。餐廳入面係有櫈，係收埋嘅時候變成平面，完全貼住吧枱嘅款式。不過餐廳新開，未完成安裝，所以短期內只可以立食。枱上嘅熱水器都未安裝好，暫時會由職員提供熱水。餐廳嘅燈係以前外賣壽司嘅魚仔豉油樽🐟，好得意。除咗散叫壽司，仲有魚生飯，都可以揀omakase。今日試咗魚生丼飯🍚三文魚親子丼 ($168)每個魚生丼飯都會有沙律同茶碗蒸。主食準備好，廚師就會將食物放喺吧枱。三文魚有6片，上面有魚籽同牛油果🥑。飯已經預先有調味，而且唔係壓到實哂。魚生好新鮮，推薦👍🏻醬油漬甘海老丼 ($168)生蝦鋪滿飯面🦐，因為係醬油漬，所以已經好夠味。除咗生蝦仲有少少櫻花蝦喺面，海老丼都好好食😋食緊嘢嘅時候，我哋講緊生蝦敏感嘅問題，廚師都有加入

叫咗一個Set同埋一堆火炙壽司，三文魚火炙壽司薄到可以見到師傅嘅刀工，食落去口感差咗啲。$28 1件有啲貴。另外果set廚師發辦壽司，雖然用嘅魚都係貴啲嘅品種，但啲魚都冇乜味。帶子更加似係雪藏咗好耐，因為冇味。另外，個set壽司拎上嚟嘅時候仲有粒飯癡係底。個set仲跟咗一個茶碗蒸，咁茶碗蒸大家梗係覺得係日式㗎喇，但茶碗蒸上面有中菜嘅芡汁，食落去亦都似中式蒸蛋。過但係畫嘅不過完全就唔係茶碗蒸。如果好堅持一定要立食嘅可以一試，否則唔推薦。