鬥茶物語

未飲過所以試下，職員態度差，明明無其他客人落完單係度唔知搞咩成十分鐘先開始沖嘢飲，掛住玩電話，沖得又慢，又唔好飲，明明叫左加袋佢入一杯又唔入一杯，最後仲要俾面色人睇。比錢買難受。…查看更多

個人私心推介『陽光☀️芒芒🥭』當中味道👅香濃，芒果沙冰真係好好味🤤炎炎夏日，最佳消暑行街的方法當然係一邊行街一邊食透心涼的甜品🍧呢間店舖等候時間唔算長，就可以食到香濃、口感棉密的芒果沙冰，再加上粒粒椰果🥥真係有種幸福🥰來得太容易的感覺一攞起手，就有大半個芒果🥭切成一粒粒作為招牌👏一口有一粒粒椰果和芒果冰，芒果冰由於太熱🥵好容易變成水狀，不是太甜，口感都唔錯👍最主要係有種酸甜酸甜又清涼的口感，實在令人難以忘懷⋯⋯每一啖都是療癒的幸福感…查看更多

完全係失望本來諗住叫黑糖珍珠奶茶，點知去到已經話珍珠賣晒，問可唔可以轉芋圓。咁我就是但啦，我都係想要有咬口姐。點知等咗我成15分鐘都仲未有，就望吓入邊，一男一女店員2條友走到最入邊身貼身喺度唔知做乜嘢！望到我哋裝就話整緊㗎喇！再等多10幾分鐘到，終於有嘢飲！但飲第一啖，我真係嬲到傻，等咗差唔多半個鐘，前面一個客都冇，以為佢喺度煮芋圓先會咁耐。點知一咬啲芋圓竟然係硬嘅，好似冇煮過咁。。。。完全係嘥錢嘥我時間。。。等咗成半個鐘，竟然係整杯咁嘅質素嘅嘢出嚟，完全唔明白點解呢間鋪咁難飲鋪仲未執笠…查看更多

所有對話都係語氣差 問佢幾錢就話「咪寫咗係到囉」 好似全世界爭佢錢咁由得人哋出邊等唔會招呼人差啲想講唔買喇！食物唔好味😅冇芝士味 38蚊 應該10蚊好希望老闆睇到呢個留言同希望佢唔係老闆😑最好笑係全部留言都話態度差🤣中伏智商稅…查看更多

有留意開開心果關注組，知道旺角有一間茶飲賣開心果嘢飲，咁啱經過旺角就過嚟試吓啦。一睇Menu有啲嚇親，因為杯開心果厚椰奶都真係有啲貴，不過實在太鍾意開心果啦，都要試吓等咗大約5分鐘到就有啦，個杯新設計都幾靚，好有日本漫畫feel，不過味道就好普通啦，開心果味唔出，咁覺唔夠濃郁，無論係開心果同埋夜奶味都係，以呢個價錢嚟講就真係唔係好抵啦，市面上有更加好嘅選擇。最後想提嘅係個店員好奇怪，明明整好咗都唔會叫你，要自己望住杯嘢飲整好未…查看更多

十一點左右喺旺角見到呢一間舖頭未收由於未聽過呢間舖頭名唔知有咩好飲所以睇下menu有咩奶茶可以選擇店員已經係咁傾緊電話睇完揀完之後我講咗個飲茶名嘅頭幾個字都未講完店員就一個好唔耐煩嘅態度打斷我話：賣曬啦都冇講係賣曬啲乜嘢 個奶茶呀定係啲料啲珍珠呀咁我平復心情就再叫咗一杯珍珠奶茶叫咗半糖然後呢一杯半糖嘅奶茶結果呢 係甜到痴咗線係除咗甜味 咩味都冇啲珍珠又好韌飲咗三啖掉咗中伏指數 10粒星🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️…查看更多

之前有次買佢個10yen餅同一杯黑糖珍珠奶茶，當時有兩個店員在場，就話杯嘢啲珍珠要煮10分鐘，我就話OK，結果等左大概15-20分鐘仲未得，然後有個店員突然冇啦啦走左去店外面傾計，個日又特別多人，企曬係出面，剩低個個店員又睇落唔熟手，一開始俾錯左其他人既餅俾我，好彩我冇拎到即刻食咋。結果最後我等左30分鐘先拎齊啲嘢…10yen餅芝士味幾好食，但價錢略為嫌貴杯黑糖珍珠奶茶就買俾友人既，應該都OK，但價錢都真係偏貴。…查看更多

我係一個鍾意色彩繽紛嘅人🌈，見到有個彩色芝士，當然就試試佢🏳️‍🌈10円餅，成個一毫子咁又幾得意😆，個外型係唔錯嘅~雖然一個要成 $48 不過都俾好奇同貪玩累事而買左😂- 味精麻麻哋，個芝士味唔岀，得個彩色樣靚😅仲有拉到好長嘅絲👍🏽- 個餅/蛋醬完全係冇味㗎，仲要我睇住佢整㗎嘛。。。一整好就俾我，個皮都仲係淋㗎，一啲都唔好食。。。軟淋淋所以，真心嘅係唔值得試，又貴又唔好食😂 除非好似我咁鍾意五顔六色，先試一次買個經驗😂…查看更多

店員態度差，完全目無表情點了一杯葡萄柚四季春茶，承為$26叫凍飲半糖走冰，店員說不能走冰，唔緊要叫了小冰，但出來成杯滿晒都係冰…味道一般，沒有什麼茶味忍不住寫食評，沒有下一次…查看更多

今日喺佢間舖頭叫咗杯嘢飲， 等咗20至25分鐘先有， 邊有茶飲店等20分鐘， 連同外賣自取和外送都係咁追佢單 ，都唔覺得佢有加速，幾分鐘都見唔到有一杯嘢出嚟，只係見佢左搵右搵嘢， 眼初初只有兩三張單， 店員態度勁差， 仲見到喺舖頭入面一路整嘢飲一路食電子煙， 整嘢飲仲要睇制作流程， 一啲專業嘅感覺都冇， 個收銀有人排隊都冇理佢繼續自己做自己嘢， 開始多單一啲加速嘅感覺都冇， 你急佢唔急， 門口開始多人等都係嗰個速度，講到嘢飲，佢杯招牌飲品，一啲味都冇， 間舖頭又唔用透明杯 ， 都唔知入面有啲乜嘢，下次唔會再去…查看更多

是咁的，本身我係想飲夏茶的開心果鮮奶點知賣曬失望之際見到呢間鋪頭個電子版寫住有賣「滿杯開心果椰乳」勁興奮超想試😍點知一去到想落單，個職員俾我感覺係佢好似睇我唔到？冇叫你等等或者問你飲咩，我諗佢可能睇我唔到或者唔知我想買野飲啦，終是我叫左聲唔該佢都冇唔理你，慢慢做野☺️咁我都算，佢都係做緊野唔得閒招呼我啫企左幾分鐘之後終於幫我落單啦，點知落完單先燥落單時間係19:37鋪頭其實都唔算好多人等緊5-6個左右，我諗正常等10分鐘應該都有啦點知杯野最後20:00先出到最嬲係入面沖野飲個staff真係唔care你係咪等緊，沖野慢到我想較佢2.0倍速最後，野飲都合格，但我唔會再去又要唔平，成$48杯…查看更多

態度好差，等得耐，唔會再幫襯同朋友一齊叫咗杯開心果厚椰乳試，點知得2個職員，等極都未有人留意到我哋想落單，到落完單，又唔見個男職員幫手整任何嘢，出咗去煲電話粥。由於等太耐，發現佢講完電話返嚟，對我朋友同其他食客嘅提問，好似唔太想答咁，點一下頭，做個眼神示意，非常奇怪。整體來講，態度差，出飲品速度慢，飲品冇得揀甜度，等23mins先出4杯飲品，等到唔耐煩，仲要睇住佢慢慢做，真心嬲，嘥時間。唔會再去。…查看更多

早前香港突然間瘋魔起10円芝士拉絲餅。 本身元祖應該係位於葵芳韓國人開嘅店。但係一直因為葵芳太遠所以冇去到但估唔到食住過世旺角都開咗一間買10円芝士拉絲餅嘅店舖，仲係茶飲店，岩哂又食又飲 好方便。因為係上年去嘅而家價錢可能有所調整。 位置近廣華醫院嗰邊 附近都有唔少食店或者飲品店所以都相當方便。 但係買咗就唔建議喺店舖附近食，因為喺正街中間都幾多人行嚟行去同埋真係係度會食唔少二手煙😅價錢方面好似比葵廣既平，一件$38。 口味都好多，除左最基本既芝士外，仲有開心果、豆沙等等咁既然第一次食梗係要試吓元組給嘅拉絲芝士啦。即叫即整關係 ，大概等咗15分鐘左右。 高手係熱辣辣嘅依個餅想拉絲梗係要即叫即食啦， 凍左一嚟味道冇咁好二來都做唔到拉絲嘅效果。上面都講過唔建議買咗喺店舖門口食所以就行過咗對面馬路相對冇咁多人嘅地方開餐😂😂到手個外表真係好似一個10円咁，包裝都會配上10円嘅圖案🤣🤣因為係新鮮熱辣咁樣食所以好軟熟食落去芝士味都幾龍而且仲可以做拉絲嘅效果，中意打卡既絕對唔可以錯過🤣🤣…查看更多

【油尖旺區】【鬥茶物語】行行吓旺角，本身想同一位朋友扮偶遇，所以用少少時間等吓佢。等嘅時間唔算好耐，喺等待嘅過程裡面又冇必要入餐廳食肆等咁誇張。因此就決定去登打士街嗰邊掃吓街就算，快靚正。不過其實都冇咁多時間，買杯嘢飲算。嚟到呢間「鬥茶物語」，令到我足以停低留意佢哋嘅原因係我喺佢哋展示畀人睇有咩產品嗰個顯示屏上面，見到有開心果嘢飲，我作為一個開心果控，梗係興奮到不要不要啦。所以就企喺度等佢個 mon 轉畫面轉到杯嘢飲度再睇。佢餐牌冇，但係個 mon 有，照叫呢杯 $48 嘅「滿杯開心果厚椰奶」，味道上，飲落都幾濃幾正，有開心果香味，亦都有椰香味，成杯嘢幾豐富，不過成五草嘢都有啲乸脷。然而，店員趁機推銷買埋「10円餅」，杯嘢飲就八折。就係咁樣我就買埋 $38 嘅「10円芝士餅」，呢款又真係我都有留意到嘅日本街頭人氣小食，揀拉絲芝士味夠晒傳統，味道都 okay 嘅。叫咗呢件嘢而令到我杯嘢飲變成八折嘅情況之下，總數就變成 $76，點解感覺好似仲洗多咗咁。。。（地址：旺角登打士街55號地下A號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #旺角東 #油麻地 #鬥茶物語 #滿杯開心果厚椰奶 #10円芝士餅 #10円餅 #日本街頭人氣 #拉絲芝士 #1am1264 #1ambackup…查看更多

焦糖奶蓋係用粉開，完全冇奶味叫得黑糖珍珠鮮奶，邊有預過佢會用Shaker杯搖，令到啲鮮奶完全冇味，擺明係淨係想減省成本珍珠超硬，唔知擺太耐定係冇煮熟店員服務態度差到，我以為我欠咗佢全家問佢可唔可以轉芝士奶蓋，態度好差咁答可以點知收錢先知要加$3，明明Menu所有奶蓋係一樣價錢然後望住入邊另外一個店員食住電子煙沖真係不得了嘅舖頭以後我都係唔敢亂咁買冇人排隊嘅舖頭奉勸大家都唔好浪費金錢旺角區仲有大把選擇…查看更多