高高酒家

专登出去为老爸庆祝食生日饭，佢哋第一次食，当然要食可以解放双手嘅避风塘濑尿虾肉啦，重面包糠嘅避风塘，但欠奉豆豉，少咗𠮶种香味，都有6只虾肉，够大只，啖啖肉，加配一支蓝妹啤酒，套餐价$318，少贵，但值得一试。冰川无骨咕噜肉，冰住上，令肉外层嘅酱汁部分脆卜卜，甜酸均匀，充满口感之余又开胃，但系啲配菜料太碎，夹唔到嚟食。豉油王鹅肠，鹅肠爽脆，豉油唔会死咸，加上芽菜垫底，好清爽。杞枣猪膶浸时蔬，可惜无其他菜拣，只有白菜仔，猪膶略嫌唔够滑，多姜丝僻猪膶腥味，有片片红枣甜味，都几好味。高高小炒王，碟头大，有炸脆嘅芋头丝(坊间好少有)、银鱼仔、腰果、菜葡、大只虾干，非常惹味，𩠌饭或佐酒都好适合。…查看更多

今天晚上一行12人惠顾，本人第一次光顾，朋友特别推介炒濑尿虾及冰镇咕噜肉，是地道小菜馆，都预咗环境迫， 嘈杂及楼面服务一般，但点菜嘅哥哥系有啲唔耐烦嘅，纯想为食而食，10道菜没有叫饮品，连食完离开只不过75mins. 结账$1750。正当结账离开时见到舖面玻璃有poster 写著8人以上送3支啤酒，舖内不觉有这poster, 但由坐下、点菜及离开都没有人告诉我们有啤酒送，返入舖问番点解冇送三支啤酒，帮我们落单的大叔回应：以为你们不饮。我哋都唔知，你亦没有问我们，点解会以为我们唔饮？又辩驳话我哋冇嗌其他饮品，「以为」我哋唔会饮嘢，连感到「唔好意思都没有」，既然系送，就大大方方送俾个客，叫我哋下次帮衬再饮过，唔会有下次。原售买每支啤酒40几蚊。讲返食物质素，避风塘炒去壳濑尿虾系几好食嘅，但价钱都偏贵，中size $600（大约起咗肉10件），煎蚝饼个样好大碟松脆，但非常之小蚝，铁板猪肠，味道太咸，冰镇咕噜肉系特色嘅，但系我都系喜欢传统嘅生炒咕噜肉，瑶柱蛋白炒饭一般，落单时话要浸瑶柱，所以食晒其他𩠌才来。茶都冇杯，净系比壶热水。总结：其实系这些地方食都预咗这环境及楼面服务都似大排档格局，食物水准一般。如果系做噱头优惠嘅，咁麻烦主动提供返个优惠，就不要冇问冇提供就「以为」客人不要这「优惠」，我念没有客人会被动不要优惠㗎，这様回应真的笑不出，就是这一点，就算食物质数几好，也不会再光顾，因不老实的回应，态度有点串，朋友们心里不爽😰原本一餐普通晚餐，最后系bad ending。若果，店舖主动送三支啤酒，相信不一様的结局及心情。…查看更多

和家人经常在这里聚餐‼️不用+1服务费‼️（重点）必食推介👍✨避风塘赖尿虾✨（不用剥壳 实在太方便了）✨冰镇咕噜肉✨（几新奇可以试吓）✨虾子柚皮✨（怀旧菜式，而家已经好少有）✨脆皮炸猪手✨✨椒盐鲜鱿✨（配啤酒一流）✨回味鸡鱼翅汤✨环境也算是干净 比起其他食小炒的地方不用收服务费 也算可以服务也算是OK 没有什么要求可言 见到有房间 应该要提早预订新年可以预订房间服务员说现在有午市 深水埗街坊下午也可以去试吓见到菜单都有小菜…查看更多

呢度环境几好，因为一般酒家印象中都比较旧，最怕啲枱枱櫈櫈坐落去系黐立立🥶🥶好彩佢哋呢度嘅枱櫈都抹得十分干净👍🏻而且大枱同细枱都有，无论你系一家几口，定系十几个人一齐嚟食都好可以🤭🤭✨避风塘濑尿虾肉呢个系招牌菜，真系一定要食😋平时真系好憎食濑尿虾，因为真系好难搣壳，而家唔使惊啦🤣原只去壳得返啲肉，仲要只只都劲大只，啖啖肉😋加上避风塘炒，特别入味，而且仲辣辣地，送饭真系一流👍🏻👍🏻✨冰川无骨咕噜肉大人细佬都啱食🤣原来用冰冻上又几特别🤣🤣外脆内软👍🏻本身以为得只碟大只，点知食下食下都好多嚿肉，真系好抵食😋😋✨啫啫芥兰爽肉冬天食真系好吸引，因为佢哋热辣辣攞上枱，然后放落个煲度再煮🤣🤣🤣闻到又香，食落劲好食👍🏻👍🏻加埋啲爽肉真系啱晒胃口🫶🏻🫶🏻✨虾籽柚皮平时屋企都真系好少会食，又估唔到食落几特别，佢哋嘅酱汁加上虾籽，食落好入味，但系又唔会过咸👍🏻👍🏻而且又唔会热气😋✨脆皮炸猪手真系劲大只猪手，平时又要自己切开，切完只手都好攰😂😂今次完全唔使自己郁手🤭直接上枱就食得😋😋啲皮脆到卜卜声，而且佢哋唔会腌得好咸，送啤酒一流🤭🤭✨莲藕煎肉饼煎完真系好好食🤤而且一碟好多，真系啱晒一班人食🤣🤣🤣用料十足，有莲藕嘅爽口，仲有煎得够香脆👍🏻👍🏻而家佢哋仲有优惠，成班朋友嚟食嘅话，仲有啤酒送😎😎真系啱晒成班老友黎😎😎😎…查看更多

早几日我哋一家人出咗去深水埗行街，晚餐谂紧食咩嘅时候，行到高高酒家门口见到餐牌📖真系超多选择，就入咗去试吓😆环境好地道有啲大排档嘅感觉，可以带小朋友一齐体验吓👧🏻古法生炆龙趸翅🐟呢道菜一上枱就听到渣渣声，热辣辣😍侍应会帮手将龙趸翅剪开，鱼肉鲜美而且唔鞋，仲有满满嘅胶原蛋白，口感好丰富🥰真系好适合小朋友食👧🏻而且加入枝竹火腩一齐炆，送饭一流呀😆呢个天气食完真系暖笠笠黄金单骨鸡翼🐔鸡翼炸到脆卜卜咬开仲有少少肉汁，再配埋咸蛋黄一齐真系劲邪恶😏而且份量亦都好多，我哋食到尾声啲鸡翼都仲脆㗎花甲浸菜苗🥬食饭又点少得菜呢🥬呢个煮法虽然简单但系已经好鲜味💕花甲冇乜沙，而菜亦都吸晒汤好甜，再加入金菇同芹菜，口感更加丰富🫶🏻而且可以边食边饮汤☺️沙拉芝士虾球🦐卖相好吸引，个个都圆辘辘仲炸到金黄色😍虾球酿入芝士炸到脆卜卜，相信大人小朋友都好爱😆虾球爽口弹牙，虽然入边有芝士但唔会盖过虾嘅鲜味，食落唔会觉得好油腻，有惊喜呀我哋一家人真系食到超满足，佢哋嘅份量偏大，好适合一家人又或者同朋友一齐去聚餐😍真系好推介大家去试吓‼️…查看更多