高高酒家

高高只可以用大件夾抵食嚟形容😂😂😂小炒王好似平時其他舖頭嘅二碟黃金雞翼好正呀入曬味 只要寫住黃金都有興趣試冰鎮咕嚕肉係一定要食豉椒炒蜆係每一個殼入邊都有肉！好啱幾個朋友食下小菜傾下計推介推介仲有豉油王鵝腸…查看更多

今日一行五個人，去深水埗高高餐廳晚餐。朋友話一定要試冰鎮咕嚕肉，聽個名已經好想試！上菜時已經比佢嚇親，好大堆冰⋯⋯啲肉外皮酥脆，裡面竟然仲有肉汁，難怪朋友推介話一定要試～脆皮炸豬手就一般般，份量大但不是特別出色，反而好鍾意豬手上邊嘅酸薑，超級開胃之餘可以減低油膩感，正！避風塘桶蠔好新鮮。另外叫左黑椒薯仔牛柳粒，好好食！啲薯仔外面甜脆，中間入口融化～炒飯同菜都係不過不失～今次我地好好彩，坐邊位，比較靜小小可以傾到計。…查看更多

初次進入這字小店, 感覺有點殘殘舊舊, 好似去咗大排檔一㨾! 但氣氛相當好, 職員相當熱情! 最值得推介菜式係 椒鹽瀨尿蝦👍因為佢係拆咗肉出黎再椒鹽!! 味道一流有 誠意!! 其他點咗冰鎮糖醋骨, 雞煲龍躉翅等 都相當惹味 好食 值得推介@…查看更多

高高酒家有三間分店，今次同朋友去深水埗果間講真，我幾鐘意食大牌檔小炒，因為好食，但又實在受唔到熱，所以通常都同朋友揀呢啲食肆聚會！其實高高唔係大牌檔出身，但以我所知，好多中廚都揀高高作聚會，就知佢係幾高汁啦！呢個一定要食，啖啖肉，好好食，好入味！呢一味絕對岩我呢個like食瀨尿蝦，但又唔想剝殻嘅人😬😬唔記得名，但must叫，想食就show呢張相俾伙計睇啦呢個都好食，但唔算十分突出食咗咁多乾身嘢，點都要叫個濕嘢濕下個口😬😬…查看更多

麻甩朋友聚會，當然食麻甩野，朋友誠意推介高高，話佢個冰鎮古嚕肉好掂喎，OpenRice 評語好壞參半，一於去試下去到8點左右，已經排晒隊，好彩友人早到拎枱叫左古嚕肉，小炒王，炸九肚魚，帶子西蘭花，炸得夠乾薯仔牛柳粒冰鎮古鎮肉好有睇頭，一大盤冰，肉就唔多，味道偏淡，但都好脆口OKOK 呢味唐X小X 好味好多小炒王都係好有睇頭，超大碟，事因佢炒左啲炸芋絲落去，我都係比較炸九肚魚炸得夠乾身帶子西蘭花有鑊氣，好味，好香薯仔牛柳粒全枱最唔掂，啲薯仔唔香口，牛肉粒咬到我牙甩都咬唔到Overall我唔推介，但搵個地方聚下都唔錯既，價錢平！！…查看更多

熱炒平常都是去萬發/大中華比較多，上星期跟家人試了一家新的～而且還坐得比較舒服，環境感覺比較乾淨.這家的炸豬手很不錯, 配酸薑吃有點像嘴德國豬手配那些酸菜😂😂.薯仔牛柳粒居然有點像萬發的味道冰鎮咕嚕肉超好吃～這個下次去還要再點！. …查看更多

今晚約了全女班中同飯聚，見有5、6個人，娜娜便主動建議叫送食飯，人多可以多點幾樣小菜嘛，機會難得對於「高高」，娜娜聞名已久，但一直以來去慣隔離金豪，一直未有一試。今日初次到訪，感覺格局較金豪「噏耷」，但餐牌設計側倒模一樣～啫啫芥蘭豬爽肉是娜娜心頭好之一，這裡份量較多，可惜太多「獻」、味道太濃，使扣分不少邪惡的黃金脆蝦球，熱辣辣來到馬上擺入口！一個字正脆皮炸豬手望落不算很大隻，但其實份量一點都不少！豬皮炸得香脆，整體又不會太油膩，旁邊貼心配搭了些紫薑薯仔牛柳粒是我這晚其中一個最欣賞的送菜薯仔吸收了牛柳粒的味道，令人一吃再吃停不了，同枱朋友表示牛柳粒好un，娜娜卻好好彩吃了幾舊都沒有問題娜娜第一次食冰鎮咕嚕肉是在火炭稻香，當時聽菜名覺得又凍又熱怪怪的，卻一試便愛上，這次當然也要試試啦！上圖是送菜來到的樣貌，一座冰山，搞笑非常～可惜味道口感卻令人失望，皮不脆，更是容易因冰塊溶掉而使外層軟化掉對比金豪，這裡仍然保持沒有收加一，加上碟頭較大，價錢相對便宜～…查看更多

一直吃澳門的陶陶居的魚翅湯，覺得一流，沒想到香港的這家不起眼的小店也有這般水準，而且性價比極高，濃郁金燦燦的魚翅湯喝上一口，齒頰留香，還有最厲害最特別的冰鎮咕咾肉，是前所未有的口感，有點小激動！😊😊…查看更多

話說個同學好掛住高高嘅冰震咕嚕肉。。竹。橫掂新年後都未見過面，所以就訂枱啦！原本行八點，但佢話爆哂，要八點半，不過可以早去等。。。同學八點二十分到，依然係到八點半先有枱我地六個人比張十二人枱。。太大喇，加上隔離枱客講嘢太大聲，我地傾計都要好似閙交咁大聲坐低好快就叫咗幾個。。。唔夠再叫啦！食飽飽，由於太嘈，食完卜就即刻走人，今晚餐飯都滿意嘅。幾時會再嚟呢…查看更多

佢三間分店我都去過曬始終覺得深水埗總店最好食夠鑊氣 人氣最好首先必食嘅一定係冰鎮咕嚕肉最好等齊人先上菜上菜後等一至兩分鐘等舊咕嚕肉個皮夠冰凍 夠脆然之後即刻搶食最好係五分鐘內食曬所有如果唔係凍曬就唔好食不過亦都試過凍左再食個皮依然趣夠脆 值得讚然之後到個避風塘瀨尿蝦第一次食唔使剝殼嘅瀨尿蝦啖啖肉好正不過時令 可能有分別有時會大舊 有時會好細嚿 睇時間但係個味一樣好好食其實佢大部分小菜都好好食仲有個甜品係叫 脆炸湯圓 唔貴 服務好 抵食…查看更多

上星期五專登去深水埗高高酒家試菜, 由於是朋友極力推薦介紹之下, (因為她跟老板熟悉), 話這間酒家的菜式很美味, 價錢又合理, ....那晚叫了幾個這間酒家最特別的幾樣菜式嘗試,  分別有(1) 冰川無骨咕嚕肉, (2) 避風塘瀨尿蝦, (3) 招牌咸雞, (4)欖菜肉碎四季豆, 老實話, 期望愈大, 失望愈深,  環境衛生已經不計較好差之外, 侍應服務(None  ), 食了他們所謂鎭店之寶必吃的_避風塘瀨尿蝦更加失望, 瀨尿蝦的肉不新鮮之外, 也不好食,  肉質很潺, (喔):(  冰川無骨咕嚕肉只是加一大堆冰灑在咕嚕肉上碟,  味道普通, 只是玩下卓頭而已 (喔),  其他兩個菜也只是不過不失,  在進餐其中, 只見侍應不斷摧促隔離枱的客人埋單走人,  見到都心煩, 而我們兩人只是食了50分鐘, 還未食完就已經被迫埋單走人,  一個小時未到已趕客人走,  價錢一點都不便宜,  非常失望, 我絕對不會推薦這間高高酒家給朋友去食, 試過一次就受夠了. …查看更多

團年飯：有自攜新鮮海鮮但都煮得麻麻:(龍蝦伊面：龍蝦好老，伊面又林又碎。白灼蝦仔：雖然細隻，但係都好鮮甜，可能因為百烚唔難整蒜蓉粉絲蟶子：調味唔錯，但係啲聖子都煮得有少少過火，韌咗啲啲。招牌炸花生湯圓：呢個甜品值得推介，外脆內軟，花生餡料唔會太甜，湯圓皮好煙韌蒸魚又係蒸到好老，我都冇乜評語。。。…查看更多

以前食牌檔 食嚟食去不外乎萬發 愛文生 小炒王 容記呢幾間食到萬發水準開始差 中過一兩次伏之後 心諗唔通以後食唔返呢啲鑊氣野?跟住就想試下隔離呢間高高酒家冰鎮咕嚕肉 一開始就急住食左幾舊 點知原來係要等啲冰雪凍左先真係脆啫啫通菜 一上枱個煲同菜分上 會喺你面前落煲即炒 夠鑊氣薯仔牛柳粒 完全係以前萬記個味道 正…查看更多

身邊同事經常大讚高高，我已經想去試，終於今晚約到幾個同學去試喇。由於星期五，雖然我地bk咗八點，但去到都要等。。。大約半小時終於有枱喇，快速睇餐牌，招牌菜再加多兩樣，好快就落單了。終於一嘗所願，不枉我地等咁耐位。。。真係好味！…查看更多

<深水埗好味小炒>😍🔥深水埗除左大排檔4 天王外 其實仲有好多小炒都好出色 好似呢間高高酒家甘， 食物出色 又多選擇 絕不比其它中菜館差 👍🏻 🍴泡椒雞腳 48 蚊🐥用左葱葉做裝飾🌿 雞腳都整得幾爽口彈牙 凍食 而且泡椒好入味辣得過癮🌶 🍴椒鹽雞軟骨 48 蚊🐥🔥整得好香脆好夠鑊氣😍 一咬落去面 d茨粉唔會太厚 入面既雞軟骨熱辣辣 同爽彈 好味😍 🍴避風塘瀨尿蝦130 蚊😍🦐好少餐廳會整瀨尿蝦剝埋殼 好耐未食過😈真係好啱懶人食 d避風塘 辣蒜 好熱氣但好好味😂要送啤酒 瀨尿蝦炸得 恰到好處 保留蝦肉既水份🦐 蝦肉十十分新鮮 推介😍 🍴脆皮炸豬手 118 蚊🔥🐷豬手炸得外面好香脆 肉質好夠咸香 口感煙靭 👍🏻 幾鍾意佢加左 d酸薑可中和番 豬肉既咸味 亦可以點 黃色芥辣 調味😃 🍴冰川無骨咕嚕肉118 蚊❄🐷用好多冰塊圍住既咕嚕肉 , 用冰可令到本身整得夠鑊氣熱辣辣既咕嚕肉 出面既皮更香脆 出面凍而脆 入面熱而 juicy 😄再加上入味甜酸汁 多重口感🐖 🍴三色蒸水蛋 68蚊🥚平時舊式小炒店先會有得食 將 蛋 咸蛋 皮蛋 三樣一齊蒸 口感香滑 又有層冰感 😃蒸既時間恰到好處 好味 🍴椒鹽鮮魷 88蚊🦑🔥好有鑊氣既椒鹽鮮魷 外面香脆 個皮夠香脆同薄 入面既魷魷 好彈牙 厚身 正🦑 🍴豉油王鵝腸98 蚊😍鵝腸最緊要夠肥美😈 口感爽彈 盡吸甜豉油 仲有底層既芽菜 都好緊要 吸哂 d豉油汁同鵝油 要黎撈飯好味🍚🍴黑椒薯仔牛柳粒 98 蚊🥔🐮一上枱黑椒味夠香 牛肉切成一粒粒 口感 juicy 🐂帶左蜜糖香。 最正係嗰 d薯仔 外面蜜糖香之餘香脆 🍯入面熱辣辣 粉身質感既薯仔 好味😃 🍴高高小炒王 98 蚊🔥🌿第一次食韭菜少過其它料既小炒王😂 除左爽口韭菜外 仲有腰果 不得不讚佢嗰 d蝦乾 同魷魚乾 大大條又夠咸香🦑🦐最特別佢有 d炸得好香脆 既芋頭絲點綴 而另外有勁多香脆既炸銀魚 🐟好有口感 送啤酒一流🍻#大排檔 #小炒王 #椒鹽鮮魷 #蒸水蛋 #鵝腸 #薯仔 #牛柳粒 #咕嚕肉 #豬手 #雞腳 #瀨尿蝦 #雞腳 Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#高高酒家 深水埗福榮街 182 號~~~~~~~~~~~~…查看更多