高記餐廳

兩個人坐低叫兩個下午茶餐，我嗰個好快就到咗，到我食完另一個餐仲未到，隔離遲過我哋坐低嘅都食緊個炒飯，我就去追單禮貌地問佢到未？佢竟然答我俾啲時間，火已嚟，即係我坐低等咗半個鐘一個炒米而且隔離個炒飯已經食緊時我追你單係因為我唔俾時間你，再等多5分鐘我已冇耐性問仲要俾幾多時間你，我反問佢你漏單就認、講句唔好意思我可以等，佢仲話冇漏，問我係唔係唔等，火都嚟緊係唔要啦，俾錢時個女人話宜家上喇要唔要時，個男侍應邊收錢邊話我趕時間唔要，即時問候完佢就走人，呢間喇簡直搏X 唔會再有下次…查看更多

最近都在西貢吃早餐 想找間好吃的茶記 偶爾在西貢大街見到高記 進內一試 一如以往的點了炸菜肉絲米 餐肉太陽旦 茶走 加$1 面包烘底 一上枱 賣相不錯喔！米粉係透明唔會浸淋哂個隻炸菜肉絲有炒香過嘅味道 條條爽脆卜卜餐肉唔係即煎即上枱有啲凍了太陽旦 & 多士正常發揮最重要嘅茶走 茶味一般 甜味有啲獨特而店內姐姐們都態度很好能令我食哂成份餐嘅餐廳數一數二 高記是其一～總括而言 回頭率+++++早餐C 炸菜肉絲米 餐肉 太陽蛋 多士烘底 茶走🍜☕️…查看更多

星期日同毛孩到西貢美容， 然後拍低架車搵地方食午餐🥢， 經過高記餐廳，店員們很熱情地招代我們，又怕毛孩太熱， 讓我們坐風口位置。午餐 ～ 沙薑雞飯、生牛肉炒飯、 咸牛肉蛋治、凍檸茶、凍奶茶和凍檸樂。 🔸沙薑雞飯 ～ 雞肉香嫩多汁， 沙薑味重。    🔸生牛肉炒飯 ～ 炒得金黃乾身， 味道不錯。 🔸咸牛肉蛋治 ～ 咸牛肉充滿鹹香，幾好味。 🔸凍檸茶、凍奶茶和凍檸樂 ～ 飲品正常發揮。 高記有很多街坊熟客，是一間有人情味的小店。 🏷️溫馨提示～ 整個用餐體驗均屬個人分享意見， 只作參考😊。 …查看更多

高記午餐必食口水雞飯原本係有芫荽，但我走荽🤣個雞唔凍，暖暖地肉身又滑👍🏻👍🏻最重點係個辣醬！好好味，用辣醬黎撈飯真係會停唔到口🤤🤤仲有啲花生辣辣地又夠脆真係日日食都可以呀！…查看更多

呢間茶餐廳服務好不過食物質素好一般，不過今朝竟然爆滿，皆因大年初三如果唔想幫襯嗰D高檔次Coffee Shop佢就可能係附近唯一選擇。佢好聰明咁出咗個新春餐牌等你唔會因為加二加三而會反感甚至係反枱，其實就係價錢高咗份量少咗(平時早餐的麵餐係兩個餸加件方包，衣家就無咗方包)。炸菜肉絲煎蛋麵要出前一丁加$5，佢會特登比埋包麻油你。沙爹牛肉煎蛋麵D牛肉份量少沙爹醬係現成無加工嘅一般貨式。好彩杯奶茶都好香好滑好好飲熱檸水都係咁啦…查看更多

前幾日lunch為食貓唔係好肚餓，打開外賣app見到高記有三文治食，於是就買左黎食，但為食貓一開個三文治就覺得非常失望，應該唔會再幫襯煙肉蛋三文治+熱檸茶佢個三文治真係好細份，為食貓一開真係嚇親，咁既價錢一d都唔值👎🏽跟住個蛋亦都整得唔好食，比較乾身，同埋似係日式個隻玉子燒形狀，但唔係個隻味平時係港鐵站既小食店整得重好食😞而個麵包皮都唔ok，為食貓加咗錢烘底，但完全唔似有烘過，顏色就有，不過仍然係林啤啤佢連三文治都整到咁，為食貓都唔敢再試其他嘢食😣西貢有好多茶餐廳都比佢更加好食…查看更多

夏日熱辣辣行西貢行到攰，就是旦揀左一間餐廳食下午茶😆哩間餐廳分左露天同室內兩區，唔怕熱或者有寵物係身邊嘅朋友可以選擇坐露天享受下西貢風情🤣但當日實在太熱我就選擇入去嘆冷氣🥵 魚柳包 $32 (包熱飲)高質！包面烘到脆身，夾住熱辣辣新鮮炸魚柳🐟配上蕃茄同大量沙律醬，食落heavy得黎又好有快感！絕對贏某連鎖快餐店嘅魚柳bell幾條街🤫食完真係要宿番個肚腩😛 雙拼咸牛肉炒蛋三文治 $30 (包熱飲)不過不失，同其他茶記差唔多👌加番烘底應該仲好食…查看更多

下午4點幾行完山來到西貢對面海有點餓，行經大街見到高記餐廳座無虛席，想必是好野。雖然坐露天吸煙位但勝在夠通爽。我叫了個鼓椒排骨炒河＋凍0茶＄49，老公就叫了炸雞脾沙拉餐＋熱0茶＄38。個炒河炒得幾有鍋氣，上枱時仲熱辣辣，洋蔥夠甜排骨唔乾醃得夠味，兩個字講晒「好味」。老公個炸雞脾雖然細細隻但炸得啱啱好，粉漿唔會過份厚，雜果沙拉個醬我就覺酸了點。下次再來西貢會再來試其他菜色。…查看更多

星期三早上，帶著毛孩一起海旁走走，然後想吃個早餐，早上 8 點多，想去的幾間食肆都未開。走著走著，來到一條橫街，街名 “大街” ，這間高記餐廳，找不到表態資料，外面有座位，抱著支持小店心態，侍應也友善，說：有狗仔就坐外面，隨便坐啦！有 2 杯熱水，我們也隨便叫了 2 個早餐 （免麵包），$34 x 2 = $68, 熱奶茶 + 熱阿華田。我們不吃附送的麵包，因為茶餐廳都是用 Margarine, 非常不健康 ！望進去，客人不多，外面就只有我們一枱。整體及格，態度友善。…查看更多

行完山就去咗餐廳食下午茶，第一次入去拖住狗仔坐戶外。餐廳幾適合養狗嘅人，戶外大概有四五張枱。姐姐一開始就好關心狗仔，俾咗塊白麵包佢食，好有愛心。本身食茶餐廳都冇乜期望，點知出乎意料之外好食。我叫咗紅豆冰，沙律同滷水雞翼。三樣嘢都好出色，紅豆煲得‘林’而不爛，椰汁味唔太重而奶味剛剛好。沙律好新鮮，沙律醬唔多，配搭粟米剛剛好。而且個顏色都賞心悅目。滷水雞翼汁就最出色，顏色非常好，好入味，但唔鹹，食完之後都唔口渇。姐姐服務態度一流，對動物又有愛心，下次會再幫襯…查看更多

今早晨咁早去日出，又可以避開人潮，睇完就去西貢醫肚，泊好車近近地就揾咗呢間茶餐廳食早餐。坐底快快落單快快食完快快走，我話要丁麵，姐姐竟然問咩嘢丁麵 🤔🤔 一向去茶餐廳都係咁叫架啦，唔係咩？跟住叫個 C 餐，明明寫炸菜肉絲米，又問我哋係咪要麵，終於叫好晒，無端端又問要唔要包。 。 。個餐有架喎 👉👈食物上得好快，奶茶味道合格，但佢哋啲餐肉蛋同紅腸蛋唔係分開上，係放埋喺碗粉 / 麵入面 😑我哋坐近吧，聞到好大陣煙味，唔知喺邊度飄過嚟，所以坐底由於落單到走人唔駛 20 分鐘 😅…查看更多

叫咗個下午茶，盛惠34蚊，檸茶好快就到左 。跟住等咗大半個鍾，其他遲過我嘅客d餐都到咗，遲原來係漏咗單，不過都夠鐘走啦。去埋單,同佢講個餐未到，照收34蚊下次唔會再去…查看更多

行完山到西貢墟搵野食，車仔面雞飯食到厭，走入海旁牌坊搵野食，行到盡頭聞到煲仔飯香，去左呢間高記餐廳。四人各自叫了煲仔飯，要等20分鐘，再叫了一隻椰子雞煲，湯底跟雞分開上，待應說湯底是椰水及椰皇沒有加水，叫我們先吃雞再喝湯。煲仔飯到，師傅已在飯面加入豉油，先焗一焗再慢慢吃。餸菜份量十足，加上煮開了略帶甜的豉油又黑又香。四人很快就把雞解決了，餘下時間就喝湯，很香濃，雞的精華都在湯裡面，這次飯餐又飽又滿足。隔離檯叫了羊腩煲，借來拍了相片，下次再試。…查看更多

我的妹妹懷孕到了現在，最後終於都完成分娩，生下一名女兒。不過這女兒出生後還需要觀察和加護，要等待一段時間才能出院。但是對於留在家中的三姐弟，她們應該比我更急於，想去見自己小妹的真面目。阿媽朝早帶着三姊弟從西貢出發，前往醫院探望她們的母親。至於阿媽選擇食早餐，餐廳只是在舊墟旁邊，近着海傍市場街遊客區的餐廳「高記」。「高記」在西貢墟其中的政府街市，另外有舖位開設中式燒臘店。所以在舊墟旁邊的「高記」分店，按理應該都會有中式燒味飯提供，只是我不太熱衷於享用燒味飯，所以在「高記餐廳」也不會選擇叫燒味飯。平日我在早餐時間，通常不是選擇雞扒通粉早餐的話，就會選擇食牛奶麥皮早餐為主，畢竟早餐對我來說，稱不上是平日必食的正餐。不過，今次情況有點不同，因為阿媽對我選擇的早餐，破例給我自由選擇。這些機會，真的是千載難逢的黃金機會。於是我點了一客「沙爹牛肉麵」的早餐，早餐配菜腸仔加煎蛋，飲品要奶茶一杯，是不是「茶走」？我早已經把細節忘記得快一乾二淨。阿媽跟外甥三姊弟，她們也各自點自己的早餐，等了大約十幾分鐘過後，早餐陸續製作完成，被侍應送到眾人的檯面前。只可惜的是，阿媽當日早上食的早餐，我大致上已經不太記得，所以今次食評重點，只會集中於提及，我的早餐包括「沙爹牛肉麵」、腸仔煎蛋跟茶杯裝熱「奶茶」。至於我當時在「高記餐廳」裡面吃的「沙爹牛肉麵」早餐，我食後感覺不算差，只是一般而已，可能「高記」以燒臘生意為主，其他茶餐廳食品沒有燒臘食品那麼好，都是意料之中的事。「高記」的「熱奶茶」，「熱奶茶」本身很有屬於自已的茶味，至於奶茶的甜味，我現在對它已經沒有太大的印象。因為我只記得叫了伙計做「茶走」，「高記餐廳」最後造出來的「茶走」我已經不太記得清楚。到了「高記餐廳」的早餐主角，我已經很久沒在早餐時段食過的「沙爹牛肉麵」，我選擇了「公仔麵」作為「沙爹牛肉麵」的麵底。即食麵的麵底，即食麵的質感和口感爽脆是必然的事情。不過，沙爹牛肉的濃郁沙茶味道，只被醃進鮮牛肉裡面，沒有漏進即食麵的湯底裡頭，湯底味道偏向較淡是理所當然，一早已經被我預計得到的事情。腸仔一早被廚房煎過，所以腸仔有被香煎過的痕跡，但是它的油脂味不會很誇張很厲害，油脂味只會停留在腸仔的表面而已。前雞蛋屬於反蛋，所以蛋黃一早已經被煎蛋所包圍和煎封着，蛋黃沒有爆破漏進即食麵的湯底裡頭。公仔麵的湯底味道很清，沙覺牛肉的沙茶醬的濃鹹味沒有洩漏太多進入湯底，牛肉還保留了大量牛肉原味跟沙茶醬味道。牛肉本身肉質屬於中等程度，沒有明顯的筋，口感也不算很嫩，我對牛肉要求沒有細佬那麼明顯，牛肉我已經收貨了。早餐吃到中途，阿媽把她的牛油多士留了給我，牛油多士麵包質地我覺得尚算鬆軟，牛油味道可以再搽濃多一點。說回「沙爹牛肉麵」的麵底，即食麵雖然口感尚算有彈性，只是麵條本身沒有吸收太多的沙爹味道，令即食麵吃進口內，只吃到麵條的彈性口感，但是就欠缺了沙爹醬的香味跟鹹味。我想即食麵，還是撈勻味道偏鹹的沙爹醬再吃，味道效果可能會更好。整個早餐價錢只是三十元左右，對食品質素要求不高的話，都算是很抵食。阿媽跟細佬兩人，頗為喜歡買外賣，尤其是像「高記餐廳」的午餐常餐，我對「高記餐廳」的觀感只是很一般，一般程度跟旁邊的「西貢X室」一樣，都是可食可不食的食店而已。…查看更多

星期日一早出門，一個人去超市買野兼去食返個靚早餐。在西貢呢一個小小墟鎮能享受港式早餐的地點不算多，而早上，要尋要找要鮮為人知，最佳的搜尋地點就是西貢舊墟。窄街小巷內的茶餐廳冰室已經拜訪得七七八八，行出了西貢墟的小迷宮，就是魚市場的西貢大街，就在大街的一角，有富記同高記兩間小可愛。這兩間茶餐廳，雖不比巷內的雪糕佬同西貢冰室咁有味道，但在已被海鮮酒家同西餐廳佔據了的西貢墟，這些平民茶餐廳，無論新舊都富有街坊味道。一清早在茶餐廳食野，我最愛的，亦最能讓我飽肚的，就是平平無奇的公仔麵。食的也就是我常吃的豬扒麵，這裡的一片豬扒，未算做煎得香，但加了少少蠔油在上面，竟然可以把味道增強了。本人一直都應為，蠔油放湯麵是不對的，但經此一試，原來蠔油也可以點綴味道，至少，令未夠入味的豬扒加分。 奶茶，是沖茶老手的出品，茶面令到反光，滑一滑的奶茶，奶油味香而沒有過分地留在口腔之中，茶是帶有香味的，而且夠濃，一杯濃、香、滑、奶俱全的奶茶，還有可彈的餘地麼? 食過豐富的公仔麵早餐，飲過滑一滑的絲襪奶茶，我獨自一人去選購食材....今晚我煮飯!!…查看更多