馬祖 (海之戀商場)

约左朋友喺荃湾用膳，见天色昏暗，唔想行太远，去左海之恋商场「马祖」。餐厅主打一人一锅台式火锅，以药膳汤底和丰富配料闻名。我哋点左个 90 分钟全日定量火锅，套餐包每人 2 碟 Prime Grade 肩胛肉眼、火锅配料 Bar 、雪糕及雪柜内饮品任饮任食，额外再送任饮即冲台式饮品。汤底拣左药膳椰子清鸡汤同虫草花桃胶鸡汤，前者椰味浓厚、清甜不腻；而后者亦用料十足，滋润养生！肩胛肉眼质素非常高，不但纹理清晰、肉质细腻，而且肥瘦度刚好，入口香嫩有牛味。火锅配料全部放晒喺自助区，有丸类、蔬菜和面类等，全部都可以任食。台式饮料选了爱文芒果茉莉花茶，茶香与果香交织，清爽提神；另一杯柑桔柠檬特饮味道亦唔错，入口冰凉润喉！雪糕雪条有Movenpick、Dreyer's、Cocoberry 同 雀巢等，全部都货量充足，食多两杯已回本。…查看更多

落雨凉凉地想食火锅。朋友带我嚟食台湾马祖定食火锅放题。荃湾西铁站一出就到地点超方便，台湾药膳养生火锅放题性价比好高，我地选了定量set b $138/位,90分钟，任饮任食，一人一锅超卫生，非常经济。台湾养生药膳汤底有成12款选择。点了药膳蕃茄麻辣汤好浓郁蕃茄同辣味，越食越惹味。药膳虫草花胶鸡汤超足料感觉很养生。套餐包一碟Prime Grade 牛肩胛肉油花分布平均，有牛味。一碟西班牙冇激素猪片，肉质嫩滑，切得够薄轻轻一灼就食得自助配料区有成30多款选择。 各款蔬菜。菇类，台式丸类，午餐肉，台湾肠等应有尽有，仲有稻庭乌冬，台湾王子面，新竹米粉，当中最正就系沙茶牛肉同埋鸡髀肉😋沙茶牛肉腌得好入味又好滑，鸡髀肉大大件，啖啖肉得嚟够嫩滑。饮品有5款台式饮品任饮，另外可在饮品柜选喜爱的。金桔柠檬特饮都几好饮酸酸甜甜地几开胃。最后雪糕雪条任食，有movenpick椰子味及云呢拿味😋 椰子味内有椰丝增加口感。 净系食雪糕都抵返啦。…查看更多

第一次黎海之恋，朋友未到，唯有自己一个食下午茶。但呢日冇乜胃口，见到呢间火锅店海报写住有$39下午茶，就入咗黎坐。职员安排我坐一张六人台，另一端有另一个客人。之后就可以自己QR code落单。醉鸡汤花枝丸新竹米粉 汤底：咸咸地油油地冇乜醉鸡汤味花枝丸：普通新竹米粉：份量几多成个粉都几寡，啱冇乜胃口嘅人。柠檬柑桔水放了鲜柠檬，都几开胃～同场有其他客人在打边炉，但椅子长得很高，都有啲私隐度，唔驶你眼望我眼～…查看更多

@马祖今日约左朋友去左食火锅，拣咗荃湾西铁附近食，我地拣左西班牙猪肉餐定食，包埋食出面自助包火锅配料，甜品，饮品，雪糕及台式饮品，最重要可以一人一锅（自选汤底），我觉得呢间性价比高，价钱合理，收碟速度都好快，环境清洁，食物和饮品种类都算多，分90分钟和120分钟,120分钟还可任食肉，食肉兽啱哂！雪糕方面还有Movenpick雪糕…查看更多

今日去开荃湾西，好肚饿，拣咗呢一间台式火锅食，七点左右，四个人可以直入，唔使等，入座嘅时候要拣埋咩套餐同咩汤底。因为见佢都有几多配菜，所以决定要定两套餐，唔使任食，我哋叫咗两个C餐，一个F同埋一个H。汤底方面，两个叫咗麻辣汤底，一个叫做沙茶汤底，另一个叫做椰子鸡汤。三款汤底都比较咸，仲要越食越咸，去到最后已经连豉油都唔使用。椰子鸡汤算系比较好味，佢嘅椰子味好香浓。牛肉嘅味道都OK，不过切得好薄。呢度最大嘅卖点就系佢有好多配菜，芝士肠，餐肉，蟹柳，丸类，响铃，米粉，王子面，真系有好多。仲有鸡件喺出边任拎，真系好少见。饮品都有好多，罐装，纸包喺出边个柜都已经好多选择，但系佢哋仲有台式饮品，可以用QR code落单。甜品都有几种唔同嘅牌子嘅雪糕选择，有牛奶公司， Movenpick， Coco Berry，另外仲有啲雪条。百几蚊一个餐，仲可以任食配料同甜品，性价比算系好高。不过卫生方便就争啲，佢哋抹枱抹得比较Hea，我哋入座嘅时候成张枱都好多污迹，张凳又有水渍，因为佢哋好多人食，我见后尾都有好多人排队等位，所以佢哋清洁张枱都清洁得比较快，或者可以叫做随意咗少少。而且我哋叫汤底嘅时候，想问清楚有乜嘢分别，但系我见到个员工开始黑面，𠮶下令到我哋嘅感觉都唔系几开心。…查看更多