驊記糕點屋

🍡 排一個鐘嘅糯米糍 ✅ 優點： - 皮薄透光，手指一掂就感受到煙韌度 - 餡料爆炸多： ▸花生餡：粗粒花生+砂糖，咬落咔咔聲 ❌ 缺點： - 每粒獨立手包，產能極低- 無冷氣排隊⏳ 排隊實錄 「買糯米糍要幾耐？」 閒日：前面5個人=等40分鐘週末：直接放棄📝 血淚結論 如果你有退休阿伯嘅時間同修行僧嘅耐心 ⚠️ 真心勸退： - 趕時間/帶小朋友/脾氣躁：**直接過主** …查看更多

留意：逢星期日，及星期一休息懷舊好食糕點真買小見小除左買糯米糍要排隊因為係得一個人做仲要係即整除咗有糯米糍外仲有砵仔榚,茶粿,咸肉粽...等等不同款式的懷舊傳統食品為了唔浪費時間同衛生問題所以係自助找續糯米糍每人最多買3盒皮薄足料大件既花生糯米糍好滿足茶果出爐香味震震撲鼻忍吾住買左2個…查看更多

皮薄抵食大件既花生糯米糍，大滿足。店內仲有好多小食，米通，花生，角仔，糭，茶果，牛耳，花生糖等等。只係因為糯米糍即整，要排比較耐隊注意返：逢星期日，及星期一休息…查看更多

同朋友路過聞到好香嘅花生味，原來係花生糯米糍~即刻忍唔住買咗幾個試下新奇既係竟然係即叫即包，到上手係暖架，好少見粒粒花生餡超滿足，好足料而且糯米皮好煙韌~好有咬勁下次一定會再幫襯…查看更多

好食嘅懷舊糕點真係愈來愈小，除咗喺街邊撞彩遇到嘅流動檔口之外；今次我亦算撞彩搵到驊記（並唔係專登去朝聖）。啱啱喺附近食完Lunch，路過聞到好香嘅花生味。雖然已經好飽，但都忍唔住買咗一個花生糯米糍試吓。即叫即包，攞到上手係暖暖的。咬開皮好薄而且軟糯，滿滿嘅花生餡真係多到瀉出嚟；好有幸福感。如果餡料嘅甜度可以再低D，咁就Perfect啦！太飽嘅關係，試唔到茶果！見到有好多種口味，下次嚟要試埋佢D先得。…查看更多

經過見到老板娘親自包糯米糍, 見唔係多人排隊, 買黎試試, 只有老板娘自己一人包, 等嘅時間都耐少少, 為咗唔浪費時間同埋衛生問題, 所以呢度都係自助找續的。呢度除咗有糯米糍外, 仲有砵仔榚,茶粿,咸肉粽...等等買到返屋企就忍唔住第一時間試食, 外皮做得好薄, 花生餡一咬即爆開, 餡料真係好多, 不過本人比較鍾意有少少口感, 如果外皮輕輕厚番些少會較好。順帶一講:我欣賞老板娘開咗咁多年, 每日親力親為果種精神。👍👍👍…查看更多

平日驊記最出名就係糯米糍同茶果，但到左節慶就有限定野賣，新年會賣糕，端午就會賣粽。星期一係端午，星期六既中午去到驊記都係齋賣粽，一樣排哂隊，都要排左15分鐘。買左兩款，綠豆咸肉粽（$30)同埋瑤柱（$40)。到手個陣仲係熱辣辣，放涼之後擺左入雪櫃，星期一端午再滾水後落，浸住蒸10分鐘食得。兩隻粽大小相若，價錢黎講比起市面大牌子係平，加上驊記料都幾多，size 都唔細。切左中間或者係側邊，每一啖都一定食到綠豆，絕對足料。咸蛋黃就係側邊。豬肉相對較肥，瘦肉位唔多。去到最邊位，都係滿綠豆，肥豬肉都係冇瘦位。瑤柱粽切半見到都係滿滿既綠豆，未見有瑤柱。呢舊豬肉就比較瘦d。切過少少終於見到了。瑤柱都幾香，淋身唔鞋。但要俾多$10有粒瑤柱仔，值唔值就見人見智了。唔係夾住瑤柱食既話，都係綠豆粽既味道。兩隻粽比較，綠豆咸肉粽反而有粽葉香，雖然粽葉應該都係同一處理方法。如果大件抵食既話都一定係食綠豆。驊記另外仲有紅豆同鹼水粽賣，想試下元朗味道，下年就記得留意住了。…查看更多

真係唔明點解咁多人話好食，仲要排咁耐隊?糯米糍皮薄但唔煙韌，花生又不夠香不夠脆。茶粿皮厚好粉唔軟轜無葉香，一點都不是家鄉茶粿的兒時質地，更莫說口味，蘿蔔、眉豆、花生、紅豆全部買了，卻沒一個餡料覺得好吃，只吃了一口就迫於浪費。缽仔糕慶幸豆粒比較多，不然也吃不到半個，但整體口感實在太差了，好粉極易斷開。根本這店與二三十年前傳統的味道相差太遠了。仲要排這麼久達半小時多，真的不知為什麼。大衆的口味竟然變成了這樣。…查看更多

呢間嘢名過於實， 我真係完全唔覺得好好食， 唔明點解咁多人除去到好好食而且排隊排咗我差唔多半個鐘頭有多先買到， 有好多間舖頭都好食過佢， 我諗可能老字號舖頭掛， 真係未試過冇必要要排咁耐隊買， 元朗大把好嘢食真係唔使特登排隊…查看更多

咧間舖頭嘅糯米糍已經食左好多年，由我小學，佢喺雜貨舖門口租個角落賣糯米糍到我而家出黎做野，佢變到有自己一個舖位，真係好多野都變曬。但佢出品嘅糯米糍除左細粒咗少少之外，花生餡嘅味道，皮嘅厚度，煙韌軟熟程度真係無變過，好好食。我試過好多唔同地方嘅糯米糍，即使係好多年歷史嘅餅鋪都無咧間舖頭嘅糯米糍咁啱我口味，一嚟好少舖頭個皮可以做到咁薄，其次係個花生餡砂糖同花生嘅比例，有唔少舖頭都好甜，唔太覺得有花生嘅香味，而咧間嘅糯米糍就好適中，食落口有花生香味之餘亦都甜甜哋。有時候好矛盾，好想佢可以長久咁做落去，但亦都想自私啲可以少啲人排隊。不過有麝自然香，佢嘅品質可以話比名牌子更好。希望佢可以生意興隆，我就一直都可以食到咧啲人間美食…查看更多

行出永順轉左行返去市中心，見到呢間連閘都無開哂嘅舖頭居然有咁多人排隊，好奇心驅使之下我都真係有排😂$36/6粒，即係每粒$6，係排隊等緊期間聽到對話話已經連續兩日四點嚟都買唔到🫨 最好都要排大約25分鐘先成功買到🥲 我自己覺得佢係贏在皮薄，爆餡同花生整得幼細，但如果問我會唔會再買，又真係未必🤔 的而且確佢個皮做得好好，但我自己覺得整糖不甩可能仲好食，因為食嘅時候有少少覺得太多餡料🤣 佢係值得食，但未至於值得等半小時🙃…查看更多

驊記花生糯米糍遠近馳名，來到元朗當然要一試。平日一點多到，看到一條人龍，大概有５組客人在等待，由於糯米糍即叫即搓，所以如果前方的客人，越買得多，後方客人即等得越耐。而且不時會有人來買不用排隊的出品，老闆娘也要等下來招待他們，糯米糍只有一款口味，花生味花生糯米糍的皮不是很煙韌，但花生餡則是爆餡程度，皮薄，而且平均。花生比糖的比例多，所以不會太甜。另外也試了，蝦米茶果，豆沙茶果及花生茶果蝦米蘿蔔茶果茶果皮比較淋身，內裡比較空虛，不太紮實的餡料，有一片臘腸，有點蘿蔔，但好像沒有蝦米，餡料亦沒有炒香，味道偏淡。豆沙茶果及花生茶果比較出色，可惜茶果皮就作硬，比較挺身，花生茶果花生比糯米糍的粗粒，也不是很甜，非常足料。豆沙茶果紅豆味出，不太甜，滑。…查看更多

❇️即時人手製作小食有時候會見到小小時人龍，因為買既人太多，所以呀姨會一邊係旁邊整花生糯米糍新鮮度100分！！❇️手工花生糯米糍*大推*糯米糍皮薄+餡料豐富 多到一咬就流出尼花生同糖既比例岩岩好，唔會過分甜，又有粒粒花生，有咬口另外，小店內仲有好多懷舊小食，家人都話好耐未見過呀！小食例如仲有：米通，茶果，香蕉糕，花生糖等等…查看更多

大隻仔今次覓食嘅店舖就係💥 驊記糕點屋 💥每次食完元朗永順，都會見到呢間店舖有長長嘅人龍。大隻仔好鍾意食糯米糍，都食過香港好多間出名賣糯米糍嘅店舖，今日抱住好大期望去排隊，食完之後感覺呢間同西環人龍店一樣，不是大隻仔杯茶，大隻仔比較鍾意荃灣、大埔既人氣店。因為糯米糍係全人手即時包製，所以排隊需時。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 花生糯米糍 $36 一盒六粒糯米糍皮做得好出色，好薄又夠煙韌，但糯米糍外皮沾得太多粉，食落滿口粉，大隻仔建議食之前拍走過量嘅糯米粉。因為糯米糍皮無味，糯米糍好唔好食，餡料好重要，糯米糍只有花生餡，餡料太乾身，太多花生碎，太少白砂糖，食完會覺得太乾但又唔夠甜。🔥 龍鬚糖 $10 一盒龍鬚絲好硬，唔鬆軟，口感好怪，食用日期可以放半年，應該工廠製造，放得太多防腐劑。大隻仔唔建議大家買龍鬚糖。…查看更多

認識驊記糕點屋係因為有一次去元朗行街, 訂左位去食The Yell-Owl Seafood And Grill, 行去餐廳既時候路經驊記, 奇怪點解一間外表平實的舊式士多店有一條長長的人龍。食完飯後, 沿路行返轉頭見條人龍依然都係咁長, 睇黎應該係元朗區內甚有口碑的小食店, 加上咁啱我食糯米糍首選就是花生餡, 所以就決定跟風買黎試下。好耐都未試過為左一間食店排隊超過一個鐘, 自從係好多年前, 湊熱鬧咁排左當時風摩不少香港人的咖啡弄超過兩個鐘後被嚇怕了, 跟住就同自己講, 以後出去食飯要訂位, 無得訂位而到現場見好多人排緊隊既話就轉場。即場手工製作同定價相信係做成人龍的原因。$36一盒6件太良心價了, 老闆娘做到無停手, 水都無飲過一啖, 真係非常敬業, 希望佢有中場休息既時間, 去下廁所, 手腳都可以鬆一鬆。其實我好少買糯米糍黎食, 傳統的中式糕點當中, 我食得最多既係砵仔糕或者馬荳糕。最大既原因係無幫襯過一間層皮係唔厚既, 驊記糕點屋的花生糯米糍令我知道原來糯米糍係可以做到咁薄皮, 以前以為糯米糍層皮咁厚係因為怕餡料太多會穿, 但經過今次可以證實, 就算長途拔涉拎到返屋企, 皮薄餡多的驊記糯米糍係拎上手擺入口嗰刻都無穿。第二個原因係好多坊間既糯米糍都會加入椰絲, 個人覺得花生糯米糍加入椰絲就好似一碟干燒伊麵加入左芽菜咁, 想食伊麵但不斷食到芽菜, 不過呢個係我既個人喜好。而驊記糯米糍就非常啱我口味, 每一啖都是純粹的花生香氣加入少許砂糖點綴, 甜度適中, 大滿足。網上睇到有另外一間有賣花生糯米糍的店舖 - 民豐粉麵行都好多讚, 搵次有機會去試下比較下。…查看更多