駿明苑茶餐廳

今日喺大埔行街去咗駿明苑茶餐廳食個午餐，點咗時菜雞球飯連飲品（$53）🍚環境整潔🚶‍♂️。雞球口感軟滑，配時菜清新爽口，飯夠熱，但味道偏淡，醬汁稍為普通，冇特別驚喜 😕。飲品揀咗凍奶茶，順滑但份量細少。店員態度非常好，服務熱情周到，價錢算合理，適合快餐式用餐 👍。整體體驗不過不失，份量ok，性價比一般，下次或試其他菜式 😐。…查看更多

食個午餐乾炒牛河$50唔係貴，碟嘢炒到埋嚟，份量少到似下午茶，唔怪得$50搞掂，色水又唔靚又灰燶，嗰種燶嘅煱氣咪真係好夠😓，食咗一啖，摷多兩下原來得1塊牛肉，我忍唔住同佢講，佢話分贓不勻，換個碟，我話費事唔知再出個碟咩俾我，老闆娘話當下午茶$45，但我都忍唔住講咗句成$45蚊都係得一塊，佢就話我咁你想點樣啊？碟嘢有問題識做就唔使問我想點啦，嬲嬲地唔食走。佢話唔收錢，我話坐得低又食過，我一定俾錢，俾你$50當買你一次，做街坊生意，出得俾人放得落張枱都知你有幾好水準。…查看更多

特色熱狗，凍鮮奶外賣。盛惠41元。麵包，沙律醬，一片蕃茄，生菜絲同腸。味道恰到好處。只係對份量有些微失望。腸只有半條，鮮奶的份量也不是一樽。不過都好欣賞一個茶餐都願意送外賣。…查看更多

一直住係大埔但第一次食嘅茶餐廳，完全超出預期，好後悔冇早啲試。茶餐廳選擇超級多，一定有啱心水嘅碟頭飯。椒鹽豬扒飯，一直都係我食茶餐廳必點嘅飯好多塊豬扒，但又唔算好油，調味夠，好好食！椒鹽鮮魷炒麵，第一次見呢個組合，完全滿足我嘅重口味。下面其實係豉油王炒麵，再加椒鹽鮮魷係上面。外賣送到屋企啲鮮魷都keep到仲係脆，正！！！大埔茶餐廳黎講真係算好好食，一定會再幫襯，下次試埋佢啲炒粉麵飯。…查看更多

平時好少嚟食，只係食過一兩次，晚飯嘅時候，叫咗一碟蒸肉餅飯，肉餅好鹹，感覺艷美仲多過肉味，再加埋佢個中式湯，都係有同樣嘅感覺，所以我決定下次都係搵個其他餐廳了。…查看更多

這天又到駿明苑吃晚餐，點了一個羅漢齋$54，足料好味，有豆腐丶豆卜丶枝竹丶菜丶菇丶紅蘿蔔等。另一個為木耳翠玉瓜雞柳$54，也非常足料好味。這餐廳晚飯套餐都是均一價$54，包例湯及餐飲，多款選擇，免加一，又沒有味精[强]…查看更多

小炒茶餐廳，周圍好多漫畫模型同埋玩具公仔，仲貼左好多poster。諗下食乜之際，老闆攞個電話出嚟，show佢地Facebook page，話呢啲相係今晚影嘅，等我哋有啲idea，親切又攪笑😂。南乳枝竹炆鴨，味道唔錯，支竹好滑，鴨肉有d似臘鴨咁無咩肉，南乳味尚可，送飯係唔錯嘅選擇。芥蘭魚崧，好味足料，魚崧毫無腥味，件數多，芥蘭新鮮爽脆，賣相幾好。仲要有埋例湯同飲品，堅持到價錢平，又識做少少media野，睇得出老板嘅努力💪🏻！…查看更多

這天行山之後回大埔，老公想起巴士會經過一間他以前經常光顧的餐廳，就立即到這餐廳的社交平台看看這天的晚餐餐牌，原來這餐廳每天定好餐牌後就會上載到社交平台，以供客人看看有沒有合口味的。我一看到其中一款餐就很開心，嚷著要試，因為嘴刁的老公不愛吃西芹，所以我已經很久沒有吃了。去到大約7點多，就已經坐滿了，還有一些人在等外賣，剛好店內的座位有人埋單，我們就坐在店外，這天氣坐在室外也不錯，還很有風味呢！西芹腰果雞丁$54香口足料又好味，雞肉嫩滑支竹牛腩$54牛腩炆得軟腍，支竹夠入味每個餐也附送例湯及餐飲，很抵吃呢。…查看更多

踩單車🚴🏻‍♀️經過，朋友話泊低部車快食茶記，就黎左呢間餐廳。佢熟悉大埔，話呢間茶記屹立多年，街坊價錢，員工老板不拘小節嘅工作關係，個種人情味♥️令佢間唔中就會黎幫襯下。🔆晚餐有幾款，包白飯🍚例湯餐飲，例湯凍奶茶就..麻麻地啦，但熱檸水有成3塊新鮮厚檸檬，水係水，無其他味道，我覺得呢個價錢黎講算好好。🔆芥蘭炒魚崧 - 芥蘭新鮮，炒起嘅熟度保留爽脆，魚崧沾一沾辣椒油🌶，都幾好味😋～🔆蒜香蜜蜜雞中翼 - 雞翼🐥Size中規中矩，有成九隻咁多。蜜糖雞翼葉得幾好，上面再加埋香蒜就更加惹味。✏️呢間茶几有個好得意嘅地方，就係周圍都係動漫嘅海報同埋好多模型公仔🕺，係可以攞黎玩架！可惜係無咩清潔，有d dirty，不過咁嘅茶記我都係第一之見識到。👍🏻P.S. 老板娘係有d惡，但當一個人要顧慮門口等緊嘅客人、控制場面（食客要求、落單、外賣人手等等），可能佢只係情急先咁姐～…查看更多

經常與家人到這間茶餐廳食早餐， 雖然地方細細，但到處都擺滿玩具擺設，甚至有舊式嘅遊戲機，供小朋友自取玩樂，充滿童真。老闆風趣幽默，態度殷勤。雖然係茶餐廳，但環境尚算乾淨 。食物質素方面，只能對早餐作出評價，因次次光顧都係早餐時段 先講媽咪最愛最欣賞的，就係佢嘅煙肉，煎得好香，亦並非化學煙肉，亦好欣賞佢嘅鮮油多，多士烘得夠金黃，夠鬆脆。而我覺得佢d早餐款式整體質素不錯，鍾意麵包轉多士，另外like佢嘅奶茶，都夠香滑。…查看更多

叫左個午餐 叉燒炒瀨粉 凍奶茶$44奶茶5分鐘上個粉15分鐘上來到o左咀成碟瀨粉得兩粒叉燒仔，同呀姐講呀姐答：係啊，分贓不均，哈哈我即刻嬲，無錢比呀，成碟粉跌兩粒叉燒落去。嬲得濟無食就埋單走人，$44當跌比乞衣個態度衰到呀…查看更多

此店看似舊式，然而內裏極多動漫玩具裝飾：叮噹、Hello吉蒂、加菲貓、男兒當入樽。有天，在工程與工程之間，只有少許時候，不想浪費太多時間，再步行至較遠地方進膳，因此立即到了這間駿明苑。其實，時間已經是三時許四時，店內已經提供下午茶，但是由於下午茶只有炸雞脾、炸豬扒、雞翼、司華力腸等等。但是，為了試試這餐廳的手藝，我還是點了個常餐。沙嗲牛肉麵的沙嗲夠香，亦都的確有輕微辣味，沙嗲醬不會放涼了才放到熱湯上面，最少有誠意。腸仔奄列非常普通，外邊的蛋很熟，然後包着腸仔，沒有什麼特別。多士都算牛油充足，至少不算太多地方是空口吃乾多士。但是奶茶才是駿明苑最出色之處，奶茶味道極為香濃，茶味極盛，即使混和了煉奶，也不會覺得很甜或者沒有茶味。相比起標榜是著名茶餐廳例如萬芳冰室，味道香濃，有點兒頭痛的本人，喝完之後也稍為稍神。友人點的泰式豬扒扎肉粉，那個四式調味架的炸蒜粒油挺特別，蒜粒如花生細顆，蒜香而幼細，脆香，有趣。…查看更多

因要上瑜珈堂，所以要先食飽飽，否則手軟腳軟由家中步行到大埔舊墟，沿途有唔同國家嘅料理，日式，中式，甚至韓式，泰式都有住咗大埔20年以上，都未食過呢間駿明苑因為已經養成每日飲茶走嘅習慣，所以就去呢間茶仔試下典型茶餐廳設計，我自己一丁友就揀卡位坐，一坐低就即刻比身邊嘅擺設吸引如數家珍嘅龍珠figure,各式各樣嘅飾櫃，望到我差唔多嘢都唔記得叫叫咗茶餐，奄列多士都好大份，奄列佔咗半隻碟因為太餓，唔記得影個嗲牛面茶走茶味夠濃，可以成為嘆茶好去處再細心留意餐牌，有正宗泰式湯面，眼見都有泰式調味架，下次就不如試呢個每日精選午餐竟然有家鄉銀針粉，錯過了希望下次再嚟可以試試…查看更多

新的一年，新的開始。基本的拜年說話不用多說。是日的假期，我們帶小孩來到太和的太婆家，BB睡了之後我們就利用這一個空檔時間外出。外出的第一步就是要用餐，而我就因為看過網友紅叮的介紹，而且又剛好路經，我就特地的來了這一家駿明苑茶餐廳，看它的特色為首，而食物的味道就是其次。這一家店的特色，是要入到店來才會看得見的，這樣的格局，這一種獨特的那些年感覺，絕對是可以同大家做一次集體回憶，尤其是一些上年紀動漫狂迷。那些年的六神合體，百獸王，金毛獅王等，令我回憶起小時候的玩具，而這些合體機械人模型，早已被我一一打敗，壯烈犧牲了。 你年紀細，唔識佢地? 唔緊要，聖鬥士星矢，龍珠，Keroro，多啦A夢等都有回憶吧。新的真人版變型金剛更沒有可能不懂。 總之，若你有心機在每一個卡位研看一番，你一定會尋回小時候的玩意。 來這兒，參觀是其中一個重點，更加重要的是醫肚，肚餓了的最佳良藥就是食飯。我點下了是日的午餐，而一來，店員大姐就給了我一碗熱熱的粉葛湯，飲落是無味精的好湯，不過就是覺得鹽放多了。 什扒飯配洋蔥汁，豬牛火腿雞翼，是一個非常之肉的午餐，茶餐廳的扒大多會經過 嗱、洗、醃這三個過程，煎得香，醃得入味已經是不錯的表現，洋蔥汁味道濃濃的，也幫助了帶動國產肉類的鮮味道。有時候，夠飽便是好。中國人做肉，要求就是肉要入味，汁要夠香。顯然，這一個什扒飯做到了。 奶茶，夠晒多奶，味道亦夠濃。不過茶底就未算滑，以多奶搭夠。 雖然味道普通，但此茶餐廳的確是有特色，宅男們，毒男們，模膠們，這兒的確可以讓你看過夠，而且又有一餐溫飽......絕對夠毒。…查看更多

事先聲明我只係一個運動會放飯既學生運動會放飯得 55分鐘正常應該都覺得少所以就純粹去對面既餐廳快手快腳我地到步係第一個到既20分放飯我地去到 25分都未有跟住坐低睇一睇餐就有其他同學入黎啦之後員工之後先入黎由門口寫返入黎由於我地係住尾三既檯變左差唔多最尾先寫單不過我都唔CARE既呢方面之後落單啦我地落左五個學生餐($24)+一個散叫既豆腐火腩飯($35)40分佢地都未比飯都算正常但係唔比野飲...不過算呢方面唔計較去到50分前面檯有野後面檯有野52分左右我地黎左個豆腐火腩飯之後我地叫佢光速食啦1點正佢地都係完全未比飯我地呢張檯其他檯都係散叫黎齊曬但係學生餐先黎得幾個咁總之每張檯都仲差只係我地張檯係完全被無視本身我地只係係樓上吹嫁姐我地已經落曬樓下吹!算!FD食完飯!佢地再拎飯上黎其他檯我地仍舊被無視其他檯仍然仲差一至兩個學生餐拍檯!走啦硬係!唔通博遲到?之後我地落去佢走返上黎勁悔氣咁講「你地而家走呀?我地樓下多客人麻!你地等多陣啦!」我真心勁想爆粗BUT 領袖生長係到佢都比左個安慰既眼神我!算!著住校服!對住領袖生長!之後先黎左兩個所謂學生餐當然係超光速咁食啦!食左兩啖已經食唔到要走!1:03左右!我地叫佢打包其他檯一聽到立即一齊叫啦員工:「下!?你地要打包呀?打包要加一蚊嫁喎!」我果下當然一定唔份氣啦邊有可能而家你地問題要我地加錢先得嫁?我企起身:「而家你地咁遲先黎餐叫我地加一蚊?」個員工仲要比個「係咁嫁啦!好出奇呀?」既樣我之後佢落左一落樓下領袖生長走黎同我講「我一陣同學校果邊講啦唔好同佢地鬧啦...」冇得唔比面一蚊食咪食!之後最大既問題係落到樓下冇一個客人係學生D人亦都唔見得趕時間更冇人好似我地咁要打包拍曬檯追十轉!我問返其他檯佢地都係永遠最先黎就散叫既30幾蚊永遠就一定黎學生餐就慢慢搞姐係話而家學生就唔係客人慢慢拖都得?P.S.學生餐 = 豬/牛/雞扒+ (火腿/煎蛋/午餐肉/腸仔/叉燒) X2 + 茄汁/黑椒汁/洋蔥汁(好似係?)/唔記得咩汁 + 飯你同我講呢個要係最慢?…查看更多