駟馬拖車潮汕飯店

位于香港仔中心商场内的「驷马拖车」潮汕饭店，是一家保留著传统酒楼格局的潮州菜馆。餐厅环境整洁卫生，店内设有不少六至八人的大餐台，非常适合一家大小来此聚餐，这间主打潮州菜，早午市饮唐茶食港式点心。今日跟朋友来叹茶，点了卤水鹅真系好食。🌟招牌卤水鹅，切成薄薄的鹅片，排列得整整齐齐，卤得够入味的鹅肉，皮质滑溜不油腻，肉质有弹性却不会过份紧实，也不松散，恰到好处。特别值得一提的是，下层铺垫的豆腐充分吸收了卤水的精华，配白饭一流。🌟蚝仔粥，同样煮得出色，每只蚝仔都饱满肥美，配上鲜甜的米粥底，喝一口就能感受到海鲜的鲜味。🌟潮州沙茶安格斯牛肉河，跟广式炒牛河有些分别，潮式是加入沙茶酱搭配上新鲜牛肉，介乎干炒与湿炒之间，嫩滑的牛肉被香喷喷的沙茶酱汁裹着，酱汁也挂满每条河粉，味道浓郁又爽滑，超好味。🌟彩虹虾饺皇，一笼四只，皮薄晶莹通透，内馅的鲜虾大大只，一口咬下非常爽脆鲜嫩。🌟 银杏芋泥绵密幼滑的质感，带有浓郁的芋头香，银杏更带来回甘的层次，甜蜜好味。…查看更多

前排涷番，第一样野谂到想食嘅系羊腩煲！呢到做紧嘅至尊三宝套餐，除咗包括羊腩煲，送唐生菜，仲有卤水双拼，清蒸沙巴仔，价钱都系$338，平均每样𩠌$112.6，晚市时段，真系抵到想打包多一set听日再食😂羊腩煲出色，羊肉好够so味，炆到好冧，吸收晒个汤汁，配以枝竹、荀。食完暖入心头。最后用呢个汁灼唐生菜🥬，正😆清蒸沙巴仔我好钟意食鱼😍但多骨嘅鱼，我就最怕。沙巴仔就不同，冇乜小骨，啖啖嫩滑的鱼肉，加上利用滚油将豉油的香气逼出，大大提升蒸鱼的风味。卤水双拼款色随机，但我今日好好彩，唔止两款，有鹅肉、大肠、红肠、豆腐，好丰富，份量都比我想像中多～鲜虾水瓜烙好多人都钟意食煎蚝饼，但我唔食蚝，所以次次都冇叫呢类嘅食物。呢到竟然用虾、水瓜，整成煎饼取代蚝，同样做到脆卜卜、香脆的口感，贴合我口味。…查看更多

今日约咗个好耐冇见嘅朋友食饭，由于佢行动不便，就嚟咗佢屋企附近食～朋友话呢度嘅卤水鹅好食，反正唔想用脑谂，就叫左个大厨孖宝推介，有潮汕卤水鹅半只，同埋豉油皇煎大虎虾（6只）呢个卤水鹅真系好吸引，够晒入味，鹅味好香，肥瘦适中，我哋食到满嘴油香，停唔到口豉油皇煎大虎虾都非常出色，虎虾剥咗壳之后都好大只，仲要非常结实弹牙，够晒新鲜朋友话想食蚝仔粥，所以我哋叫咗一锅潮州蚝仔粥，平时我唔系好敢食蚝仔粥，因为成日中伏成日都食到好腥嘅蚝仔，但系估唔到，呢度嘅蚝仔粥一啲都唔腥，连胡椒粉都唔洗落😋😋😋仲有糖水送添😍本来打算随便食个便饭，估唔到咁有惊喜😳😳👍🏻👍🏻…查看更多

位于香港仔既驷马拖车系一间主打正宗潮州菜既餐厅餐厅环境舒适 属于街坊小店带满满既人情味!卤水鹅肉并鹅肠食潮州菜必定要嗌卤水菜鹅肉吸收左卤水香料非常入味味道醇厚带有回甘鲜香浓郁且肉质软嫩而鹅肠爽脆弹牙 咸香味浓!酸甜梅膏骨外层炸到好香脆浓稠既梅膏酱汁均匀包裹著排骨酸甜既梅膏酱系潮州传统特色酱汁由青梅加盐同糖制成 所以亦带梅子既清香酸酸甜甜非常开胃榄菜肉松四季豆清脆鲜甜既四季豆加上咸鲜带油香既榄菜肉松 非常香口瑶柱蛋白炒饭炒饭粒粒分明搭配瑶柱丝,蛋白,翠玉瓜粒同葱简单又好味…查看更多

难得入香港仔揾朋友，佢推介食呢间潮汕菜馆，晚市坐得舒服，座位阔落。今次试咗个至尊三宝套餐，再加个炖汤，两个人食到超满足^^羊腩煲一上枱香气扑鼻，羊肉炆得够腍，唔会太膻。个汁浓郁得嚟又唔会太咸，仲要系跟咗碟生菜，都算大碟而且新鲜，今日凉左食真系啱晒。清蒸沙巴仔一斤分量，估唔到条鱼好大条。蒸得火候恰到好处，鱼肉滑溜，简单淋上豉油葱丝已经好够味，劲快食晒食条鱼。卤水拼盘我哋拣咗走内脏，有豆腐、猪肉同鹅肉。卤水味道醇厚，唔会死咸～原盅虫草花凤爪炖螺头真系真材实料，饮落好清甜。凤爪炖到好腍，螺头爽口，虫草花嘅香味好出，饮完成个身暖笠笠。服务都唔错，阿姐会主动加茶同换碟。埋单$400左右，以呢个质素同分量嚟讲真系好抵。…查看更多