馬祖 (海之戀商場)

营业中

休息中

呢間火鍋店真係令人回味，上次食過唔記得左影相，今次終於記得啦😂😬😬Walk-in 等飛會等得比較耐,我就用排隊app拎定飛，去到等15mins就入得去啦有幾個套餐揀既，我哋揀左牛同豬既餐，大約二百頭一個人。揀左一個藥膳椰子雞湯底同花雕雞湯，兩個湯底都好甜，唔洗點醬都好夠味，超正！牛同豬都可以追加，牛同豬質素都唔錯。有好多唔同野飲揀，好多韓國飲品。呢個盤都係自己出去拎既食物，深海魚好滑，其他食物都係正常質素。呢到就冇咩海鮮，如果想食海鮮就可以揀其他鋪頭。但食物既質素都好高，想打邊爐既時候會再黎。

好味指數😋😋回頭指數⭐️⭐️開心指數🤗🤗去外賣了午餐試下，點知有D中咗伏😖🍴藥膳麻油雞跟飯（$57）打開外賣盒，好香麻油味，飲啖湯先，有少少失望，冇咩藥材味，紅棗味太重，有D甜咗少少... 唔似台灣食到嘅咁濃郁，入面有4舊雞，都算幾大舊嘅，不過雞唔太有味，淡淡哋，仲有少少雪味tim，加上一D都唔嫩滑，仲有少少「鞋」，真係好一般！另外想講個飯，係。好。硬！本身我都係一個鍾意食比較硬身嘅飯，一粒粒咁有咬口，可惜呢個飯係硬到唔可以就咁食，連我都要將佢變成湯飯先食到，唔多掂！我估佢出名食湯麵呱，係我叫咗飯所以中晒伏！😞🍴愛文芒果茉莉花茶，少冰少甜（$8）Hm...... 唔值得加錢飲😣以為台灣嘢飲下愛文芒果都應該幾開心，點知係人造糖水加唔太飲到茉莉花茶味，又再一次中伏！

海之戀餐廳琳琅滿目，嗰日lunch hour經過想搵間抵食又高質嘅餐廳試下，於是就揀左由港島區嚟嘅馬祖try try 🤪馬祖lunch主打養生湯麵，夜晚就係台式一人一鍋任食放題😋但睇評價多數人都推薦養生湯麵，個人覺得呢個價錢、食物質素、服務同環境都算係咁，平時唔知lunch食咩都可以揀佢😛🍜藥膳養生農場雞湯米線 ($56)份量十足，好足料🤣捧到嚟有陣陣藥材味，啖湯幾濃味，米線質感唔算彈牙，但勝在入味同好滑👍🏻配料仲有杞子、紅棗、雲耳，雞件好在唔會煮過龍老左，但略嫌雞味唔夠🍜香辣藥膳牛肉湯手工麵 ($72)相對藥膳雞湯米線，呢碗會相對濃味，而且帶微微嘅辣味，比較適合鍾意重口味嘅人🤪牛肉當你唔係啲靚嘅部位，但起碼燜得好稔好入味，算處理得唔錯👍🏻我尤其鍾意好甜好入味嘅蘿蔔，而手工麵相對彈牙有口感，幾掛湯，配牛肉湯好夾😚

早收工去打邊爐，職員好有禮貌同推介邊款湯底好食。兩個人食，揀左268嘅任食西班牙黑毛豬set，一個要藥膳麻辣大辣，一個要普通雞湯。大辣唔夠辣，普通藥膳雞湯就無乜特別。食食下發現食物上有個頭髮⋯⋯非常時期見到咁嘅情況內心其實真係覺得好唔舒服。職員主動唻道歉，並提供選項俾我轉另一款湯底，經理再行過唻講唔好意思。大辣湯底越食越咸，就算只加水都好咸。飲品種類有好多，但配料就唔太多，尤其係台式火鍋無鴨血真係好無feel。最後埋單因為星期五要每人要加多$10，埋單總數$612。只可以話呢個價，有更多更好嘅選擇。

今日乖乖女行程就同媽咪去行下激安殿堂之後再去荃灣街市買餸，係買餸之前就食飲先~午市套餐價錢$56至$70不等，可以選擇手工麵、米線或白飯，而有d套餐轉手工麵是不用加錢喔！🔸黑蒜藥膳農場雞白飯 $59首先飲一飲個湯先，聞落都好香，飲一啖黑蒜很濃喔👍🏽湯入面既配料仲有紅棗、紀子、龍眼肉等等🔸藥膳蕃茄湯農場雞手工拉麵$70手工拉麵+$10Haha~我喜愛的蕃茄🍅 藥膳+蕃茄都夾！有好多好多既蕃茄肉💛而雞既肉質好嫩滑👍🏽🔸檸樂$14跟餐加$14就得啦！夏日熱辣辣一定要飲返勁凍嘅可樂講降溫❄️飲可樂真係好爽😆

本身諗住食麵，點知夜晚毛神神變咗火鍋跟住見佢門口有好多人排隊諗住唔差啦照試點知真係完全中伏打邊爐材料就普普通通啦不過不失$198 既肉，就係198嘅價錢正正常啦出事位就係佢個湯底叫咗一個椰子雞湯同埋台式麻辣湯底兩個都好鹹同埋好甜越食越甜...甜到唔係講笑我個椰子湯愈bo 愈多泡然後啲泡結蕉係個煲邊....撩起好似糖漿咁潔...搞到所有放入去嘅食材都勁難食後尾叫阿姐放清水...都係溝唔淡到底有無試味？好差....

總括係唔錯嘅火鍋店以下少許recap:可以預先網上拎飛，節省等位時間蕃茄麻辣湯底好食，同埋堅入味，唔使匙油都ok，但後期越嚟越杰撻撻，亦都有少少咸，好彩可以揀加水或者加湯。牛肉同豬肉係要叫，其餘都係自己出去夾。牛肉同豬肉口感唔錯，亦都切得幾薄，好食。其餘餸選擇都算豐富，唯一係菜種類比較少，亦都切得好碎，結果每次夾好多都係得嗰少少。佢比較特別係佢有窩荀，唔算多地方有。但唔好地方係佢啲位真係好窄，好似茶記卡位咁，擺幾碟已經full 仲有坐得好逼

今日中午黎到荃灣西站嘅海之戀食晏，見到間「馬祖台灣養生湯麵館」係西鐵站出口附近，就試下先因為下午一點多少少，差不多全店爆滿，職員問我面對窗口位坐唔知，見肚餓就唔理咁多照坐無諗過對住個靚景食晏，個人嘅心情都會靚D。午餐一共有17款可以選擇，米線仲可以轉新竹米粉，或加$10 轉台灣手工拉麵。午餐仲可以加配飲品同小食真係好多選擇。1. 藥膳麻油雞米線($57)，米線上枱時已有香濃嘅麻油味，職員仲好細心比多隻細碗用來放骨湯底夠足料內有紅棗、桂圓、黨歸、黨蔘等。雞肉份量足夠，鋪滿碗上，雞肉嫩滑美味。2. 凍檸茶(加$8)，茶底香濃，檸檬不苦澀，大大杯好抵飲。

餐廳簡潔明亮，主打台灣人氣 藥膳湯底，十分滋補又養生 ， 女士恩物。 進入餐廳時店員替客人量度體溫，及提供搓手液， 紙袋盛載口罩 ，十分貼心。蟲草花藥膳農場雞米線$58藥膳農場雞米線 ， 足兩人份量，上枱時熱呼呼， 先喝一口湯， 帶陣陣藥膳香氣， 香味誘人， 真材實料有蟲草花 、紅棗、杞子、 雲耳及紅棗等， 誠意十足， 滋補養生， 農場雞的雞皮和雞肉，入口嫩滑細緻， 好鮮味， 米線 掛汁力強，吸收了藥膳養生湯精華， 令人津津回味。黑蒜藥膳農場雞米線 $59加上黑蒜的藥膳湯底， 添上 誘人的黑蒜香， 令湯底錦上添花， 使人口舌生香， 配埋嫩滑的農場雞及滑溜米線， 滋味讓人陶醉其中。上湯白菜豬肉餃五粒(追加)$28水餃皮厚薄適中， 十分飽滿， 豬肉餡鮮味，充滿肉汁。藥膳上湯福茂貢丸六粒(追加)$25福茂貢丸， 每粒貢丸渾圓，口感紮實， Q彈多汁， 古早的味道， 肉丸內還有粒粒香菇，增添香氣， 雖然不是貴價食材 ， 卻十分滋味， 不愧是台灣人氣食品。愛文芒茉莉茶、 蜂蜜茉莉茶(跟餐+$8)愛文芒茉莉茶， 冰爽涼快， 入口馥郁的愛文芒果香， 與幽幽的茉莉茶味，十分搭配， 蜂蜜茉莉茶，冰爽又潤

天氣好約左朋友去馬灣玩雨沙玩下水～荃灣西站出面就係碼頭，可以坐船過去，15分鐘就到，勁方便！但一日得3班船，決定早啲嚟到食埋野先入去！喺正碼頭隔離個出口就見到馬祖台灣養生麵館，咁就腳一於試下啦！藥膳農場醉雞米粉 $58湯底藥材味唔會太濃，少少甜，仲有唔少紅棗、杞子、雲耳配菜，感覺都幾足料～醉雞酒味濃淡適宜～藥膳桃膠農場雞米線 $58湯底同醉雞米都應該係一樣～農場雞件嫩滑唔鞋口，都幾好肉～桃膠口感滑溜，份量足～總括嚟講，餐廳坐得舒服，上菜快，而且價錢唔貴，最重要個湯粉，食完唔會覺得口渴，可以encore!

這天與好姊妹來到荃灣海之戀閒逛，路過這間粉麵店，感覺頗為吸引，而且標榜健康養生，所以便與朋友於此午膳。原來這間湯麵館不但在香港有分店，在台灣亦有三間分店，而且特別之處是晚餐時間還會提供台式火鍋供食客選擇，下次晚膳時間也要到此品嚐一番！滷水雞翼滷水雞翼色澤呈現深啡，味道較鹹身，口感嫩滑惹味，肉味香濃，由於炆製時間較長，所以入口即化。上湯白菜豬肉餃上湯湯底色澤清澈，加入紅棗及芫荽作配料，入口清淡健康，醇香鮮美。白菜豬肉餃外皮厚薄適中，內餡飽滿豐富，白菜脆嫩爽口，豬肉鮮美香嫩。蜂蜜茉莉花茶我選揀了少甜，入口冰涼順喉，甜度恰好，味道清幽芳香，帶淡淡的茉莉花香，還有蜂蜜的甜潤香濃，而且花茶有止燥潤肺等功效。朋友點選了蟲草花藥膳農場雞米線，上桌時香氣撲鼻而來，我小嚐了一口湯底，味道清甜獨特，蟲草花和藥膳味道濃郁。飲品則點選了柑桔檸檬特飲，氣味清香，份量大杯，飲品和米線均是朋友進食的，就不作詳細說明瞭。整體而言，環境舒適衛生，價錢合理，食材新鮮，製作出色，而且健康養生，是與朋友聚餐的好地方。

經過見到好多人排隊，以為好好食，抱住好大期望嚟食，結果極失望。D湯底好甜，叫咗藥膳清雞湯，以為幾安全，結果個湯底越食越甜，所有配料同肉類放入去都變到好難食。D牛肉都好劣，好韌。叫過三次牛肉，第一次同第二次出嘅牛肉都唔好食。第三次出嘅牛肉比較高質。但唔明白點解三次出嘅牛肉質量唔同？唔係應該一樣？豚肉都一般，無特別，唔係特別好食又唔係特別差。唯一好處就係配料比起同類型的火鍋店選擇多。但湯底，肉質，都完全唔值198嘅價錢。結論，無下次。

第一次黎海之戀商場，陸續都有食肆開業。睇馬祖標榜藥膳有關的粉麵，都有gimmick, 就試下。1.蟲草花藥膳農場雞米線+愛文芒果茉莉花茶米線比起外面食開的稍幼身，但好滑！亦完全唔會斷開，軟硬適中。主角當然係雞，都有幾塊雞件，雞肉幾有香味，且竟然非常滑，正。配料則有好多蟲草花，仲有少量木耳及菜，藥膳湯底有d杞子、紅棗。但其實完全冇藥膳味亦都唔會有藥材苦味。2.藥膳養生湯墨魚春卷拼白菜豬肉餃米線+蜂密茉莉花茶。白菜豬肉餃味道一般，餃皮唔會太厚，質感我幾鍾意。此藥膳湯底又有少少唔同味道，相對會甜少少，而都係冇咩藥膳味...墨魚春卷唔係炸果種春卷，係好似獅子狗咁長型，用麵粉同少量墨魚肉猜成，甜甜地。味道真係好普通。3.飲品蜂蜜茉莉花茶幾清新，少少蜂蜜味配有淡淡的茉莉花香，值得一試。愛文芒果茉莉花茶就真係伏，好甜，人造味好濃...4.上湯時蔬時疏係生菜，都係用差唔多味嘅藥膳湯浸住。生菜清清地，冇咩特別。但份量真係比較少 ...整體食物味道好壞參半，食雞真係質素好滿意，其他食物就睇你識唔識選擇，哈哈。同埋唔好對藥膳有太大期望。

**馬祖台灣養生湯麵館**一開頭見到招牌仲以為淨係食藥膳湯麵，但原來係台灣一人一鍋，疫情下想打邊爐最理想當然係一人一鍋啦。門口超多人等位，入座前需要量體溫同消毒雙手。我地揀左HKD198 既套餐，我要左藥膳蟲草花桃膠雞湯（聽到未飲都已經覺得好補）。老公就嗌左藥膳椰子清雞湯，但兩個湯底都搵唔到雞件既蹤影😂 牛肉係我食過咁多間火鍋放題黎講最高分嫁！所以我地encore左三次！而醬汁同冷藏櫃都好乾淨整齊👍🏽飲品同雪糕🍦款式都好多！唯一要挑剔既地方就係湯底太咸，加水都溝唔稀

Happy sunday!去邊度行好呢..?就去荃灣啦…去到荃灣梗係去激安周圍行下買1野，行完一輪有點肚仔餓，就嚟咗呢間台灣- 馬祖 e下肚仔先午市套餐有好多種類， 令我都心思思唔知食咩好。。。最後就選擇左藥膳古早牛肉湯🤤我就轉左要新竹米粉，新竹米粉同果湯底好夾，湯底好濃牛肉味，令我好似去左台灣咁。牛肉好大舊，而且有好多就咁1碗麵係滿足唔到左，仲加左小食添加左2樣haha~鹵水雞翼好濃鹵水汁，好入味麻辣白菜豬肉餃😍🤤辣一辣醒下胃，咬一啖d 肉汁出曬嚟柑桔檸檬特飲夏日炎炎一定要飲杯凍飲，柑桔檸檬酸酸甜甜好岩飲