馬泰

营业中

休息中

位於銅鑼灣同埋灣仔中間既馬泰 係一間泰國料理餐廳 步行大概5至10分鐘就到啦 嗰日仲要落住大雨 但為左快d開餐唔緊要啦 入面裝修簡單牆上配上簡單壁畫  餐廳唔算多人都幾舒服-青咖喱軟殼蟹煲配白飯食泰式料理點少得青咖喱 今次點左軟殼蟹 香脆可口仲有少少調味！ 青咖喱多到可以撈兩碗飯，食唔曬覺得有D浪費，想帶番屋企撈飯食！-招牌無骨海南雞摻摻喇沙椰汁味反而唔係好重 鍾意佢另外上碟嘅海南雞 雞件入味亦唔會好鞋口 鍾意食喇沙嘅我覺得佢辣味好重應該有譚仔嘅小辣至中辣程度 粗麵都沾滿辣油 驚辣嘅朋友可能要去一去湯底齋食麵先得😂-蒜蓉炒通菜冇叫馬拉盞炒通菜因為驚太辣 蒜蓉味香濃 炒得好香 通菜

🧚🏻‍♀️天氣熱熱地，特別想食啲開胃菜🥗今日黎到銅鑼灣搵食，搵到呢間隱世馬泰菜、一次過食到馬來西亞嘅喇沙同泰國嘅小食🤤🤤🥘海鮮滲滲喇沙食馬來西亞菜一定要食喇沙，最鍾意就係食佢嗰種辣辣地又有椰香味嘅湯底。呢間喇沙椰香味好重，辣度又剛好，加埋好掛湯嘅米粉同油麵🤤🤤太好食！坊間有啲喇沙食食吓覺得好漏，呢間剛剛好，比起好多名店好食！海鮮份量都唔錯，同女仔朋友夾埋食一碗就岩岩好🐔泰式酸辣鳳爪呢個份量十分多，有成幾十件，絕對唔會係好似出面坊間食嗰啲食得唔夠喉，個酸辣汁好開胃，連配菜都好好食🐷炭燒豬頸肉肉汁juicy,，外面香脆，點埋醬汁食一流椰青正正常常咁好味～食泰菜必點！

係銅鑼灣成日食個幾度地方突然想去搵下周邊地方食野～無意中行過依間睇落好似唔錯～上網睇睇介紹即刻就入去試下先～齊齊跟小編去啦🏃‍♂️🏃🏃‍♀️馬泰特色拼盤(素菜春卷·蒜蓉牛油雞翼·杏仁蝦餅·酸辣鳳爪·鮮蝦米紙卷)春卷冇咩特別～睇色好似好濃不過食落無咩味···蒜蓉牛油做到有d咸🥲1-2舊都夠···個蝦餅啖啖蝦肉好正～不過夾埋杏仁食就覺得杏仁有點多～小返d口感更好···鳳爪發揮正常～小編偷懶唔介紹😆鮮蝦米卷入口好清新～蝦都算大隻～點埋個酸汁吊返小小味就正啦😎招牌無骨海南雞(半隻)有雞味🤤胸位都唔會好痴牙～唔錯唔錯～配點兩款汁醬亦好夾～小編覺得大家可以一試👍👍海鹽焗翡翠螺有咬口得黎入口好淋～都算新鮮但有d位燒到黑左🥲馬拉盞通菜正常馬拉盞通菜一碟🤣純粹想食菜無讚無彈🤣🤣—————————————————☻非專業食評·純個人口味☻—————————————————📍總結:唔係話好好食～但又未到普普通通咁～可以再去試埋其他菜式～有冇觀眾係附近返工食過～推介俾小編下次去食😆

📍［銅鑼灣｜馬泰］今次黎到銅鑼灣既馬泰，顧名思義，馬泰就係馬來西亞同泰國菜既餐廳，見到個menu影到啲相好靚，又多選題，真係難揀。主食叫左個馬來椰漿飯（牛腩），佢都有好多配菜，有參巴、咸魚仔、巴東雞肉、香脆花生、雞蛋同埋青瓜，再配埋牛腩，送飯一流。特別要講講佢個飯，濕濕地好重椰味，味道會係甜甜地，配埋佢既配菜，咸咸甜甜，都幾夾，份量都多，但又係會唔覺唔覺咁就食哂。叫左個小食，泰式蠔仔蛋，見到張圖已經好想食，想講下佢蛋同蠔仔既份量好多，基本上每啖都會食到蠔仔，芽菜會係底，但唔會話芽茶多過蛋，冇取巧，仲有配埋辣醬，好食。飲品方面叫左鮮椰青，正常，椰肉好易食到，都真係新鮮椰青。最後，員工好helpful，全日免加一，可以一試。馬來椰漿飯（牛腩）$76泰式蠔仔蛋 $88鮮椰青 $38

嚟到銅鑼灣同朋友行街行到夜左 條街都黑咗好多🤣但係就見到呢間舖頭門口勁光 第一眼以為係啲老牌餐廳🤭（啲燈太懷舊🤣）但望入去裝修竟然勁靚 又有壁畫🥹🥹🥹係好有格調嘅泰國菜！揭一揭餐牌發現勁多選擇 之後同朋友一齊入咗去試吓！！真係俾個Menu嚇親 非連鎖式餐廳竟然可以有16頁menu……有小食有飯有麵 有甜品有特飲😋😋😋真係揀到眼都花🤣🤍馬來咖央多士 $32第一次食咖央多士竟然可以揀餡料但係我哋都係揀返最傳統嘅斑蘭味～多士好脆 餡料又唔會太膩 有機會真係好想試埋其他個兩個味！🤍青咖哩雞扒配白飯 $86估唔到食落真係幾辣！但係同時都仲係好creamy! 味道好香😋😋😋撈飯一流～～雞扒大約有五至六件 份量十足咖喱入面仲有茄子 菇 豆 超級豐富嘅配料🤍招牌無骨海南雞摻摻喇沙 $78海南雞超級嫩🥰🥰🥰 仲有海南雞醬💛個喇沙湯入邊仲有蛋 豆卜 芽菜 超豐富！但係個湯底就有少少芫荽🥹如果你都唔食芫荽就要留意啦！整體評份：🤍🤍🤍🤍🤍有時真係會忽略咗呢啲小店🥺價錢合理 環境餐具等等都好有誠意🫶🏻餐牌選擇又多 真係好啱一大班朋友嚟食！！超級建議大家去試呀🥹🥹🥹🥹🥹

今日🐻嚟搵也米😍一齊撐枱腳，我哋去咗間食海南雞嘅舖頭，環境幾舒服，去嘅時候可能因為落大雨🌧，餐廳客人唔算多，所以都幾多位置選擇。依家餐廳其實仲有好多食物選擇👀，不過我哋都想試吓最出名嘅海南雞🐓，所以最後我哋嘅餸係一樣🤣。-🍴泰式無骨海南雞飯🍲($78) - 雞肉份量幾多，依碟主要係雞胸，主要睇好唔好彩🙈，店家提供咗兩個醬去點，分別係佢哋自己嘅秘製醬汁同醬油。秘製醬汁香香哋🤤、少少辣辣哋，配埋香噴噴嘅雞油飯，正👍🏻！-🍴招牌無骨海南雞摻摻喇沙🍜($78) - 今次海南雞主要係雞髀肉，好嫩滑，而醬汁就同海南雞飯一樣。喇沙好香🤩，會有半隻蛋同啲豆卜，仲有芽菜，麵有2️⃣款，分別係米粉同福建麵，粗幼嘅麵吸咗唔少嘅湯汁，湯底幾有椰香味，要留意有啲辣辣哋🌶，超好食😋，應該會再encore依間餐廳嘅喇沙。-🍴馬泰香芒糯米飯🥭($52) - 食一餐飯，甜品係好重要嘅Ending🤭！今次我哋Try咗個芒果糯米飯，4舊擺到好似壽司咁😂，食嘅時候，糯米飯仲暖暖哋，不過未到芒果嘅季節，所以都唔會好甜，食嘅時候，點埋隔離嘅椰汁，係一個完美嘅句號😋。-🍴泰式龍眼冰🥤($28)

今日同朋友過咗嚟銅鑼灣到行街，俾我哋發現咗依間隱世馬來西亞mix泰國菜🥳 嘢食好多元化，基本上所有馬來西亞同埋泰國菜嘅嘢食呢度都有，冇得去旅行都可以過嚟過吓癮😆👍🏻 而且呢度嘅嘢食超級抵！大約60-70蚊已經有一個晚餐，野食嘅質素都維持得好好，小店來講性價比極高🥳✌🏻首先叫咗一個招牌無骨海南雞摻摻喇沙個人認為係必食推介，首先喇沙嘅面同埋湯底都好掛汁，唔會太辣同埋唔會太咸，係好香口嘅馬拉口味，裏面仲有豆卜😛呢個海南雞雞肉超級嫩滑，仲有兩款醬汁點離食😘厚切豬扒摻摻喇沙我哋都係高水準嘅發揮，豬扒真係好似，超級大塊，都係好嫩滑香口💓最後仲叫咗一個甜品，就係斑斕椰汁紫米露👍🏻推介，估唔到斑斕椰汁同埋紫米露嘅味道係咁夾😚

今次黎到灣仔覓食😛 無意間黎到一間外表平平無奇嘅馬泰餐廳😂 但係見到入面有幾幅食物嘅畫作😂 覺得幾得意所以就入左去所lunch😚雖然餐廳價錢都好親民🤑 但係野食質素都好有驚喜🥳 可能咁岩簡嘅菜式都好色彩繽紛 上枱時覺得好開胃🤤 係銅鑼灣附近返工嘅朋友都可以過去食個lunch👍🏻👉🏻 招牌無骨海南雞飯🐤💰HKD7️⃣8️⃣肉嘅份量好多之餘 海南雞食落又嫩又滑👅 連雞皮上既脂肪都唔多 同某米芝蓮海南雞有得鬥下🥴👉🏻 馬來海鮮喇沙🍲💰HKD 7️⃣4️⃣海鮮喇沙有蟹柳🦀蝦🦐魷魚🦑同蜆 配料都好夠 湯底香得黎又唔會太辣🤪 平時唔食咁多澱粉的我都忍唔住食晒😚👉🏻 芭提雅炭燒豬頸肉🐽💰HKD 2️⃣8️⃣ (跟餐）豬頸肉切得好薄 燒出黎個邊燶燶地🔥 食落特別香口 跟埋特製辣汁更加惹味😎👉🏻 芒果糯米飯🥭💰HKD 2️⃣8️⃣（跟餐）芒果而家當造 食落又香又甜🤩 不過糯米飯如果煙韌程度減番少少會更正😝👉🏻 青檸梳打🍋💰HKD 1️⃣0️⃣（跟餐）👉🏻 泰國豆奶紅豆冰🍧💰HKD 2️⃣2️⃣（跟餐）呢個紅豆冰用左泰國豆奶黎整唔會好似平時死甜果d 紅豆冰咁就算唔鍾意太甜既朋友仔都應該接受到😝加一服務費❌

今次黎左一間外表平平無奇嘅餐廳 但係味道竟然出奇地好 如果係灣仔返工的話 都係一個午餐唔錯嘅選擇要特別推薦呢到嘅海南雞飯 啲雞大份之餘入口仲好滑，唔會太肥，比得上某間米芝蓮餐廳價錢仲平好多tim.喇沙味道都唔錯，濃得黎唔會死咸燒豬頸肉質素都好好，燒出黎非常香口不過個芒果糯米飯就差啲。糯米飯un到好似橡筋咁，真係不了。 好彩果肉都叫又甜又多汁， 今次打和 super平民餐廳黎講都算係高質素。最緊要份量唔孤寒！糧尾黎食下都ok

追星追到去銅鑼灣，追完後又肚仔餓，路經呢間有得食泰馬菜嘅鋪頭，就醫下肚先。要知道追星真係好需要體力😏我又想食海南雞又想食肉骨茶，所以最後兩樣都叫曬，同朋友一齊Share!馬來無骨海南雞喇沙雞肉滑 雞皮爽 （我最鐘意食海南雞啲雞皮）秘製馬來肉骨茶配飯藥材味好香 排骨啲肉好淋同好入味驚唔夠飽又加多左個小食芭堤雅炭燒豬頸肉估唔到份量都幾大，好抵食心思思叫埋芒果糯米飯芒果好甜，叫得太多野差啲食唔落😂😂飽到我哋呢仲食跟餐加$8 有特飲，超級正呀

Coming from a South East Asian country myself, I went in having pretty high expectation of the place. Honestly, the restaurant did not disappoint at all. We love the ambience of the restaurant, the staff was friendly, the restaurant was very clean and the food was amazing! Even with the tea sets, the portion of the meal was great and the prices were affordable. We ordered their: 1. Thai Green Curry (Chicken) with Steamed RiceThis was a definite hit, the grilled chicken and eggplants were so good

馬太福音七章十二節，【你們要提防假先知，他們表面是羊，內裡卻是披著羊皮的狼。】狼唔狼我就唔敢講，但呢間「馬泰」呢，我就一定係當佢羊咁趙咖啦！食硬你呀！ 👇📌下 午 茶 套 餐 -▪ 泰 式 蔗 蝦 撈 檬 粉 - $56 ▫ 第一個先試個「泰式蔗蝦·撈檬粉」，蔗蝦水準高質，食落夠哂彈牙厚身，而檬粉份量十足，配搭酸汁、花生、蒜片，整體撈埋一齊食，酸酸甜甜又夠飽肚，幾抵食。▪ 馬 來 海 鮮 摻 摻 喇 沙 - $62▫ 另一款「馬來海鮮·摻摻喇沙」一次過食勻大蝦、蜆肉、蟹柳、魚蛋、豆卜、雞蛋、魷魚。先講湯底，濃而不膩，而兩種麵條口感上有明顯唔同咬口，加上吸收哂湯底同海鮮精華，份外惹味，唔錯。📌升 級 優 惠 - (+$28) ▪ 鮮 椰 青 - ▪ 馬 泰 香 芒 糯 米 飯 - ▫ 升級就一定要咖啦，嗌埋個前者「鮮椰青」同埋「馬泰香芒·糯米飯」。前者椰青就咁插支飲筒入去已經飲得，裡面果肉亦可以慢慢刮，果肉食落非常鮮甜；而後者糯米飯質感煙韌彈牙，芒果相當新鮮，連埋一齊食，口感夠哂豐富，好食！

今日微微細雨，行到攰攰地，見過個裝修新淨就同女朋友入去食個下午茶。平時我哋都好鍾意食東南亞菜，見裝修都好有旅行嘅感覺。入到去地方寬敞，都坐得幾舒服。坐低咗之後就即刻揭開餐牌叫我哋最鍾意食嘅海南雞飯同埋撈矇試下。冇諗過餐牌下午茶嘅款式都幾多選擇，見佢加廿零蚊就可以加多個小食梗係即刻試吓啦，今次試咗杏仁蝦餅同埋炭燒豬頸肉。叫完唔駛等好耐嘢食同嘢飲已經好快送齊，擺款好靚仔，仲要即炸添！都幾有驚喜！ 先講先講下個冇骨海南雞摻摻喇沙，雞肉都幾滑幾香，加埋新加坡既黑豉油再配足料喇沙湯底真係一流。一般馬來菜好少用正宗新加坡短芽菜竟然佢哋咁有心機入貨喎軟殼蟹撈檬粉10分足料配菜有四五樣，即炸軟殼蟹脆漿好薄，令蟹肉咬起嚟外脆內軟又唔漏，真係幾好味小食有水準，個蝦餅嚟到熱辣辣配埋個杏仁片都香口，蝦肉又彈牙。個炭燒豬頸肉食都好有心思嗰邊用火烘一烘，做到又脆又軟嘅兩個口感個南洋奶茶茶香奶香10分平衡，入口軟滑嚟到嘅時候有一層薄薄嘅奶泡起面， 證明連水吧都好比心思。斑蘭椰汁冰亦都好重斑蘭味，同我之前去旅行飲過嘅當地飲品味道好似，令到我好似去咗旅行咁

冇左晚市堂食之後，好彩仲有午市堂食🥺 去開銅鑼灣行街，咁岩見到呢間餐廳下午茶都幾大份，又平又抵，混合左馬來西亞同泰國菜🤤🤤都幾吸引☺️而且野食都好好食，好想推介下佢啲野食😋😋🥢泰式軟殼蟹撈檬粉 $58雞絲扎肉撈檬大家可能都食唔少😋嚟到呢度又點可以唔試吓原隻軟殼蟹撈檬呢😝軟殼蟹經過醃製香煎，除咗啖啖蟹肉之外，蟹殼更加好似脆炸外皮一樣可以直接食用😼大快朵頤之餘全無顧忌🥰🤤檬粉冇淋或者黐埋一舊，加埋酸甜檬汁口感特別清爽。🤩🤩🥳🥢馬來無骨海南雞喇沙 $66呢到既喇沙相當出色，可以話係我食過咁多喇沙之中，最好食既一間🥺🥺湯底味道超濃郁，米粉份量也都好大碗😝😝米粉仲超爽口彈牙🤤🤤海南雞亦都沒有任何骨，又滑又香口👍🏻👍🏻絕對可以一啖放入口，唔怕咬到骨😉🥢馬來素菜春卷 $22跟餐加$22蚊仲可以食到馬來素菜春卷，即叫即炸，仲係好香脆美味🤩震撼味蕾😻值得一叫😝🥛泰國豆奶紅豆冰 （跟餐+20）唔知大家有幾鍾意成為目光焦點呢😼事關呢杯餐飲就相當巴閉，所到之處盡受食客注目禮😝😝原支泰國直送豆奶高聳入雲，味道比起傳統紅豆冰嘅花奶過而無不及😌同場加映溫暖棉密嘅紅豆👍🏻即使係冬天入面都感受到星馬泰夏天嘅清甜涼爽！🤩🤩

放假食個late lunch，喺灣仔銅鑼灣想食餐冇咁頹又要唔太貴真係幾難搵到，路過見到呢間下午茶時段幾抵之餘又唔使加一，咁啱想食下清涼啲嘅撈檬，所以就入咗去。自己一個決定下慰勞下自己，所以就嗌到成枱都係嘢，埋單$120都唔使，就可以食到好飽。T7特色街頭撈檬粉配厚切豬扒，$56。豬扒份量好多，起碼有7至8嚿，每嚿都好多肉。粉份量都幾多，配埋幾開胃嘅鹹酸汁，食食下唔經唔覺已經可以清晒食碗。啲檬粉幾碎，建議用匙羹食。S3馬來杏仁蝦餅，$26。係下午茶餐搭單嘅小食，比普通餐廳平但一啲都唔失禮。未試過炸蝦餅配埋杏仁呢個新奇嘅配搭，食落出乎意料地夾。馬泰香芒糯米飯，$28。甜品最先上枱，擺盤好靚，好似四嚿壽司。芒果幾新鮮同清甜，咬落去仲有一絲絲。下面嘅椰汁糯米飯水準ok，唔會好似我之前食咁樣覺得好濟，嫌太dry嘅話隔離仲有多啲椰汁可以點，用嚟點芒果都幾正。最後係跟餐嘅斑蘭椰汁冰，加$8。椰汁味重，但斑蘭味如果可以再重啲就好。呢間下午茶撈檬比出面平，份量又多，味道又唔錯，下次經過呢頭會再嚟食！