影片
叫左个猪耳酸辣汤薯粉外卖，猪耳白恰既，个汤无酸味无辣味，得咸味，可能水煮系列先系主打，所以呢碗野实在太难食😂性价比系零😎晚餐时段居然仲多外卖客过隔离mama档😓
继续阅读
是日午餐同事叫左清鸡汤鸡肉米线佢评语系鸡肉好食，同份量多的，鸡汤清应该冇落味精我叫左口水鸡米线，小辣评语系小辣一啲都吾辣，系香的麻味多点，米线偏少，汤底偏淡味，略嫌吾够咸。环境坐位较少，坐户外位，落雨太阳晒时要叫外取走，平时见好多人围住外面开枱食野，所以抱住试下心态，讲真系有少少失望，因为冇惊喜，有特色的味道，但不是我喜欢的味道。服务就系因为街坊生意，没服务质素可言，应该内地人经营的，所以讲普通话。
继续阅读
通常我都系外卖自取的，水煮鱼套餐跟薯粉系必食，有阵时会叫埋手撕鸡～我谂可能靓女事头婆系钟意健康啲，每次手撕鸡都俾好多青瓜丝及味道会较为淡口啲，所以落单时我都会叫佢加咸少少😆我认我重口味虽然间舖仔响置乐花园内唔起眼位置，不过已经好多返头客，我朋友唔系住呢区都识得介绍我食呢间水煮鱼（佢以为我未食过）果然系有麝自然香👍🏻
继续阅读
自从上次第一次食左呢间小店之后，成日都好想再一试佢既水煮鱼，今日刚好李公子放优，相隔数天，又来到食返餐辣辣午餐先！虽然相隔时间短我又再次为呢间餐厅写食评，但今次都特地叫与上次不同的食物，同大家分享返唔同的选择红薯粉照旧，小辣，但配以猪腩肉，一碗约有4-6块左右，每块都大块，而且肥度不会太夸张，肉质比较干身，味道没有太大的冲击，还是上次的口水鸡好食！今次当然唔少得老板娘介绍的水煮鱼，底部有大量芽菜，而鱼则是成条上，并不是鱼块，有惊喜！除左鱼头没有之外，本条鱼连尾部都在，而鱼质好滑，而且不是小骨，方便食，唔会有太大的鱼腥味，大大块鱼足足有6-8块，绝对足料！今次更勇气可嘉地，尝试中辣，一入口，与小辣没有太大分别，相隔后秒入口后，辣感开始在口腔展开，慢慢到个胃都会好暖，但系口腔内并不会出现又麻又辣，再食唔落既情况，简直系越食越爽强烈建议爱食辣之人食中辣，因小辣完全没有味道，只有中辣或以上才能真正食出四川菜的美味！
继续阅读
之前食过好几次只在外卖，第一次有朋友陪堂食，此店只能坐室外，好在暂时顶得住，唯独怕未食先喂蚊啫。依旧食凉面，因坐室外怕太激，还是叫个少辣猪八戒好了，面头铺满青瓜大兜匀后可中和辣味，少辣属湿碎程度，𩠌料十足，汁有醋酸而辣，斋闻都已经口水流试试个大辣凉拌云耳，一心谂住小食而已，辣极有谱，味道偏淡，但辣度十足，不能低估。不过好似落多辣椒粉，有微微苦。朋友又点了猪八戒，不过系中辣麻辣汤薯粉，试了啖汤底，我决定下次转軚外卖回家叹住冷气食，好有香辣四川风味，味道啱啱好，汤绝对可以饮清光
继续阅读