香港達人 (迎海薈) (已結業)

I went for lunch...I asked if the hot water was self serve or I had to order it... the waitress didn't understand and asked me to repeat my question in mandarin. Then, my dad ordered Curry Rice...and I ordered Hainan chicken. Staff said they ran out of chicken. So I ordered a pork chop steak instead. My dad ordered a mushroom veg meal instead. My meal came, and there were 2 pork chop steaks. My dads meal came and it was cold, like it was just taken out of a fridge. So we told a waitress. She asked if we would like her to microwave it....what kind of service is that? Instead, my dad ordered the pork chop meal, the same as mine... when it came, it was only 1 steak! I.e. half the portion if mine! We didn't want to complain again so we rushed our meals and left. Absolutely terrible. I would give this place a minus score if I could. I definitely would not recommend. …查看更多

明明無人都等左勁耐，成四個字都算。仲要比錯左，肉醬意粉變左咖哩雞飯🥲張單都係寫肉醬意粉，唔明點解唔多客都可以咁錯。做野上心少少好嗎？話飲食難做，幫襯下你地都可以錯漏百出，自己唔爭氣邊個幫到你…查看更多

其實之前已經試過幫襯一次，上次係食午餐，今次諗住過嚟食返個早餐。朝早嚟到，空位都幾多，可以悠閒咁坐低食早餐。❤️煎蛋併煙肉及豬柳漢堡 $35 煙肉質素一般，同快餐連鎖店嘅煙肉質素差唔多😕豬柳味道較鹹，而且偏油。煎蛋就一個全熟，一個半熟，火候可以掌握得更好。好食度：⭐️(1/5)❤️吉烈魚柳伴煙肉 $37個醬味道有啲怪😅薯蓉應該係用薯蓉粉整，唔係用新鮮薯仔。吉烈魚柳正常水準，份量算多又厚身，唔係特別好食。好食度：⭐️✨(1.5/5)餐廳推薦度：⭐️(1/5)價錢唔係特別平，個人認為呢間比該商場其他餐廳略為遜色。…查看更多

剛開張時有黎食過一次晚餐，但味道已經唔記得今次第一次食依間餐廳下午茶，有啲啲失望失望 1 ： 我想試個雞肉串燒已經賣曬，所以我轉左叫其他食物。失望2 ： 蜜糖腸我以為會係脆皮；睇落似脆皮，但原來唔係:(叫左一個西多士餐，味道正正常常，冇乜特別。普通版西多士另外一個餐係 ： 瑞士雞翼、蜜糖腸，西多士（我叫既餐）先講雞翼，外觀唔似平時食既瑞士雞翼，味道更加唔係，雞翼啲肉煮到好老，用叉一叉就可以分得開啲肉同骨:(蜜糖腸 ，普普通通既白烚腸仔西多士，雖然只有半塊，但好好味，剛剛整起，味道好香，有少少驚喜係入面竟然夾左花生醬，食到少少花生既口感，因為依個西多士，所以既失望或一般都已經冇曬下次如果食下午茶 我會食番中間夾有花生醬既西多士以上只係個人意見:)…查看更多

最近因為疫症都會成日幫襯樓下的餐廳，重新愛上香港達人，因為價錢合理食物份量夠大，佢有個牛柳大約150元兩塊的，要五成熟，夠厚身有肉汁，十分美味質素比得上高級餐廳，海南雞飯都好食，牛市有個牛扒餐有湯有包有扒有飯有餐飲都係60元左右十分抵食。…查看更多

送完未來老婆大人去做facial，應該要等兩個鐘佢先做完，返屋企又係悶，呢段時間搵啲嘢食下坐下仲好過返屋企，望吓錶原來已經六點，今日胃口幾好，食完呢一餐先，等陣可以再食多一餐，過年一定要食橫財就手既豬手，餐湯要中湯霸王花煲紅蘿蔔眉豆湯，冇味精好好飲，餐包熱辣辣軟熟，隔咗一陣主角出場，錫紙包住豬手，保留肉汁，一打開豬手成隻橙色好sexy，又大隻，炆得林不費吹灰之力好容易切開，配薯菜一啲都唔油膩，豬皮同肉之間，一層厚厚骨膠原，好黏咀，正…查看更多

屋企樓下既香港達人其實呢間野都算係商場入面佔地比較大間既一間餐廳但硬係比人一種質素差一級既感覺今日晚餐都試下啦本身想嗌佢個晚餐既咩蒜蓉粉絲茄子但係佢話要等成30分鐘，咁我就話唔等啦...要嗌其他...最後揀左個「芝士龍蝦汁吉列豬扒撈公仔面」諗住芝士撈公仔面應該一定好食...不過個面一上，望落都覺得怪怪地食落個汁都有啲怪，我諗就咁芝士味應該會好啲...佢隻咩芝士龍蝦汁...唔會真係有龍蝦味之餘仲搞到個汁怪怪地咁...不過食多幾啖都接受到既，又未去到好難食咁豬排就一般啦，普通炸豬扒不過我覺得吉列炸野同芝士撈面本身就唔係好夾...整體份量就一般啦，撈面都預左佢唔會多唔會再食...可能一開始應該嗌返啲正常中式餸菜會穩陣啲 😂$50連熱飲，嗌左茶走茶走都好飲既不過整體黎講真係麻麻地 😂…查看更多

今日搭馬鐵去搵朋友，好耐無黎了，原來交通好方便，總站就到，站附近有個小商場，晚餐一試。麻辣雞煲 $82雞件麻味濃，辣度不太重，麻香好突出，見到好多花椒粒，爆炒得香又入味，醬汁不多，幾好送飯+$10 有飯，湯可選中式或羅宋湯茄子肉碎煲 茄子爽口，肉碎多，油多到浸面，煲上枱時夠熱，味濃好送飯西檸煎脆雞 $68外層脆，但粉較厚，雞肉嫩，酸味重芝士龍蝦汁吉列魚柳撈公仔麵 $50吉列魚柳少粉醬，肉厚，芝士龍蝦汁味濃，好鹹，落左湯撈都好鹹店內卡位多，冷氣不太夠，味道全都偏鹹，普通啦…查看更多

烏溪沙有馬鐵，交通方便，今日到了站附近商場，試下小菜咖哩牛腩 $69牛腩肉味濃，炆得淋又入味，咖哩是黃咖哩，香中帶辣，辣度不高，醬汁濃又杰，好送飯，份量正常+$10 有飯，湯和飲品咖哩跟餐送薄餅，薄餅煎得金黃香脆，沾咖哩汁好夾大馬站煲 $80煲上枱時有「芝芝」聲，證明夠熱，火腩不太軟身，油豆腐、蔥、洋蔥都炒得香，一定要送飯，味道偏濃同鹹，份量正常店內衛生尚可，坐位卡位多，近商場既坐位較熱，冷氣不太夠，職員態度友善:)…查看更多

諗住明天要一早返工，就決定不勞心煮飯，簡單喺附近買外買，在烏溪沙的香港達人叫左一個焗葡國雞飯、一個焗葡國雞意粉、一個焗咖哩鷄扒飯。等左15分鐘，攞外買返屋企同家人食，點知一打開即時被嚇窒了，意粉同葡汁係分開用兩個盒裝，食物完全無焗過的跡象😣葡汁嘅質地呈水狀，比一般嘅葡汁稀，完全沒有葡汁的香味，味道很淡，雞件亦都係只有幾塊，數量比一般餐廳的少，不足夠用來送飯或意粉。望着兩盒葡汁，真係感到好無奈。感覺廚師整得好求其，沒有認真烹調，真的不值用接近$70去買一個餐。😭…查看更多

去完烏溪沙玩，晚餐時間去返附近既商場食野，今次試下依度依個邪惡既芝士撈公仔麵配吉列豬扒，簡直冇得輸，十分好食香濃既芝士撈公仔麵，塊吉列豬扒好香脆唔太硬陽洲炒飯，都好多蝦，都幾足料既炒飯，無論蝦，火腿，叉燒都好多！福建炒飯，好多魷魚，小炸魚，蜆......真係一啖飯內有晒配料，配料都幾多！鐵板豬扒炒烏冬，熱食係幾好味架！但係呢臨尾會黏底.....依個反而冇咩配料係依度私人住宅區個晚餐價錢其實都叫好平民價!都抵食既！碟碟都好大碟！岩晒大食既我地！…查看更多

今天一早要去西貢做嘢，在烏溪沙轉車，順道先祭五臓廟，便行去迎海的商埸。可能太早，很多食肆未開，便挑了「香港達人」。它的裝修簡潔，典型港式茶餐廳的佈局，它的特色是入內有一系列的玻璃窗，可見迎海屋苑的花園，一片綠色，賞心悅目。餐牌選擇很多，有超過20款早餐可選，我挑了A2 （$34-)，即芝士雜菌炒蛋及腸仔配輕量版牛奶麥皮，餐飲叫了熱奶茶。因不想一早食炒蛋，問侍仔可否轉煎蛋，她話可以，便轉了，但會無晒D雜菌。因侍仔無提醒，故上菜時有點愕然，不過我不是雜菌控，所以無乜所謂。早餐上枱時的樣子看來較隨意，多士差D飛出街。它的麥皮是無糖的，煑得夠”綿”，麥皮與水是完美的融合，不會水汪汪的；兼且這個麥皮是無糖的，不會過甜，食落覺得很健康，味道也唔錯。😋😋😋蛋亦煎得剛好，少少流心。由於健康關係，我已不多吃香腸，這個香腸亦看似略肥及漏，所以放棄了！👎🏻👎🏻奶茶也很滑溜，茶味香濃，能為一天工作加油！💪🏻💪🏻💪🏻…查看更多

2019年8月5日，在此餐廳（迎海商場）進食午餐，有派送食物員工服務態度惡劣，且動作粗魯，派送之食物位置完全不正確。請有關負責人跟進。因為員工是代表公司，應該給與適當培訓。…查看更多

難得一個人可以享受一刻寧靜，三點三剛好食下午茶。沙嗲牛肉公仔麵牛肉有沙嗲味，幼滑不鞋口，沙嗲味有少許辣，公仔麵剛熟，生菜新鮮，麵夠熱最好吃。奶油豬醬不夠豐富，豬仔包焗得有點過火，太脆了，脆得有點乾。凍西洋菜蜜大大杯，西洋菜蜜甜度剛好，解渴消暑。餐廳人不多，坐位是卡位，坐得舒服。…查看更多

某日與男人去左香港達人食下午茶，一入去就有位，唔駛等位，又幾好wor點知。。話說我叫左炸雞脾薯條餐，佢就叫左奶油豬併瑞士雞翼~我們落完order後,間唔中都有d蚊滋仔飛過不過是但啦，諗住反正都係快趣食完就走~未幾，野食到了見到雞脾有點濃，薯條都係🤦‍♀️個刻真係有d無奈。。而男人個o個餐既奶油豬就比較乾身🤷‍♂️瑞士雞翼d肉係"鞋"既，仲要偏細隻想點熱檸茶和熱杏霜都正常，冇特別~環境衛生同食物質素有待改善~…查看更多