香港地

今午放lunch跟同事尼到美孚蘭秀道美孚新村地下的"香港地‘’西餐廳共進午餐。 店舖內地方都頗為闊落，光線充足，坐得舒服。 這裏有一個自助水吧，如要飲水就要自行斟水。 餐單裏有多款套餐可以選擇，又可以單點。有中餐和西餐，適合不同人任的口味。 我叫了一個午市套餐，包一個中式餐湯或西式餐湯，再加熱飲一杯，熱飲我叫了一杯熱檸檬水，如想轉凍飲或特飲，就要加錢。 三絲炒瀨粉套餐 $68今日中式餐湯係紅蘿蔔排骨湯，紅蘿蔔甜而新鮮，排骨又夠淋滑，紅蘿蔔和排骨的精華融化在餐湯裏，飲落感覺清甜可口。 三絲炒瀨粉瀨粉裏混入了火腿絲、紫洋蔥絲、芽菜、义燒絲和葱段。瀨粉炒得非常均勻，條條都掛上了醬汁，十分彈牙和入味。火腿絲帶有少許咸香味，义燒也不覺太乾，有义燒的燒香味，芽菜爽脆，可惜紫洋蔥就比較生了一點，因我不太喜歡食未熟透的洋蔥，雖然爽脆，但感覺有點辣口。 …查看更多

昨晚去吃晚飯，選了雞粒豆腐煲和蒜蓉粉絲蒸排骨，鹵魚雞粒豆腐煲冇乜味個汁水希希，肉和豆腐好似隊落微波爐翻熱既質感，好鞋，食左D算，之後上個排骨肉鬆粉多到令肉完全變質，難吃食落口感好怪仲好酸😖，差過預制菜既感覺，平時日頭既出品算ok，夜晚食物質素則非常之差，好明顯冇心做，管理好有問題，出品冇良心，兩個餐加埋差唔多成兩舊水俾D甘既野客食，叫兩餸飯都冇甘嬲，以後唔會再幫襯晚飯，我都未試過差到甘要出食評😤，希望佢哋好自為之。…查看更多

今日喺美孚行街，行到攰攰地，就諗起好耐冇去過「香港地」食飯。呢間餐廳主打港式茶記風味，裝修新，充滿香港特色，好適合同朋友一齊嚟chill下。我點咗個「豬扒公仔麵常餐」，$58，包炒蛋、火腿方包同熱檸茶。等咗大概十分鐘，熱辣辣嘅常餐就送到我面前。豬扒公仔麵： 一上枱，香噴噴嘅豬扒味撲鼻而來，令人食指大動。豬扒煎得金黃香脆，肉質嫩滑，醃得入味，公仔麵煮得剛剛好，唔會太淋，湯底清甜，加埋爽口嘅生菜，好滿足。炒蛋火腿方包：炒蛋嫩滑，火腿鹹香，方包塗上牛油，簡單又好味。熱檸茶：茶味香濃，檸檬清新，甜度適中，係一杯解膩嘅好選擇。總體嚟講，「香港地」嘅常餐味道唔錯，份量足夠，環境舒適，充滿港式情懷，係一間可以encore嘅餐廳。雖然價錢比一般茶記略貴，但勝在坐得舒服，可以慢慢享受。…查看更多

之前再試番「品樂冰室」，離開時經過「香港地」，見好多人晌門口等位，加上見佢有款蕃茄湯系列嘅早餐，啱晒老婆，就搵個星期六朝嚟食個早餐，睇吓喺咪好咗！其實我就對「香港地」印象一般般，唔喺話差，但唔叫得好，今次就俾多個機會佢。自從好幾年前呢間「香港地」擴大咗，小弟都未嚟過，今次再嚟，空間感大咗，但啲枱櫈都排得好密，不過，佢哋為咗做盡生意，會安排人手帶位，盡量填滿每一個位，故此，要有搭枱嘅心理準備。早餐嘅餐牌棟咗喺門口，款式都唔少，例如全日早餐、港式早餐、蕃茄湯系列、脆炸魚柳系列、珍寶菠蘿包餐、嫩滑豬扒系列、健而麥皮系列……等等，而入到裏面，基本上唔見有餐牌，落單都喺掃二維碼自己搞掂，價錢方面都喺同附近啲茶記差唔多。餐具放晌枱上，其實佢哋啲枱本身已唔喺大張，所以，嚟齊晒啲食物之後成個枱面都有啲壓逼感。負責送餐個男侍應亦都有啲唔禮貌嘅行為，就係推開我正正食緊嘅通粉，以方便佢擺其他食物上枱。仿鮑魚絲火腿通粉 $41本來老婆一心喺想試個蕃茄湯系列，不過，喺點餐時落單系統上搵嚟搵去都搵唔到，跟住再問返啲侍應，原來星期六日公眾假唔供應，再睇返個餐牌，確喺有啲雞屎咁細粒嘅字寫住，真喺走漏眼添。比較啱食嘅就只有呢款通粉，仿鮑絲口感柔韌，食起嚟算清爽啲，配炒全熟蛋及多士，雖然全熟蛋炒得樣衰啲，但老婆唔介意賣相，最緊要夠熟到透啫。蜜汁叉燒通粉 $43次次都沙嗲牛肉公仔麵，今次就改試下叉燒通粉，再配上炒滑蛋牛油厚多士。點解咁多人嚟「香港地」，就因為佢哋講明用相對好嘅食材。叉燒雖然無啲燶邊位，但味道唔錯，啲肉質好鬆化，而且比較少肥膏，老婆都可以試多少少；炒滑蛋都確喺有一手，炒得夠滑溜，好夠蛋味，又夠份量。通粉本身味道都唔錯，個湯底幾濃郁，唔喺味精湯，啲通粉煮得仲帶少少咬口感。熱咖啡、熱奶茶少有哋老婆話想嘆杯熱奶茶，所以，小弟就改飲熱咖啡，我杯即磨咖啡飲落幾香醇，但完全唔明點解嚟到只喺微暖，明顯喺沖定好晒擺咗喺度，有單就拎俾客。臨走時有同店員反映，佢話下次可以叫做個杯，呢個算喺補救方案，但問題根源喺準備食物嘅流程，會唔會水吧嘅同事貪方便做定好多杯放晌度，快餐店都唔會咁做啦。而老婆杯熱奶茶飲落都算OK，唔算話好柔滑，但都好夠茶香。今次再幫襯「香港地」，食物方面算中上，喺杯咖啡出咗少少問題，而服務方面，始終如一都喺咁一般，不過，再觀察所見，應該喺嗰個男侍應嘅個別問題居多，因為有另一位女侍應招呼唔錯，態度溫文有禮好多。…查看更多

今日同家人來食午餐飯, 點了欖角蒸排骨飯套餐及常餐, 排骨食落後, 覺得放得太多鬆肉粉, 令至肉感變質,為健康着想, 最後放棄食餸, 只可食白飯😢, 常餐的豬扒也有放, 而可接受, …查看更多

【128】用家自費分享！Walk in唔使等，約七成滿。7️⃣0️⃣CP值，2024/2/4/日/14:31，假日下午茶時段，二人埋單免加一共$83，平均每人$41。店係路口街舖，算易搵，裝修有特色，感覺乾淨，空間算大，坐得舒服，招呼正常，落單快，上餐都快，中規中矩，可以一試。7️⃣5️⃣下午茶餐星洲炒米$48，炒得好乾身，唔錯，再重小小咖喱味就更好。5️⃣0️⃣跟餐熱咖啡，無乜啡味。7️⃣0️⃣珍寳菠蘿油餐$35，大菠蘿包都脆，可惜舊牛油唔夠大。6️⃣0️⃣跟餐凍檸茶，正常有茶味。…查看更多

店舖～好高級=按飛攞枱本人約了媽媽&太太食早餐…因為餐廳好多人要是要取飛等枱，我早D去取飛我取飛10分鐘 後有第二個女事 按飛之後 有三個人 直衝入去第二個接飛女事 就跟住一齊入去我見有問題就跟埋一齊上入去眼見女經理 叫三人先坐其吉枱第二個按飛 女事同女經理講我有按飛喎！女店員就話咁你坐呢度啦我同佢講我都係最早取飛喎😤佢個樣好似覺得我唔啱咁….就好負氣說話叫我你坐嗰度啦•我坐低咗😡女經理仲要同同事講我壞話（很定又覺得我一個麻甩佬你攞位咁小氣啦）😠😠😠原因不是因為這個我到此店都是第三次了！每一次入呢間店舖店舖女店員都會語氣不好，對我說你出去攞飛啦（第一次本人覺得沒有取飛規則～是本人錯）第二次打8號風球落波今次我自己已經取飛了，飛號碼叫我入去 女經理一樣語氣不好問我有冇飛，我話有兩位。我用餐時候～見到其他客人到店取飛及沒有取飛衝入去，女經理店長都係（會用語氣不好對客人說～攞飛）我發覺佢嘅服務態度實在太差（可能呢個腦女經理就係老闆，因為佢不用着制如果你是一間高級餐廳早餐消費要＄200一位米芝蓮店舖語氣好大及冇禮貌我會覺得你好勁你所做的服務是最好！但是一間茶餐廳早餐＄46其實唔需要攞飛（扮高級餐廳）攞飛扮高級餐廳服務熊度差女員工長頭髮攣 不用着制服 他可以櫃檯收錢佢一定係皇親國戚或者係老闆餐廳要排隊要攞飛係絕對正確，但是指引不好，都不能將語氣怪罪人客身上唔夠人手，就唔好扮高級餐廳服務…查看更多

這天點了兩個早餐，一個是豬扒煎雙蛋牛油多士，另一個是蕃茄湯鮮牛肉通粉，飲品點了熱鴛鴦和熱咖啡。豬扒算是大件，煎得嫩滑，口感佳，味道好。煎蛋有蛋香，多士若再烘脆一點就更佳。蕃茄湯鮮牛肉通粉，湯頭蕃茄味不足，牛肉大約有六片，牛肉味也不足，肉質只屬一般，雖不柴但也不滑，通粉煮得過軟，不太好吃。咖啡略有咖啡香，算不錯，鴛鴦沒有咖啡香，但有茶香，也算不錯。…查看更多

下午茶去到美孚想食少少野食茶點地方唔算係好多，見到冇咩人想靜靜地1.叫左朱古力麻薯包多朱古力，包會叮熱，中意甜既好食💗2.叫左蛋白杏仁茶唔係個個地方有夠香，蛋白都夠多本身想試葡撻，賣相幾好，可惜賣哂下次會試，而且地方夠大，坐得夠舒服另外，有麵包店土賣3. 買左提子蒜茸多士條$10抵到爛，total兩塊方包、介開4條夠脆，不過唔好揀太深色，唔係會有少少苦職員態度幾好， 有禮貌，舒服過果邊既茶餐廳唔係食正餐，都冇比人黑面…查看更多

啱啱裝修完冇幾耐嘅香港地，話說有好多人去買佢啲外賣麵包同撻cake。单号我给你还有三个正餐，所以就去咗食佢哋嘅下午茶餐。都係食我想食嘅喇沙😛，同埋想試埋佢哋嘅熱狗餐🤣🍜先講喇沙🍜-湯底可以話合格，因為佢可以滿足到濃郁嘅味道。-🍤爽口，新鮮嘅-流心蛋不錯-魚蛋好好味-但係食到魚片頭，就有陣臭咗嘅味道😵‍💫。佢都睇到我每樣應該咬咗一啖，發現我試咗材料先🤗。即刻同個waitress講。然後，佢幫我換過晒成碗。我叫佢不如將魚片頭轉做魚蛋啦🤔。當我開始正式食第新到嗰碗嘅時候就有個經理級走來問我而家其他配料O唔OK。我話冇問題，服務態度非常認真。🫡有時食物變咗，廚師都未預料得到。如果我哋客人食咗反映番比佢哋聽，佢哋服務態度有跟進到，其實就係一個良好嘅顧客與餐廳溝通嘅關係。🥰🌭熱狗下午茶餐🌭嚟到嘅熱狗都算大份嘅，一個人食一定夠飽。如果好似我咁下午茶餐，食完個熱狗。夜晚仲可以依時食晚餐😹。今次呢兩個餐係兩個人食嘅，所以係好足夠。😌…查看更多

過往最出色係個早餐，平時朝早都會去食，無論堂食或外賣都保持到水準！過往嘅炒滑蛋真係好惹味， 好高水準。見裝修完未試過，唯有今朝買嚟試試佢，點知滑蛋好似炒爛咗😖 又水 ， 又淡味， 失望呀比返個靚滑蛋嚟！！！…查看更多

我倆夫婦首次光顧此美孚分店晚市，有以下絕頂失望的體驗：1/ 肉眼牛扒，整片咬不開，不能吞下，只好放棄2/ 所謂意麵，不過加入茄汁，無味道，亦放棄3/ 羅宋湯，水汪汪，看見也不開胃，亦放棄4/ 中式套餐，白飯凍冰冰5/ 漁香茄子豆腐，豆腐咬開，內𥚃凍冰冰6/ 投訴給其分店主管，只說會和廚房說，一臉不負責任的態度，看來已習慣成自然，面皮比牛扒還厚。香港飲食業便是被這些人累死. 其員工聽到我們投訴，亦勸我們「多多」反映給其主管。…查看更多

香港地•連鎖茶餐廳🍴評分：🌕🌕🌕🌑🌑·煲仔魚香茄子炆魚柳魚香茄子就食得多啦，加埋魚柳又如何呢🧐魚柳係粟米斑塊個類既魚柳，熱啦啦咁食煲仔都唔錯既。冬天食會別有風味，可惜而家係盛夏，不過有冷氣·唔怕～·豉汁蒸倉魚係香港地細細個食到大，係回憶既味道~倉魚標準size，豉汁蒸唔會伏，肉質尚算滑，跟套餐配一大煲老火湯，足料蘿蔔冬瓜瘦肉，不過不失~總結：正常茶記質素，2人晚餐$180左右，空間尚算坐得舒服。…查看更多

這家茶餐廳在美孚新村附近，湊巧送完孩子在荔枝角公園上網球課，於是過來試一下這家餐廳。結果味道讓我非常的驚喜，讓我幾乎每一周都要過來，必須吃一次。我今天要隆重推薦我在這家餐廳最愛吃的一個飯，男女老少相宜的一個蒸飯就是。鹹蛋蒸肉餅飯，這個飯真的非常好吃，真的非常的嫩，小朋友很愛吃，一點都不熱氣，吃這個飯能吃兩大碗，然後這個飯有一個比較麻煩的問題，就是他需要提前30分鍾，制作的時間比較長。我們另外還點了四季豆椒鹽豬扒飯，然後還點了一個芥兰作爲青菜，另外我們還點了一個黑椒牛仔骨，作爲肉食類的主菜。我覺得他家的菜品整體有點偏鹹，但是味道確實是不錯的。人均90左右，如果有enjoy卡200以上還可以9折…查看更多

到荔枝角室內體育館打疫苗，休息了一會，在附近香港地吃早餐，點了以下的：#仿鮑魚絲火腿湯米粉：標配是通心粉，我轉了米粉，相對沙嗲牛肉清淡很多，感覺比較健康。#炒蛋多士：炒蛋很滑，不足是不夠熱；多士烘得鬆脆，好吃！#港式奶茶：評價１間茶餐廳好不好，喝杯奶茶就知道，這間的紅茶和淡奶的比例合適，但茶底有點苦澀味，只算合格。以上早餐定價39元/份，比美孚其他茶餐廳稍貴一點點。自助掃碼點單，二維碼預先放在餐桌面，但擺放的位置，會讓人覺得呢張枱已經有人 (觀察了約20分鐘，不只我有這個感覺)，服務有改善空間。…查看更多