香河越南餐廳 (已結業)

平時喺香港食越南湯河，全部都有落味精，每次食完都會覺得個口好乾同埋好口渴，但係依間食完之後就會知佢係冇落味精。係附近番工所以每個星期都會黎一次，食過香茅豬扒湯河、沙嗲湯河、生牛肉湯河之後，個人最推介都係雞絲湯河，個湯清甜夠味，調味好平衡好peace，加埋辣椒同青檸又有另一番風味，每次都忍唔住飲晒咁濟。老細叔叔收銀、侍應、執枱全部一腳踢，佢係自來熟性格，如果招呼唔嚟未得閒落單住佢會叫你等等轉頭幫你。如果幫襯多幾次，佢會記埋你食咩，氣氛好似去左朋友屋企食飯咁。餐廳好闊落好好坐，傾計唔會趕你走仲會幫你續茶。…查看更多

3/10/2024, 中午食飯時間，其他食肆滿座，諗住幫襯歷史悠久，又加上很多位，咪入去品嚐一下，入到去裝修環境欠奉，點了一碗越南湯河湯(內有異物),舖頭沒有服務可言，走時一碗麵加半份冰凍的春卷，一杯嘢飲仲要+1埋單，$91又貴又少又唔乾淨。…查看更多

生熟牛河太喊， 越南春捲好似隔夜整返熱 ， 也竟然沒有給薄荷葉。 魚露唔新鮮。 總言之唔似一間越南食店。 店內氣氛差，因為很舊又沒有翻新。二人套餐$210。食物吟差，真是把這店之前的名聲都完全推倒。…查看更多

公司附近有間越南嘢成日經過，所以走咗去買外賣點知份量，少得可憐基本上食咗五啖我已經食晒個河粉仲要得兩塊牛肉(真係冇誇張，五啖食哂)$70個豬扒餐，佢話得一塊豬扒叫我哋加$10變成兩塊，結果$80個豬扒餐又唔包嘢飲蝦球粉絲$108 偏鹹好油，但份量都可接受真係搞唔掂，我仲係好肚餓🥲味道唔差嘅但係啲肉好嚡最緊要係佢嘅份量，唔可以稱之為一個午餐早餐都講唔過去題外話佢只可以收現金樓面得阿叔一個人幾識做生意, 特別係節省成本方面…查看更多

話說今日幾個同事是但入左呢間食，其中一個同事七、八年前食過話好食。咁就入去，入到去待應態度極差，呼喝我們點餐。不讓我們逐個餐點，要跟佢方式，total幾多個餐報告佢知。態度非常不友善。我點了個香茅豬扒飯餐，送到個餐來時。白飯正常，但豬扒是薄切兩片。份量少得很可憐連一塊完整嘅豬扒都冇。香茅豬扒餐收我$80連加一同飲品。明劏遊客價錢。完全食唔飽。仲要唔係特別好食。到埋單，我一個同事先俾晒，叫店員話返俾我哋知每個餐幾錢。正常都會寫喺張紙大家會清晰好多。佢竟然叫我同事自已記住，仲話六個餐嘅價錢都記唔到，態度極差。…查看更多

真的很失望，一心諗住這間本是老店之中嘅老店，但……一食之下！真的非常非常之失望首先叫了二个套餐，一个係越南扎肉河粉，另一個係雞絲河粉， 味道沒有味道可言， 份量同價錢不成正比， 簡直係得幾條河粉，而春捲呢，入面啲餡好濕霉啄啄咁， 成個餐根本係食唔曬（ 係難食到食唔曬） 兩個字形容（中伏）只想快閃，雖然入面沒有其他客，只有我們一台客，理應是較為舒適的，但櫃檯那位仁兄好似趕客似的，西口西面 ，態度也不很友善，單係筷子跌落地，還可以遞給比你用幸好我自己本身是自備筷子外出的， 一句講曬這間店不會再幫襯…查看更多

耐唔耐都會嚟幫襯呢間老牌越南餐廳，每次都會點越南生牛河，同之前食冇乜大改變，湯一樣係清嘅但係夠味，有兩大大片牛肉，好厚嘅，肉味濃，河粉淋度剛剛適中，有奉上青檸同紅辣椒粒，不過如果有埋香葉就更加好味。不過我差唔多2點半先到，可能水吧要休息，冇乜飲品選擇，得青檸蜜同菊花蜜，點咗青檸蜜，但係冇乜味嘅😅…查看更多

下午時段去到餐廳，得三四台客。環境一般，枱面同埋櫈上都好污糟，留有上一手食客既食物碎。。。現場食客唔太多，點左一碗生牛肉湯河和一份牛肉蝦片，用左超過二十分鐘先送出食物。。。仲要隔離枱個熟客遲過我黎，佢個金邊粉湯仲快過我到，佢食完，我碗湯河先出黎，唔太明白點解需要咁耐。。。送左出黎，湯無乜味。。。河粉又痴埋一舊。。。都未煮開個河粉，黎到仲要自己鬆開，成個河粉無乜特別。。。牛肉蝦片凍冰冰，唔理解收費點解會咁貴。。。仲要收我加一。。。埋單谷到一肚氣，飽晒！要挑戰自己既忍耐力，可以一試！…查看更多

第一次幫襯，唔洗等位，8點多去食，唔算人多，一個人餐$75，一碗河粉，半粉小食，一杯野飲，每款3-4樣選擇，懷舊枱椅，服務都係舊時的，不要太高要求就ok架勒。湯底係夠味，好味道的，清得嚟夠味道。唔油膩。香蒜牛油雞翼，夠香口，炸得夠脆身，雞翼掛唔上d蒜茸，唔夠大隻，價錢都自覺貴，$65，6隻。…查看更多

失望，垃圾，完全唔識煮，去食碗牛丸牛腩河好過佢，河粉唔岩，無香葉，湯味唔岩，太咸，個卷又超咸，樣樣都係咸，本身仲好期待碗湯河，都唔講服務態度（唔需要）咁既野食，收呢個價真係嬲，以為老字號，真係俾佢厄左，希望快啲執，咪害人，從未食過咁難食既越南野，香港俾佢呢啲鋪頭害死，影響香港美食之名，旅發局應該要跟進，仲想厄幾多人，現場見，應該好多都第一次黎食，75蚊一個餐，唔係貪佢平定抵，俾唔到合理食物出嚟，東張西望要去試下…查看更多

呢間門面相當舊式既越南餐廳，次次經過都想試下，今次終於走去試😌入到去佢有分兩層，上層冇開，洗手間係上面，下屬都係果啲舊式既枱，佢既menu都係最普通果隻，叫左兩個麵兩個小食💪🏻出名既生牛肉河粉同雜繪湯河，佢個生牛肉都幾新鮮,辣椒同青檸都係分開上方便一啲唔食得辣嘅客人，個湯清清哋，河粉硬度啱啱好👍🏻👍🏻之後到個雜繪河粉，佢裏面有蝦，肉碎同扎肉，佢個湯你見到其實都好淺色同埋佢都冇咩味，好淡，不過啲蝦都幾新鮮，咬落去唔會好霉，整體都OK只係淡咗啲😌呢個沙嗲串冇令我失望，嗌咗兩串雞兩串豬頸肉，佢燒到啱啱好，唔會太燶，應該搽咗啲燒烤醬落去，因為燒出嚟好香😋😋佢啲肉醃到幾好，所以肉質幾嫩唔會老，好味😍最尾嗌咗個燒豬肉濱海，即係用菜嚟包住裏面啲餡，入面有豬肉，粉絲，蘿蔔絲，另外配咗個甜酸汁一齊食，雖然成個配料都好夾，但係整體上一般，因為佢都係冇乜味同埋食落好乾身…查看更多

落單時係問你：寫得未？而唔係問你：hi, 請問想食乜可能係老字號？😅😅比較多大聲同惡 。現在中午有套餐，但是亦都比較少人，想去睇睇這個建築物是否很懷舊，所以集中力沒有在食物在上。…查看更多

专门为了骂这家注册了openrice，以前都懒得评价餐厅。中午时段去食，一进去得一桌客人去吃，就觉得怪怪的。点了单人套餐，一碗河一份卷。生牛肉河，很快就上了，一试个河粉，发现有滴粉都是硬的。牛肉都硬，不软身，一碗量不多，但是你会发现就是吃不下。总体感觉: 味道不行，垃圾。还有素卷，不知什么搭配，什么大厨做的这些食物，吃都吃不下。没见过越南粉可以做到如此难吃，汤底一般就算啦，肉和粉都差劲。真的花钱买难受。 …查看更多

今日下晝放飯時段，入到呢間餐廳，叫咗份生牛肉河粉啦！咁一般都會諗，加幾蚊都會有杯野GA LA，點知一杯凍檬茶都要加成35蚊。明明碗生牛肉河粉都已經55蚊啦！好啦！咁就叫咗，送到上枱，咩事！一碗河粉黏埋一堆，幾塊細小生牛肉煮成熟肉（得一兩點紅點），咬入去成塊膠片仲會入牙縫既河粉送上。呢個時候，我最關心既係點解呢碗量少又唔飽既生牛肉河粉能夠買到55蚊！食哂到買單，PK！仲要收加一，「係呀！要收加一GA」。仲要笑住俾錢個下，谷哂氣！61蚊已經食到幾多唔同花款既套餐，更何況係個一碗食完唔飽既河粉。到最後走埋去M記買個10幾蚊既包尼填飽埋自己個肚。呢間餐廳，能夠活到現在，都多得那個扣人錢包既手段！…查看更多

今日下晝去左佢餐廳度食野，叫左碗 生牛肉河粉 ，聽佢地講仲係招牌菜，落完單等左陣已經覺得有小小奇怪，一碗生牛肉河粉點解要整咁耐？食嘅第一擔已經衰左，明明係生牛肉黎，佢嘅口感簡直硬到ＰＫ，我以為自己咬緊塊蠟燭。。。。本身已經切到鬼死咁細塊，又要難咬到ＰＫ，一係塊肉牛肉擺左好Ｌ耐，一係就老牛，完全同新鮮係掛唔上一啲啲嘅關係。啲河粉仲要鬼死咁小，我以為自己食緊畀小朋友嘅開心樂園餐，分別就係我一啲都唔快樂喔，哈哈。落單嗰陣以經覺得有小小貴，一杯凍檸茶都要加成３５蚊，簡直係攞正牌搶錢姐，仲要乖乖地忍氣吞聲，笑住咁畀錢佢。。一賣單嗰下直接崩埋，原來仲要收加一，令我覺得依間野係完完全全唔會值得依個價錢，我勸大家咁多位年輕人，好自為知。小弟我食完仲忍唔住去隔離Ｍ記買返個包，真係老套啲都要講句，估唔到佢仲會生存係２０２１依個年代。…查看更多