香江花月 (荃灣廣場)

营业中

休息中

香江花月最近午市同晚市都有個超値嘅2人套餐，震撼價$288就可以黎打邊爐同瘋狂打卡喇🤯🤯自選湯底包括秘製沙嗲鍋、芫荽皮蛋鍋、菇菌清湯鍋同四川麻辣火鍋，我揀左芫荽皮蛋鍋，因為有皮蛋食同冇咁熱氣套餐包括特選牛肉兩碟、中山脆骨腩、午餐肉粟米餃、台灣鴨血、蟹籽墨魚丸、芝士腸、日本烏冬同時令蔬菜，兩個人食啱啱好餃子同蟹籽墨魚丸係手工餃同手工丸中山脆骨腩肉質結實爽口台灣鴨血滑浖浖日本烏冬係稻庭烏冬，口感又滑又q彈呢度嘅裝修既華麗又懷舊，仲加入左啲玩味元素，打卡超靚🍲超值二人套餐 $288晚市醬料費 $25/人，午市豁免醬料費

今晚去的餐廳位於荃灣，是一間人氣火鍋店。餐廳環境寬敞，設計獨特，更有不少打卡位。選擇了超值二人餐，性價比十足。自選鴛鴦湯底 🍲一半是醇厚的秘製沙嗲鍋，香辣中带着微甜，沙嗲醬風味獨特；另一半則是清新的芫荽皮蛋鍋，皮蛋鮮美，芫荽清香。滿足了不同口味的雙重享受。特選牛肉 🥩 牛肉片紋理清晰，薄厚適中，在熱辣辣的湯底中輕涮幾秒，便變得鮮嫩多汁，入口即化。中山脆骨腩 🐟脆骨腩肉質柔軟，而不失爽脆口感，配多款秘製醬汁，味道恰到好處。台灣鴨血 🦆細嫩滑口，吸滿了湯底的精華，入口即化，帶著淡淡的鴨香。芝士腸🧀外皮微脆，內裡有滿滿的芝士，咬下去的瞬間，香濃芝士在口中爆發。蟹籽墨魚丸 🦑Q彈十足，墨魚鮮美，蟹籽脆爽，兩者相得益彰，層次分明。午餐肉粟米餃 🥟午餐肉鹹香，粟米清甜，鹹甜組合完美結合。西洋菜 🥬西洋菜在滾燙的湯底中滌去了生澀，鮮嫩可口，口感清新。

向來打卡味極濃嘅香江花月，晚市出左個超抵2人餐，$288經典滋味火鍋套餐有9個item，包括2碟精選牛肉、中山脆骨腩、台灣鴨血、蟹籽墨魚丸、午餐肉粟米餃、芝士腸、日本烏冬、時令蔬菜，鴛鴦鍋都唔洗加錢😋 今次揀左皮蛋芫茜湯同秘製沙嗲湯底，用沙嗲湯底淥牛肉最正，配料比較出色嘅有蟹籽墨魚丸同中山脆骨腩，蟹籽墨魚丸有香濃墨魚味，加埋蟹籽更鮮甜彈牙😙 中山脆骨腩好新鮮，較啱時間唔好淥咁耐就最正啦！雖然無igable嘅火鍋圈，但兩個人食啱啱好～

食物質素不錯、賣相不錯係牛柏葉比較韌環境不錯，第二次光顧！可是服務態度倒退：開餐前奉上疑似清涼茶好細杯未飲完一半就想收走你個杯、同日另外一張枱男顧客已經忍5住開口投訴不停話要收杯、好趕客！我哋差唔多食到最後一round,有個阿姐埋枱三次問我哋食完未想收嘢！我哋話未佢就反眼走！當時只係9點左右仲有半場客進食中….如想留客服務態度真係有待改善！價錢5算平！連特價套票兩個人食咗$1000up如果服務態度好係值得！但…….

同事大力推薦我嚟呢度打邊爐，咁啱今日去開荃灣，終於有機會試吓😍見到餐廳門口有做推廣優惠，二人套餐晚市只係288👏🏻 加一及醬料費。我哋見到呢個優惠都幾啱我哋食，所以就直接叫咗呢個套餐。套餐有兩份特選牛肉，中山脆骨腩，芝士腸，餐肉粟米餃，蟹籽墨魚丸，台式鴨血，蔬菜同埋烏冬兩個，真係好豐富🤣一坐低店員已經拎咗兩杯蘋果茶俾我哋，加咗無花果去煲好清新。另外個爐都值得一讚，係凹咗落去嘅，比較深，咁就唔使驚俾熱湯彈到周身都係😛湯底我哋叫咗麻辣湯底同埋沙嗲湯，沙嗲湯底好多花生粒粒，足料又夠香。麻辣湯底都夠晒重口味，食到咁上下我哋都要拎啲辣椒籽出嚟。雖然係套餐，但係啲食材一啲都唔馬虎，特選牛肉都有牛味，脆骨腩亦都件件都好厚切😆我最鍾意就係餐肉粟米餃同埋台式鴨血，粟米同午餐肉真係好夾，食落有啲爽口嘅粟米即刻覺得冇咁罪惡感🤭台式鴨血配上麻辣湯又係冇得輸😂超級入味！最後食埋兩個烏冬真係飽晒。呢個價錢喺商場入面食到兩個咁飽又好食😋而家真係好難搵到，性價比真係超高！重點係坐得舒服又夠冷氣🤩爽！而且呢度嘅裝修真係落足心思，啱晒打卡。下次一定會再幫襯。

環境華麗典雅，有很多精緻的陳例，如紡織機、車衣機等。室內明亮，座位寬敞，好適合朋友聚餐！今日和朋友食最新推出的超值2人套餐！另外有還有「特選牛圈」$288，如果一班人聚餐可以再點，真是性價比極高！超值2人套餐（$288）自選湯底，可以鴛鴦鍋！（秘製沙嗲鍋/菇菌清湯鍋/芫荽皮蛋鍋/四川麻辣鍋）🥩特選牛肉（2碟）由廚房隨機出餐！輕輕將牛肉片放在滾湯中晃動數次，涮涮燙熟，入口牛肉味濃厚，肉質的軟硬適中有彈性。沾上自己調製的醬汁，濃稠細滑!🪭台灣鴨血鴨血軟彈而且嫩滑順口，與湯底互相融合，有著不同的風味！🦑蟹籽墨魚丸墨魚丸彈牙有嚼勁，蟹籽在口中爆開，帶來了一層層的驚喜。多種的口感對比，真是令人難忘！🥟午餐肉粟米餃午餐肉的咸香與粟米的清甜完美結合。外皮薄而有彈性，內餡十足，啖啖是滿足感！🐟中山脆骨腩魚肉鮮嫩脆口，入口爽口魚味重，感受到魚肉彈性豐富。🏮芝士腸腸仔裡面蘊含著濃郁的芝士，咬開的瞬間芝士流出！🥢日本烏冬烏冬麵條涮熟後，咬口勁道卻不失柔軟！🥬時令蔬菜新鮮的蔬菜帶來清新的口感，平衡了火鍋的油膩感！

走進店内充滿古色古香, 陳列著古董衣車專櫃, 環境非常有特色, 設多個半圓形卡座, 視覺味覺的享受, 每個角落都用心佈置, 非常多打卡位✨我們點了超值二人套餐 套餐包括：特選牛肉（2碟）、台灣鴨血（4件）、中山脆骨腩（4件）、午餐肉粟米餃（4粒）、蟹籽墨魚丸（4粒）、芝士腸、時令蔬菜及日本烏冬湯底有四款可以選擇：自選火鍋湯底1款、鴛驚湯底則選2款秘製沙嗲鍋、芫荽皮蛋鍋、菇菌清湯鍋及四川麻辣火鍋湯底選了（鴛驚湯底 ）🍲 秘製沙嗲鍋及四川麻辣火鍋🌶️沙嗲湯香氣濃郁、帶層次豐富的沙嗲醬濃稠惹味麻辣鍋有大量的辛香料, 辣度適中、辣而不孟的味道, 非常暖胃特選牛肉🥩如雪花般的細緻油花分佈, 肉質鮮嫩有濃濃牛肉味, 口感軟嫩帶有嚼勁自家製手工餃及丸爽口彈牙, 脆骨腩沾上火鍋汁非常鮮甜入味, 芝士腸、鴨血及時令蔬菜新鮮足料, 日本烏冬厚實煙韌帶Q彈、口感爽滑, 每款都有水準, 套餐食物質素高夜流星🍹 賣相很吸引, 顏色非常夢幻, 滿滿啫喱配上火龍果肉、蘆薈及蘋果汁, 清新又解渴另特設獨立房間, 可以與家人朋友擁有私人空間開ᴘᴀʀᴛʏ一樣正👍🏻每位服務員都很有禮、細心服務, 由入座至用餐都很親切, 上菜

終於試咗呢間網上討論到極高嘅邊爐界KOL鋪如其名，店舖嘅裝修同佈置都非常之靚同有特色，座位闊落舒適，最估唔到嘅係呢間網紅打卡店竟然預留一個空間design 咗一個沉浸式打卡位置，食客輕輕鬆鬆唔使俾入場費同排隊就可以打卡一場黎到網紅店決定試吓啲特色嘢，揀咗一個海鮮鍋底，完全冇估到係即場烹調，淨係呢樣嘢都好有驚睇得出所有海鮮都非常新鮮，海鮮爆炒後只加少量湯底焗煮，除咗多一份滋味亦保留返海鮮原有嘅鮮味，鍾意食海鮮嘅朋友可以一試另外再叫咗必點既打卡牛肉拼盤，呢個圈圈做緊優惠$298，有得打卡又有齊牛胸爽、黑柏葉、黃喉等比較稀有既部位，相對抵食，所以基本上全場7成以上既食客都有點😆

第一次食香江花月，原來係一間打卡餐廳，一入到去有個霓虹燈同埋鏡房組成嘅打卡位，有得食又有得打卡都幾開心。一坐低就覺得佈置好靚，同埋都有空間感唔會同其他人坐得好近。望咗一輪湯底之後最後揀咗金箔清酒海鮮鍋，聽店員講唔係日日有，好彩今日叫得到。份量都幾充足，先用乾鍋爆香啲料頭，之後再無水煮啲海鮮個過程都幾香，最後落埋清酒結尾，超級香噴噴，鮑魚同蝦都夠彈牙，仲有好多蜆，同埋隻花蟹都好好味。另外叫咗一個特選牛圈，打卡一流。勁多唔同嘅配搭，牛記油脂分布都好平均，同埋普遍都重肉味，因為實在太多款食完真係超級滿足，唔會話食到好飽食唔到其他。另外加叫咗元貝，佢呢度嘅海鮮真係幾新鮮，真心唔錯。因為打邊爐都口渴，配埋竹蔗茅根就最夾。

適逢父母結婚週年紀念37週父母又想食下海鮮食下刺身於是就上網搵下有咩環境又靚食物又ok嘅餐廳碌碌下就搵到呢間香江花月以地理位置嚟講都算方便易搵餐廳大約分為兩個區域因為我哋有一個2個月大bb餐廳都好貼心安排我哋係另一個冇人嘅區域環境相對安靜啲啲Bb都冇易受嘈吵環境影響當我哋落完order啲野食都好快就送到嚟呢款斐沙圈我哋order咗兩個當第一個食完侍應都好快手上埋第二個唔使我哋係度等呢個圈圈攞嚟打卡簡直一流又可能滿足到想食海鮮嘅慾望又可以食到啲靚肉試咗咁多款肉發現最好食都係豬肉所以臨尾再加多個豬肉除此之外，我哋仲加咗個龍蝦刺身我哋食完啲龍蝦肉侍應會問我哋想點樣煮埋啲殼我哋就直接叫侍應幫手砍細件啲俾我哋打埋邊爐去到最後侍應仲超好可送咗個甜品俾我哋

荃灣廣場環境一流高質打邊爐約朋友食飯想坐得舒舒服服，門口見到幾靚，又有二人餐，就坐低咗叫咗鴛鴦湯底，清湯同埋沙嗲湯，沙嗲湯有驚喜，味道好似茶餐廳特濃沙嗲牛，呢個湯配牛肉好好食！牛肉雖然薄薄地，但好重牛香味。另外一贊嘅係脆肉鯇，十分之爽。蝦丸都唔錯，有鮮味食落去好彈牙，唔會好粉。二人餐有烏冬同埋菜，落沙嗲湯一流，十分之香。價錢公道，環境好而且唔算好貴，會再幫襯，下個目標係Fancy牛肉圈圈，睇相都流晒口水

成日喺荃灣廣場番工，今日先發現原來有個咁特別嘅地方打邊爐，一入到嚟真係WAWA地，地方好大好闊落，打邊爐有咁高級享受真係好正🥹坐低咗會有一杯蘋果茶飲，慢慢嘆住茶慢慢揀食咩。最後我哋揀咗酸菜魚湯底，其他火鍋料叫咗雜菜盆，雜錦丸丸，珊瑚蚌等等重點推推七色丸，估你唔到嘅味道青咖啡紅咖啡黑松露都有😍仲有鹹蛋黃餃入面實的的嘅餡料😋係喎係喎，最重要嘅湯底竟然未講，個酸菜魚湯底好濃夠酸夠味，入面嘅料都好多，有魚有薯粉有萵筍入哂都味好正😍

環境舒適不過於擠迫，比其他集團式酒樓坐得好舒適；沒有櫈撞櫈的情況出現。這樣環境茶位收費亦更比其他酒樓合理及便宜，值得一讚。點心質素中上更勝大酒店中式酒樓，不會太重口味令人口渴；價錢亦勝過酒店中式酒樓，性價比更高。服務員態度親切招呼周到，主動執拾碗碟；不似其他酒樓次次都要嗌他們執拾和添茶添水。總括來講是值得再光顧的。

今天得知香江花月推出一元茶錢，為香江運動員祝捷。在這兒喝茶，可以安靜閱讀，部長和我們分享了一本他愛看的書，能在忙碌的香港，與人分享生活，實在是久違的暖心。香江花月，帶我們走進美好的時光。

成日喺社交平台度見到朋友post呢間嘢，見到佢嘅邊爐真係好靚，但係因為份量有啲多，一定要約埋一大班朋友嚟食先得。但係通常朋友打邊爐又會想去大排檔，咁就搞到幾年都未試過呢間餐廳啦，不過今日好好彩，有朋友生日而又想黎呢度，咁就有機會嚟試吓啦。我哋叫咗佢個香江拼，係一個好大嘅圈圈入面有牛肉同埋海鮮，入面有鮑魚，蟹同埋帶子，其實計落價錢非常平，而且好啱打卡，一上枱所有朋友都忍唔住拎嚟影相。我覺得入面佢嘅蟹係最抵讚，因為好新鮮，而且食落好多膏，為咗呢隻蟹再嚟食過都抵呀。另外我哋仲嗌左呢個七色丸，又係好適合打卡，將唔同味道嘅轉放喺個架度，賣相非常精緻。估唔到食落都好好食，佢嘅丸類全部都係手打，而且味道好足，食落好新鮮。呢度仲有一間房係for人打卡嘅，佢係好似Team Lab咁樣，啱晒女仔嚟打卡。呢間餐廳又靚又好食，而且價錢唔算貴，真係好啱一班朋友嚟gathering。