餓居

日式料理多 但居酒屋少系香港集结 呢间外表好有日式庭院隐蔽风 但原来入面布置好唔同！虽然都系日系但就生动活泼好多 有好多动漫模型 清酒 仲有棵好大嘅樱花树系塌塌米隔离！🍲寿喜烧牛肉锅-并盛💰238+稻庭乌冬 💰25最先上场嘅寿喜烧都几引人注目 D牛肉片全部堆积系面 份量对得住大份！配料仲有豆腐 蒟蒻丝 冬菇同金菇 整体调味甜味突出 牛肉豆腐都好嫩滑 有配围板等火力更大可以快D熟 乌冬要额外添加 但系系扁身乌冬 更有咬口！🍳玉子大满足💰108呢份真系玉子烧爱好者狂喜 玉子烧超大份好似西多士咁 上面有三文鱼子同明太子 仲有超多沙律酱 切开个蛋真系好嫩 系流体同固体中间 本身个蛋甜甜地加左D佐味料就食落口味更加丰富🍖金菇肥牛+豚肉卷串💰68呢度都好多串烧 肥牛串都有夹大葱 金菇同荔枝版 呢款就应该最多人拣 肉烧得金黄色薄薄地好易入口 就算肥肉嘅部分都烧得焦褐感 唔会觉得好肥🍺法国蓝橙乳酸梳打💰58🍺蜜桃苹果汁💰28呢度饮品好特别 全部都400ml起跳！好彩有厕所😂最signature系佢用晒啤酒冰杯装饮品 全部都超大杯又可以keep住味道同温度！蓝橙乳酸第一次见但系yogurt味都几浓厚！想讲呢度嘅家庭式氛围超温馨 整体灯光偏暗可以俾朋友聚餐 而且老世同员工（应该系屋企人？）都超级nice😗😗可以支持多D小店！…查看更多

太子站出口附近好多好野食，是晚同朋友到左一间日式居酒屋叫饿居，见网友同樱花树打卡好靓好吸引，即刻黎食佢先🌸店内装修满和风，樱花树果真吸睛，仲有鸟居、屏风等，气氛唔错呀。扫码落单点食物先，有定食有散点，仲有唔少酒品同甜品🤤正。等左一阵就有得食，一上枱已闻到香喷喷🤤炸物热辣辣㗎。⭐香葱金枪鱼蓉丼主食点左鱼蓉丼，金枪鱼蓉软绵绵又鲜味，一啲都唔腥㗎，加埋甜蛋丝同珍珠米，简单又好食！⭐熊本霜降一口牛定食朋友就点左一口牛丼饭，牛下得很多，煎得香口，咬落油脂甘香，正🤤定食包括餐饮、餐汤同小食，只溏心蛋有惊喜。⭐海苔鱿鱼须咬落喔喔脆，香口小食人人爱。⭐章鱼小丸子软绵绵加上弹牙章鱼粒，再多啲酱就更正。⭐紫薯金栗薯饼可乐饼系无论咩口味都好食嘅😋呢款紫薯金栗微甜加埋粒粒栗子口感就更正。⭐富士山苹果芝士蛋糕 & ⭐法式蒙布朗提拉米苏食饱饱就系时候食埋甜品，见个餐牌有咁多款蛋糕已经好想试，款款口味都有兴趣添🤤最后拣左苹果同布朗尼🤤蛋糕软绵绵同微甜，两款都好啱口味！⭐无糖乌龙茶 & 绿茶左边乌龙茶系散点，右边绿茶系跟餐，无糖又冰冻，配炸物一流。食物好食又亲民，啱晒倾偈打卡，多多支持小店啦😘…查看更多

香港寸金尺土，但呢间日式居酒屋竟然有棵樱花树响入面🌸 食物款式仲几多～ 🔸玉子の大满足💛 $108 （推荐🤩👍🏻）超厚玉子烧一定系是日MVP😍 好似食紧日式西多士咁😆好似绵胎咁松软嘅玉子烧上面有满满嘅飞鱼子好爽脆～配埋微辣嘅明太子同蛋黄酱好好食🤩🔸浓厚明太子酱捞乌东🧡 $78明太子酱+飞鱼子呢个组合真系百搭又好食😋多到满泻嘅飞鱼子😍🔸寿喜烧牛肉锅🥩 $188 +稻庭乌东🍜 $25最钟意食甜豉油寿喜烧🤎 牛肉有大慨5-6片，豆腐好嫩滑，菇菇同芋丝吸晒汤汁😋最后放埋个乌东落去煮简直完美💯🔸荔枝牛肉卷串烧🍡 $68烧香咗嘅牛肉片包住甜甜嘅荔枝，清新解腻又好食～🔸鹿儿岛一口豚肉串🐷 $38盐烧豚肉串烧得几香。🔸原味波子汽水🩵 $19呢度仲有棵好大嘅樱花树，环境真系好似去咗日本咁🇯🇵门口仲有个鸟居，周围仲贴咗好多日版电影海报，店舖每一个角落都揾到唔少猫猫嘅踪影🐱唔通店主都系猫奴? 😼想同朋友揾间居酒屋chill吓饮返两杯，呢度食物款式多之余气氛都一流🌸🐾猫奴足迹🐾🌐 饿居 (太子)📍太子砵兰街440号地舖…查看更多

🔷🔶🔷估唔到室内都可以 樱花树下食饭🔷🔶🔷⬇️睇内文食评同地址啦⬇️。‼️Follow me @pig_g_pig 睇多d食玩买资讯‼️👍🏻 有你地嘅Like & Share 系我继续出Post嘅动力。香港舖租贵就系人都知，好多时餐厅为咗做多啲生意，都会将啲枱摆到好密，今次呢间餐厅，为左俾大家可以打下卡，坐得舒服啲，竟然将成棵樱花树放喺餐厅入面。樱花树下食饭，仲要系室内，相信呢度都系第一间。唔止樱花树，门口仲有个少少鸟居，同样系打卡位。寿喜烧牛肉锅 - 小盛 （$148）唔知大家系咪同我一样，食极寿喜烧都唔厌，有豆腐、野菜、仲有最重要嘅牛肉。冷荞麦面（$48）、日式炒面（$78）荞麦面好简单用冷面汁加上Wasabi同葱花，已经好好味，日式炒面令我谂起日本睇樱花嘅时候，一路睇一路食热辣辣一碟炒面。盐烧鲭鱼（$78）、七福免治鸡肉棒（$78）鸡肉棒有两串，可以拣两款口味，我就拣咗芝士同蜜糖芥末，芝士记得趁热食啊。@hungryizakaya 。📍饿居 (太子)太子砵兰街440号地舖…查看更多

因为同朋友约见面，想揾间有气氛既餐厅慢慢倾下计🍶。近近地系太子附近揾到呢间「饿居」。一入去就好有日本居酒屋feel，木质装潢带住淡淡木香，灯光暖黄得黎舒服又不刺眼，仲有榻榻米区可以放松脚坐低慢慢食。中间果棵巨大樱花树🌸真系超抢眼，粉红色花瓣由天花板垂落，好似置身春天既日本街头，影相一定靓爆。.日式炸鸡定食我转左日式汤乌冬 ($88)。炸鸡外皮呈金黄色，入口脆到有声，脆皮带少少胡椒咸香，咬开之后，鸡肉肉汁即刻渗出黎，嫩滑得黎带少少纤维咬感，吾会觉得油腻。汤乌冬汤底清澈而带有淡淡既味噌香，乌冬面身滑溜有弹性，加埋香葱既清香、日式鱼蛋既弹牙，蛋花丝将整碗汤既口感变得更柔滑。附餐既味噌汤暖笠笠，豆香味重，饮落好舒服。.日本蟹肉忌廉薯饼 ($28) , 上枱时外皮仲热辣辣，香脆到用叉一压就听到「咔」一声，咬落外脆内软好分明。里面既忌廉馅真系满满，每一啖都食到软滑既奶香同蟹肉既鲜香，口感层次好丰富。.日式吉列鳕鱼柳定食配日本御饭 ($78)，鱼柳炸得外皮薄脆但完全吾吸油，轻咬一下就听到脆声。鳕鱼柳肉雪白厚身，鱼肉甘香细嫩，几乎系用舌头轻轻一压就分开，毫无腥味。配埋既沙律酱味道清新，有少少酸甜感，解腻之余仲令鱼柳更突出鲜味。御饭软熟略带黏性，好岩同鱼柳一齐食。而暖心既味噌汤就好似为整个餐画上完美句号。.熊本一口牛串 ($38) 入口先感受到微焦表层既焦香，之后系牛肉既嫩滑同肉汁，肉味浓郁但吾韧，咬开仲有少少肉汁渗出，唇齿留香，好适合配埋啤酒。.章鱼小丸子 ($32) 一份有四粒，外皮轻轻脆，入面系半融化既面糊状态，软绵绵又带烟韧感，章鱼肉粒吾算细，可以食到实在既弹牙感。面层既木鱼丝遇热会摆动，烧汁同沙律酱味道交错，甜中带酸，味道好平衡。.鸡翼串 ($58) 一份有两串，烧到表层微焦带光泽，入口皮脆肉嫩，鸡肉细致，腌料渗到骨边，咸香同鸡油香夹杂，每一啖都几满足。.大大块流心芝士麦乐鸡 ($32) 真系「咬爆」既感觉！外层金黄香脆，厚身既麦乐鸡肉质结实，中间系热辣辣流出黎既芝士，香浓得黎有咸香🧀。.串串迷你大阪烧 ($28) 一口一串，好方便入口，外层煎香带少少焦香味，中间系软糯既面糊夹杂着椰菜丝既爽脆感。表面铺满烧汁、沙律酱，再加紫菜丝同木鱼丝，香味四溢，滋味好立体。.大大杯柠檬可乐 ($48) 冰凉解渴；至于经典可乐 ($20) 就最岩配炸物，甜味同油香互相中和，一口炸鸡一口冻可乐，真系好爽快🥤。…查看更多