饗和民 (東薈城)

同小朋友去完迪士尼就過咗嚟呢度食晚飯，服務質素有待改善，上菜比較慢，嘢食份量都比較少，每次都要追幾次店員食物先黎到，加上安排我哋坐最入嗰張枱，好少店員行過嚟，除非上菜嘅時候，所以都未必會再有下次…查看更多

捻住日本野最安全，點知中伏，超難食，食物質素奇差，未試過得一舊蛋係入面的卷物，元氣都好食過佢多多聲，仲要另外order都咁的質素，擺低已經嚇一嚇，真心無下次。。…查看更多

天氣就快開始熱，把握埋最後打邊爐嘅機會，今日lunch就叫咗個壽喜燒嚟食。九洲產和牛壽喜燒鍋御膳(配烏冬） $148壽喜燒入邊有蔥、香菇、紅蘿蔔、豆腐和牛肉，一齊煮完之後個湯甜甜地，係一個超正嘅壽喜燒，仲有牛肉的香味，口感豐富，非常濃郁，加埋蛋調味，更加香甜。烏冬唔會太粗，咬落去軟硬適中，放入湯煮完，吸收晒湯嘅精華，每一口都可以有妳濃郁的香味，食壽喜燒嘅時候我最鐘意加烏冬，好好味！呢個套餐有個沙律和甜品…查看更多

送完朋友機，就同剩下既朋友一齊黎左呢到食少少野我地因為唔係好肚餓，所以只係叫左個串燒拼盤飲返兩杯個拼盤都有好多款串燒，有豬肉、雞肉、牛肉、雞軟骨等等，每一款都烤得啱啱好，唔會太乾，啲肉質好鮮嫩而且佢哋嘅醬汁好正，特別係配牛肉嘅汁，好濃好香口。整個拼盤都好豐富，同朋友坐低飲住食，都係一個唔錯既選擇！…查看更多

疫情關係，幾年沒有約會朋友。難得約了🏖🏖朋友到東涌散步吹海風睇下飛機降落🌬🌬🌬周圍行行聚舊🩷開心一下😝行到手軟腳軟，要搵野食🚶‍♀️🙊繼續實行WALK IN 精神，入去這間《饗和民》搵食。餐廳面積大，枱很多，但客人都多！👣👣無預備、無期望、無失望😊隨便點幾款醫醫肚仔☺️玉子燒，雞蛋味濃，甜度適中😘😝軟殼蟹牛油果卷，份量細，但充滿牛油果香👍三文魚及魚腩刺身，刺身不算厚，尚算新鮮🙆和民沙律，顏色鮮豔，材料簡單，營養豐富，是我至愛❤️大和牛壽喜燒加烏冬，大量蔬菜配豆腐和牛肉，湯頭比較甜膩。隔離枱和我們的配烏冬湯底都要追單先上，有點奇怪。串燒，質素一般，可以不點。水果紅茶，水果夠多，大杯又不太甜，清涼解渴。整體食品款式很多，以連鎖經營來說食品質素合格，不過不失，價格相宜。唯繁忙時間人手比較少，但待應態度是令人滿意的。🩷💜🪻朋友是重要的人生陪伴者，相識相遇是一種緣份，珍惜。…查看更多

大型連鎖日本快餐。$88巨型雞腿午餐。前菜沙律：普通，記得要撈一撈底個汁先食雞腿：的確幾大塊，似豪大大雞腿貨源。個鐵板唔算太熱，仲配把剪刀比你剪肉食，幾好。味道蒜香味十足，肉質幾嫩口，唔錯。配飯同麵豉湯，湯冇過咸。送杯茉莉綠茶，冇茉莉味，垃圾。環境：幾靚有裝飾，座位舒服。總結：呢個價位性價比ok，會再黎。…查看更多

晚上1行4人黎到位於東涌東薈城地庫既嚮和民，見到門口有壽喜燒就諗起好耐都冇食過了，所以入去試下。由於是六時二十五分左右，人流都沒有很多，搵個靚位就坐低，咁當然先點個和牛壽喜燒大鍋，再追加100g牛肉同雞肉，還有點了餃子同呢個大阪燒，仲有橙汁益力多。大約10分鐘鍋就先到，先打邊爐先和牛味道很好油花多，入口雖然不是即溶但就非常嫰滑同牛味好濃，不過另外追加既牛肉就比較差，雞肉也一般般，個鍋食到最後加個白飯同蛋落爐食炊飯，呢個就堅正嘅！餃子雖然即做但我覺得不夠熱，大阪燒就感覺不足料，橙汁益力多好酸下，下次不會點呢樣。…查看更多

叫左幾樣外賣，一打開盒好似亂來咁，叫左個中拖羅卷(98蚊) ，d飯係濕到一pat咁，所謂嘅拖羅好似倉底貨咁，目測得拖羅份量加埋都係得2片刺身咁多，收你成舊水食垃圾，拖羅無味，唔點豉油根本食唔落，賣相極度差劣。只可惜我唔係現場食，否則即退貨，蟹柳小卷都好過佢。另外，軟殻蟹牛油果壽司卷(半份58蚊)，共有3件，來嘅時候可能歪左，唔緊要，3件當中有1件係無filling ，得舊紫菜飯皮，會唔會搞錯成咁啊！！劣評，極差！！！…查看更多

門口個知客問幾句先答一句，完全唔覺得佢想招呼你，咁又企門口仲乜？好啦，西住面手指指你去枱，叫個二人餐$398火鍋，和牛就+$40，咁加啦，先黎個三文魚，薄到透明咁滯，又細塊，凍飲柚子疏打，剩係得疏打味，咁咪攪下佢囉，攪極都攪唔匀，原來比得少少抽子，一樽抽子咩咁貴？最後都係得疏打味好嘞，主菜到，個鍋細過我煮公仔麵個煲，全部菜，兩粒豆腐，面豆鋪左幾塊又薄又細嘅和牛，呢餐食很好辛苦大佬，二人餐，兩個人都唔飽，火鍋剩係食菜，你咁晤捨得比人飲，比人食，咁同呃人有咩分別？唔洗指意有下次…查看更多

之前已經聽過同事講呢度嘅早餐都ok 不過可能因為疫情關係 所以早餐時段已經好耐都冇開 終於都見到個開咗喇 可以落去食埋個早餐先玉子燒照燒雞扒朝食擺盤好精美 一見到就諗起佢日本旅行時候嘅早餐🥲 真係好令人懷念雞扒有啲乾 肉質好鞋 玉子燒就好嫩滑 帶少甜味 個湯就好麻麻 啲飯有少少乾另外都有西式嘅早餐選擇 價錢方面都係30至40左右 不過全部都不包飲品嘅 飲品方面無論熱/凍飲都係加三蚊 我今日叫咗凍咖啡 有奶精可以自己添加返個人認為算係幾抵食㗎喇…查看更多

我叫外賣。二人餐。份量太小。圖片與實物差太遠。只得一人份量。二個成人一定吾夠食（我已經叫多一客小食）我兩個其中一個係8歲小朋友，食完都仲話肚餓，可知份量有幾多，仲要比少份小食，我無追返，等你黎到我都食其他野食飽。味道係茶餐廳水準，有牌子我預左份量小，好食無問題，但係真係差太遠。茶餐廳平40%份量多一倍，味道真係無分別。今次中晒伏，一定要分享比屋企人，親戚，朋友，同事。真係估你吾到。祝生意興隆，繼續有人幫襯你。…查看更多

傳菜侍應培訓係咪好有問題呢有位男侍應整跌咗件食物喺枱面(如圖)細細聲「哎吔」，之後唔出聲走咗去我哋實在太天真，以為佢醒目，會換番俾我哋啦，點知等咗勁耐都無咁又係嘅，如果佢知自己錯，都會道歉，會講唔好意思，講番聲換番碟俾我地，之類卦無囉！走咗去囉！佢自己整跌架喎！跌到咁喎！離哂大譜！唔出聲當無事發生過？結果搵另外一位侍應cut單了事當晚放過咗佢啫但我會喺OpenRice寫佢囉P.S.另外有一位女侍應要大大力讚晚市帶位嗰位女士非常好禮貌有時間仲會幫其他同事執枱執得好整齊唔該嗰位男侍應效法嗰位女侍應啦…查看更多

放假入嚟東涌行吓，就係一個大型嘅商場內揀咗呢間連鎖店 - 響和民，貪佢味道同質素有保證。餐廳算大間，整個裝潢都似日本Feel ，環境舒服，而且坐得好疏落。軟殼蟹牛油果壽司卷 - 軟殼蟹好脆，配埋牛油果好香好豐富。和牛壽喜鍋 - 個鍋除左雜菜豆腐牛肉外，仲有生雞蛋。牛肉味濃郁好滑，湯底好惹味。北海道十勝豚肉飯 - 豚肉薄薄地好味，似用網燒過咁，肉的份量都不少。…查看更多

行完東涌outlet 肚餓餓決左e下肚， 選擇左之前中環有食開既饗和民。饗和民餐廳普遍都偏大間，唔會同共他人坐得好近幾舒服！呢間都唔例外，仲要東涌人少d，同友人好enjoy 唔使置身於嘈雜環境下用餐。【 十勝豬肉丼定食】$88例牌叫既野食，豬肉好香口完全無得輸！lunch 餐牌仲做埋沙律同湯同梳打！食到好滿足！ 【 咖哩溫泉玉子烏冬及迷你牛肉丼】$96同上，配沙律同凍飲，正呀！仲可以以優惠價錢加配小食：【 惹味黑椒糖脆雞翼】$28香香甜甜的又脆口，抵食！【 加洲卷】$18中規中舉，但性價比好高！ …查看更多

好難食 2人餐係一人餐嘅份量 得1碗飯 然後問點解二人餐得一碗飯 佢話食多碗要加錢 然後壽喜燒火鍋入邊啲菜係苦嘅 細心睇原來全部都係爛！牛肉二人餐得2塊 一人一塊 多謝你 然後所有前菜 main course都係一人餐嘅份量 跟手個staff放低杯可樂 我地話冇叫 佢堅持放低 話有叫 我成餐食到背脊骨落！跟手個清酒煮蜆粒粒都係沙…查看更多