餓媽家姐

呢間小店真係深夜救星～ 想食啲高質宵夜又唔想太heavy，呢度真係啱晒！🥟 必試推介：燒賣（5粒）＋魚蛋（5粒） 最大亮點係店家研發嘅「三不像自家製新醬汁」，味道獨特又開胃！ 燒賣同魚蛋蒸得啱啱好，唔油唔膩，配呢個醬真係一試上癮～豉油王海鮮炒腸粉 鑊氣十足！腸粉炒得乾爽入味，每條都掛滿香濃豉油王味～ 加上海鮮鮮味點綴，香氣撲鼻，越食越唔停口！慢煮無激素雞胸沙律（意大利黑醋汁） 想食得清啲又保持口感？呢個沙律超推～ 雞胸滑嫩唔鞋，配上微酸黑醋汁，開胃又輕盈～吉列炸大蝦炸得金黃酥脆、蝦肉厚實，咬落去爆汁～ 即使放一陣都保持脆度，絕對係心水小食之一！一間令人驚喜嘅小店， 無論係想食小食定輕食，味道、質素都有誠意。 值得一試！ 呢間真係值得bookmark！…查看更多

今日同朋友喺尖沙咀搵食，呢間餐廳名夠曬特別，主打港式小食，仲有多款自家製醬汁，非常特別。豉油王海鮮炒腸粉 上枱已經聞到好香豉油海鮮香氣，而且鑊氣十足，腸粉炒得表面微焦香，口感軟滑中帶點煙韌，鹹香適中而不會過膩。加左蝦仁同魷魚增加鮮味。魚蛋燒賣配自家製三不像醬汁小食靈魂全在於自家製「三不像」醬汁。醬如其名，不像XO醬、不像沙爹醬、也不像麻辣醬，反而融合左各種醬汁——有XO醬的鮮味、沙爹醬的香氣，還帶點獨特的蝦膏風味，層次複雜但毫無違和感。配上彈牙燒賣魚蛋，簡單的街頭小食瞬間昇華到另一個層次！吉列炸大蝦 炸漿非常薄身，入口酥脆，唔會油膩。蝦肉新鮮爽彈。慢煮無激素雞胸沙律雞胸肉質算嫩滑，沙律菜新鮮爽脆，黑醋汁酸酸甜甜，清新開胃。食物質素不俗，特別係那個「三不像」醬汁，創意十足，味道獨特，鍾意試新奇野可以一試…查看更多

小店由兩夫婦經營，主打多款特色自家製小食，全部即叫即整，新鮮熱辣辣，老闆堅持無預製菜，如果趕時間嘅唔建議過嚟呢度，但絕對係值得支持同幫襯嘅一間舖頭。大力推介燒賣魚蛋，各5粒，最特別唔係啲肉，係個三不像自家製醬汁，混合咖喱、沙嗲、花生碎等，真係好好味，叫我當湯飲都OK😆 套餐加咗個薯條，用呢個醬絕對正過茄汁。另一大招牌係炒腸粉，可以自行選擇調味同肉品。XO醬幾惹味，配埋雞肉唔會唔Match。唔夠飽嘅可以要層層疊漢堡卷，安格斯牛軟嫩，仲有多款醬汁配搭，整體口感層次豐富。…查看更多

黎到先知原來間店之前係厚福街開過🙀🙀之前得立食 而家有位坐啦❕❗️今次係尖沙咀搵食 門口好日式簡單比佢吸引左☺️熟口熟面原來之前見過 呢間炸燒賣好出名有成14款醬汁㗎🤍呢度兩公婆主打唔同嘅小食 仲有兩姊妹讀緊小學嘅好幫得手👫👭一家人經營嘅小型店舖好幸福啊！行過路過俾佢個XO醬羊肉炒腸粉吸引咗 行返轉頭食🤣腸粉嚟講食食吓都幾多lol 炒起嚟乾身唔會好多醬汁羊肉用嚟釣吓味～～今次試返最傳統嘅魚蛋燒賣 佢個醬汁原來係自家製㗎類似沙嗲但唔係沙嗲🤣鍾意佢隻魚蛋幾爽口但唔算好煙靭 仲有佢個炸餃子好脆身 跟主食加錢叫套餐 佢包埋汽水嘅，不過可以加錢轉其他嘢飲我覺得佢啲飲品幾特別，今次叫咗個青蛙王子🤣🫶🏼原來係白玉苦瓜 出到嚟杯嘢好足料，而且幾fresh好易入口 第一次試到白色嘅苦瓜啦（原來佢要浸兩三日先用得🙀可以等佢入味啲）細細間舖頭喺轉彎位未算好顯眼 矛盾位係近學校應該做lunch time 但佢哋人手有限又好想整好啲嘢食 唔想匆匆忙忙整完就算🥹真係想確保嘢食嘅品質 寧願慢慢做都唔想得罪啲客 真係好有良心🤍🤍咁睇嚟要做爆佢生意喇！…查看更多

尖沙咀家庭小店獨家秘製醬汁魚蛋燒賣配卡邦尼炒腸粉港人喜愛以魚蛋、燒賣同腸粉等小食作下午茶，而有唔少港人喺油尖旺一帶「掃街」。「餓媽家姐」 取自日本語諧音（Omakase）， 顧名思義係指餐單交給廚師發辦。呢間鋪之前係尖沙咀厚福街開設，啱啱搬咗鋪。呢間店係家庭式經營， 係一對夫婦 落手落腳打理店務。 店主刻意為我推介獨家秘製醬汁配魚蛋燒賣，叫作「三不醬」。 此醬內有乾坤，不但帶有九層香香味， 而且混雜了咖哩、沙嗲同花生碎。 起初呢款醬係佢哋一家人食腸粉用， 而家就變咗就一款新嘅小食推出市面。另外， 店內一款中西合璧嘅芝士松露雜菌炒腸粉，配合卡邦尼醬汁兼快炒。店主曾經係深水埗太子道西開設茶餐廳，佢曾經以炒腸粉提供畀弱勢社群。店主使用天然調味料及提供酸種麵包，減少防腐劑對人體影響。佢仲有溫馨提示：如果客人有食物敏感，可以同佢講並且避開致敏原，例如花生、奶類等。*如你患有食物敏感，可以與家庭醫生商量。…查看更多

🌟鹹蛋黃炸燒賣經過見到個poster超吸引! 有14款唔同口味嘅炸燒賣~選擇多到有選擇困難症😆 最後揀咗鹹香蛋黃炸燒賣。呢個炸燒賣真係好邪惡炸到勁香 係圓潤 實心嘅燒賣！個鹹蛋黃炒得好香 做到金沙嘅效果！將鹹蛋黃嘅油脂完全釋放～炒到起泡嘅狀態。攞住個炸燒賣一路行一路食 好似行走中嘅鹹蛋黃🤣鍾意食鹹蛋黃嘅朋友值得一試👍🏻留意餐廳有最低消費‼️可以買加杯嘢飲就可以坐喺裏面堂食…查看更多

係佐敦被一間好有趣既鋪頭名吸引左，果間鋪叫餓媽家姐。店內都係家庭式經營，只有三張枱，入面有14款老闆自創口味。佢地啲炸燒賣仲上過香港燒賣關注組添🥳今次我就試左佢地小食、腸粉及一杯飲品🥰🍢5粒燒賣+5粒魚蛋配自家製醬汁 $36佢地啲燒賣可以揀蒸/炸，辣/唔辣，由於我果日喉嚨唔舒服，所以我揀左蒸燒賣，唔辣。燒賣咬落去好煙韌，肉質好彈牙，魚蛋彈牙滑溜，加埋個醬，真係好好食，個醬唔會好鹹，岩岩好🫶🏻🍢芝士白汁三文魚燴腸粉 $59依個口味好特別，所以我要挑戰下。將街邊腸粉變身成西式Creamy料理，好有創意，腸粉好滑溜軟糯，有啲似韓國年糕，白汁既奶香味好出，但唔會蓋過三文魚既鮮甜，芝士鹹香慢慢滲出黎，食落濃郁但唔膩口🤪腸粉索盡芝士白汁既精華，成件事鹹中帶甜，好正😂👸🏼長髮公主(荔枝蝶豆花梳打)夢幻既藍紫色賣相已經令我吸精😛甜度岩岩好，唔係死甜😎飲完成個口都係好fresh既荔枝餘香，好岩夏天飲🥰除左燒賣，佢地仲有漢堡食🤪🤪餓媽家姐 (尖沙咀)📍尖沙咀柯士甸路15號金巴利大廈E座地下J號舖…查看更多

小店家庭經營，入面一共3張枱，但食物份量大足料，味道都唔錯👍🏻1. 隊長漢堡安格斯味道: 6.5/10性價比: 7/10推薦: 7/10味道方面正常，沒有特別驚艷，但勝在材料豐富，好多料，份量多，一口都咬唔到所有料，可以一試，飽肚之選😋2. 芝士黑松露黑毛豬味道: 6/10性價比: 7/10推薦: 6/10沒有隊長包咁大個，而黑松露味較淡，中間材料都咁多，但黑毛豬肉扒厚且紮實，整體味道正常，相較之下隊長系列較好味。…查看更多

路過嘅時候見到呢間街頭小食，發現係老闆自創嘅口味小食店。鹹蛋黃炸燒麥攞到手嘅時候係啱炸好出镬嘅，仲新鮮熱辣辣一直飄香，忍唔住試咗啖，外皮鹹蛋黃沙沙鹹香味，脆脆香香，口感QQ彈彈至少食唔出粉感，不愧係招牌好食👍👍XO酱牛肉炒肠粉XO醬好香口仲有粒粒蝦米，再加埋炒嘅時候落咗蔥、蛋絲同牛肉炒埋一齊夠曬镬气!!腸粉口感偏薄同滑，牛肉都好嫩唔會柴，微微辣好惹味✨✨…查看更多

本人都幾鐘情食燒賣,經過見個舖頭名幾特別就行左入去試下。睇餐牌就見好多自家製既食物, 真係想逐樣試燒賣係炸到好香脆,試左個鹹蛋黃醬,好正玉子燒味道適中,配上自家醬汁好開胃！西班牙黑毛豬漢堡包,塊肉乾身左少少,不過分量超足料就好抵食了！特飲係用自家製漬物製成,可搭梳打/奶/椰青水…,可揀自己喜歡既組合,好好飲！所有食物都製作認真,即叫即製,新鮮製作,見老板親力親為,要耐心等待一下,支持小店係值得等一下的！…查看更多

今日經過尖沙咀時，無意中發現咗「餓媽家姐」，就決定入去試下簡單午餐。餐廳環境舒適。因為我喜歡食辣，所以選咗午餐麻辣雞肉腸粉。一上碟就已經吸引到我，腸粉滑嫩，雞肉腸粉的醬汁香辣惹味，食唔停。特別係配上青瓜同芝麻醬，口感清新，辣味亦唔會太過，令整體味道更加平衡，每一口都令我滿足。仲有，見到附近座位的沙律亦好吸引，色彩繽紛，令人想試下下次點一份。餐牌上有唔少其他菜式，下次一定要再來一探究竟。最重要係，這間餐廳位置方便，無論係上班族定係遊客，都非常適合來這裡享用午餐。「餓媽家姐」以簡單卻美味的菜式，值得推薦。將來輕食又會再黎。…查看更多