養心殿台式養生鍋

超級無誠意又難食嘅一餐 食到好谷氣上一次黎食午餐時 已經出餐出得好慢食到勁趕朋友唔信邪 又話再試一次今次仲誇張單都漏埋 個職員仲堅持冇漏單 怕等叫我地落定單先好黎等半個鐘都合理DD但等左足足一個鐘 食飯時間係咩玩法！搞到最後朋友要打包拎走返公司食打包時咩配菜同湯都冇一齊包埋入去一食碗麵仲衰過自己煮嘅烏冬湯底無味 D麵又發脹哂D牛係凍嘅 食完有少少唔舒服 真係貼錢買難受 早排俾人發現無牌經營本身送湯 最後得一攤水咁上真係多謝哂…查看更多

响馬鞍山唯一真正做火鍋嘅餐廳，養生殿的確係唯一一間，身為馬鞍山居民應該要覺得慶幸先係，但老實講食過兩次之後真係覺得麻麻地。無論係牛肉、豬肉、雞肉、海鮮(其實冇乜海鮮揀)，以至蔬菜，食物材料質素平平無奇，你有心搵其實行超市都買到，去citx supxx應該靚過佢。麻辣湯底食唔到麻，淨係食到鹹，另一湯底美人鍋就更加奇怪，完全係想用味道去掩蓋食材質素嘅不足，兩個湯底令我諗起食茶餐廳食快餐，比勁多紅或白汁配雞扒、牛扒、豬扒或斑塊，俾啲汁同塊雪藏扒你食一樣。要食台式火鍋都係去台灣食好啲，香港都係食返粵式或者港式火鍋比較好…查看更多

放假當然又來食最愛的酸菜白肉鍋百食不厭,因為放假所以可以早d來食7 折就最抵食今次一如以往叫你酸菜白肉湯底 (免費追加多一份酸菜白肉)，會隨湯底另附上一碟當然仲有不可缺少的響鈴啦即叫即炸送上台時仲熱lala的今次又叫了霜降肥牛黑松露蝦丸同最愛的萵荀另外加點了九菜餃好好味湯底值得一讚，完全唔油膩，通常未放野食落去之前我地會飲下d湯，酸酸地幾清就算係6完晒野食後個湯底都唔會油淋淋而醬料我就鐘意好多辣椒同蒜泥+c油…查看更多

無牌都可以營業？有聽聞過有人食左肚痾剛得知佢未有牌照咁的情況係咪唔好係呢度放佢間店？我們相信openrice但如果食壞肚又無牌無得保障懇請不要再show佢間店出黎有圖有真相…查看更多

在大埔工作完畢，同事們提議打邊爐吃火鍋，因為不久之前，吃過了台式的車仔麵養心麵，一直對台式火鍋緊緊於懷。因此我們一行四人坐車到馬鞍山的養心殿台式養生鍋，品嚐一吓她的台式火鍋。原來台式火鍋和港式火鍋不同之處是，台式火鍋 每次客人的數目比較少，多數是兩人或四人，大家邊談天邊說地，一起品嚐類似藥膳功效的火鍋。養生鍋湯底點選了鴛鴦鍋，有薑母鴨鍋及養生鍋，個人喜歡養生鍋多點，湯底精選中外食材，配以多款名貴藥材及人蔘，火腿老雞及豬肉精心熬製而成。味道豐富，膠質極濃。秘製薑母鴨鍋用上老薑、馬蹄、冬筍、當歸及台灣特產紅面蕃鴨熬製，所以藥材味較濃，補身佳選。招牌鹵味拼盤台灣鹵味是非常有名的，與潮式鹵水是有所不同。熱騰騰既拼盤有鹵牛腩、鹵牛展、鹵牛肚同鹵大腸，入味軟腍，鹹中帶甜。朝日啤酒餐廳做緊買二送一優惠，同事們都是飲酒之人，打邊爐怎可以少得冰凍啤酒？即炸脆響鈴自家即炸的的響鈴，一灼即起，脆中帶軟，雙重口感，打邊爐吃火鍋是不可或缺的角式。七星鱸魚一道台灣名產，鱸魚骨少，味道鮮美，蛋白質豐富，打邊爐不一定是吃肥牛紅肉，白身魚也是不錯的選擇。手工丸拼盤丸類當然是必需的！拼盤包括有鵝肝墨魚丸、黑松露蝦丸、芝士牛肉丸、蝦丸、墨魚丸同梅菜豬肉丸，種類款式繁多完全可以滿足到同事們的味蕾。台灣翠絲水蓮翠絲水蓮也是必吃，因為是台灣的特產。把水蓮 捲成意粉似的，附設剪刀讓客人容易剪開。水蓮 清脆可口， 纖維豐富。整體而言，價錢雖然比一般港式火鍋昂貴了一點，但是相對是合理的。…查看更多

吃過好幾間養生殿，今天來到馬鞍山， 這個商場有點冷清，所以我們不用等位就可以入去了。我們選擇了有養顏功效的美人鍋， 美人鍋內有很多材料， 打開鍋蓋已經聞到陣陣香味，湯底仍十分鮮甜！吃火鍋又怎能沒有牛肉呢， 我們選了次高級的霜降牛肉， 肉質鮮嫩，淥久了也不會靱口！還有梅花豚肉，豚肉肥瘦適中， 肉質結實， 配美人鍋的湯底來吃特別鮮味！由於我們每樣餃和丸都想吃，於是就點了雜丸拼盤和雜餃拼盤， 熱愛黑松露味的朋友必試黑松露墨魚丸！響鈴是火鍋必吃的食物， 這裏的響鈴非常鬆脆！ 個人比較喜愛半濕半乾的吃法！還有大大顆的墨魚滑， 爽口彈牙有墨魚味！麵食我每次都選關廟麵，淥一淥就食得，不要忘了湯底裏的竹絲雞也是十分好吃的哦！…查看更多

因為男朋友係mk分店食過一次話好味，而且身邊好多人都推介，懷著滿心期待去試。點知......湯底叫左麻辣鍋(小辣)拼酸菜白肉鍋，個湯底真係好失望，麻辣鍋完全冇味得小小辣嘅感覺，相反個酸菜白肉鍋夠味好多，但都係好普通。成餐飯叫左5樣野，極上雪花肥牛、蟹籽墨魚滑、魚皮餃、寬粉同雜菜。d野食其實都還可以，但個湯底真心唔掂，令d野食失曬色。覺得養心殿比人吹大左，或者係我期望太大。兩個人叫5樣野都total成700蚊，性價比真係唔高。最慘係食完呢餐第日柯左半日可一不可再。…查看更多

養心殿馬鞍山之前去過佐敦嗰間食，留下深刻印象，所以早排就搵埋阿哥家姐去試馬鞍山wego mall果間，多啲人打邊爐可以食多啲野，由開心啲呀嘛。雙拼：麻辣（個鍋一擺喺面前即刻標晒口水出嚟，因為個鍋紅卜卜，辣味撲鼻） &酸菜白肉（清爽得來又好惹味，白肉薄片夠入味，仲有得免費追加一次添呀，好開心）鹽酥雞：厚肉得黎又juicy，外皮香脆，不得不吃餃子拼盤：水蓮餃食過好爽口。麻辣牛肉餃，辣得過癮。響鈴：即叫即炸架。我地食完一碟要再encore。因為實在太好味了！基本上浸一浸就食得。食麻辣湯嘅朋友表示食到好興奮，所以叫麻辣湯底冇可能唔叫返一次響鈴！厚切牛餐肉：外面預先煎到外皮金香，所以皮少少脆。吸左啲湯底精華，好好味呀！貢丸、黑松露蝦丸：好香，超彈牙，入面肉汁豐富柚子沙冰：好濃嘅柚子味，杯沙冰個size好似飲saki 咁，解辣一流，高尚體驗七點前去，仲有超級無敵大優惠添！…查看更多

話說之前我地食過佐敦果間養心殿，一直好想encore。早排就搵埋幾個朋友去試馬鞍山新商場果間，多啲人打邊爐可以食多啲野嘛。店舖內部裝修同佐敦差不多，有中國文化氣息。今次我地食雙拼：麻辣（真係好多辣椒，成鍋紅色架，我怕辣所以食左兩舊就食返酸菜） & 酸菜白肉（好惹味，酸菜酸得黎甜甜地。白肉夠入味，仲有得免費追加一次白肉）手切牛肉：好香，油同肉嘅比例適中。淥一陣就食得。貢丸、黑松露蝦丸，好香，超彈牙，入面肉汁豐富餃子拼盤：水蓮餃食過翻尋味，好爽口。麻辣牛肉餃，辣辣地幾得意厚切午餐肉：外面預先煎左，所以皮少少脆。吸左啲湯好好味響鈴：即炸架，製作需時。我地食完一碟要再叫。太好味了！淥三秒就食得。食麻辣湯嘅朋友表示食到好興奮鹽酥雞：熱辣辣，脆卜卜。肉面有汁，夠入味柚子沙冰：免費一人一小杯試下。好濃嘅柚子味，解辣一流…查看更多

18/7/2019 @ 馬鞍山 養心殿台式養生鍋今日同屋企人去到馬鞍山買東西，上openrice看看有什麼好吃就發現原來馬鞍山都有間養心殿！屋企人又未食過，於是就專程過去食啦！馬鞍山這間養生殿不是在馬鞍山最大的兩個商場附近，而要搭馬鐵到恆安那邊行過去， 大概五分鐘就到鍋底有多款選擇，因不想要藥材味，又怕酸，我們選擇了美人鍋美人鍋入面材料十分豐富 ，先有一隻竹絲雞還有大量桃膠，桂圓，蜜棗等等， 光喝這個湯也十分鮮甜！我們未煮食物，就先喝了兩碗湯梅花豬肉， 豬肉釀開很大塊而且口感結實雜菌拼盤， 比想像中多墨魚滑和 鮮餃拼盤墨魚滑比想像中大粒！還有蟹子增強口感，墨魚滑非常彈牙而且食到有一粒粒的墨魚！鮮餃拼盤 有六款每款兩粒， 水餃， 鮮蝦雲吞，韭菜餃，麻辣牛肉餃等等都十分出色雜丸拼盤， 雜丸拼盤有六款每款兩粒， 黑松露墨魚丸 蝦丸 和芝士牛肉丸都十分特別！ 響鈴， 超級脆超級鬆的響鈴是我吃過最好吃的響鈴！ 不過數量是七條… 有點尷尬雜菜拼盤我們還點了霜降牛肉， 牛肉不會太肥你不會太瘦厚度適中每人大概300元多少少，跟出面任吃差不多 ，這類材料新鮮湯底鮮甜，大家也吃得很飽，物有所值…查看更多

今天約了朋友打邊爐。平時打邊爐都出開旺角 尖沙咀，依排見到屋企附近都開左養心殿所以就去試下佢。地方都幾就腳，係馬鞍山海典灣We go mall商場到。餐廳環境好視正，坐得好舒服，好啱幾個朋友一齊黎坐同埋烚下烚下。見到餐牌入面有好多湯底揀，養生鍋，酸菜白肉鍋仲有麻辣湯底，同普通打邊爐舖頭好唔同，夠曬特色！野食既選擇都好多近乎一百種，主打以海鮮，肉類，丸類，蔬菜等等。叫左個酸菜白肉拼麻辣鍋 (中辣) ($128)  試下。個煲一攞埋黎就聞到是勁香既酸菜湯底味，個湯底勁足料，有白肉，薯粉，麻辣湯底仲有豬血同好多香料，見到都流曬口水，個湯都覺得夠曬誠意，同埋可以免費額外追加酸菜白肉。麻辣鍋又香又辣，令人愈食愈想食。我地叫左(半份)鵝肝墨魚丸 ($48) 一食完全爆汁，鵝肝味濃郁。餃子拉盤 (12粒) ($118)好有特色，粒粒都好飽滿好足料，真係又抵食又好食，鮮蝦滑 ($88) 好新鮮好彈牙佈滿蟹籽係面，農場野菌 ($58) 有幾種不同的香菇，滿足不同願望，而鮮甜三蔬 ($68)亦非常之鮮甜，特別是准山經過輕微煮過後十分之爽脆，秋葵多汁。最後每人還贈送一杯沙冰消暑解渴，誠意推介大家去!…查看更多

老公生日專程來到養心殿慶祝，因為佢好喜愛打邊爐，又熱愛台灣，所以揀養心殿，咁就可以一次過滿足曬佢兩個願望上到頂樓，見到招牌紅色燈籠便知道是養心殿店內裝修古色古香，燈光柔和，枱與枱之間都算寬倘,坐得很舒服醬油香料可自己調配我選擇了女士養顏既美人鍋$188加老公最愛既麻辣鍋，美人鍋裡面有原隻烏雞加上有大量嘅桃膠，杞子同埋金華火腿，味道濃郁，有好香既雞湯味，感覺很滋補桃膠份量非常豐富，今晚可以充分補充膠原蛋白了台式火鍋最期待既係係大腸頭$88, 因為夠肥美，又處理得夠乾淨，無"壓"味，加上雞湯既鮮味，好食到停唔到口炸午餐肉$58, 炸過既午餐肉非常香口，熱辣辣，可以即時食，好邪惡呀～黑栢葉$78,無漂過感覺健康好多，新鮮爽口唔韌鵝肝墨魚丸$48(半份), 墨魚丸夠彈牙，加上香滑既鵝肝，同一時間帶出兩種食物既鮮味鴨血$48雖然本身麻辣火鍋已經有鴨血，但因為太鮮滑，又夠入味，所以另外叫多了一份飲品方面叫了咸柑桔七喜下一下火，當然了不了樽裝可樂啦! 最後餐廳還送了兩杯柚子沙冰，酸酸甜甜可以去除打完邊爐既油膩感…查看更多

今日又翻到嚟我最愛嘅打邊爐鋪，就係養心殿！又係因為對佢個美人鍋念念不忘所以又返咗去食。其實食咁多次，我都冇試過佢個麻辣湯底，今次就終於都叫左嚟試，我地揀左大辣。佢個麻辣湯底會自動幫你追加一份免費鴨血，鴨配麻辣湯底係一流，反而擺落美人鍋度食就唔好咁夾。佢個麻辣湯底係會越煲越濃，但其實都唔算太辣。今次個牛就叫左大份，都係好新鮮好滑。仲有個食咁多次都係咁正嘅黑松露丸，淨係侍應擺上台個下啲黑松露味都已經出哂嚟，佢嘅黑松露味係濃到放落麻辣湯底都唔會蓋過左，真係超好食。仲有呢個係水蓮，先其實建議煮幾秒就可以食，因為咁樣先可以保存着營養價值，但係反而我地覺得草青味太濃，中意煮耐d先好食！養心殿定係食幾多次都唔會厭，係一定一定打邊爐嘅首選！…查看更多

最初佢只有1-2間店，依家已經越開越多，一定有佢成功之處。先講門面裝修，真係幾特式，古色古香既格局同裝修，一枱一櫈，屏風，茶壺都散發住傳統既味道！做得火鍋，湯底🥘既特色同味道好重要，佢就拿捏得好好，今次叫左個鴛鴦湯底，一邊係麻辣鍋一邊係美人鍋。麻辣鍋入面有少量鴨血，越食越刺激，美人鍋有烏雞同桃膠，夠晒膠原美顏。食材依舊保持質素，午餐肉同炸響鈴🔔都係必叫的，一定要食，真係即叫即炸，而且唔會油淋淋。手切牛都非常有質素，每碟都係排得滿滿的，有牛味又唔會韌，手打丸都做得好出色，叫個拼盤就可以試到6款喇。個人好鍾意用萵筍打邊爐，因為佢唔會好似其他蔬菜咁索晒啲油，而且唔係間間飯店有供應架，所以每次都會點。論價錢，佢唔會係好抵食個類，但以散叫黎講，絕對係屬於高性價比既一間火鍋店，加埋店內既特色裝潢，推介一試！👍…查看更多

今日帶友人入馬鞍山逛街，發現最近馬鞍山開了一個新商場，發掘到有間友人想食好耐嘅養心殿台式養生鍋。於是我們毫不猶豫地就進入餐廳。餐廳內外古色古香，非常有格調。進入餐廳後就即刻下單，食物鋪滿整桌，已經感覺到非常滿足及解壓。先來酸菜白肉鍋，湯底配的白肉非常多，兩個人分剛好。最欣賞就係呢兩款拼盤，有選擇困難症的我們，可以食拼盤仲可以食曬所有口味。各種肉丸的味道都非常出，而缺彈牙，配合埋湯底的酸菜白肉味道，有種完美融合的感覺。作為一個餃子迷，本人表示這裏的餃子，款式真係比坊間的特別很多，而且味道非常好，皮的厚度也適中，不會糊，或者爆開。打邊爐唔可以沒有菜，這個雜錦蔬菜盤滿足我們想吃不同菜類的願望，每款的量都足夠兩個人吃。不可或缺的響鈴，當湯底吸收了幾輪食材的料後，再放響鈴，吸收精華，那刻簡直是味蕾的最佳享受。黑糖烏梅汁，出乎意料地甜度適中，解膩開胃，喝得我和友人非常開心。最最最重要的是，這間餐廳的職員無論服務態度以及餐桌安排和食材上桌速度上 都令我們非常滿意。…查看更多