餃子冰室

一開始成日喺IG見到啲Foodie推薦，就對呢間舖頭有好高期望！不過又真係幾失望，佢貴得嚟又唔係特別好食，諗返起又有啲似灣仔碼頭啲friend！📍全日套餐（10隻餃子 + 雙拼）$86# 黑白土匪餃 & 蔥爆牛肉餃老實講質素真係好一般… 而且仲要都幾貴！啲餃子細粒又普通，但係又收咁貴！先講講個蒸嘅蔥爆牛肉餃laa ，網上話佢啲蒸餃夠晒爆汁。但係灣仔碼頭嗰啲夠爆汁啦，爆汁只係餃子嘅基本門檻！！！其實佢味道唔算差，算係好過灣仔碼頭咁樣。但係佢的確唔值呢個價… 佢嘅黑白土匪餃算係特別啲，睇得出係想復刻譚仔個土匪雞翼！不過我覺得佢就唔係好還原到佢嘅精粹，食唔出譚仔嗰浸味！佢只係一個加咗孜然粉嘅雞肉餃… 佢個皮的確係crispy，但係我都唔Get點解佢可以收咁貴…📍紅燒豬軟骨飯 （套餐+$20）呢個都唔建議，除非係食唔飽嗰啲啦！嗌套餐加嘅話都尚算可以，但係單點嘅話真係NO！一碗白飯再加兩嚿豬軟骨咁，即係一嚿都唔肯俾多你🥹 不過有隻蛋丶有嚿肉，算係咁laa…總括嚟講，佢味道唔差。但係！佢quality 只係average ，但 quantity 少丶價錢又貴… 真係red flag💔…查看更多

#鹹蛋黃黃金餃子餃子外皮酥脆得嚟，裡面爆餡，鹹蛋黃的味道真係好惹味！不過，上面嗰個醬有啲膩，食1嚿已經夠了🤣但整體嚟講，味道都幾正。#黑白土匪餃真係有平時土匪雞翼嘅感覺，外皮炸得好脆，食落去口感一流，都幾特別！#蜆肉芫荽餃蜆肉鮮味好出，咬落去有海味，但芫荽味唔算好重，對唔鍾意芫荽嘅朋友都唔會太有負擔。#飲品本身想試佢嘅沙冰，但嗰日賣晒，最後叫咗杯爆爆荔枝柚子四季春茶，味道正常，配炸餃子都幾清新，但冇特別令人驚喜。整體嚟講，長洲餃子冰室嘅餃子創意十足，炸餃子好優秀，全部都好酥脆😋…查看更多

長洲都有間專食餃子嘅餐廳，呢間🥟餃子冰室🥟裏面嘅餃子款式特別，好似南乳豆卜味😱同埋芋頭臘腸😱已經夠晒爆，嚟到就緊要試吓啦😆我就揀咗佢有個全日套餐B，10隻餃子+一份麵仲配埋嘢飲，另外雙拼再加多$10 ,其實計計埋埋價錢都唔平，話就話套餐，但係有好多都要額外加錢，套餐$77 :黑白土匪餃 +荷葉津白餃各五隻，再加$19配個蔥油撈麵都已經過百😨🥟土匪餃係炸得唔錯嘅，不過味道就唔算太特別😩，佢哋嘅餃子偏細，餡料都唔算太豐富，另外一款津白蒸餃佢嘅皮都算OK唔厚，不過整體就偏淡，裏面嘅餡料都係偏少😩，而最後蔥油撈麵睇過賣相都非常普通，佢冇嗰種蔥油香，整體真係一般😩😩…查看更多

成間餐廳係走懷舊風設計好有feel✨ 鹹蛋黃黃金炸餃&荷葉津白蒸餃(各五隻 $86) ，黃金餃好足料，大大粒鹹蛋黃爆曬出嚟，炸到個皮好脆，咬落去啲汁爆曬出嚟，好滿足大推！🔥🔥 荷葉津白餃就balance返，感覺上健康啲🤭 啲皮係偏薄，食落口感清爽✨ 仲有冰糖紅棗桃膠沙冰 $38，都幾甜㗎，不過我鍾意甜啲，清甜嘅沙冰配合一粒粒桃膠Q彈嘅口感，好解渴又養顏😋😋 出面會有個牌寫住有咩餃子賣晒，可以睇咗先入去〜🥟…查看更多

👍🏼抵食指數：⭐️⭐️⭐️⭐️😋好食程度：⭐️⭐️⭐️⭐️入到長洲，除咗食大魚蛋之外，原來仲有一樣名物，就係餃子啦！呢間冰室嘅餃子款式好特別，好多口味都係獨一無二，有 #鹹蛋黃黃金餃、 #蜆肉芫荽餃、 #印第安餃、 #黑白土匪餃等等，好多較特別嘅味道都可以係度搵到！有別於其他餃子店，唔係韭菜餃，就係豬肉玉米餃，無咩驚喜同新意！今次叫咗鹹蛋黃黃金餃，一隻隻黃金脆皮餃子，賣相好適合打卡，入口仲好正，唔太油膩，外皮包住一層鹹蛋黃醬，再加埋脆皮嘅餃子皮，口味非常獨到！餃子內仲要係爆汁，非常 juicy ，CP值極高！而佢嘅蒸 #辣菜脯鮮蝦餃 都值得推薦， #菜脯 同 #蝦肉 好爽口，又唔係好辣，感覺清清地，好適食完較濃味嘅鹹蛋黃黃金餃後，再品嚐，感覺會比較平衡，又唔會太膩啊～溫提：因為小店座位同人手有限，大家需要自行拎飛仔排隊～ …查看更多

入長洲一定會嚟食，馳名爆汁餃子🤤多汁又大粒，好正！而且餃子款式好多，實有一款啱你食🤣煎餃蒸餃乜都有，店鋪環境唔算大，不過整潔乾淨👍🏻我差唔多款款餃子都試過，每次必叫以下兩款😋鹹蛋黃黃金餃（只限炸）$36即炸熱辣辣，一上枱已經聞到濃濃鹹蛋黃香味🔥店員好重手，落咗勁多鹹蛋黃🤤每粒餃子都佈滿鹹蛋黃，仲要起沙的🤤咬落脆卜卜，而且味道超級濃郁，但係又唔會好滯，一人食3-4粒啱啱好！邪惡度爆燈🔥😈好味道同樣爆燈！🔥😈非常惹味蜆肉芫荽餃（只限蒸）$36食完濃味餃子，食下清清地嘅蒸餃😋蜆肉鮮味好出，完全冇腥味！配埋芫荽非常夾，仲要爆汁😝好值得試！打卡都好靚😝…查看更多

長洲近年越來越多特色餐廳，其中餃子冰室口味新奇得嚟又多選擇。當日假期，朋友二人等位約30分鐘。鋪頭都幾細，座位比較逼。叫咗一份鹹蛋黃煎餃做下午茶，加一杯冰糖紅棗桃膠沙冰。餃子皮煎得好香脆，彬上鹹蛋黃醬，唔會過分乾身。入面亦都充滿內汁，點上醋十分夾。沙冰無咩特別，足料但唔係特別出味，但係下午玩完飲都係好舒服。…查看更多

餃子冰室可以話係來長洲除左食大魚蛋，芒果糯米糍之外既必食之店，一間主打餃子既小店，有多款特色餃子，我哋今次作為小食咁食，所以淨係揀左兩款餃子，分別係黑白土匪餃同人氣之選鹹蛋黃黃金餃，都係限定半煎炸。餃子來到熱辣辣，外皮炸到金黃，土匪餃灑上黑白芝麻同孜然粉，食落好有土匪雞翼既味道，外皮脆口，餡料豐富，一句講哂，好食。黃金餃唔同既地方係用鹹蛋黃作調味，咸咸香香，相當惹味。作為小食，餃子冰室真係啱啱好，佢哋都有飯類揀，真係任君選擇。🐻…查看更多

呢日同朋友特登入長洲玩，除咗大魚蛋同炸雪糕呢啲小食之外，聽到呢間餃子好出名，就黎試下！我地糾結咗好耐叫咩餃子，最後叫咗鹹蛋黃黃金煎餃（佢得煎餃揀），同埋蔥爆牛肉蒸餃🥟鹹蛋黃黃金煎餃，超級香濃鹹蛋黃味！煎得好香脆！食落就覺得熱氣嗰種🤣呢個係驚喜嘅，但食多咗就覺得膩🤔蔥爆牛肉蒸餃就正常發揮，皮都薄，餡都多，牛肉幾多汁！我地食一隻鹹蛋黃餃就用蔥爆牛肉餃黎中和下味蕾😆雖然鹹蛋黃煎餃有驚喜，但我諗我會encore蔥爆牛肉餃多啲😬…查看更多

嚟到長洲，除咗食魚蛋同芒果糯米糍之外，都可以嚟試下呢間餃子店食過幾次之後會推介以下幾款食物:鹹蛋黃金餃即叫即整，入口嘅時候，小心辣襯個嘴仔。有大量鹹蛋黃包住隻脆卜卜嘅餃。食落去爆汁，味道唔會過咸，不過真係太邪惡，要同人開心share先好嗌呢款餃。蜆肉芫茜餃鐘意食芫荽嘅，一定要試!  平時食開芫荽餃都係配豬肉。芫茜配蜆肉仔嘅combination有鮮味得嚟，更加有咬口。餃子皮薄餡料多，咬落去鮮甜多汁，好食。配餃子嘅醬料都好高質餃子都唔細份，每人預食8隻就會啱啱好。6隻餃+茶 $52…查看更多

每次黎長洲都會到訪既餃子店，朋友帶過我來一次後就將呢間店收藏了，店舖很細午餐時段多數等位，菜單很有特色而且選擇很多唔會一次食得哂但值得再訪，有別於一般既傳統餃子店睇得出很用制作印第安餃 5 隻$42香料豐富咖喱粉同辣椒為餃子帶來了濃郁的香氣和獨特的風味。鹹蛋黃黃金餃4隻 加酸辣湯 $ 49結合了鮮嫩的餃子和香濃的鹹蛋黃，餃子上再加上鹹蛋黃製食既醬具有濃厚的鹹味和奶油般的質地。為整道菜帶來了獨特的濃郁風味，經過半煎炸既酥脆的外皮，讓它們變得酥脆。這種酥脆的外皮與內部的餡料形成了口感上的對比，增添了食物的口感層次再加埋酸辣湯平衡左煎餃既油膩感。蜆肉芫茜餃 8隻 $69（只限蒸）真係十分推薦！本身我都麻麻地臭茜，但店主真係整得好好食 ，蜆肉同芫茜好match而且蜆肉都多一粒餃子有3-4粒蜆肉一啲都唔手軟，就係呢款餃令我二訪！ …查看更多

每次黎長洲都會到訪既餃子店，朋友帶過我來一次後就將呢間店收藏了，店舖很細午餐時段多數等位，菜單很有特色而且選擇很多唔會一次食得哂但值得再訪，有別於一般既傳統餃子店睇得出很用制作印第安餃 5 隻$42香料豐富咖喱粉同辣椒為餃子帶來了濃郁的香氣和獨特的風味。鹹蛋黃黃金餃4隻 加酸辣湯 $ 49結合了鮮嫩的餃子和香濃的鹹蛋黃，餃子上再加上鹹蛋黃製食既醬具有濃厚的鹹味和奶油般的質地。為整道菜帶來了獨特的濃郁風味，經過半煎炸既酥脆的外皮，讓它們變得酥脆。這種酥脆的外皮與內部的餡料形成了口感上的對比，增添了食物的口感層次再加埋酸辣湯平衡左煎餃既油膩感。蜆肉芫茜餃 8隻 $69（只限蒸）真係十分推薦！本身我都麻麻地臭茜，但店主真係整得好好食 ，蜆肉同芫茜好match而且蜆肉都多一粒餃子有3-4粒蜆肉一啲都唔手軟，就係呢款餃令我二訪！ …查看更多

嚟到這家餐廳試吓佢哋嘅招牌餃子，正！我一入口就被南乳豆卜餃雷到💥，入口即溶嘅豆卜同鮮潤嘅肉餡結合得就係一絕，瞬間讓人掂晒。酸辣湯麻麻哋，但係勁好飲，有種起勁後續劲，餃子食到嗌曬係要來一碗嘅。再講下鹹蛋黃黃金餃，勁！這個邪惡嘅組合，外皮酥脆，撈上金黃滑溜嘅鹹蛋黃醬，味道豐富得黎仲有層次，咬落去真係有種喺味蕾上嘅煙花爆炸🎇。麻油白雲雞中翼嘅話，就有點家常味，溫暖又慰藉。至於沙冰🍧，我就覺得腐竹蛋花洋薏米沙冰特別咁滑，你唔試下點識！竹蔗茅根甘筍沙冰就清新爽口，飲罐涼茶嘅感覺，解渴之選喇。總括落嚟，個餐又火爆又得意，餃子款式多，口味正，真係食貨到嚟一定要打卡嘅好地方。食完跟住杯沙冰，無論係解膩定解暑都正！哩啲，真係喺街頭巷尾都搵唔到。下次一定要同三五知己再嚟轉場食盡所有隻隻！👍🏻…查看更多

各位食友，我啱啱去咗間好出名嘅餃子店，份量正、新鮮出爐，保證你食完仲想再食！我一啲都唔駛客氣咁拎起個煎餃黎，酥脆外皮配上彈牙嘅肉餡，啖啖肉的感覺真係正！🥟 嗰啲孜然香氣啊，真係勁過癮，好過癮嘅，同埋果然唔同凡響，係黑白土匪餃嚟。話晒，蔥爆牛肉餃都唔錯撻，滋味一流，一啖牛肉嗰種嫩滑而且味正，香輪輪嘅蔥香掛住，好有層次。同時嗰個薄皮蒸到啱啱好，我食嘅每一啔都覺得似詩似畫。另外個沙冰喺炎炎夏日嘅救星，腐竹蛋洋薏米沙冰清新得嚟，微甜而且入口清爽，每啖都飲得到夏天嘅氣息。這家餃子店簡直就係長洲嘅美食寶藏，大家下次去長洲玩，記得留肚試下！🥢🍻…查看更多

相信未食或者食過嘅人睇到topic應該已經估到系邊間，冇錯就系餃子冰室，開咗一段時間依然人氣旺盛，同朋友等咗30-40分鐘先可以入座，座位亦偏狹窄，擺放手袋要就位啊🥸👜✿ 黑白土匪餃+ 酸辣湯 $59餐廳有吾同套餐搭配，朋友就揀咗加酸辣湯，黑白土匪餃模仿土匪雞翼，有黑白芝麻🖤🤍同埋孜然粉，但呢款竟然比想像中一般😵感覺孜然味其實吾算明顯。酸辣湯喺港式小店都飲到幾有特色，有雲耳、豆腐、雞絲等材料，算足料，酸辣度尚可。✿ 鹹蛋黃黃金餃 $47鹹蛋黃近年可以話系萬能key，配好多食物都夾到，配餃子同樣可以夾到。最驚喜系吾只得外層有鹹蛋黃味，連餡料都有濃厚鹹蛋黃味💛脆卜卜同時做到吾油膩。✿ 腐竹洋薏米沙冰 $37還原港式腐竹蛋糖水味道，變咗沙冰同樣咁正😆🤍腐竹味非常清甜。…查看更多