餃串Party

呢間餃子店已經食過幾次，平日lunch去都有時都要排隊，次次去湯底都唔同～天氣涼涼地時食都係一個好選擇～今次係羅宋湯口味～蕃茄味濃～自己煲無味精～佢地啲餃全部現場新鮮包，隻隻都好大隻漲卜卜，皮薄餡多～今次叫咗雙拼湯餃（芝士粟米拼芹菜芫荽）😋我食咗6隻已經好飽，$48價錢都算ok😂性價比👌🏻一般人都會叫8隻另外叫咗個小食-蟲草花醉雞卷👍🏻呢款係凍食，幾入味，友人食過覺得幾好食～今次再叫，微甜帶酒香…查看更多

餃串party價錢: $58/ $38/ $52+10好味程度: 4/5服務🍴: 3.4/5環境🗾: 3/5性價比🥢: 4/5回頭率😚: 3.7/5-講左咁多西餐，今次講下呢個餃子🥟有一排見到好多人講，估唔到平日都要排一段時間，因為餐廳都比較少位置。賣點應該就係佢哋自己煲的湯底！同埋有好少見的苦瓜餡！-✅餃子雙拼+米線。涼瓜豬肉餃/椰菜冬菇雲耳餃。當日湯底係甘筍粟米豬骨，飲落一啲油都冇，好清甜而唔淡🥰餃子皮薄，透到入面嘅餡。size算大！涼瓜豬肉，雖然味道冇韭菜嗰啲咁香，但涼瓜少少爽脆，味道好清新，原來都幾夾🤓另外的椰菜冬菇雲耳餃，口感比較爽口，味道淡小小，但透出椰菜的甜味👅-✅✅當歸花雕醉雞卷。個人好鍾意！好入味！醉酒底口味比較甜，有微藥材的甘甜味，酒味都幾濃😆切得有d厚度，而肉質都嫩。皮都食得因為佢好薄。-🆗脆皮芝士煎餃。粟米芝士豬肉餃/ 韭菜豬肉餃。餃子一樣大隻皮薄。韭菜當然香。但粟米芝士餃太多粟米，唔係好食到🧀😣 好似食緊淨覂粟米餃，而肉的比例都比較小… 煎餃+成片芝士有d膩同油。本身煎都有，芝士成塊車落去而凍dd就唔係脆皮，而係韌，個配搭個人唔係好鍾意🧐-未算係最鍾意的餃子，不過都幾好食啦。大隻，有苦瓜餡，食完唔口渴！中上中上😛…查看更多

餃串party經過長沙灣食下餃子店仔細細，但員工都有4.5個係入面煮目測一個姐姐包餃子，一個喺度煎，一個喺度煮不斷有人入去食。煎餃唔係好熱氣嗰啲。煎餃叫咗芝士粟米。韭菜煎餃。每期唔同靚湯做湯底。飲完唔頸渴。水餃就叫咗芫荽豬肉餃。同埋苦瓜餃我最鍾意就係苦瓜餃，都幾特別醉雞卷都好食，好香酒味加辣菜脯先至係靈魂煎餃子點可以唔點辣椒油？啲餃子好鬼大隻。可以一試。不過餃子偏腍，鍾意嘅就去食我就認為點都好食過荃灣某間長期排長龍嘅餃子店…查看更多

我知好多人鍾意食餃子🥟見呢間排哂隊我又想試下 聞說個湯底好正 餃子又大大粒排左好似半個鐘，因為店得18個位，而且4人枱4張 基本上迫到送餐同抹枱都有難度，真心驚會倒瀉落我度一份湯餃，6隻$42+米粉$8=$50我就食煎餃$44+$10 再脆皮芝士 🧀所以係煎完再焗芝士係耐少少，因為想試湯，要另點湯麵$16湯好似不時會轉，今次係「羅宋style 激濃蕃茄薯仔甘筍栗米肉碎湯」 我第一啖飲就知係熟悉嘅ABC湯… 不過店家係有自己加料落返甘筍粟米去煮，但呢個茄湯….. 就係落茄蓉完全唔係新鮮蕃茄黎，我自己覺得一般，不過勝在幾大碗同熱辣菜脯係我必試嘅野，呢間係咸嘅，還好。不過我覺得湯/辣菜脯甜記完勝餃子🥟我地兩個都食芝士粟米豬肉餃豬唔係好實嘅豬肉，粟米都係新鮮粟米，芝士就存在感極低，加$10嘅焗芝士超正係mozzarella cheese 金黃脆而，餃子仲要勁大粒我地直頭覺得食緊獅子球咁🫣因為店有串燒 但賣哂錫紙金菇 我加左串雞軟骨$12 冇醃過 燒得過了 縮哂水偏乾 係有燒過嘅鹽味隔離果個覺得好抵食 難怪咁多人始終我唔係特別喜歡餃子，湯麵係我主菜 雖然甜記餃子煎得好差 但我會喜歡甜記多啲 而呢間嘅餃子🥟肉係同平時食開嘅鮮豬肉唔同唔知道有冇其他人覺得 我唔太肯定其實係咪冰鮮免治豬肉🤔亦係我暫時食過最Jumbo size 因為美味餃子店我都唔覺得大粒，呢度真係巨大但我覺得只有脆皮芝士煎餃好食煎餃子暫時都係家後世一🥇仲有幾間餃子店唔太就腳 有機會再battle下😂…查看更多

今日終於約friend去試咗間bookmark咗好耐嘅「餃串party」喇！🥳 一入到去已經聞到好香，搞到我哋個個都肚仔餓，即刻瘋狂點餐！打頭陣嘅一定係佢哋嘅招牌菜之一，脆皮芝士韭菜豬肉餃！嘩，一上枱已經不得了，成塊芝士煎到金黃色脆卜卜，好似一塊黃金薄脆咁蓋住啲餃子，賣相已經贏晒🏆。夾起一隻，啲芝士仲可以拉到好長，超級誘人！一啖咬落去，芝士嘅焦香脆口，包住入面脹卜卜、充滿肉汁嘅韭菜豬肉餃，韭菜味香濃，豬肉鮮甜，再加埋芝士嘅鹹香，口感同味道都超豐富，簡直係邪惡嘅完美組合🧀！真係食到舔舔脷！串燒方面，我哋叫咗燒沙嗲雞、燒雞軟骨同燒外脆內軟雞皮。個燒沙嗲雞都好出色🍢，雞肉燒得嫩滑juicy，一啲都唔柴皮，面頭嘅沙嗲醬厚厚一層，味道香濃得嚟帶少少甜，惹味到令人想一串接一串！燒雞軟骨就係我嘅至愛，燒到卜卜脆，咬落去口感十足，好有嚼勁。至於個燒雞皮，真係做到個名咁「外脆內軟」，外層燒到極度香脆，但入面仲保留到雞油嘅甘香，油而不膩，超正！另外一個驚喜係個當歸花雕醉雞卷🍶。一上枱就聞到淡淡嘅酒香同當歸味，雞卷切得厚薄適中，雞肉非常嫩滑，而且索晒花雕酒同當歸嘅精華，酒味醇厚但唔會太嗆喉，當歸味亦恰到好處，帶出雞肉嘅鮮甜。連個汁都忍唔住想撈飯食，不過可惜無飯！😋食完咁多香口嘢，梗係要整返碗湯餃平衡下。我哋叫咗個湯餃雙拼，可以一次過試晒韭菜豬肉餃同粟米芝士豬肉餃🥟。韭菜豬肉餃係經典口味，皮薄餡足，韭菜味依然突出。而粟米芝士豬肉餃就比較特別，粟米嘅清甜撞埋芝士嘅creamy，再加埋豬肉嘅鹹香，估唔到又幾夾喎，小朋友應該會好鍾意！個湯底都清甜唔油膩，飲完成個人暖笠笠。總括嚟講，「餃串party」真係無令我哋失望，無論係招牌嘅脆皮餃子，定係各款串燒同小食，全部都好有水準，用料又足，味道一流👍。環境都幾舒服，同朋友嚟gathering吹水食嘢真係一流！絕對會再嚟幫襯，下次要試埋其他款嘅餃子先得！…查看更多

餃串Party主打食餃同串燒叫咗外賣送餐，比預計時間耐，可能串燒比較需時。芝士粟米豬肉煎餃一set六粒，比湯餃細粒少少，煎得啱啱好，送到嚟都唔會話好乾。不過呢，就略嫌無咩cheese 。芝士粟米豬肉湯餃店家自動波幫手分咗湯，湯底係黃瓜豬骨湯，幾鮮甜、有好輕輕嘅味精果，算ok啦。湯餃有6隻，大大粒，足料嘅，同煎餃一樣！燒花枝丸一串有3粒，普通花枝丸本身都無咩expectation，不過啲調味料搭救，食落幾惹味！…查看更多

🥣湯-椰菜冬菇雲耳豬肉餃（$42）🍳煎-粟米芝士豬肉餃（$44）🐥花雕醉雞卷（$38）講笑~呢間開係長沙灣嘅餃子店最近成日係reels見到佢！小編親身去完都覺得幾有驚喜🤣店舖裝飾都好有心思，好多玩味嘅句子，連曱甴都有隻假xdd🥟餃子真係如大家想講大大粒，好足料，值得一提嘅餃子皮真係好薄~配埋清甜靚湯，有「家」嘅味道，食落好舒服😽煎餃都煎得好金黃香脆，不過粟米芝士餃就唔算食唔到芝士味🧀雞卷都唔算特別，入味但偏「鞋」…查看更多

長沙灣關注組都好多人介紹。 今次去開個頭又可以叫外賣，就試一試佢。 叫左幾款唔同味的餃子。有芫茜豬肉餃、白菜豬肉餃同重點的苦瓜苦餃子。 餃子有分蒸餃配湯或煎餃。因為外賣的關係。 送到來都只係暖暖地。 但味道都好ok. 送的湯是雪梨湯。好清好甜。 煎餃都好脆同香的。 隻隻餃的料都好足。 苦瓜味的係食到清清和淡淡的苦瓜香。 好特別。 我明白點解門市要排大隊。因為即場食應該會更出色。 外賣仲可加錢加米粉的。 份量偏少。其實只食餃子的都足夠飽。如果share先會加。 叫了三個煎餃會跟返3個菜葡。好辣和香口的。 …查看更多

有一次經過見到要排隊好似都係最近新開有餃子食之餘仲有串燒甜品湯餃雙拼（6隻） ($42)+$8 米線 湯底係老火湯咁老黃瓜 扁豆 赤小豆 甘荀 粟米 豬骨好似好足料 清熱祛濕味道比較淡 清清地餃子揀左韭菜豬肉餃同椰菜冬菇雲耳豬肉餃 各3隻2隻都偏淡味 所以要配菜圃食菜圃辣辣哋幾惹味 夠爽口不過餃子又真係幾大隻皮薄👌🏼米線都正正常常 食得飽😂煎餃雙拼（6隻） ($44)揀左椰菜冬菇雲耳豬肉餃同粟米芝士豬肉餃 煎係香口d唔會好多油 相對冇咁大隻不過都正常水準 幾好食😌反而煎餃就冇得加麵 另外加就+$16外脆內軟雞皮 ($13)唔係好大串 不過好邪惡燒得幾香 有脂肪得黎又食到個香脆整體唔係話特別好食不過價錢都相宜 呢個水準可接受…查看更多

無下次～2個人11:45入去，全場第二枱客， 1150落單，第一碗等左15分鐘都合理、之後嗰碗去到1240都未有，仲要遲過我哋入去既客都已經出左餐。漏單唔緊要，但前後問左2次，男店員見到扮睇唔到，叫佢跟一跟又話好快有，最後最新入黎嗰客人都有麵食，完全零服務！其次味道，湯底還好但餃子、麵都好一般仲要叫啲客唔好催單，佢哋好忙成個廚房5-7人都做唔掂，淨係做外賣生意，冇心serve堂食比5,60蚊都唔係追求咩，但等足50分鐘都出唔齊餐，仲要職員無心幫你追餐，真係零服務。…查看更多

餃子控一定要來試吓🥰今次叫左椰菜冬菇雲耳豬肉餃，皮薄，餡足，大大隻涼瓜豬肉餃，第一次食的口味，口感好特別。涼瓜唔苦，但唔係脆口，比較實淨的口感最令我難忘嘅是個湯底，好甜好甜🥰原來是加左甘筍，真是好甜。粉葛和粟米，赤小豆等就是原材料，因為甘筍，所以令個湯甜左好多，且好清。樽野飲，就不過不失，但15元650毫升，算是抵飲🤣串燒見都唔貴，下次再試☺️提供的菜脯好味，但不宜試太多，因為都算重口味，試多左就會覺得鹹。整體食物是好味，值得推介俾鍾意食餃子的人來試🥰…查看更多

【食評】水準OK 但未算好驚喜3⭐️合格 5⭐️滿分環境 ⭐️⭐️ ⭐️味道 ⭐️⭐️⭐️ 價錢 ⭐️⭐️⭐️⭐️▌粟米芝士豬肉煎餃睇落大大隻，咬落竟然有啲似炸嘢（可能兩面煎得太透？）好彩唔算好油膩餡料主要食到豬肉同粟米嘅甜味，芝士味就淡啲（可能落得唔夠多？）無拉絲效果，不過勝在餡料夠足料，食落好滿足整體算唔錯，但如果外皮再脆啲同多啲肉汁就更好▌涼瓜豬肉湯餃同煎餃一樣咁足料 食落先係豬肉味，跟住涼瓜嘅甘苦慢慢出嚟（抵讚嘅係苦味唔會搶咗豬肉味）最正反而係個湯底——番茄薯仔湯，完全無味精，清甜得嚟好自然，明顯係落足心機煲同餃子夾到絕，鍾意食湯餃嘅一定要試▌串燒雞胸 & 魷魚兩款調味差唔多雞胸出奇地嫩滑，一啲都唔柴魷魚燒得啱啱好，仲keep到彈牙同鮮味當小食咁食幾抵讚總括：性價比高嘅街坊小店，味道未算好突出但食得出有誠意…查看更多

呢間小店主打餃子同串燒，賣點係冇味精湯底，有種返屋企飲媽媽煲湯嘅感覺。地方細細但企理，但人多可能要排一陣隊。走健康路線，又唔會犧牲味道。🥟 粟米芝士豬肉餃（六隻湯餃）$42餃子皮薄餡靚，餡料豐富，豬肉同粟米自然甜味融合得幾好，芝士味唔算太突出，但整體口感 creamy 中帶啲咬口。湯底就係亮點，清甜冇味精味，飲落唔會口乾，好似飲阿媽人用心煲嘅老火湯，暖胃又舒服。🍗 當歸花雕醉雞卷 $38中藥香氣濃郁，雞卷肉質滑嫩，花雕味夠香但唔嗆口。係一道冷盤但味道層次幾豐富。😌 整體評價餃串Party主打無味精健康湯底，加上餃子創新口味，配搭得用心。粟米芝士豬肉餃暖胃又有特色，醉雞卷有驚喜。價錢合理，氣氛親切，想搵間靜靜哋食個舒服又唔重口味嘅餐，呢度係個唔錯嘅選擇！…查看更多

黎開荔枝角，要試吓呢度嘅名物，餃串！好多foodie都有介紹！個人覺得，餃子比串燒更出色！每一款餃子的皮都非常薄，而且餃子的餡有很多，非常實！每一粒都好飽滿！煎餃juicy，而且脆！個人較preferred! 串燒嚟講，最有記憶點是燒魷魚！非常容易咬開，而且有炭香味！就算放涼了，仍然好吃！下次會再食！…查看更多

見到推介特登嚟食店面位置唔多成日都要排長龍嗰日差唔多成九點都要等咗兩台先入到去叫咗八隻餃子再加米線底平時一個人都食十幾隻餃子我實在太睇小餃子嘅份量餃子皮薄餡多冇諗過係咁大隻食到最後超級飽同埋餡料嘅調味啱啱好唔使另外再點豉油辣椒油了嗰日嘅湯底喺紅蘿蔔湯超級清甜嘅湯！飲完唔會覺得鹹無味精！仲有自家製菜甫簡直係畫龍點睛入邊有櫻花蝦好香口好好食加埋落米線食係絕配買咗罐返去食同埋忍唔住買埋生餃子返去食煎都好好食下次試埋煎餃！…查看更多