飲館

四個人衝入嚟，點知食吓傾吓，個個都唔想走 😂開頭叫咗個手打墨魚餅做餐前小食，好彈牙，好有驚喜！（掛住食，相都唔記得影 🙈）之後再加咗幾款：•泰式生蝦：夠新鮮，酸辣度啱啱好•燒蠔：大大隻，啖啖肉•黃油雞：一定要試！皮脆肉嫩，帶少少泰式香味，幾特別飲品方面又係另一個驚喜，手工啤酒選擇多到選擇困難症發作，我哋乾脆每人叫一款再互相偷飲 🤣氣氛輕鬆，店員又健談，我哋由七點坐足成晚，完全冇人趕。總結：鍾意邊食邊吹水＋有酒有笑聲嘅，可以 bookmark 呢間。…查看更多

我們總共九個人 星期六晚7:45入咗即刻落單到8:30終於上咗幾條串燒 之後一直追問其他嘢食餐廳服務員態度極差只係不停話今日廚房好多單 已經整緊啲嘢食出嚟 到9:30我終於頂唔住 好肚餓 我唔會再等了 跟住服務員攞咗張單出嚟話其中一樣嘢已經整緊，其他可以幫我哋取消，即係代表佢一樣嘢都未整好。。。 仲要我哋嗌嘅嘢係好普通嘅炒飯 大佬呀一個半鐘 唔通廚師去咗耕田咩？？？ 跟住埋單仲嬲 服務員話已經提醒咗你哋今日出賽會慢啲 第一佢冇咁樣講過 第二唔知大家對於慢啲嘅定義係乜嘢 可能一個半鐘上幾條串燒係正常嘅。。。隔籬samsen排晒長龍都應該唔使等一個半鐘掛？…查看更多

有朋自遠方來，介紹咗飲館，OpenRice book咗枱，唔洗煩，去到朋友👫已入座，坐高枱，難得冇乜人，坐4人枱傾計💬ok。今日「靚湯誇啦啦唔試正傻瓜🤪」（餐湯）係蕃茄湯，我唔皓酸所以揀胡薯同舟（沙律🥗）走醬，今次唔係平時熟練店員，而係後生女黑面店員，落單態度已麻麻，後來真係沙律🥗冇走醬，同佢講返又皓似唔想換，最後都換咗，但變咗係我唔皓意思麻煩到佢咁。三黃雞x2，但兩個差15分鐘先出菜，變咗朋友👫食先又皓似尷尬😅，今次真係出菜比較耐，我得一個鐘食飯，但有半個鐘等上菜。三黃雞脾🍗皮脆肉滑有雞味，不過雞胸嚡。泰奶茶🥤走冰，有茶味🍵，正。加一。可俾卡…查看更多

冷峰嚟有雨🌧️，皓彩飲館有門口位，高櫈，午餐🥣揀咗泰黃油🧈喇⋯阿雞🐔（$148），配靚湯誇啦啦唔試正傻瓜🤪，問咗老闆即係羅宋湯，不用加錢。餐飲泰奶奶👵🏻走冰，不用加錢。等咗5分鐘就有羅宋湯，熱辣辣暖胃，足料夠味正。之後上泰式奶茶🥤，都大杯，味醇正。主菜黃油🧈雞🐔，有一件雞胸一件雞髀🍗，皮脆，雞髀🍗肉滑，有雞油有雞味，外圍一圈泰式辣醬，有露筍同薯仔🥔配菜，但問題係坐門口有人食煙🚬抽咗煙味入嚟臭🤬…查看更多

藍屋附近原來都幾多嘢食～呢間裝修以老香港/麻雀為主題，但菜式係泰式fusion菜！🥰夜晚仲有酒飲🤤平日lunch set $148+10%主菜：泰黃油啦...阿雞🍗餐湯：番茄湯飲品：熱情果特飲半隻燒春雞、烤蔬菜，佐泰式酸辣汁雞肉好嫩，皮燒得好脆，冇曬油脂！泰式酸辣汁好開胃、好清新，同雞肉好夾烤薯仔好香，出奇地好食🥔同行朋友食嘅烤魚都非常出色！🐟一間非常值得二訪嘅餐廳！🤤…查看更多

今次lunch揀左嚟到藍屋呢邊搵食，中午時間呢邊都比較full house，同埋鋪頭唔算太大，位置唔多但亦都有幾個bar枱位，呢到嘅裝潢幾特別好懷舊feel，睇外表完全估唔到佢係食fusion泰菜，而且佢嘅menu嘅中文菜名都好有趣！！ 呢日就叫左泰黃油喇...阿雞<$148>價錢已經包埋湯同飲品，因為見佢寫住人氣no.1所以決定試試佢，先嚟前菜今日嘅湯係南瓜湯，都幾creamy好飲，主菜兩隻雞脾位再加薯菜，份量十足，雞脾皮脆內嫩，完全唔會鞋口，入面係勁juicy，再配埋佢嘅泰式辣汁，估唔到又出奇地夾，睇得出好有心機去做，而飲品方面揀左蜂蜜冰糖檸檬，佢有一小片嘅檸檬乾，檸檬味唔算太突出，感覺似普通嘅檸蜜。 睇佢牆上面嘅菜名，相信夜晚menu會更加吸引，下次會再嚟試👍…查看更多

灣仔午餐🥣速食，呢間成日都full，好彩☺️一早book定位，安排咗坐bar枱高身枱，主菜魚🐟賣哂，揀咗主菜蟹肉蟹子炒飯$148，雖然足料，但可能🤔心情麻麻，冇乜心機食，餐湯忌廉雞湯🥣，濃味，下次會試加錢花膠雞湯，餐飲泰式奶茶🥤，少冰多甜，好清爽，唔洗加錢，值推👍🏻…查看更多

黃雨 🌧️ 下灣仔lunch,book咗藍屋對面飲館食泰菜，我地係第一☝️枱客，坐靠牆高枱，侍應姐姐🧍‍♀️皓皓👍🏻，lunch menu三道菜，前菜主菜同飲品，加錢$48升呢例湯變花膠被小雞🐤溶化了，好濃既雞湯 🐔 ，皓暖胃。主菜叫咗意亂菌迷（$138），意粉🍝都ok，雜菌皓食，餐飲泰奶茶🥤，夠甜啱我…查看更多

原來想去轉另外一間出左名既泰菜食，點知喺等位途中，突然睇到呢間鋪，屯門都以為點解呢度會有一間當舖？ 行入去就發現原來係一間fusion泰菜，見個裝修幾好，同埋唔想喺轉角嗰間度等，所以就入去試一試👌🏼唔係講笑，呢間嘢真係值得更多人知道，原本只係叫咗冬陰功薯條、肉碎生菜包同黃油雞。唔係講笑，呢個薯條個醬真係好值得一試，真係可以令到你覺得點解薯條會同冬陰功結合到😬肉碎生菜包：佢唔係傳統嘅泰式肉碎生菜包，而係有少少修改嘅版本，幾嘢味幾特別👌🏼👌🏼呢個黃油雞真係有料，佢個皮煎到極脆，係用刀刮個都會聽到脆皮聲嘅嗰種，最特別嘅係連雞胸都會滴出黃油😬最後因為飲緊啤酒嘅關係，佢呢間舖有好多唔同款嘅啤酒，好多都係香港嘅手工啤，所以我哋叫多咗佢哋個魚餅嚟送酒。完全食得出佢個魚餅唔係出面攞貨拎返嚟，因為入面食得出香茅、蔥、檸檬皮、少少薑嘅味道（戴返頭盔先可能食錯），不過佢個魚餅的確係幾精彩。我哋happy hour入去，啤酒仲要買一送一，完全性價比非常之高，所以佢真係值得更多人知道👍🏼…查看更多

上星期五(27/10)，公司喺度搞咗個happy hour(下午三點至六點)，同啲支持多年嘅商業夥伴飲番杯。飲館嘅環境夠晒特色(啱晒我哋啲半唐番公司)，有本土懷舊風味但又有商業水準，飲品同食物都一流。店主又親力親為，招呼客人。最欣賞就係佢哋嘅原隻燒乳豬(搞派對，影相一流)，「姜太公釣魚餅」，「泰黃油喇阿雞」(送白酒一流)，同埋「和牛西冷不太冷」(送紅酒正到暈)。價錢一啲都唔貴，我哋三四十人，則爆咗個場，企到出門口，都係一萬蚊多啲埋單，認真超值！反正班老細鍾意飲嘢，下次一定會再返嚟搞多幾場。🍷🍺🐖🥩…查看更多

這是一家地點不容易找到的泰國餐館。食物水平很高。看得出用心烹調。乳豬真是無可挑剔。 薯條炸的剛剛好。魚餅味道很鮮味。雞翼很恨美味。 色香味俱全。值得推薦。但是空間不是太大。人多的時候會出現背部撞背部的情況。老闆也恨友善。…查看更多

👧🏽前幾日同同事一齊去左灣仔見客，食飯時間到到都好多人，最後見到一間泰國野唔洗排隊就揀左佢，不過室內都冇曬位，要坐出面。係有少少熱嘅，不過對面就係藍屋，個景都唔錯😆我同同事都叫左個午市套餐$138 包以下餐品✨ Soup of the day 個日既soup of the day係好重南瓜味既湯，飲落唔會太膩，又有啲creamy，幾好飲👍🏼✨Tom Yum Shrimp Pasta 香親父老 冬蔭功第一次食冬蔭功味既意粉，而唔係湯，啲意粉煮得岩岩好，唔會太淋 ，同埋好重冬蔭功味，有幾隻大蝦同啲菇片，幾值得一試！✨Lime Soda青梳梳 & Thai Tea泰奶奶嘢飲方面，因為我地坐係室外，我就叫左杯青檸梳打，解解渴，同事就叫左杯泰式奶茶，味道正常發揮🤣…查看更多

餐廳叫’飲館‘，顧明思義就知係飲野傾計既好地方，一場黎到點都叫杯酒chill下🤣夜晚8:30前買一送一，侍應好有耐性咁介紹唔同酒俾我地認識，我依d入門級既比較鍾意飲甜少少既，就試左侍應推薦由蜂蜜發酵釀造出黎既酒，易入口既蜂蜜酒係到要讚下服務🙌🏻我覺得成個交流過程好好，我地兩個新丁唔識野問多幾次侍應，佢都好有禮貌好好笑容👍🏻野食就決定試吓佢哋既人氣菜式，我就揀左No.1同No.5同埋揀咗串串燒試下首先要讚下佢既豬頸肉，好好味😍😍一大塊豬頸肉串埋一齊，茶上泰式辣醬好香口，我同朋友切開左share，但我地好後悔冇一人一串😂大啖大啖咬先爽，由於好食既關係，我地係有叫多一串🤣飲下酒食下好味既串燒傾下計，成件事好chill😎至於No.1 黃油雞…同我之前食既黃油雞比較下，我覺得相對冇咁出色，雞髀冇我預期之中滑嫩，同埋肉比較少肥膏多，今次兩個人食半隻雞我都覺得唔夠，性價比麻麻地呢而No.5 蝦兵蟹將，蟹肉量ok架，d蟹肉係肉眼可見，微辣同埋淡淡油香，但鑊氣可以再勁d，成個飯再乾爽d就更好食餐廳裝潢裝飾有特色同埋特別既菜式名，睇得出有心思，上菜既餐具都令我好有驚喜，為餐廳增添懷舊復古玩味，而我去既依一晚舖頭播既每一首歌係香港歌手既歌😎加分…查看更多

Happy Friday揀左喺灣仔藍屋附近嘅飲館✨呢度大玩香港懷舊🇭🇰x泰菜🇹🇭🍴仲有多款本地手工啤酒揀！Happy Hour所有酒精買一送一，啱晒同朋友邊飲野邊吹水🍻✦ 姜太公釣魚餅$65手打魚肉入面加左紅咖哩同豆角等材料。整體嚟講都幾彈牙，但個人就麻麻哋個浸香茅味，所以覺得一般🐟✦ 泰黃油喇…阿雞 (半隻) $188見好多人推介呢款招牌菜👀2隻大雞髀同薯仔法邊豆一齊焗，雞皮脆卜卜，肉質都夠嫩滑✨…查看更多

🔅飲館🔅灣仔🔅小酒館🔅係灣仔附近搵野食，見到有生啤同鬼馬menu，覺得個vibe好岩，於是興高采烈去幫襯！同老細Justin傾計知道佢嘅目標係做高質小店，雖然之前疫情真係捱得好辛苦，但依家都做到有聲有色～我覺得都好成功！食物好高質，個蜆好耐無食過咁新鮮，問落先知佢係每朝新鮮去灣仔街市買材料，梅嘅會丟，所以粒粒都脹卜卜！所有海鮮都係，唔用批發貨，所以佢話有啲菜式要特別預訂，就係因為佢要去街市新鮮攞貨～講下我果日食左咩～🔅 辣椒靚蜆跨啦啦好惹味嘅泰式辣醬，加上新鮮九層，所以偏甜唔太辣，好好食～啲蜆超級新鮮，粒粒脹卜卜juicy爆，完全無沙無腥味！我地用個泰式辣汁再點蕃薯條，唔俾店員收走😂🔅泰黃油喇… 阿雞超推介嘅主菜，因為塊雞皮真係超級香脆，又薄又香口，完全唔油膩！雞肉，真係好嫩口多汁 佢個醬汁亦都係超級好食，有香茅，雖然話有泰式辣汁，但係一啲都唔辣～🔅 冬蔭薯條好L過癮呢一個薯條都做得好出色，薯條唔會話太幼身，所以薯條掛汁得來又夠口感但係個冬陰沙律醬先係重點，我每一啖都會點好多醬😂🔅 甜薯你無陰功個名係有啲無厘頭，但係番薯條係厚切，無冰雪味，新鮮炸起，都好香脆！餐廳配茄汁，但係我就全部用蜆汁去配搭，好食10倍！🔅 飲館泰串燒蠔蠔好大隻，肥美鮮甜，鮮味為主，有少少香茅點綴，好好食！🍻🍻🍻🍻另外小酒館做緊買一送一啤酒優惠，佢除咗有本地手工啤，Lovecraft，carbonbrew，亦都有自己釀製/品牌嘅Pale Ale，清爽！佢另外亦都有閣樓釀造嘅高質 Gin & Tonic！個Gin有茉莉香片茶香，好好味！Justin特別推介，整杯都係本地製造，值得支持！好鍾意同老細傾偈，理解下佢經營理念，又可以識個朋友～大力支持！飲館 網址: https://s.openrice.com/QrbS0z1O5W0~uZ5MGAA地址: 灣仔景星街3號地下B號舖電話: 92439959=====================#灣仔美食 #灣仔好去處 #灣仔美食地圖 #酒吧 #灣仔酒吧 #酒吧推薦 #特色餐廳 #黃油雞 #冬蔭 #冬蔭辣醬 #蜆 #泰式辣蜆 #燒蠔 #閣樓釀造 #手工啤酒 #手工啤酒香港 #飲館 #灣仔必去 @yumkwun.hk @mezzaninemakers…查看更多