飯意主題餐廳 (已結業)

🇭🇰旺角🦀原隻軟殻蟹香草意面 88HKD其實我好中2意面既口感🙊所以我猶豫左下都係揀佢 (因為饅魚都好吸引😩 軟殻蟹炸得幾香 入面都好juicy size就的的骰骰咁 不過以呢個價來講其實抵既🙆🏻 但個香草意粉唔係我對我口味 我覺得陣味怪怪地 唔係我杯茶 但👦🏻話似carbonic 所以都幾好食 ？我十萬個問號 睇來我地口味越來越遠🤦🏻‍♀️🦐老虎蝦天使麵 78HKD呢個真係好surprise!主要係老虎蝦燒得好到水準！我要好認真同你講一下 佢既蝦肉本身新鮮 所以食落爽口彈牙 而佢既調味惹味 適當既鹽份岩岩好調起左隻蝦既鮮甜 仲帶點燒過既香氣 食左第一啖我就同👦🏻講 真係好好食阿🌝虎視眈眈佢既另一邊😂 唔係誇張 不過唔知佢後面可唔可以keep住呢個水準🧐另外天使面係上下煎過 好似(飯焦)既面焦🤪 比蝦驚豔左 面就還好啦 食落都好香既 但我地唔知點食好 撩到好核突🤦🏻‍♀️呢款其實有好多野 又沙拉 又薯角 又天使面 都算抵食 私心來所有野都唔要 換多兩隻蝦🤣🥔薯角 +6HKD一拎上來就好香 好熱辣辣 一定好食既 即叫即整 ⛄️ 外層香脆 內裡軟綿 沾上番茄醬 冇野要挑剔既😚🐓水牛雞翼 4HKD/1PC其實佢應該係咩味 我都唔係好清楚😂但撫心自問 佢就真係煎得外皮好香 個醬重口 顯得雞肉冇咩味 不過 勝在佢鎖實左肉汁 所以食起來都唔錯🌭煎米腸 3HKD/1PC裡面係包米既 眼就見到啦 但食落好似同普通腸差別唔大 🧐唯一唔同既 就係口感上食到一粒粒米既軟糯 但叫得米腸我會想個米味重返D🙈🍕薄餅 6HKD比我揀我會再揀既小食 🙈薄餅名符其實既薄 煎得香口又脆 配上一pat咖哩醬汁 又真係唔錯食🌝但要趁熱阿 凍左就會油膩左 同冇咁香脆🍄芝心大菇 16HKD不愧係我冒住飽死 冒住👦🏻既冷眼都堅持要點既小食 成個菇都好juicy 無論係佢本身定係上面既醬汁 最正係佢配既吞拿魚醬配上菇菇既口感🙈我地一致覺得好唔錯🍹青蘋果薄荷荔枝綠茶 +20HKD全餐最伏😂千祈唔好點！佢上既時候見佢咁靚既綠 仲以為會好好飲😏之後係👦🏻搶左一啖來飲 就安心飲自己果杯啦😂😂😂 佢既綠茶唔太澀 但唔暖唔熱咁 蘋果醬落得唔夠多 冇味 荔枝更加唔洗講 本身就唔出味🧐結果就變左綠茶加薄荷？但綠茶唔係香果款 成杯野都唔淡唔咸咁 有幾個荔枝黏上蘋果醬 食緊荔枝變食蘋果¿太搞笑啦 望住👦🏻飲哂佢🍹菠蘿特飲 +12HKD呢杯一來白雪雪咁 我仲惊冇味 點知撈一撈 個味出哂來 好fresh既菠蘿味 又唔會過甜 仲有菠蘿食 🌝 不愧係招牌 係真係好飲🤭可能經歷左上面果杯 呢杯拎左滿分😂😂…查看更多

說話今日去搵個朋友食Lunch啦，朋友喺附近工作，原來朋友未試過飯意，咁我就話不如帶佢去試吓啦，因為之前食過覺得抵食又OK嘅🤪咁我就叫咗個lunch set $43，不過啲飯真係好硬，好似未煮熟咁，豬扒味道一般，另外咖喱汁有啲少。。。水準大不如前另外咁岩撞正學生放飯時間，餐廳差唔多一半都係學生，咁啱坐我哋隔離嗰台嘅學生，全程喺度玩手機遊戲，仲要好大聲叫囂，搞到我同我朋友完全聽唔到大家講嘢，無乜點傾到計😪另外朋友仲表示佢order嘅卡邦尼意粉係好難食。。。好尷尬，冇諗過令到朋友食得咁唔開心，所以呢餐就決定自己請，不過應該就唔會再黎呢到食啦👎🏻…查看更多

晏就黎到旺角，一心諗住搵間餐廳坐低食飽再行街，點知就揀左間服務差又趕客既餐廳👎🏻首先入到去已經冇人招呼，自己搵個位坐低。餐廳既通風又差，格黎枱食既鐵板飯啲油煙焗到成間鋪頭都係，勁臭！到我叫野食，明明有好多店員，但舉左好耐手冇人應。應左你之後一句彈埋黎要咩，講！塊面黑到呢👱🏿‍♀️野食黎到份量又少，一碗飯都唔知有冇，加條司華力腸得個半條仲要燶既！野飲黎錯左，同佢講，之後又黎返杯一模一樣既，都唔知想點！其間聽到個店員同另一個店員講想快啲收工就做快啲啦！走既時候門又落左一半都唔知點走😤…查看更多

食飯時間一個人去食飯無需等位， 時間為晏晝一點鐘， 旺角嚟到空間尚算可以唔算太迫， 有時需要搭枱但係可能我覺得快食完都冇人坐埋你不過門口開始有人等位。 食咗佢哋嗰個炸蝦 辣肉醬飯， 味道都係成為好食不過辣肉醬 份量多少少會更加好， 炸蝦十分有驚喜估唔到係職責爽脆入面仲係熱。 返娘都係標準size大胃王嘅我唔係好夠食， 食飯時段員工都有啲忙但係都算係因勤有禮貌。 喺我 食完走嘅時候佢仲提我原來點咗個薯餅仲未到， 結果佢哋就幫我打包裹著名變咗外賣。 味道整體感覺良好57蚊 食飯加嘢飲， 當中包含炸薯餅。…查看更多

1.極度無敵熱愛雞蛋（每一道菜都係蛋）2.追求數量不求任何質量3.勁鍾意芝士4.不介意味精5.餐廳洗手間極度簡陋惡劣反正我同我朋友作為正常人真係冇以上癖好😀（我地兩個算係女仔入邊大食嘅，但真係未試過出去食野可以食剩咁多）…查看更多

午市時間 ，叫咗我午市套餐卡邦尼煙肉意粉，50蚊有找，算抵食我仲加咗個四蚊要特濃朱古力 不過一上菜即刻呆咗 卡邦尼煙肉意粉應該是白色，但唔知點解變咗做紅色 ....番茄汁 即係普通快餐 好失望下次都係食番熔岩蛋漿飯算…查看更多

餐牌上的確有吸引既野食，但係都有D伏野，特別係比較平果D-果個芝士薯餅豬扒飯唔係薯餅入面有芝士，而係林D鮮黃色既芝士汁上面，令到塊炸扒林哂，D芝士汁一D芝士味都無，成件事好核突，塊扒細到無倫，好似切剩一忽既豬肉另外叫左個茄膏意粉，味道正常但湯過多-杯珍珠奶茶D珍珠癡埋一舊，要用勺不起咬開。。。-侍應態度唔錯，但係一開始叫野食過左三個字先同我地講無哂漢堡扒…查看更多

今天下午考試。午飯時，想在考場附近吃飯。在旺角廣華街見有間叫「飯意主題餐廳」；再看門外餐牌的套餐也合胃口，入去惠顧。餐廳的內觀尚算可以，餐桌和座位狹窄。侍應態度友善和有禮。整個餐上枱時間八分鐘。我點了特級厚切豬扒煎餃子飯及熱奶茶。先品嚐厚切煎烤香脆的豬排。切開時，看到有豬筯和粉嫩的扒肉。食落扒肉非常鬆軟，肉味很香又濃郁。切了很多塊，真是啖啖肉，吃極也不完。用來點茄醬汁，帶出肉味更加醒胃咬開脆皮的煎餃子，再細膩饀料味道滲透著醃料醬汁的肉香，非常惹味，口感超爽。伴碟的沙津菜和粟米粒鮮嫩可口，配上千島沙拉醬，酸酸甜甜，更加開胃。珍珠米，飯粒圓潤，飯身脹卜卜，水份感重，口感幾好。熱奶茶飲落味道較苦，茶味濃郁，茶溫較熱。…查看更多

琴日去左廣華街呢間rice love食dinner,叫左個特大雞脾蛋包飯，其實呢間野我之食過好多次，但我多數叫蛋包漢堡扒飯（強烈推薦），但琴晚咁岩無咁我叫呢個等大雞腿蛋包飯，蛋皮依然咁滑，沙津菜新鮮，隻雞脾燒/焗得幾脆（但其實無點特大到，只係拉開左d肉既雞脾🤷🏻‍♂️），胡麻汁一樣咁肥🙃整體黎講食晚飯又唔貴係ok既…查看更多

出去旺角唔知食咩好 朋友就建議呢間記得之前都係深水埗食過 好多芝士既一間餐廳但今日同朋友都唔係好肚餓 就試下啲唔係芝士既野食啦！叫左個鰻魚蛋多士 個樣都好吸引 雖然食落冇睇落咁好食 個鰻魚係爽個種 不過呢個價錢都差不多了之後加多個小食拼盤呢個拼盤都幾多野食 兩個女仔黎講都夠食 個芝士菇好juicy 又夠芝士 唔錯👍薯條加千島醬都好味👍但雞翼就有啲乾同硬條腸都就辣辣地既不過我相信我下次再食 都會食返芝士野😂…查看更多

終於試到bookmark咗好耐既飯意☺️衝著佢個鰻魚飯而嚟 果然冇令人失望😘.條鰻魚超級大條😍超級入味又無骨！濃郁既照燒汁 加埋啱燒起既嫩身珍寶鰻魚仲有佢個蛋包飯既蛋 炒得超滑 超多汁😆每一啖送入口都係一種享受 真係幾好食一碟兩個女仔些牙食就啱啱好👍🏻留肚食甜品可能真係以飯為主題😂個意粉十分普通冇乜芝士味 d煙肉亦剪得唔夠香可勝之處係個蛋炒得好滑😋意粉偏硬身同埋午市下午茶包野飲 呢個價錢都算okay不過下次都係食返主角好啦🤪…查看更多

🎀熊妹放假就係要出動去揾食，最佳拍檔當然係熊大。📍明知今日又見熊妹食食食，熊大就遲啲食早餐，然後留肚放工同熊妹周圍食。📍明知熊大放工後會好肚餓，熊妹特登揀間熊大有得食飯熊妹又有得食小食的餐廳《飯意主題餐廳》。📍話明飯意主題，無論午餐，下午茶，廚師👨‍🍳推介都係主打各式各樣的飯類🍚，有鐵板飯，蛋漿飯，蛋包飯，咖哩飯，焗飯，豬牛雞排飯等等，真係岩哂成日都要裝飯的熊大。特級厚切豬排拼餃子飯，$49📍熊大見廚師推介厚切豬排話足有一吋厚，就試下厚切豬排系列喇，餃子🥟就叫俾唔好正餐只鐘情小食🥡的熊妹食的。厚切豬排🥩無想中咁大塊，但真係好厚實，煎得香香的♨️，不過似係油乾煎，無咩汁，肉質有少少乾，但都可接受的。🈴餃子🥟有兩隻，炸的，肉饀唔多，似街外買的貨。飯量一大碗，熊大都夠食。:)仲有啲沙律拌菜🥗，撈上日式芝麻醬，有啲菜健康啲。跟餐飲熊大點左熊妹喜愛的凍檸茶少甜少冰🍹，正常味道。原條鰻魚瀑布厚多士，$68📍熊妹一心就係黎試呢個秋夏推介，點知店員📍話無哂厚多士，要轉蒜蓉包，熊妹頓時呆了一下，心情好似坐過山車🎢咁七上八落添，唯有都試下配蒜蓉多士喇。嘩，真心驚喜，好大一條鰻魚，係真材實料的鰻魚🐟，好實在的鰻魚肉，肉質好爽口既，唔係煮到淋哂散哂既，仲有滑滑的炒蛋🥚鋪面，原來炒蛋同鰻魚係幾夾的，熊妹真係好少食呢個配撘，所以更加覺得滋味，到熊妹以為會好失望的蒜蓉包，原來係好好味架，蒜蓉醬搽得滿滿的，一啲都唔吝嗇，多士軟軟的，好岩熊妹口味，熊妹其實唔鐘意食脆身多士，覺得麵包會變得有點硬，塞翁失馬，焉知非福，呢件蒜蓉包🥖配撘分分鐘係好過原本的白多士🍞。📍店鋪雖然小小，但安置左二人位，卡位，梳化連坐位，都容納到20-30人，係食”飯”🍚的好地方。…查看更多

平時成日都會黎油麻地呢邊搵朋友食飯，今次就留意到呢間飯意主題餐廳，我覺得餐廳個名好特別，所以就黎試下。我平日下午六點幾黎到，唔洗等位，直接有位坐，餐廳幾光亮，坐得幾舒服，而且員工主動同熱情，未食飯都已經感覺幾好。我見到餐廳大推鰻魚飯，而我就好鍾意食芝士既，所以就叫左個芝士鰻魚蛋飯。個飯用鐵板上，店員會幫我炒飯同落芝士，十足十韓國芝士溶岩飯。個飯味道唔錯，有好多鰻魚，好多芝士，十分足料。再睇埋我個朋友點既原條鰻魚飯，真係好大條鰻魚！平時有好多餐廳都會星鰻當鰻魚，但呢間餐廳就真材實料，鰻魚非常鮮味，鰻魚汁有好好味，價錢相宜，CP值好高！…查看更多

飯意之前食過原條鰻魚飯係性價比超高，超抵食！次次去都係食呢款🙈今次岀咗個新系列，食物睇落都幾吸引。一睇就睇到條鰻魚，不過今次個底唔係飯，而係多士。原條鰻魚瀑布厚多士 ($68) 賣相同樣咁靚，條鰻魚好足料，蛋都幾滑又唔乾。多士烘到脆卜卜，同啲痴住燒汁既滑蛋一齊食冇得輸。蒜香扒大虎蝦配脆皮天使麵 ($78) 聽個名好似好吸引，隻蝦唔算好大隻，但尚算新鮮彈牙。但但天使麵就有啲令人失望😞 原來脆皮天使麵係將啲麵做到一個杯咁既形狀，得外面果層脆，一切開入面好冧，啲白汁啲麵都好乾，個麵好冇味道同口感。香草雞翼 ($38/ 8隻) 雞翼食落好重香草味，雖然細細隻，但都算入味。水果茶 (跟餐+$20) 成個茶包係入味，唔會驚冇茶味🙈 水果都幾多。…查看更多

見到好多人讚好⋯呢晚去開旺角就試下飯意啦:)位置⋯係搵左一陣嘅😅入到去好彩都仲有位,因為坐低後都好快滿坐了～上菜都快👍🏻。見menu都有唔少有芝士嘅選擇,啱晒一場黎到當然要試下招牌咖哩,🐂牛肉都唔少...薄薄地唔韌,唔錯⋯咖哩味濃仲幾辣下🌶🌶反而芝士🧀未係想像中嗰種香😅。個人覺得配飯🍚係唔錯⋯咖哩好送飯嘛🍛又可以減輕辣味:)如果飯嘅份量多d就好,食咖哩係會比平時食多左飯架🙊。呢度仲可以加自選配料,加$10內就有唔同小食。眼見都有唔少人加左$6薯角🍟睇落大大兜...幾抵食呀‼️有點後悔冇加添另外仲試左芝士饅魚蟹籽蛋漿飯。鐵板上枱前,會先有兩碗分別係蛋漿🥚同芝士🧀比你,跟住店員會問需唔需要幫忙撈暈佢～眼見芝士份量係好多好多所以一撈暈晒,好容易就做到拉芝動作熱辣辣，又香噴噴♨️。唔好睇佢飯量唔多,撈埋芝士,,蛋漿紫菜,饅魚.....食到尾開始有少少‘漏’嘅感覺。但係感覺好滿足‼️ …查看更多