食神

炒腸粉鑊氣十足拎到手嘅時候仲喺度冒住熱氣😋腸粉 QQ 彈彈有嚼勁仲幾入味😆食起身有啲似炒河粉😂.比起腸粉更鍾意佢哋嘅燒賣標配嘅街頭小食最緊要係辣汁🌶️完全注入咗靈魂😎.但係服務態度真係一般😐後尾先知道炒腸粉可以揀辣度根本冇問過我哋😭之後想打包啲嘢帶走因為店入面淨係可以企住堂食店員超級不耐煩咁掟咗個打包袋畀我哋 (๐・̆・̭・̆๐)…查看更多

尋日專登去 SOGO 對面間鋪頭試試最鍾意佢個炒腸粉，加咗辣之後勁夠味！鑊氣夠晒香，腸粉滑捋捋，辣度唔會喧賓奪主，反而將醬汁嘅鮮甜帶出嚟，一啖落去成個人口腔都醒晒！炸雲吞都好出色，粒頭夠大，入面餡料足料彈牙，外皮炸到金黃酥脆，咬落「卡嚓」聲，熱辣辣食真係停唔到口。鍾意食內臟嘅朋友一定要試炸大腸，處理得好乾淨冇腥味，炸完外脆內軟，油脂香好濃郁！…查看更多

完全係中晒伏，比網上嘅宣傳呃左。喺香港食炒腸粉嘅舖頭越來越少，滿心期待過嚟食炒腸粉，見到價錢偏貴（$45）諗住應該有返咁上下，點知質數成反比！成盒腸粉好似垃圾堆炒出嚟咁，好鬼難食！絕對唔會有下次。至於衛生方面，望吓舖頭裏面就知道，啲垃圾袋放到周圍都係好鬼澩嫪，再睇炸嘢同煎嘢嘅地方，真係好懷疑到底有冇每日收舖進行清潔。再睇吓兩位店員，佢哋收銀同整嘢食都係用同一隻手，又唔帶手套又唔抹手，真係好污糟呀救命！…查看更多

炒燒賣比較少見見依間食神有，抽起條筋就去試下Keep住有條隊喺度排由隊尾排到落得Order都要3-4個字排到去發現原來係網上推介😂欣賞嘅係有個鐵板喺度，師傅真係即叫即整係好有鑊氣同炒得幾香嘅。叫左個【食神爆炒燒賣】（$48）見到係落完order，就掉左啲燒賣落去炸炸完師傅再拎出黎炒一炒。望落去係幾ok，好似大排檔啲鑊氣小菜咁多配料嘅洋葱蒜粒蔥重有炸豆腐。不過食落真係差啲😵‍💫燒賣佢切左一半食落唔係粉不過又唔彈口麻麻地同埋太重口味太咸，食到尾有幾下覺得咸到苦結果食唔曬要掉而且都好多油少少浸住咁😵‍💫唔會再食…查看更多

來到銅鑼灣呢個美食天堂，梗係要去搵啲好嘢食啦！一出銅鑼灣 F 出口，轉頭見到 chanel，跟住喺左邊嗰條街右轉，行大概 50m，就可以見到呢間​店內嘅裝修雖然唔算豪華，但充滿住一種親切嘅市井味道再講返個食物，真係正到痹！首先要講下佢哋嗰個炒腸粉，一上台，陣陣香辣味已經撲鼻而來，真係香到人流口水。夾起一啖放入口，腸粉滑溜溜，而且吸收晒辣椒嘅香辣味道，，嗰種香辣刺激住味蕾。不過要提醒唔食得辣嘅朋友，呢個炒腸粉真係好辣，千祈唔好輕易挑戰呀，唔係隨時會被辣到「喊出嚟」！​除咗炒腸粉，沙嗲雞肉都係必試嘅招牌菜之一。雞肉嘅質感嫩滑多汁，沙嗲嘅微辣同鮮香完美融合，真係好食到停唔到口！！…查看更多

從未食過咁難食的街邊小吃！又是一間被社交媒體網站吹捧的打卡店，大家有理冇理睇完社交媒體網站就去打卡，食物不是一般般，以是難食！叫咗煎釀三寶，魚肉全是粉漿！完全食唔落口！試咗街邊燒賣，完全冇魚肉味、又是粉漿！豉油又唔好食！跟住試咗街邊腸粉、其實街邊腸粉好難唔好食，都係靠醬料，但甜醬、花生醬、豉油咁基本嘅醬料都一啲唔好味，超失望！腸粉唔滑！整體試咗三樣嘢，三樣嘢都好似食緊粉漿！以咁嘅價錢、咁嘅質素真係唔會再幫襯！…查看更多

爆炒腸粉。用料搭配得宜，每一口都有豐富嘅口感，幾有鑊氣。特調嘅醬汁鹹香微甜，惹味十足，还特别入味。食得辣同鐘意口味重的朋友嘅可以試試！深海魚蛋。口感 Q 彈爽脆，味道就無咁特別。…查看更多

呢間小食店 最近榮登香港銅鑼灣小食必食推介之選，仲有好多香港旅遊攻略都有介紹到，平時見都好多人排隊，今日見人小小，即刻黎整返幾味! 生菜魚肉❤魚肉口感唔死實，入口彈牙，粉感低，好好味!!!韭菜豬紅❤有酒香味，湯底勁足料，有蝦米 薑 辣椒 豬紅好入味，嫩滑 必點!沙嗲雞肉串❤外層香脆 入面juicy 重點係沙嗲汁好香花生唔死甜魚蛋❤簡單既魚蛋唔係一般食到粉團既口感同味道，真係好煙UN彈牙彈牙八爪魚❤必點之一!!! 細細件，一口一件，加埋佢地既醬汁，如果份量可以再多D就滿足!!!…查看更多

在繁忙的銅鑼灣街頭，「食神」這家小食店，以其獨特的風味，吸引了包括我在內的眾多食客！其中彈牙的八爪魚片，是我其中一道最愛！新鮮的八爪魚經過精心處理，保留彈牙口感。搭配特製的蒜香醬汁，每一口都充滿了海洋的鮮味！接下來的食神爆炒燒賣，增添了一抹驚喜！燒賣本身已經是一道經典的點心，然而這裡的做法卻別具一格。將燒賣快速翻炒，配上豆卜和青椒等，每一口都充滿香脆的口感和濃郁醬汁的口味，絕對值得一試！而芝麻醬蒸腸粉，腸粉的外皮薄而滑，每一口都帶來柔滑的口感。當芝麻醬淋上去後，濃郁的香氣瞬間撲鼻而來，讓人忍不住多吃幾口。吃過特色小吃，還可以8.8折扣價購買達人屋的榴槤雪糕及美食，絕對可以吃過飽😆😆😆食神 (銅鑼灣)地址：銅鑼灣渣甸街36號地下1號舖…查看更多

食神 地址: 銅鑼灣渣甸街36號地下1號舖電話: 9===================== 練完跑後都會食野補充一下，貪方便都會食下銅鑼灣街頭小食，一來快啦同我9:30pm 好多餐廳都關門last order 左啦由跑馬地行出銅鑼灣坐mtr ，去左呢間買野食煎釀三寶🤩釀凌魚肉很彈牙又厚。炒魷魚 勁勁勁辣，好彈牙，好彩買了杯雪糕，很冰火架感覺。豬皮魚旦蘿蔔，蘿蔔好腍又煮到入味，魚多大大粒彈牙可口，個汁幾香架。炸雞翼幾香脆，細細隻過口癮岩曬。優惠做緊減$5 ，幫襯達人屋及食神，再follow 另一間就用得#香港旅遊攻略…查看更多

朋友住銅鑼灣，琴日我哋一齊買咗啲食物去佢屋企玩。經過渣甸街，見到一間好多人幫襯嘅小食店，我地決定都買幾份試下鑊氣炒腸粉 $45真係炒得有鑊氣，熱辣辣又唔會好油膩。配料有蔥、洋蔥、青椒、紅椒同肉碎，味道十分惹味，腸粉夠幼，咬落去彈牙。沙爹烤雞豬串 $35無論雞肉定豬肉都肉質嫩滑，而且肉好大嚿，份量足！韭菜滑豬紅 $45豬紅份量非常多，口感滑順，非常入味霸氣炒豆卜$48炒豆卜賣相誘人，味道香濃，豆卜吸收咗所有調味，味道酸酸甜甜，口感外脆內軟。…查看更多

同朋友經過買了很多外賣味道正常味道但係幾大份個人比較鍾意炒豆卜有少少辣 好香 味道足夠如果鍾意微辣小食應該會幾鍾意個人唔係太鍾意satay肉好多但係有啲柴唔似平時啲雞串…查看更多

$48 魷魚鬚本身滿心歡喜，見佢係雪櫃拎魷魚出嚟即炸等左五分鐘，炸好有膠盒，膠袋，筷子點知！一打開袋望望合實咗蓋？What？🤯🤯🤯有冇常識呀大佬！我唔係做飲食業都知即炸食品，放盒要開窿啦！已經即刻開通氣唉😔已經淋哂🤬🤬大拿拿50蚊，無一條係脆！其實呢，你無sense又炸得冇味得雪藏味，就唔好衝出嚟呃錢啦大家搵錢都係血汗錢…查看更多