影片
以上资料只供参考，请与餐厅确认详情
炒烧卖比较少见见依间食神有，抽起条筋就去试下Keep住有条队喺度排由队尾排到落得Order都要3-4个字排到去发现原来系网上推介😂欣赏嘅系有个铁板喺度，师傅真系即叫即整系好有镬气同炒得几香嘅。叫左个【食神爆炒烧卖】（$48）见到系落完order，就掉左啲烧卖落去炸炸完师傅再拎出黎炒一炒。望落去系几ok，好似大排档啲镬气小菜咁多配料嘅洋葱蒜粒葱重有炸豆腐。不过食落真系差啲😵💫烧卖佢切左一半食落唔系粉不过又唔弹口麻麻地同埋太重口味太咸，食到尾有几下觉得咸到苦结果食唔晒要掉而且都好多油少少浸住咁😵💫唔会再食
继续阅读
来到铜锣湾呢个美食天堂，梗系要去揾啲好嘢食啦！一出铜锣湾 F 出口，转头见到 chanel，跟住喺左边𠮶条街右转，行大概 50m，就可以见到呢间店内嘅装修虽然唔算豪华，但充满住一种亲切嘅市井味道再讲返个食物，真系正到痹！首先要讲下佢哋𠮶个炒肠粉，一上台，阵阵香辣味已经扑鼻而来，真系香到人流口水。夹起一啖放入口，肠粉滑溜溜，而且吸收晒辣椒嘅香辣味道，，𠮶种香辣刺激住味蕾。不过要提醒唔食得辣嘅朋友，呢个炒肠粉真系好辣，千祈唔好轻易挑战呀，唔系随时会被辣到「喊出嚟」！除咗炒肠粉，沙嗲鸡肉都系必试嘅招牌菜之一。鸡肉嘅质感嫩滑多汁，沙嗲嘅微辣同鲜香完美融合，真系好食到停唔到口！！
继续阅读
从未食过咁难食的街边小吃！又是一间被社交媒体网站吹捧的打卡店，大家有理冇理睇完社交媒体网站就去打卡，食物不是一般般，以是难食！叫咗煎酿三宝，鱼肉全是粉浆！完全食唔落口！试咗街边烧卖，完全冇鱼肉味、又是粉浆！豉油又唔好食！跟住试咗街边肠粉、其实街边肠粉好难唔好食，都系靠酱料，但甜酱、花生酱、豉油咁基本嘅酱料都一啲唔好味，超失望！肠粉唔滑！整体试咗三样嘢，三样嘢都好似食紧粉浆！以咁嘅价钱、咁嘅质素真系唔会再帮衬！
继续阅读
爆炒肠粉。用料搭配得宜，每一口都有丰富嘅口感，几有镬气。特调嘅酱汁咸香微甜，惹味十足，还特别入味。食得辣同钟意口味重的朋友嘅可以试试！深海鱼蛋。口感 Q 弹爽脆，味道就无咁特别。
继续阅读
呢间小食店 最近荣登香港铜锣湾小食必食推介之选，仲有好多香港旅游攻略都有介绍到，平时见都好多人排队，今日见人小小，即刻黎整返几味! 生菜鱼肉❤鱼肉口感唔死实，入口弹牙，粉感低，好好味!!!韭菜猪红❤有酒香味，汤底劲足料，有虾米 姜 辣椒 猪红好入味，嫩滑 必点!沙嗲鸡肉串❤外层香脆 入面juicy 重点系沙嗲汁好香花生唔死甜鱼蛋❤简单既鱼蛋唔系一般食到粉团既口感同味道，真系好烟UN弹牙弹牙八爪鱼❤必点之一!!! 细细件，一口一件，加埋佢地既酱汁，如果份量可以再多D就满足!!!
继续阅读