食神廚房 (已結業)

一早訂左個6人盆菜1088, 再送2 底糕（年糕&蘿蔔糕）。成個盆菜，大部份都係芋頭同豬皮，雞得幾舊，啲鵝係有叔味。 上網講到好好味，都係伏字。成個盆菜，根本唔值呢個價！啲料勁平，嗰日成家人食都食得唔滿足。 同埋覆wtsapp 個個人，落訂時覆你勁多野，一問起個盆菜去到邊。。就單字回覆。。遲到左45分鐘，吾催又吾講聲。。送個底蘿蔔糕，諗住下一日食，點知啲蘿蔔喺酸的，依家食店完全冇誠意，新年送啲壞嘅野比人。。。所以唔會再喺呢一間訂盆菜 …查看更多

諗住朝早去食翻個早餐例牌去咗呢間食神廚房叫左個腸粉燒賣Suppose 最原始既醬都佢甜醬花生醬㗎啦佢同我落埋辣醬，本身諗住佢落多，以免話錯人，我好仔細咁再試左，一啲甜醬都無。我問甜醬係米變左辣個女人先同我講甜醬本身係辣既，跟住又話佢加左辣醬，仲同我講本身都係有埋辣，咁即係本身有定係你加左呀？去到我話上次食都唔係佢仲問我上次食係幾時阿姐你唔係諗住話轉左配方啊嘛，落錯米落錯唔認衰係咩事我有啲提議一係就炒左啲唔用腦既人一係就改名叫死神廚房啦Kill my day好失望 …查看更多

前日(5-10-2022 Sat)晏晝,同老公返到荃灣要買餸,唔買返屋企煮喇,我哋行經呢間睇,見佢有去骨海南雞賣,就諗諗.之後要咗$88.00半隻冇骨海南雞,店員問我要唔要配$15.00嘅油飯,咁配埋啦.由於斬雞嘅師傅行開咗,就要等佢返嚟斬,等咗幾7分鐘就攪掂.返到屋企忍唔住要試,雞嘅肉質係嫩滑juicy,但味道係太重雞油味,唔通呢隻係黃油雞?完全冇海南雞嘅感覺.而嗰兩隻醬汁,黑色嗰隻味道怪怪,最食得出嘅係醋味;另一隻係酸辣,但辣味重啲不過又唔係好辣嗰隻.兩隻醬汁都唔掂.味道:1.5分 抵食:1分油飯濕潤到爛,但好夠油香,呢個遁就似模似樣.味道:4.3分 抵食:2.5分上次食評係2022年2月6日刊登嘅呢篇: https://www.openrice.com/zh/hongkong/review/%E4%BB%BD%E9%87%8F%E5%B9%B3%E5%9D%87-e4319396…查看更多

成間鋪無咩客價錢偏貴 食物質素勁差 服務態度惡劣 平心靜氣同阿姐溝通 啲阿姐又唔想理你 最後叫左老闆過嚟傾88蚊一個湯 用膠兜裝 微波爐叮左幾次先比客食 👍👍完全無味 好似水咁 咸味都無👍老闆話無問題喎 仲有回頭客👍👍👍咁希望你間鋪長做長有🙏…查看更多

1-2-2022(Tue)大年初一晏晝,老公慶起想食南乳粗齋,於是落荃灣買,最後因為已經閂咗門,所以冇.咁佢就喺喥用$158.00買個羊腩煲,到晚返時間滾返熱嚟食,攪掂食得.見到有支竹,冬菇,馬蹄,先食羊腩,都啖啖肉,亦好夠腍,冇羶味,個汁唔會太鹹,其他食材口感都正常, 羊腩份量啱啱好,唔多唔少嘅二份.不過腐乳好鹹,自己撈啲羊腩汁中和吓好啲.分數係:味道: 5     環境: 3   服務: 3    衛生: 3   抵食: 3     smile…查看更多

啱啱行開嗰頭諗住買個飯食，估唔到40幾蚊一個飯都有驚喜😆😆，啲燒肉好趣啲飯又唔會太軟，其他肉都係着水準之上，喺呢個價叫幾抵食😁下次會再試！好食👍🏻👍🏻…查看更多

趁農曆新年前搞搞個頭，好彩今日整頭髮冇乜人，好快剪完染完可以食埋飯先返去。但要係6pm前堂食真係好趕!! 剪完髮經過呢間食神廚房, 本身見佢有燒味下午茶，$30一個餐好抵食，不過好肚餓所以叫左個正餐😬叫咗個燒鴨拼燒腩肉飯，有薑蓉跟上碟🥰 有冇人同我一樣淨係薑蓉都已經可以食到一碟飯 ?! 平時最怕𡁻到啲吞唔到嘅肉，佢呢個燒肉唔會乾爭爭，幾好食😋 個燒鴨我沾酸梅醬，有醬我就覺得好食。(叫我汁醬怪 !)店面唔算闊落得果幾張枱，但未至於超迫而且感覺都幾乾淨! 店員都好有禮貌好 nice。用餐過程都幾愉快整體感覺都幾好，下次再出開荃灣會再幫襯👍🏼…查看更多

琴日去荃灣千色店附近買嘢，途經荃豐見到門口有間新餐廳，原來之前間大家姐已經冇做。佢堂食位好少又唔多客，但門口啲燒臘望落都唔錯於是我入去試吓。因為唔想諗食乜所以叫咗個四寶飯，叉燒幾好食。冇特別要肥叉但都好淋，鴨味都夠重。佢仲有點心供應，不過個侍應話夜晚係即叫即蒸要等耐少少，我叫咗個咖喱金錢肚，都幾好食。之後我試過嗌點心外賣，因為唔想一家大細要安心出行先飲到茶，所以試下佢啲點心。雖然係荃灣call車送去土瓜灣，但開餐嗰陣啲嘢食都仲熱，春卷都仲脆！蝦餃超好食，皮算薄。屋企人都大讚！總括嚟講呢間餐廳食得過。不過佢冇大枱，一兩個人去食就OK，人多就冇乜可能。…查看更多

其實經過呢間鋪幾次，今次終於入去坐低試吓。佢間好似快餐形式，要先落單再搵位坐。 位唔多但冇乜人所以冇問題。叫咗一個招牌四寶飯加凍檸茶$51，唔算平不過同普通茶記差唔多。個飯份量幾足，燒肉個皮好脆! 我最怕食嗰啲油淋淋軟咗嘅燒肉皮! 而且舊燒肉都唔算肥。 豉油雞同鴨都幾好食。我特別鍾意佢配果啲榨菜，甜甜哋好送飯! 凍檸茶正正常常冇特別。另外見到除咗燒味之外，都有好多其他選擇例如兩餸飯同埋點心，點心都算幾多選擇，但係可惜今次得一個人黎驚食唔晒，惟有下次再試。總結咁嘅質素係值得支持，可以再黎。…查看更多

其實已經食過食神廚房幾次，佢間鋪乜都有得食，有點心又有小食又有燒味。不過今次特登出個 post， 因為師傅upgrade咗我個切雞飯做切髀飯! 上枱果刻真係嘩一聲! 真正嘅雞髀打人牙骹軟 😆隻切雞色水好靚，食落肉都夠滑。呢間舖啲燒味質素好穩定，永遠唔會失望。希望之後再遇到師傅心情好，免費升級雞髀俾我 🤣位置方便，係正商場入口，食飯其間都見好多人外賣。食飯期間聽到人訂羊腩煲，想訂黎試下，但屋企遠。。。。。懶得拎。。。…查看更多

平時經過都見冇咩人幫襯，好掛住以前大家姐。今日中午唔知食咩好，第一次幫襯，買左個叉油雞飯。返到屋企，一打開見到啲叉燒已經唔開胃，肥到好嚇人。呢間野試一次就夠，冇下次。…查看更多

頭先收工去買$12蚊5粒燒賣同埋$12蚊3件三寶。個阿姐快快手叫人收錢，之後就行開一邊夾完袋好比我。我心諗平時買1,2串燒賣都唔會比少咗咁衰格，所以就無打開睇就拎走。點知返到屋企一打開，入面竟然得3粒燒賣同埋3件三寶😡😡 勁過分囉咁樣呃人法！一定無下次！🤬🤬我唔知佢係無曬燒賣定點。但就算無曬都應該同個客講聲而唔係當無事發生掛？ 😅😅 ps. 啲嘢食都麻麻地，勁粉🤨…查看更多

有一日行過見到大家姐已經改頭換面, 做咗燒味舖。佢櫥窗掛出嚟嗰啲燒味賣相都唔錯, 於是叫咗個四寶飯外賣。估唔到佢係用大外賣盒, 好大份, 女仔兩個人都夠食。嗰日仲有一包紙包飲品送, 埋單唔使$50 , 都幾抵！個叉燒好好食, 但最估唔到係個燒肉。平時我麻麻哋燒肉但呢一間個皮做得好脆, 而且唔太肥, 都幾有驚喜。個店員話隔離啲小菜, 煎釀三寶小食同埋點心都係佢哋舖頭，見到有啲食客食緊, 賣相不錯, 下次再encore 呢間舖。…查看更多