食得開心煲仔飯

好熱，喺深水埗街頭行到一身汗，諗住搵個地方hea下，見呢度間樓上舖又轉左手，不如上去試下佢啦。店名叫食得開心，仲話總點喺元朗，作為一個元朗人居然唔認識呢間餐廳🤔店內裝修簡潔，冷氣十足。剛剛上到嚟嘅時候，全部卡位坐滿，旁邊嘅枱都有幾枱客，都唔少人喺度食緊嘢喎。係咪我哋比較晏上嚟呢，睇緊餐牌揀嘢食嘅時候，嗰幾枱卡位陸陸續續咁離座，不過店員未執枱，又費事搬過去。餐牌主要都係炒小菜同煲仔飯，午市套餐同下午茶套餐基本上一樣，只係價錢上嘅分別，最後我哋揀咗兩份下午茶餐，49蚊起真係平到笑。⭐蠔仔肉碎粥自己點左蠔仔粥，一大鍋上都幾足料，入邊蠔仔唔少，仲有好多芹菜同芫荽，同埋飯係超多嘅，呢鍋蠔仔粥食完真係飽到上心口😝⭐蘿蔔牛腩飯朋友點嘅牛腩飯賣相都唔錯，一碟入面一半係牛腩一半係蘿蔔，上枱嘅時候已經分得好清楚，乜啲蘿蔔同牛腩唔係一齊炆嘅，咩點解可以分開擺咁得意😆炆得軟腍入味都幾好食，仲有一大碗白飯，作為下午茶嘅份量真係唔少，食完都唔使食晚飯呀。⭐熱檸茶 & ⭐熱檸水正正常常嘅熱飲，有三片檸檬無苦澀味，收貨啦。而加啲餐廳真係唔興出單，又係去到收銀嘅時候畀個mon你望一望，就用電子支付，店員都唔係好樂意收現金添呀😅…查看更多

星期六晚沒有工人姐姐，一家三口行完西九龍中心後見涼涼地突然想食臘腸煲仔飯。 過對面馬路的7仔買完飲品後見到間新的煲仔飯。又見門口光光猛猛，餐牌又四四正正就入去試吓。坐下就問係咪有煲仔飯食？ 靚靚妹妹（事後才知是老闆千金）神氣地說：「有！」 咁我就叫我仔簡個有臘腸的，我們就點了臘腸肉餅煲仔飯。然後蒜蓉粉絲蒸絲瓜，椒鹽排骨，乾炒牛河和蠔仔蛋。一向對煲仔飯有要求和我那8歲的仔都知煲仔飯點先好食，我哋就挑戰一下要求要有飯焦但絶不能燶底。靚靚妹妹話：「易啦！」 食呢個煲仔飯時，真係有飯焦又唔燶！ 臘腸係好似榮華瘦肉臘腸（當然我不知道是否真榮華）。食後好味非常！ Osu! 乾炒牛河乃係廚房克星，估唔到條條河粉有豉油包裹，唔燶，有鑊氣。 芽菜新鮮整碟乾炒牛河唔肥膩。難得！ 講到蒜蓉蒸絲瓜，蒜蓉真係以新鮮蒜蓉剁製。新鮮的跟罐頭或者樽裝比較真係有分別㗎。最後未夠飽加多個牛腩煲。呢個煲本身食落去覺得八角唔夠。點知有位前輩行來問點樣？ 我答八角唔夠。他說你食唔出有肉味咩？我心諗係喎！牛腩真係好鮮甜喎！ 他就解釋用新鮮沙腩，所以為求有肉味就減少用八角來帶出牛腩嘅鮮味！結果呢一餐又係長進智識嘅一餐啦…查看更多