食得開心煲仔飯

同朋友元朗搵食 見秋風起又咁啱見到呢間煲仔飯小店決定一試 店鋪不大 只有大概6台位，入到去都只有一台客人。見到Menu有好多選擇，連龍蝦瀨尿蝦煲仔飯都有，但最後都揀返傳統d嘅肉餅煲仔飯同臘腸排骨煲仔飯。 到上菜時，見到煲仔飯外再有一個煲喺出面，等你唔會唔小心掂到個煲熱親，呢個位幾細心。 食物質素方面，因為肉餅叫咗蝦醬味，所以真係偏鹹咗⋯而且冇乜煲仔飯嘅飯香，但食物整體質素不錯。服務方面，呀姐幾親切有善，但可能有外賣平台訂單，就算堂食唔多人，都有少少忘腳亂，落單寫咗食蔥冇走到，聽到另外一台都有漏單情況，而當日製冰機壞咗，所以只可以選擇紙包飲品或者熱飲。…查看更多

炎炎夏日，諗唔到食咩，就去返上次覺得幾好食嘅煲仔飯小店，入到去感覺到強勁嘅冷氣先感到開懷再次光顧，今次叫咗冬菇馬蹄蝦醬肉餅煲仔飯加臘腸 ，茄子煲仔飯同埋煎餃子店員是親切的姨姨們，非常之有禮貌，可能因為天氣太熱嘅關係，顧客並不是太多，不過如果坐得舒服同有大冷氣嘅話，夏天食都好OK等多一陣就上咗個煎餃子先，餃子餡料豐富，韭菜餃也很香，睇住佢新鮮煎出嚟，下次可以試埋佢其他唔同種類嘅餃子，估唔到原來除咗煲仔飯OK之外餃子都OK等咗一陣就上咗個煲仔飯，個肉餅煲仔飯真係好好食，肉餅好大塊，好入味，多料，唔會太鹹，加埋臘腸蒜蓉好食，就算夏天，因為個冷氣都幾大風，所以都冇食到成身汗，最重要係店員會問一問你鍾唔鍾意食飯焦而調校個飯嘅飯焦程度另外魚香茄子都唔錯，不過相對上個人認為肉餅比較好食^_^總括嚟講，依間小店係有心機做嘅，店員都非常之有禮貌，嘢食質素都好好，雖然佢唔係傳統瓦煲煲仔飯，但我覺得有飯焦就得，下次再去食吓其他味道…查看更多

Book marked 好耐，等天氣夠凍先去試！星期五放工， 7點幾去到，啱啱有一台食完，唔駛等位。餐廳唔大，得幾張枱。 樓面得1個staff。叫左「鮮牛+窩蛋飯」 ， 「魷魚肉餅+窩蛋飯」落單起，約10-15 分鐘就有得食。 佢唔係用最傳統煲仔飯既煲，佢隻煲係黑色既。 幾好，唔痴底。 飯既質地軟硬適中，飯焦唔會硬，唔會痴牙。食得好舒服。唔覺唔覺就食曬！ 食到底，一粒飯都唔會浪費，可以食曬。牛肉唔un ，亦唔會有大陣鬆肉粉味。肉餅有小小小小咸，都野味！ 兩個都收貨！ 叫飯送紙包茶。服務： 照顧堂食+ 開3 部外賣機既情況， 算好正常！ 環境： 小店環境，但食完全身內外都吸滿油煙味。 返屋企前，臨洗衫，先好去食！ 總結： $6x 蚊一個飯， 正正路路， 好食， 收貨。 …查看更多

平日晚上朋友特意帶我去吃這家的煲仔飯。由於下班太晚，我們11:50PM才到達小店，詢問老闆原來12點就關門。老闆也沒有不耐煩，歡迎我們，讓我們慢慢吃，不會趕我們走，期間還跟我們聊聊天。老闆兩夫婦人很好，很有禮貌，用心製作，小店收12點，宵夜不錯選擇。煲仔飯可以選多或少飯焦，他們家的菜脯太好吃了，我們都外賣買一盒回家。還有老闆秘製辣椒醬，好香好辣自選兩餸煲仔飯價錢$68，我個人認為一啲都唔貴:)吃完念念不忘，隔天又幫襯冬菇雞煲仔飯臘腸臘肉煲仔飯…查看更多

職員非常好好招待，態度親切，有禮貌。仔仔細細聲話好熱，職員聽到立即開大冷氣，臘腸煲仔飯及鳳爪排骨煲仔飯，好熱辣辣，好好味，燉湯椰子燉雞及花旗參鮑魚燉雞，湯好濃郁，好足料，非常好味。…查看更多

6月尾天氣實在太熱，真係唔想出街 ，因為想痴住部冷氣夜晚8點 禁禁下手機係外賣平台搵到依間餐廳叫咗兩個煲仔飯同埋一個潮汕小米餃煲仔飯有飯焦 面頭啲菜譜 好香口鹹鹹地好送飯一個係魚香茄子 +牛肉（份量較小）+臘腸煲仔飯一個係蒜蓉排骨+雞肉（ 佢係雞件比較多碎骨 下次我唔會揀 因為比較少份量同埋多骨）（ 排骨好食 大大舊）不過如果餸嘅份量可以多啲會更好，男仔應該唔夠食至於嗰個潮汕小米餃同我喺潮汕食嘅味道係一樣幾正宗，我俾85分另外佢個包裝係兩個大紙盒咁送過嚟， 雖然係 好穩妥但係始終好似有少少浪費， 但係我都會拎去回收的…查看更多

難得入黎元朗搵野食。今晚就係想食煲仔飯。搵左這間，行左15分鐘。 試左我鐘意食的白鱔，白鱔夠新鮮，夠甜。同姐姐吹下水。我八卦問點可以保持到食物新鮮？ 點可以預到做夠食材又唔浪費。姐姐好滿充話；賣晒就冇。所以唔洗預留咁多。…查看更多

位置好易揾，就係潮豐隔離。家庭式小店，店仔細細都有幾個阿姨喺度。有名你叫，除咗煲仔飯之外，仲有湯麵及自家老闆娘餃子等。煲仔飯有基本款式外，仲好特別嘅海蝦青蟹煲仔飯、白鱔煲仔飯、龍蝦煲仔飯，羊腩煲仔飯等等。。。。臘腸排骨煲仔飯，臘腸好食，但真係好少見到已經切好咗嘅臘腸咁樣上，我係咪應該提醒下佢？煲仔飯有飯焦嘅，不過得好少，而且唔夠燶。其實佢都有問過我㗎，我答正常，但就唔係咁啱比例。整體唔係話唔好食，但就冇咩飯香。。。爭啲。。。。呢碟餃子係煎㗎！不過唔知點解煎得唔夠香。望落去好似係烚咁，Size就好似灣仔碼頭咁大細。。。最後，老闆你好細心幫我篤埋檸檬，送上兩杯鴨屎香檸檬茶。。。呢度食物唔好唔差嘅，但幾位姨姨服務態度真係好友善，加分…查看更多

晚飯時間唔需要等位，叫咗兩個煲仔飯（鳳爪排骨及臘鴨髀臘腸），煲仔飯算合格，飯焦做到脆口，臘鴨髀過熟較硬，堂食每煲仔飯送一紙包烏龍茶或綠茶；煲仔飯款式多，除煲仔飯之外仲有餃子、湯麵或湯（椰子雞湯、排骨雞腳湯及蓮藕排骨湯），阿姐服務態度係好嘅，不過可能人手或經驗不足，覺得佢哋有啲混亂，聽到隔離枱漏咗臘腸，叫外賣嘅人哋等咗幾耐下先話冇呢樣冇嗰樣😅，建議時間鬆動先好去食，等候時間會較耐，坐位只有十幾個。…查看更多

煲仔飯調味好好聽到好多人食鱔 下次會試試今次試左自選煲仔飯 黃立倉臘肉加窩蛋味道都唔錯 個飯唔細女仔食食下食得唒魚就有一舊有啲腥 椰子雞湯都幾好味 重椰子味 雞都有兩舊堂食非常之混亂 出餐錯 啲樓面都未記得枱號落單錯左個湯 都問左幾次先轉到嗌兩包凍嘅烏龍茶變咗做茉莉綠茶堂食送紙包飲品但加湯就變$25張紙又好亂 就咁睇以為送嘢飲 湯加$20原來紙包飲品$6 唔飲嘢加湯先係加$20睇個廚師 一個人做到堂食生意 加3個外賣機嘅生意反而樓面四個人都做唔掂 做唔掂就建議停一停外賣 有一枱兩個人其中一個飯嚟咗好耐都未到原來俾咗我結果我哋兩個人就係有一個好早食 一個要等嗰枱又係 每一個步驟都可以錯少少但態度又唔係差既希望可以做得更好 味道真係值得再食…查看更多

不知所謂，天寒地凍，出面等入去等左一段時間，完全冇招呼，問幾時有位又答唔到。不斷接外賣單又唔講堂食幾時煮到，等左成個鐘都食唔到，冇下次！每次問幾時煮到，又話煮緊，問下有冇堂食，咩都話有。想受氣可以去食下。要人發脾氣先講對唔住，時間晒左野又食唔到。…查看更多

呢餐晚餐正如店名一樣，食得好開心😆因為我好耐都未遇過有咁大一塊脆卜卜而且唔黐牙嘅煲仔飯飯焦😍除左令我留下深刻印象嘅飯焦，雞肉嘅嫰滑同份量、鹹魚嘅鹹香同軟綿亦令人滿意，仲有足料鮮甜嘅椰子雞湯😋 真係食得好開心😂…查看更多

第一次openrice打食評 因為真係好好食小店好用心製作 員工都有好禮貌好親切落單之後仲問我地中唔中意食飯焦 中意食就整多啲俾我地食😂落完單大約等10-15分鐘就食得～～佢仲要一個飯送一包茶飲👍🏻兩個煲仔飯分別叫左蒜蓉蝦同椒鹽蝦蒜蓉蝦底有粉絲 撈埋食好有鮮味椒鹽蝦好惹味 連殼都食得蝦既份量都好大方👍🏻最後一人一個飯清晒🤣平日夜晚唔算多人可能新開無咩人知好野食一定要推薦俾人知！不過元朗終於有間煲仔飯專門店好開心！因為食過好多間港島/九龍既煲仔飯（有啲仲要好出名）都印象不大反而呢間小店俾到驚喜我！…查看更多

今晚氣溫都仲有啲涼，家人想食煲仔飯，於外賣平台揾到食得開心煲仔飯，相信應該係新開的，就決定叫來試下。家人叫咗田雞煲仔飯加茄子，田雞料足 (有2隻), 茄子有驚喜，好入味，連帶啲飯都好好味，加埋有啲菜圃配飯，推介！我叫咗新鮮牛肉加窩蛋，成個煲仔飯都好香，雖然份量上相比田雞煲仔飯係無咁多，不過牛肉夠新鮮，而且肉質亦夠嫩。略嫌個窩蛋太細，如果份量大啲會更好。整體2個煲仔飯都美味優質，而且亦有飯焦，元朗的街坊可以試下！…查看更多

秋風起～就諗住試吓新開煲仔飯用心經營～老闆同老闆娘服務好好一早打去叫咗先，所以唔使等選擇都選多叫咗幾個唔同每個煲仔飯，裏面有少少菜脯更加好食D飯焦女鳳爪排骨飯一般黃鱔煲仔飯同埋白鱔煲仔飯正夠肥美燉湯一定要加錢試👍🏻好足料好好飲…查看更多