風車

营业中

休息中

大圍風車西餐廳，我覺得係附近比較有質素嘅西餐廳，餐廳入面地方闊落環境又舒服，食完嘢坐吓傾吓偈係一個唔錯嘅選擇。而且位置都幾近大圍火車站，我行過去大約六至7分鐘左右就到。今日我哋嚟食午餐，我哋叫咗一個午餐嘅風車雜扒飯，加配雞翼，一個藍芝士留心牛肉漢堡，同埋兩杯凍咖啡。首先講吓個雜扒飯，係一個非常豐富嘅飯，有牛仔骨、香茅豬扒、煙肉、咖喱腸菜配埋個飯，雜扒餐一聽就知係好多肉，但係呢個炸扒餐嘅肉質素一啲都唔差，肉質豐富而且肉味香濃，第一次食咖喱腸又幾好食，再配埋三隻雞翼成個餐係相當豐富，另一個係藍芝士流心牛肉漢堡，一啖咬落去真係流心嘅，而且芝士嘅味係特別香濃，漢堡包大大個得來又相當好味。

今日同太太喺圍方睇完戲，行出大園搵吓有咩食，見到有間西餐廳入面環境唔錯，就入去試吓！我哋叫咗個二人套餐，頭盤係**煙三文魚凱撒沙律**，三文魚唔會太鹹，沙律菜新鮮爽脆，個醬汁調得啱啱好，開胃！跟住上**是日餐湯**，配埋蒜蓉包，個湯夠熱又香濃，蒜蓉包外脆內軟，點湯食一流。 主菜試咗**酥皮龍蝦湯香煎比目魚**，比目魚皮煎得金黃脆口，肉質嫩滑，配埋個醬汁，鮮味十足！另外個龍蝦汁大蝦意粉唔錯喎，蝦肉彈牙，意粉掛汁，唔會太膩。 最後仲有**精選甜品**同熱飲，我揀咗果茶，太太飲朱古力，兩杯都夠香濃，完美收尾！ 侍應態度好好，有禮貌，成餐飯食得好舒服。下次𥅽再嚟試吓其他嘢食！😋

最近一家在大圍風車餐廳用餐這裡的氛圍輕鬆愉快適合聚會 阿女食薯條食得開心🥳以下是我品嚐的幾道美味菜式😝芝士煙肉牛肉漢堡 $78這款漢堡是一道必試的招牌菜。牛肉餅多汁，搭配濃郁的芝士和香脆煙肉，口感層次豐富。漢堡的麵包外脆內軟，完美包裹住餡料，每一口都讓人回味無窮孖腸熱狗包（冬陰功芫荽腸）$78這道熱狗包非常特別，使用冬陰功風味的芫荽腸，口感香辣，令人驚喜。搭配新鮮的配料，讓整體味道更加出色，絕對是個值得嘗試的創意菜式田園沙律 $8（跟餐）這道沙律新鮮爽口，搭配多種時令蔬菜，健康又美味。雖然價格便宜，但質素並不馬虎是餐點的好配搭雞翼三隻 $38（跟餐）雞翼外脆內嫩，醃製得當，味道非常好阿女食到lam lam 脷😋😋😋雖然份量不多，但作為小食非常合適，搭配啤酒或飲品享用更佳飲品凍荔枝冰茶 $48清新可口，蜜桃的香甜讓人心情愉悅草莓奶蓋 $15（跟餐）奶蓋細膩，搭配草莓的酸甜，口感極佳凍檸茶 $0（跟餐）簡單清爽，口渴時是個好選擇大圍風車餐廳的菜式創新且美味，服務態度熱情午市可加唔少跟餐小食特飲$8-38非常適合家庭聚餐或朋友小聚下次再來時，我一定會再試試其他菜式😋

今天，我和老婆在大圍的風車享用了愉快的晚餐。餐廳內裝飾著多盞水晶吊燈，營造出浪漫的氛圍，還有高清電視讓我們可以觀賞球賽，讓整體用餐體驗更加愉悅。我們選擇了晚餐的兩人套餐，首先上桌的是凱撒沙律。這道沙律讓我驚喜，沙律醬的味道相當出色，讓每一口都充滿了清新感，吃完後心情也變得愉快。接下來是安格斯肉眼扒，選擇了7成熟，肉質鮮嫩多汁，搭配適量的調味，吃上一口令人陶醉。隨後是龍蝦汁大蝦意粉，意粉煮得恰到好處，龍蝦汁的濃郁味道也為這道菜增添了不少風味。在飲品方面，老婆點了凍檸茶，而我則選擇了凍華田，搭配晚餐非常合適。餐後我們還享用了咖啡布甸，口感滑嫩，香氣四溢，讓人意猶未盡。此外，我們還追加了水牛城雞翼，外皮酥脆，肉質鮮嫩，配上特製醬汁，讓人一口接一口，贏得了我們的喜愛。總體而言，風車的晚餐讓我們感到十分滿意，無論是環境、菜品還是服務，都讓這次用餐經歷成為了美好的回憶。

同幾位朋友約咗嚟食晚餐一開始好開心，見到啤酒都係全日買一送一仲有「鬼佬」啤酒揀 ($99買一送一)上網見到OpenRice做緊推廣可以半價叫主菜一份，但其實只係佢地嘅dinner set所以同朋友選擇咗呢個脆皮燒豬嚟到嚇親我哋，呢個燒豬嘅豬皮凹凹凸凸成份肉好似紙咁薄，$268一啲都唔值而且同上網見到嘅賣相爭好遠惠顧主菜可以以$9買鵝肝多士，味道正常我哋仲叫咗意粉、薄餅，但真係樓上Cafe質素本身諗住邊叫邊食，最後頂唔順轉咗場如果淨係過嚟飲酒就Okay

喺OpenRice見到指定主菜五折「及」$9鵝肝優惠，又見間餐廳咁多人like，就試下啦，結果嬲左。Staff叫我地掃QR code落單，我地特登問清楚邊啲指定主菜有優惠，揀好再由staff幫我地落單。落完之後staff問我地主菜要唔要加鵝肝，我地話好。到埋單嗰陣見到無五折優惠，我地問點解，佢話因為我地要左$9鵝肝就唔會有五折。我問咁你個網上優惠又寫「及」？佢話係啊，總之你地要左鵝肝就無五折啦。如果個staff講清楚，之後我地都係揀鵝肝嘅話，咁就無話好說，係我地嘅選擇。但落單嗰陣我地都問左五折優惠先落單，鵝肝喺餐飯係可有可無嘅side dish，而你個staff亦都無講清楚2個優惠只可以揀1個，根本就係屈人用正價去食你啲Main，咁樣直情係詐騙。另外，啲野食勁細份，一個細食嘅女仔都唔飽，又唔好食，以前龍堡急凍pizza好食過佢個$89 pizza，主菜正價要$250up嘅乳豬同肉眼扒都非常一般，唔明點解會咁多like。

🍽️點左午市優惠二人套餐🍽️比較驚喜係西班牙乳豬，個皮非常之脆，仲要一d都唔硬，而且豬肉好嫩滑講返呢個套餐有咩先：首先會有餐湯同蒜蓉包，個湯幾好飲，好creamy，唔稀，配埋蒜蓉包食好夾然後仲有凱撒沙律，少有沙律整得咁好味，應該係佢個沙律醬用得幾好，食完好開胃龍蝦汁炒大蝦意粉，味道唔錯，意粉煮得啱啱好幾好飲😋最後仲有個餐後甜品，布甸好滑又夠香👍🏻整體黎講，味道唔錯，比較印象深刻係個西班牙乳豬

復活節假期後的星期五，平時好多人排隊嘅風車，今晚竟然比我訂到位，我仲係出發前一個鐘頭訂，竟然都俾我訂到！俾佢全日買一送一啤酒，同埋個特惠套餐吸引咗 … 主餐加優惠價$9就可以食鵝肝多士，或半價$174吃1 個套餐！ 講返D嘢食，叫咗個main course $258 安格斯牛扒，加$9就可以有一個鵝肝多士，牛扒我叫5成熟，不過就熟得滯，我感覺8 成熟，好彩佢個質素都唔差，雖然過熟但係都食到牛味同埋唔柴口。 加$9的鵝肝多士，呢個價錢完全冇投訴，鵝肝夠香，配合醃咗嘅甜梨，再配埋一個唔係太脆嘅多士， OK啦⋯⋯再叫咗個$128 龍蝦汁大蝦意粉，份量OK嘅，我略嫌龍蝦汁太少，好彩大蝦夠爽口，尚算新鮮。 啤酒叫咗兩round， $99買一送一，全晚消費$642連加一，飲飲食食三個幾鐘，都食得好開心！加分位係洗手間乾淨，喺呢啲舊樓仲要喺地下，好多時洗手間會有浸臭味，呢度完全冇，不錯呀！

大圍隠藏美食！小小店舖裝修骨子野食亦唔貴，9點有宵夜餐多盞水晶吊燈作裝飾，情侶前來用膳感覺更有情調，夜晚有得睇波，高清電視球賽。未知你會唔會有情侶睇波？招牌菜有西班牙乳豬、豬腩仔等等，皮脆肉嫩，自家製甜品、蛋糕！帕爾瑪火腿薄餅   $89帕爾瑪火腿本身就係極品，鹹香啱啱好，再配埋嗰啲新鮮火箭菜，一啖咬落去，簡直係喺你個口入邊開Party咁！個薄餅底又做得好，唔係嗰啲死實實嘅，而係脆卜卜，帶點煙韌，加埋啲芝士，拉絲拉到成條蜘蛛俠咁！椒麻辣雞翼（4隻）  $65個皮脆卜卜，肉又嫩滑，仲有陣陣椒香同埋小小麻辣嘅刺激感，直衝腦門，保證你食完一隻接一隻，停唔到口，最後變咗隻雞翼精，成日喺屋企嗌「食雞翼呀！」個醬汁食落去你會feel到嗰種誠意！我自己就整唔到街頭串魷魚 （2串） $78將街邊既燒魷魚搬左入黎！大串得黎仲有街邊既野味，好似以前掃街咁，食嘅唔係味道，而係一種情懷。諗下，一班朋友仔，一人一串魷魚，吹下水，講下廢話，嗰種感覺，真係幾多錢都買唔到！黃金蝦球   $88金黃色嘅外皮，卜卜脆，一咬落去，蝦肉超級霹靂彈牙。啲蝦新鮮到好似啱啱喺海度撈上嚟咁，仲帶住陣陣海風嘅鹹香味，嘩，簡直係味蕾嘅高

大圍出名多美食，原來有間隱世酒吧餐廳，環境有氣氛，食物選擇也不少。意粉大大碟，入口帶有陣陣龍蝦汁的鮮味，大蝦有三四隻，味道鮮嫩，爽口彈牙夠新鮮，意粉都吸滿龍蝦汁，味道濃郁而且軟硬度剛好。香煎嫩滑雞扒好大塊，搭配半溶芝士，面層還灑上滿滿芝士粉，食落惹味，芝味濃郁，雞扒肉質極嫩滑，外皮香脆金黃。豬扒厚身，煎得香脆，配上照燒汁的味道鹹鹹甜甜，三文治大大塊，口感軟軟。奶昔好重草莓味，夠creamy，檸檬茶夠清新，甜度適中。

今日同朋友去大圍踩完單車入到去見到個二人套餐都係around 400蚊就叫左啦凱撒沙律個凱撒沙律都幾大碗 兩個人食啱啱好是日餐湯配蒜蓉包餐湯係南瓜湯 好重嘅南瓜味 而且仲有南瓜蓉 真係好足料酥皮龍蝦湯另外我哋加咗$43叫咗個酥皮龍蝦湯 熱辣辣個龍蝦湯仲有啲蜆肉同魷魚係入邊添安格斯肉眼扒肉眼扒我哋就揀咗五成熟 煎得啱啱好 仲有薯仔同沙律菜配菜喇沙帆立貝意粉喇沙帆立貝意粉都幾特別 辣辣地 好惹味 而且份量都幾多餐飲果茶唔使加錢 我哋就叫咗一杯凍嘅鮮果茶 然後再叫咗一杯薑啤 薑啤真係連埋個罐上 仲有冰添甜品最後甜品就有咖啡布丁都好重咖啡味 都好滿足可惜今日做完運動唔想飲酒如果唔係啲啤酒都幾抵飲

難得入大圍，梗係試吓一間朋友推薦嘅西餐廳：風車突然之間想食德國鹹豬手，就叫咗一隻，之後再加多個黑松露意粉配芝士大啡菇同酥皮龍蝦湯個鹹豬手上枱嘅時候真係嚇咗一跳，因為個份量真係好大而且為咗方面食用已經切好一嚿嚿，再加埋炸得鹹香可口嘅薯條，真係令人食得津津有味；黑松露意粉煮得煙靭彈牙，而且意粉好掛汁，再配埋加咗芝士嘅大啡菇，真係令人欲罷不能；而酥皮龍蝦湯酥皮好香脆，龍蝦湯濃郁呢間餐廳不愧值得推薦，食物份量慷慨，而且味道出色，侍應服務態度都好好，若果下次再嚟大圍都一定會再食

見到OpenRice大獲好評，諗住試下，但大伏，勸大家唔好上當。一坐低，侍應比暖水都已經好奇怪（邊有西餐界暖水），仲要個杯好污糟。叫左「喇沙凡立貝意粉」，哇，個意粉賣相仲衰過薩X亞，仲乾過自己煮嘅。相信唔洗我多講，睇相一目了然。仲叫左「焗煙三文魚薄餅」，都唔知邊度開始。個薄餅係麵包舖嘅薄餅底⋯ 簡單嚟講，即係發粉多過麵粉嘅麵包。但賣相仲衰過麵包鋪嘅薄餅包，誠意0分。無野多講，咁樣都仲嚟食就係交智商稅啦。

🍔😋牛肉漢堡包啲牛肉又口又唔會韌，好有份量又有口感，仲有新鮮切煙肉，足足有3片，又不會油冧冧，襯托漢堡包啱啱好! 咁嘅價錢實在是意外驚喜，值得推介！👍🏻👍🏻👍🏻伴碟嘅薯條出面脆入面有薯仔味，熱辣辣少少鹹，同漢堡包是絕配🫶🏻不過追加是日餐湯+$8（應該係椰菜花湯）味道就一般般啦，似打碎咗嘅椰菜花加少少罐頭湯.🍷🥩紅酒牛肋骨餐🍚意粉同配菜份量多，質量可接受，主打牛肋骨份量比想像中多好多！炆得很淋很入味🤩不過比較乾身，如果多啲汁就更加好😜可以襯意粉食追加+$8嘅蔬菜沙律份量多，沙律汁（balsamic vinegar比較多，所以少少酸，不過夠晒開胃，好味意外驚喜👍🏻。整體說：抵食好味😋👍🏻

一個休閒舒適的晚餐食物上枱速度快，非常欣賞B B鴿子的味道，好適合配合啤酒🍻齊食齊飲地方環境適合一班朋友一齊聚會，傾計嘅地方有一個𣈱談嘅夜晚期待下次去試一試你們的午餐