風雲排檔

#MC带你去旺角.今晚嚟到旺角食晚饭，拣咗依间川菜馆，位置方便之外，环境又宽敞舒适。➖✨ 风云排档.餐厅主打新派四川菜，店内环境光洁明亮，以木系装潢为主，搭配通花灯笼、镂空花格及古代凉亭，充满传统中式格调，古色古香。➖🥢 炸馒头｜$58.一客六件炸馒头放在木船上，从外观上已见心思，船身渗出淡淡白烟形成仙景，打卡程度满分而且气势十足！馒头炸得金黄酥脆，外脆内软，清爽不油腻，搭配邪恶炼奶，简单又好味！➖🥢 豉椒炒蚬｜$108.必嗌港式小炒！蚬肉鲜嫩不韧，而且无沙，搭配香浓豆豉汁，用上原粒豆豉，味道咸香而且豉味浓厚，大牌档风味！➖🥢 干煸肥肠｜$108.川馆小炒！肥肠煸炒得够惹味，麻辣干香，表皮焦脆肉质软腍，辣度可以自行选择，麻麻辣辣好滋味！➖🥢 酸菜鱼（2人份）｜$168.一上枱已经香气扑鼻，花椒、芝麻及辣椒干𪷽上滚油后，味道更香更突出！鱼片鲜嫩滑溜，而且份量十足，搭配酸菜、薯粉、芽菜、莴笋、菇及豆卜，惹味又开胃。而且设有二人及四人份量，更可选酸度/辣度/麻度，超贴心！➖➖➖➖➖➖➖➖➖➖➖➖➖➖…查看更多

同班老友突然好挂住旧式大排档风味，今次专登去咗琼华中心10楼嘅「风云排档」，虽然系商场楼上舖，但装修古色古香格局，坐得舒服又够阔落，仲有阵阵怀旧香港情调🇭🇰🌟必食菜式逐个数：🍍菠萝咕噜肉 - 外脆内嫩酸甜平衡！咕噜肉炸粉薄薄一层，咬落啖啖肉，配新鲜菠萝超开胃🐤古法药膳土鸡煲 - 养生之选！当归、桂圆、杞子、北芪、党参熬出金黄汤底，鸡肉嫩滑得嚟仲索尽药材精华，饮完成个身暖笠笠☀️🍤黄金虾仁炒饭 - 镬气十足！每粒饭都裹满咸蛋黄，虾仁爽弹大只，忍唔住食咗三大碗🐷京都猪扒 - 秘制酱汁系灵魂！猪扒厚度适中，外层香脆内里Juicy，酸甜酱汁令人食唔停口🐦招牌脆皮BB鸽 - 乳鸽腌得超入味，皮脆如玻璃纸，肉质鲜嫩多汁，必点！…查看更多

荔枝虾球荔枝虾球摆设得好靓，虾球挂喺树上，外型真系好似荔枝，虾球外面炸得好脆。古法药膳土鸡煲鸡煲啱啱送到枱上，已经闻到药膳味，佢嘅药膳汤底几好饮，入面嘅鸡肉嫩滑，无骨，好食同方便。瑶柱蛋白菜粒炒饭饭炒得几干爽，但唔会太干，有瑶柱同埋蛋白，唔错。避风塘鲜鱿我好钟意食鲜鱿，特登叫咗避风塘鲜鱿，厨师用咗劲大量嘅炸蒜同埋辣椒，炒得香口。招牌脆皮BB鸽乳鸽个皮好脆，肉质几嫩滑，唔会太咸。炸馒头我囡最钟意食炸馒头，佢哋嘅炸馒头个面唔会炸得好硬，炸得薄薄一层，点埋炼奶一齐食，好食。风云排档入面嘅装修几靓，座位好阔落，坐得好舒服，系几好既选择。…查看更多

正宗大排档风味，抵食又满足！前几日同朋友想食返啲正宗香港大排档嘅味道，就拣咗去旺角嘅风云排档试试。呢间大排档虽然唔系好豪华，但气氛好有香港街头feel，啲枱同凳有啲旧旧地古法药膳土鸡煲 
呢个鸡煲真系全晚嘅亮点！一上枱已经闻到浓浓嘅药膳香，杞子、红枣、当归等汤料好足，汤底饮落好香甜，带点药材嘅味道但唔会太浓，啱晒我哋呢啲唔惯饮浓药味嘅人。鸡肉好嫩滑，唔系𠮶啲柴柴嘅货色，食得出系新鲜土鸡吸晒汤汁，超入味！一煲份量都几够，三四个人分都无问题。风云小炒皇 
呢碟小炒皇真是一个字：正！有虾仁、腰果、鱿鱼、青椒同杂菜，炒得干身又香口，每样材料都好新鲜，虾仁弹牙，鱿鱼爽口，腰果仲有阵脆香。调味啱啱好，唔会太咸，食到尾都唔觉得滞。呢碟真系下饭神器！菠萝咕噜肉 
咕噜肉系我嘅心头好，呢度嘅版本真系无令我失望！菠萝好juicy，酸酸甜甜好开胃，猪肉炸得外脆内嫩，酱汁酸甜平衡，唔会太腻或者太甜。连我𠮶个平时唔钟意食咕噜肉嘅朋友都话好食，仲抢咗几旧添！炸馒头 
甜品就嗌咗炸馒头，外面炸到金黄香脆，内里软软地，点啲炼奶食真系一流！份量有五件，啱晒我哋几个分。唯一小投诉系有啲油腻，如果可以再干身啲就完美…查看更多

原来不知不觉间已经差唔多成年冇过嚟食啦！🌶️呢间位于琼华10楼嘅川菜餐厅，主打酸菜鱼，同多款充满港式风味的大排档小炒 。🐓古法药膳土鸡煲养生必点啊！一上枱个汤底已经闻到好大浸药材味！连隔篱枱都闻到😆，再配上滑嫩的鸡肉去煮，𠮶啖汤真系正到呢！充满当归味！滋补之选啊！🍖菠萝咕噜肉好耐冇食咕噜肉，外面𠮶层炸到好香脆，可惜肉质口感偏韧。如果软身少少就好啦。🦑惹味椒盐鱿鱼须去到边都钟意点鱿鱼须食！呢度嘅鱿鱼须特别惹味，炸到外脆内软🤩，椒盐味都落得刚刚好！唔会太咸，但系又唔会太淡。🥬上汤时蔬（菜心）甜品🍮：红糖脆炸糍粑真系超钟意食呢个甜品，即点即炸新鲜热辣辣，红糖同埋黄豆粉系分开嘅，可以自行控制份量沾嚟食。…查看更多