順德了能菜 (已結業)

尋日(3-4-2013 Wed)爸爸為今日清明節鄉下祭祖,所以返o左鄉下.我就同男友出街食晚飯,由於男友o係旺角,我就叫佢諗食咩o野?佢o黎到呢座大廈,問一係食日本燒放題,如果怕熱氣就o黎我o地同男友人LKH,佢太太同女友人DC食過o既呢間(o個次食評: http://www.openrice.com/restaurant/commentdetail.htm?commentid=2159047,原來o岩o岩係2年前),食粥底火鍋,咁好啦,o黎呢間啦.我放o左工即刻搭車出o黎,男友先o黎坐低等我,o黎到,佢坐o左角落o既一張四一枱,我坐低後就剔o野食喇.當然要$48.00o既順德粥底火鍋.其實粥底好稀,不過都食到有米味.鮮料要o左:1. $58.00o既咸豬骨有o左冇味白粥,梗係要揀o野做湯底,男友o係同樣要$58.00o既半隻鮮雞件同呢樣中揀,就揀o左呢個.呢個一o黎到,高級啲o既男人好快手幫我o地加o左落個鍋o度,我唯有叫男友撈返上o黎影.而因為佢o既主要作用係令啲粥有味,所以我o地都係最後至食.我就食o左兩舊,一舊超多肉,一舊主要係骨膠原多,餚完後都重幾鹹,但啲肉都唔係好o鞋,又係唔錯.我食o左兩舊後,見個鍋都好似重有三,四舊,如果爸爸一齊o黎,佢應該會食晒.2. $28.00o既響鈴卷其實到o衣o家都唔知點解呢樣o野叫做響鈴,呢個放o左入去好快就吸水,攪到我食唔到外腍內脆o既感覺,開頭以為我放得太耐,但我試過真係夾住放入去未浸過面即刻夾上o黎食,開頭食都食到脆,但未食到半條就已經唔脆,因為啲湯係咁浸落去.所以畀我揀,我會揀同價錢o既炸魚皮,起碼佢夾o左上o黎後,唔會咁快索啲湯.8. $68.00o既珊瑚蚌o衣o家睇返menu同相至醒覺咁貴,呢個新解爽口,OK o既.3. $48.00o既黃鱔片從未試過用黃鱔打邊爐,呢個灼熟後好鯹,男友食o左兩舊頂唔順唔食,其他o既由我o黎食,不過我我都係留到最尾食.7. $22.00o既娃娃菜太多肉,點都要整個菜o黎食o既,男友話呢個啦.呢個都正常冇乜問題啦.4. $48.00o既手打墨魚丸一碟得8粒,貴得驚人喎,而且味道同口感都一般,都唔彈牙.5. $28.00o既金菇菜點解啲菇咁大粒o既?呢個正常啦,不過如相中睇到,有啲唔乾淨.6. $38.00o既新鮮滑牛肉呢個最後至到,唔係男友問我我都唔記得有剔.呢個紅當當o既,灼完牛肉o既味道都落晒o係啲粥o度,不過灼耐o左都唔係好o鞋.9. 最後係送o既綠豆糖水我未食時嗅到好香臭草味,而且睇8月男友,見佢勺到好多綠豆,我問有好多綠豆喎.佢就話好似食臭丸.唔係o掛?我食吓先,嘩!臭草落得太多啦,糖水本身唔太甜,攪到變苦呢.服務:會加水同粥同幫我o地攪吓啲粥.衛生:我o地一路食,就有蚊滋同烏蠅各一隻,重要係大隻.價錢:呢餐連加一埋單$458.00.我o衣o家計返價錢,計佢每位茶錢$5.00,花生,豆瓣醬同唔知咩o野醬油就應該係$20.00.備註:是日冇帶相機,所以啲相差o左啲.…查看更多

有些餐廳我會歸納為「麻甩系」，即是那些吃小菜、鑊氣小炒的小店，環境麻麻，坐得迫迫筴筴，服務又一般，但就總有股魅力令你間中來啤一啤瘋狂一下。這次要顛狂的小店是旺角的﹣「順德了能菜」。「順德了能菜」主打吃順德菜，各式的小炒也一應俱全。地點位置算蠻易找，在「雅蘭中心」向尖沙嘴方向走約 10 分鐘不到，招牌是貫切的 MK style，很「霓紅姐妹花」feel 啊。講多無謂，巧食最實際。先上的椒鹽系列：「椒鹽九肚魚」$38「椒鹽脆豆腐」$33兩者都做得不錯，酥香脆口，內在軟身，花椒鹽花也下得足，好吃！而且炸功不俗，炸得很乾身。「脆皮炸豬手」$78這道也是讚的，下酒一流，經乾炸後的豬手油膩度減低了，脆皮香口，完全發揮了下酒小菜的神髓。「蒙古烤羊架」$196七件分成七碟上，少有地擺盤認真，我個人則情願它們粗豪地放在一堆上碟，貫徹麻甩風味。肉是燒得 okay 的，內裡肉質仍然嫩粉紅，孜然粉調味則可以再重手一點。「大良炒鮮奶」$78順得名菜，來到怎可不叫。 炒鮮奶質感頗滑，內裡混有帶子粒及蝦仁粒，不難吃的，但就似炒蛋白多於炒鮮奶，今次真係學 N 年前的朱古力奶廣告話齋：「牛奶味又唔爭氣」。「魚湯魚滑什菜煲」$65在無期望下出奇地好吃！魚湯濃郁鮮甜，蔬菜索了魚湯精華，很不錯。「黑椒茄子牛仔骨煲」$78見隔離枱點了這個煲仔菜，是香得過份，那就來一個好了。惹味，牛仔骨焦香，合格。「半條鯇魚窩」$118店員喋喋不休地推薦這裡的河鮮，約 $300 多元一窩，其實興趣真的不大。。。婉拒了多回，後來免為其難，就要了半條生滾鯇魚窩 (其實鯇魚也不是河鮮)。湯是鮮，魚肉則沒有太大感覺，就是普普通通的鯇魚，特色是剩下的湯底可以用來放生料來打邊爐。。。其實有點後悔要了這魚！「當紅脆皮雞」$88回歸熱氣，皮脆肉也嫩，還是這道較對胃口。若你也愛麻甩風味，可以考慮試試「順德了能菜」。…查看更多

團購來了!! 個多月前友人提議團購了順德了能菜的6人餐!!早前據聞了佐敦的分店是不錯的, 但旺角這家就不知道評價是怎樣...所以, 抱著團購食客的心態來試試吧!!有選擇, 不錯!! 古法蒸海魚肉質新鮮嫩滑, 但偏咸!! 炸鮮奶裹粉太多, 令到外層帶膩, 但鮮奶味剛好, 沒有羶味!! 砂鍋通菜镬氣夠, 熱度持久, 菜葉沒有枯黃乾老, 很不錯的砂鍋菜!! 乳鴿上菜時已聞到香氣四溢, 而且炸得金黃香脆, 可惜油有點多, 油膩感帶點重!! 台式三杯雞雞肉略欠鮮嫩感, 而且口感太重, 重咸!! 清蒸鮑魚離殼的, 而且味道帶腥, 但就這餐價位而言是算過得去了!!…查看更多

買了這裡的團購,因為4位入座即送生蠔6隻及飲品1渣所以今日約齊人去吃,預約了8點但太早就到旺角了,幸好都比入,不過7點幾內裡只有小貓3-4枱,這個是吃拼盤+45款食物任叫任食,湯底叫了清湯底(真的很清),飲品只有酸梅湯和西洋菜蜜,就要了西洋菜蜜,但一試就發現和水一樣淡,幸好能夠叫侍應換過,總算比較能喝........首先來到海鮮和肉,游水海蝦唔覺新鮮,吃到有梅的,蟶子口感不錯,沒有砂,花甲有些偏小,味道普通,肉類有本地手切肥牛、安格斯肥牛粒和蒙古羊肉片,肥牛味道不錯,脂肪不會很多,有牛味,肥牛粒脂肪比例較多,入口很柔軟,羊肉片很強羶味,不太愛吃40粒小丸子,名單上有包心龍蝦丸、台灣芝心丸、手打鮮蝦丸、手打墨魚丸和手打鮮肉丸,但一看就發現沒有了包心龍蝦丸改成了蟹子丸,手打的丸子都很彈牙,特別是墨魚丸很有墨魚味,吃芝心丸要小心流心芝士燙咀,芝心丸外層一點甜,配合流心芝士真的不錯,之前吃過另一種芝心丸雖然超流心但味道不配合結果很難吃,生蠔名單寫是流浮山生蠔,不知是真是假呢,但真的很大隻,入口很滑,不過我吃到的那隻有蠔殼碎,有點美中不足名單有三文魚刺身8片,不過都很瘦弱,味道普通吃完這些就是任叫任食時間,叫了生根、午餐肉、蕃茄(調味用)、實心蘿蔔、鳳城水餃、唐生菜、炸芋頭件和炸荔芋頭件(分不出有何不同),任食的美國肥牛賣相脂肪7:3比例,不過都算不錯了,當然還是手切肥牛比較好吃炸魚皮這裡的算不錯,放入湯內3秒還有脆感,好吃油麥菜和唐生菜看起來都洗得很乾淨,質素不錯,正當看一看有沒有少到食物時,發現有個有機野菌雜菜盆沒有來,但原來係指香草綠豆沙和杞子桂花糕,真係唔知D野菌收咗去邊,有點取巧,杞子桂花糕好滑又不太甜,香草綠豆沙豆不算多味道較淡,但其實整餐我已經吃得好飽,差點連甜品也吃不下,以團購來說算是不錯的一餐!…查看更多

星期二約左同事打邊爐,之前係團購見到好抵同埋好吸引所以一早買左coupon及訂左位,嚟到見到水靜河飛,都有點驚,以為好唔掂,但係原來都唔係,我地八個人坐係房入面,先俾左兩個爐我地,跟住因為八個人會送一條唧魚俾我地,條魚又要用個爐熱住嚟食,嘩,好誇張,張枱唔係大,但係要放三個爐係度,仲要好熱呀!!!!!火鍋底底點左一個沙嗲, 一個清湯,食物係一般既選擇,團購已經有幾份配料係送既,其餘的都係一般的打邊爐配料,送既有好多丸,蝦丸,牛丸,墨魚丸,豬肉丸,醬爆丸...都好新鮮及爽口彈牙喎, 海鮮拉盤,有蝦,聖子,蜆.都幾新鮮的,份量都唔少,我見都好多聖子及蝦,蜆都好多.蝦都算大隻及爽口的,聖子ok,蜆有沙.條唧魚好大條,魚湯好飯,唔鯹,魚肉都好味,不過鞋左少少,唔知唧魚本身係咪咁,我地另外都叫左一些肥牛,鮮牛肉,羊肉,都好鮮味,又薄身,跟住其它的有菜,豆腐,鮮腐竹,腐皮等等.我地限時1個鐘45分鐘,其實時間都好夠,飯品包一渣酸梅湯,好甜,一渣菜蜜. 食到好飽呀!!其實呢度原來係我地之前又係幫襯團購的分店,下次試埋另外果間先.…查看更多

數年前在順德試過粥底火鍋，非常懷念，剛巧在旺角看到順德了能菜的大招牌寫著有粥底火鍋，拉了男朋友一試龍與鳳！結果是大失望:(粥底幾乎如清水，烚出來的食物一點都沒有軟滑綿綿的特質，這還不要緊，蒜頭和辣椒要$10一碟，請侍應加湯，加的又是清水......這根我在家裡用滾水白烚有何分別？？而且，由我一坐低開始，無人問我要飲咩茶，連滾水都無開過一杯，但到最尾佢要收我2位茶錢同佢講：你無開過茶喎佢答：唔好意思，唔記得唔記得？？？真有趣的答案食物好一般好一般好一般，又"唔記得"serve客絕對無下次…查看更多

陪朋友見工後在街找東西吃.忽然被那個在地下的知客吸引住:"點心好抵架,試一下啦".我朋友跟我也有點累了,想找一個地方坐坐,便試一下吧XD一坐定定,看一下點心紙.肥雞咬住我的衣服要我看什麼...哎呀,剛好12時,是最貴的時段呢,來得不合時啦=口="算啦.好好吃一餐吧.點心紙大部份也是大點,特點已是不少茶樓的通病了.我們叫了蝦腸,薑蔥牛柏葉,上湯小籠包,蝦餃王,棉花雞,叉燒包,還有一個叫黑松露餃什麼的,果然點心如店名一樣呢,"了能".呵呵=v=好啦,食物上桌啦,肥雞未拍照啦吃得那麼快=口=那個黑松露餃的東西很像素餃呢,咬下去爽口的,不錯.但肥雞說寧願吃素餃,因為味道差不多但價錢差很多,呵呵XD牛柏葉是普通味道吧,感恩沒有太碎,薑蔥味也香,可以全部吃光光呢.蝦餃倒是扣了很多分,太細隻啦還是特點,但跟叮叮點心水準差不多>.<"小籠包待應一上桌便給我們浙醋要加分呢,有肉汁,值得吃蝦腸一來待應也會立刻給我們倒豉油,不錯啦.但味道普通,不太滑.叉燒包熱辣辣的不錯,味道也是普通吧,沒有驚喜.到了終極點心出場啦!我去酒樓必點的東西:棉花雞!:)有點失望呢.那魚肚我想肥雞吃也不會滿足啦,太小呢.雞也是普通而已,火腿最多,有點像沒有枝竹的雞扎,呵呵XD埋單160元正.價錢也跟食物一樣普普通通.樓上舖人流比較少啦,看來要靠樓下的知客再努力一點才行啦…查看更多

放咗工去旺角買嘢，同老婆唔覺行到八點，見到佢就上去睇下有冇運行。上去就聞到好香魚湯味，於是同老婆坐低。地方其實真係幾細，當晚八成幾滿，不過就以旺角區咁嘅時段算做中規中矩。老婆點咗剛才聞到好香魚湯味個窩，然後要碟豆醬炒菜。由於個窩入面有魚腐、蝦、蜆、魷魚、豆卜及半條鯇魚，加上湯底有黑椒，而材料幾新鮮，食得出係真材實料，所以極力推荐！影相個陣已經先試個湯，發覺相當鮮味而唔腥，可能同用炸薑片及極多黑椒有關。個半條魚俾我翻轉幾次都唔散，可見都幾得！用魚湯送飯一陣就食完碗飯，仲好似唔多夠喉！講番碟菜都好甜，唔知同用豆醬炒有冇關？最後有兩碗綠豆湯送，埋單二百幾，以今日通脹嚟講算唔錯！…查看更多

好一段時間沒有出外用餐, 食評亦寫少了老父提議試這家有啅頭順德o了o能菜7點, 檯很少, 但人更少 蒜子火腩魽魚煲 : 很香口, 炸腐竹, 豆卜, 魽魚, 煲內所有食材都很入味, 稍嫌多油, 魽魚鮮甜, 口感結實似鱔, 整體感覺令人滿意 :) 魚腐魚肉雜菜煲 : 賣相差, 特別是魚腐, 一團白色不知明物體, 狀似一團濕水廁紙, 好不容易才衝破心理關口將其送入口中, 無魚味, 無豆腐味, 無蛋味, 入口完全沒有滑的感覺, 只比廁紙稍為好, 其他只是應有的水準 碌鵝 : 差不多食完兩道菜才到, 剛好隔鄰食客點同一道菜, 但他們比我們遲十五分鐘才點菜, 卻同一時間上菜, 箇中原因顯而易見 :(鵝很肥, 個人不太喜歡過多脂肪, 鵝肉嫩滑入味, 配菜的芋頭亦同樣美味, 跟醬汁混合件飯吃一流, 挽回不少分數 :)埋單後, 多謝無句, 單憑這一點, 已足以令我不想再來, 又或者是他們不想我再來 …查看更多

佛誕假期前夕, 到旺角與朋友歡聚, 便先到 openrice 搜索下有什麼好食, 因有朋友不想食煎炸的西餐, 便選擇了中菜, 而見此店的評語都幾正面, 及之前個食評寫到 d食物好似好抵食, 於是便決定去呢間. (但現在懷疑是…鱔稿)初時見到個地址都唔知o係邊, 要睇返個地圖才知原本是在雅蘭的隔離, 係北京同人堂則面有扶手電梯上.上到去見到個店面~ 好細 :( ~ 得果 2大 4中 2小 及1間房, 係呢個繁忙的地點及時間, 已經係8點有多, 所以就坐無虛席, 除了1張已經 “留座” 的大枱.本來想走, 但個侍應好醒目咁話 “坐低等等啦, 好快有位架 la”, 跟住就見佢好殷勤咁招呼其中一枱客, 結果我們就等了15分鐘就有位啦. D 枱都擺得幾 close, 完全可以睇到隔離枱食什麼, 但都可以坐得幾舒服 ge ~ 3個人點了3個餸 + 2個白飯 :招牌菜 – 腰果(沒想到合桃 >.<)咕嚕肉, 大良炒鮮奶 另加 上湯浸時菜腰果咕嚕肉 $58 – 其實是 咕嚕肉 “片” , 味道&份量一般, 不明白有什麼值得是招牌菜 +.? 難道是d肉片沒有厚粉的原故 !大良炒鮮奶 $78 – 第1次食炒鮮奶, 原來是有蝦仁 & 帶子, d炒鮮奶都幾滑, 而且有幾濃的 ~蛋白味, 係蛋白味, 不是奶味 ! 拌飯食一流 !上湯浸時菜 $ 38 (不太肯定) – 選了菜芯, d 菜芯都幾大棵, 感覺有d老, 不太嫩, 所以都要出d牙力咬 , 沒有樓下那個post說的那麼嫩, 但好在都是無渣 ge ^.^整體來說, 菜式有 20~30款可選, 但算不上 o了o能, 如果不想食大集團式的酒樓, 這家也會是不錯的選擇, 因人客不是太多, 估計每晚做 2~3轉, 侍應也沒有趕客, 服務都ok 架, 我們由 8.30坐到11時多, 3個鐘都只是花了 $274, 飲茶都要啦.p.s. 樓下post說的脆皮炸子雞半隻是$38, 不知是幾耐之前 or 什麼時侯的價錢, 因為當晚所見是 $58了, 4月中至5月中, 已經有 $20的相差呀 !! 果然是高通脹 呀 ~ …查看更多

首先介紹下晚上九時後就會轉菜牌，比平常價平$10-$20不等，是日點了幾度菜睇落平凡食落不平凡，以前我曾經在同一間的分店食過，我只覺得材料ok但味道麻麻，今次我老友沛哥帶我上旺角哩間，果然唔同大廚有唔同手法味道及唔同經理有唔同服務態度，咕嚕肉相信大家食得多，有合桃咕嚕肉你食過未？金沙骨，京都骨，大家都試過，混合一體用黑椒，青椒，洋荵一起烹調。魚卜係人都食過，但一次過有成大煲起道用黑椒配野菌烹調。另外要介紹大家平常都會抗拒的菜式，認為魚腸會好腥，唔敢食。金銀蛋浸時菜，個名無乜特別，特別在可自己揀浸乜菜，我揀左菜遠。最後介紹比大家係超值炸雞，大家起街市賣油雞，切雞半隻起碼$30，哩隻炸雞半隻$38，平到笑…查看更多

尋晚(30-3-2011 Wed)同男友約男友人LKH出街食晚飯,難得佢肯出o黎,LKH話叫埋女友人DC,好吖,冇問題.約好晒,我o地個個各自上去坐住等,而原來LKH o既太太都可以o黎,真係好.我o地三個坐住等,諗定少少o野同落單先.不久LKH太太到o黎,咁我o地就諗埋其他啦.而係烏烏龍龍o既情況下,上o左是日例湯同順德碌鵝.但怕啲湯凍,我o地唔打開住喇.不過LKH話先試順德碌鵝,啊,咁好啦.1. 打開個蓋,好香,鵝o既肥度適中,唔係太肥,肉炆得好夠腍同入味,其實我o地都食唔出有咩材料,但我覺得有少少酒味,墊底都有芋頭o係o度,但唔入味.呢個個個都讚好食,啲汁送飯都一流.味道: 4分2. 我o地等o左好耐,DC終於到o黎,我o地就叫可以起菜同勺湯,湯係木瓜花生雞腳煲大魚尾,湯o既顏色有啲奶白色,但飲落味道又清清地冇味精,木瓜用上青木瓜,我第一次飲青木瓜煲o既湯,又幾好味喎,湯o既材料全部都煲到腍晒同出味.味道: 3.3分6. 魚腐雜菜煲(係$168.00買二送一所送o既)叫呢個o既原因係一來冇乜菜,二來見佢o地話手打魚腐.呢個都幾大煲,我見都有鯪魚肉,但照顧我o地朋友從來冇勺畀我,不過算數.我覺得魚腐OK,唔係太滑,魚肉比例好似唔多,但又食唔出豆腐味.雜菜我就冇留意有咩o野菜,呢個冇乜特別.味道: 3分4. 銅盆污糟雞(半隻)($168.00買二送一o既其中一個餸)o黎到,大大個用錫紙執住,侍應幫我o地剪開用撈返好後,睇睇,嘩!個盆就大,雞就得o個啲咁多.呢個好香甜,但其實咪只係洋蔥炒雞,不過就真係有啲火喉,幾好咁o既.但點解叫做污糟雞?味道: 4分3. $78.00o既大良炒鮮奶原本男友想食焗魚腸,但LKH話唔食,我o地就佢啦,佢太太就話要叫呢個,冇問題.o黎到,都幾大碟,LKH太太大讚好滑,又係喎,都OK,底都墊有炸米粉,我就食唔到蝦仁,因為太少喇,但就食到帶子.味道: 4分5. 順德小炒王($168.00買二送一o既另一個餸)開頭LKH問侍應呢個有咩o野?侍應答西有西芹,蝦仁,腰果咁炒埋.哦?!咁好普通咋喎,不過由於我o地都幾多肉,所以叫呢個.o黎到,都唔係只得o個三樣,重有黑木耳同帶子.呢個都OK o既,不過都有好多蝦乾,o衣o家睇返相,原來有蝦仁,但我又一隻都食唔到o既?奇.味道: 3分7. 最後係送o既糖水,係紅豆沙,呢個唔太甜,都可以o既.味道: 3分環境:好細,只有兩張大枱同約6張細枱,不過有兩間獨立房.而我o地都叫做好早o黎到,只有兩張細枱o既客,只因等DC等得太耐,之後成間o野full晒,啲位就好迫夾.服務:都唔錯,密密斟水.其他:呢o度有啲o野係冇寫價錢,如碌鵝同例湯,我覺得呢樣唔係幾好.呢o度o了o能在地點,而唔係啲菜,因為其實好多菜都係好普通o既o野,只係改o左啲隱隱約約o既名.不過有啲係尋晚冇食,下次可以再o黎食其他特別o既菜,如梅子脆鱔.…查看更多

回味著 "o了" "o能"既味道, 都係 "o了" "o能"既味道"o了" "o能"這2個字!真出奇, 只有約10多張檯, 2間貴賓房既小店, 沒有大酒樓的遼闊, 但大不失酒樓裝潢, 竟都擁有麻雀雖少, 五臟俱全的鮮魚缸, 林林種種既生猛河鮮: 水庫大頭魚, 林哥魚, 珍珠鰂, 大頭啜魚, 鯇魚, 桂花魚, 花錦鱔, 風鱔, 黃鱔...........更有悟州野生水魚.....等.今晚好凍, 難得可以歎個早既晚飯, 第一次嚟試, 就先選呢3個"o了" "o能"菜: 豉酒碌鵝, 濃湯大四喜, "o了" "o能"三太公: 豉酒碌鵝: 鵝夠入味, 又唔會過份諗, 口感彈牙, 唔知係咪真係碌同炆既分別呢! 呢款鵝種髻係軟軟既,似肥膏咁. 亞媽話個有假既鵝, 個髻係硬gar bo!呢個菜最"正"既莫過於墊底既芋頭, 香濃諗滑, 暖胃滋味. 只係略兼碌鵝時火不夠大, 鵝皮的焦香味不足,總括嚟講, 不過不失啦! 愛美皇后: ★★★★☆嘴刁食神: ★★★☆☆ 濃湯大四喜: 問過待應甚麼係大四喜, 佢淨係話4種菜. 結果有4款蔬菜, 3款鮮菇, 2款魚球, 用料頗豐富, 湯鮮甜有驚喜. 正合皇后健康口味, 清而不寡, 食得爽呀!愛美皇后: ★★★★★嘴刁食神: ★★★☆☆ "o了" "o能"三太公:藕餅, 鯪魚球, 釀尖椒, 有齊愛美皇后同嘴刁食神既心水配搭, 啱啱好.蜆芥中見到粒粒蜆及子薑, 唔似"行"貨.愛美皇后: ★★★★☆嘴刁食神: ★★★★★送既糖水: 南瓜西米用料用心, 唔甜唔漏, 真係估佢唔到, 嘴刁食神俾佢滿分!愛美皇后: ★★★☆☆嘴刁食神: ★★★★★其他仲有好多好野, 留番D"o了" "o能"菜(銅盆焗污漕雞, 脆皮梅子鱔柳, 黑虎掌胡椒豬肚雞煲, 冰鎮涼瓜片, 水庫大頭魚)下次再試啦! hehe.....嘴叼食神都頗滿意, 之後又多個選擇了, 仲話期望再多D"o了" "o能"菜式, 例如: 水蛇粥, 巴魚火鍋......等!!…查看更多

新店開張, 朋友攪了一圍, 小弟有幸獲邀試菜。雖然店名叫 "o了o能" 菜, 但菜式未見有幾 "o了o能", 其實主打都係順德菜及河鮮為實。Overall 菜式唔算新穎, 但出品有水準, 用料亦新鮮。值得推介有大良炒鮮奶, 清蒸大冧哥, 生扣花錦鱔。是夜菜單:金蒜蒸大虎蝦順德炒帶子皇燕窩炒大良鮮奶斗官雞煲翅清蒸大冧哥薑蔥生煎鮑魚煲濃湯杞子紅棗浸豆苗至尊鹽焗雞招牌炒飯(老闆大力推介, 後加一味生扣花錦鱔, 鱔味濃但無泥味, 皮厚且爽。)…查看更多