順。越南牛肉粉

营业中

休息中

放工想近近地食晚餐，但係而家天氣咁熱，我好怕去啲餐廳冷氣唔足夠，尤其是食越南湯河，一唔夠冷氣就會食到成身汗，所以決定嚟中環街市食，呢度環境舒服，冷氣足夠，仲可以有排坐。呢間越南餐廳都幫襯過幾次，鍾意佢份量夠大，都有品質保證。其實基本上每一次來都係叫嗰幾樣嘢：順。生牛肉湯河 $72，番茄蟹膏蟹肉蝦丸扎肉湯檬 $88，順化香茅豬扒$78。我覺得呢度嘅香茅豬扒係必叫，炸得好香脆，加埋好濃嘅香茅味，真係會食上癮。另外湯粉d湯底都好好味，算多料，呢個價錢喺中環來講好抵食

今日經過中環食lunch, 唸左好耐食咩好😋結果走左去中環街市。入面有好多唔同既餐廳。Food Court黎講，我唸算係高級版food court。lunch時間非常多人，如不是附近翻工。建議1:30後會較容易穩位。我行左一圈，見到有馬來西亞嘢食、台灣嘢、西餐廳、仲有越南嘢等等。最後選擇左呢間Pho Nho， 叫左一個生牛肉牛丸湯河 $78。我見周圍都好多人食，一於試一試。雖然好多人，但都只係等左6-7分鐘，效率非常快。因爲我唔食生，叫左全熟，但都唔會好鞋口，都有牛味。牛丸就有3粒，比較細粒，牛味不太重。湯是熱騰騰的，都唔錯。可惜沒有跟餐飲品，如果有一杯龍眼冰就好啦🤪可選擇的款式不算多，不過food court就一般都咁上下。不過如果男士食就略為唔為飽，份量不是很多。如經過街市也可一試。價錢還算OK，畢竟中環周圍都好貴。

中環街市活化後添了很多食店。大部分以自助food court 形式經營，自己手機點食物和付款、到櫃檯取食物和吃完後把盤子放回收集車，說不上有甚麽服務。賣點是多樣菜式集中，方便中環上班一族的中高檔飯堂吧！今天下午茶時段經過挑了顺.越南牛肉粉作第一試點。生牛肉河在下午茶時段是$56，不是tea set, 没包飲品的。由於是非繁忙時間，用手機下單後不到5分鐘便可到柜台取了。牛肉粉用一大湯碗盛載，伴以一小碟指天椒粒和青檸檬。牛肉和粉的份量正常，湯亦足夠；不過湯底不濃，味道普通；也由于是生牛肉關係，熱湯一下子便冷卻了。整體冇甚突出吸引的味道。下次只好試下其他食肆，這間不回頭了。

#搞串個pantry禮拜六日📆行開港島💂🏻‍♀️一轉，可以見到好多靚靚歷史古蹟🏛️，當中仲有啲係活化🆕咗，喺入面行街食嘢🛍️都特別有feel。今次就嚟到中環街市，地下嘅美食廣場🍽️有好多餐廳揀，今次我哋嚟咗呢間越式🇻🇳餐廳。🐮順•生牛肉牛肉丸湯河($78)湯底一啖裏面飲到牛嘅油脂濃郁香味、香草調味料嘅特色風味、同埋洋蔥絲葱絲香香辛辛嘅味道，忍唔住係咁飲湯！河粉質地適中。牛肉片肉味濃郁，又唔會太韌，而牛肉丸係正宗越式嘅細粒丸，食落彈牙，好食！🦀蕃茄蟹膏蟹肉蝦丸扎肉湯檬($88)蟹膏嘅味，超級香！湯底蟹膏加蕃茄嘅配搭，令到味道更加鮮甜，而且蟹膏嘅份量都唔少。而且蟹肉份量都唔少。撈埋檬粉食都仍然食到蟹肉嘅質地，好滿足。蝦丸同扎肉嘅用料有誠意，彈牙又鮮味！🍗越式香茅雞翼($52)雞翼炸到好酥脆，外皮趣博博好吸引，仲帶啲蜜糖南乳嘅甜香味，伴碟嘅酸蘿蔔都好好食。攞住呢間舖頭嘅收據🧾仲可以去隔離飲品舖🥤九折買嘢飲㖭😆。

@phonhohk located inside @centralmarkethk serves causal vietnamese pho, cold rice vermicelli and snacks 🍜@phonhohk 位於 @centralmarkethk 主打越南湯粉 撈檬 小食 🍜🐄 順 · 生牛肉牛肉丸湯河 HKD$62raw beef and beef ball pho牛肉嫩滑 牛肉丸彈牙 🐮 牛味濃郁 河粉爽滑 🍜 湯底清醇🌶 傳統順化湯檬 HKD$68spicy rice vermicelli soup牛肉嫩滑 牛肉丸彈牙 🐮 牛味濃郁 扎肉有彈性 🐷 扎蹄軟腍 有黑椒粒 帶點香辣檬粉爽彈幼滑 🍜 湯底微酸微辣 🐓 會安雞絲扎肉湯河 HKD$56shredded chicken and vietnamese sausage pho雞絲鮮嫩 🐔 扎肉有彈性 🐷河粉爽滑 🍜 湯底清甜可口🦐 春卷蓮藕蝦餅撈檬spring roll and lotus root prawn cake with cold rice vermicelli春卷外皮酥脆 餡料滿滿蓮藕蝦餅 香

[ 順。越南牛肉粉 ]位於中環街市入面嘅餐廳，以food court形式營運，入面有各種不同的食店，食完仲可以行下街。✿ 蕃茄蟹膏蟹肉蝦丸扎肉湯檬🍅🍅 $72帶有濃郁蟹肉香味同蕃茄有香甜的味道，配菜有蝦丸和扎肉，蝦丸有彈性和嚼勁👍🏻。✿ 會安雞絲扎肉撈檬 $58雞肉絲🐔同扎肉都比較鮮嫩，撈檬味道酸甜可口，口感清新開胃，超啱哂夏天食☀️。✿ 越南炸春卷 (4件) $48越南炸春卷口感非常好，外皮炸得酥脆，内餡香氣撲鼻，仲熱辣辣🔥🔥。✿ 蓮藕蝦餅 (4件) $48蓮藕蝦餅内裡柔軟，蓪藕同蝦🦐嘅味道好夾，仲食到少少蓮藕嘅爽脆口感👅。總結🫦天氣熱最啱食越南菜，夠哂開胃，今次食呢間越南粉屬性價比之選，不過Lunch time都比較多人，建議早點黎搵位。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿順。越南牛肉粉地址: 中環皇后大道中93號中環街市地下G16號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

中環街市面目一新，會裏面有好多唔同嘅食肆，嘆住冷氣，聽住輕鬆嘅音樂。食得特別暢快。🌟越式香茅雞翼🌟有4大隻，炸到甘香脆口，聞到陣陣嘅香茅清香，香茅嘅香味增加左炸雞翼嘅風味同層次感，咬落有肉汁，最怕出面d店舖炸到過哂火乾爭爭👍👍🌟傳統順化湯檬🌟啖啖肉，配料有牛肉、牛丸、扎肉、扎蹄😋湯底係用上加左洋蔥絲嘅牛肉上湯，牛肉味清濃。牛肉係半熟狀態，十分嫩口，扎蹄入口有股肉香飄出嚟，牛丸係新鮮手打👍🌟蕃茄蟹膏蟹肉蝦丸扎肉湯檬🌟一上枱已經聞到陣陣嘅蕃茄海鮮味，賣相有啲驚喜，蟹膏蟹肉都算唔少，非常鮮嫩嘅蟹膏蟹肉，回味無窮，湯底用上海鮮蝦炮製已成，鮮味十足🤤🤤

放工見中環街市近近地就入去食嘢啦 最近呢度開咗好多新餐廳 平靚正又方便 所以都會成日同朋友去食下越南檬粉 隔離仲有台灣菜同埋星馬菜式 真係好多選擇呀呢個位置好多 搵位都唔難 阿答冰鎮鮑魚四件大大隻 台灣九孔鮑魚 加埋個酸辣source 真係好開胃 好新鮮嘅前菜 主菜點咗個好開胃嘅蕃茄蟹膏蟹肉蝦丸扎肉湯檬勁多蟹膏同蟹肉 番茄湯底好開胃 感覺新鮮配埋檬粉真係好價飽肚好正 夏天食好開胃好好味呀冷泡糖南高山綠茶係無糖茶嚟 嘅感覺好啱夏天飲 解辣解暑 見好多人放工喺度飲嘢 食嘢 地點又方便真係好啱放工呢happy hour / causal dinner

同朋友👩‍⚕️一齊喺中環，大家都有啲趕時間，但係肚餓要食啲嘢，咁就決定嚟中環街市睇吓有邊間快靚正🤣，行幾步見到呢間，唔諗啦，就喺度開餐啦🤣$48「蓮藕蝦餅(4件)」：有啲爽口嘅蓮藕，加埋軟軟哋嘅蝦肉，煎得好香口🤩$78「順化香茅豬扒」：豬扒🐷🥩煎香咗🤩，又有啲香茅香味，仲甜甜哋🤩$52「越式香茅雞翼」：都係有啲香茅香味😋，雞翼燒得香口，帶少少甜🤩$73「會安雞絲扎肉湯河」：河粉🍜夠滑，配雞絲同埋扎肉，簡單幾好食🤩

今日係中環做完facial之後覺得有少少餓，就同朋友去中環街市睇下有咩野食醫下肚，見到呢間有魚皮食，好耐無食就坐低。會安扎肉雞絲湯河雞絲入口唔鞋，扎肉咬落有口感帶有少少黑椒味，河粉幼滑，湯底好鮮甜，飲完都唔覺口乾。越南炸春卷炸到香脆可口，餡料都幾多，咬落多汁。酸辣鳳爪鳳爪爽口彈牙，夏天食不錯，味道酸甜開胃，辣辣地幾好惹味。古法魚皮滿滿骨膠原，魚皮入口脆卜卜，口感煙韌，加上香葱，辣椒絲，花生碎口感豐富。

餐廳：順。越南牛肉粉地點：中環街市菜式：越南菜餐牌：下午茶餐牌簡單，有湯粉（河/檬），撈檬同小食。會安雞絲扎肉撈檬 $58天氣熱，食返碗撈檬可降溫。會安雞絲扎肉撈檬大大碗，扎肉四片，味道偏鹹；雞肉條唔少，味道就偏淡。面頭灑上脆碎同花生碎。伴有紅白蘿蔔漬絲，青瓜絲同生菜，蔬菜量可以。仲有少量辣椒，食落辣辣哋。薄荷葉一片同檸檬一件。魚露用膠兜另上，一定要落哂。檬粉係幼身，都好清爽。見到隔離亞答屋有亞答慢煮豬手，順便叫埋。亞答慢煮豬手原隻 $148亞答慢煮豬手超大份，已經切到細細件好易食。豬手塊皮超彈牙，脂肪唔算多，肉質我都覺得算嫩，而且味道入味，好正！配有兩細兜酸辣汁，點黎食更惹味！豬手伴有糖心蛋一開二同鹹菜。呢兩間都無野飲，所以去久久叫左杯自家芋泥鮮奶。自家芋泥鮮奶 $32自家芋泥鮮奶用外賣膠杯上，大半杯係冰，下底係芋泥。鮮奶好滑，配甜甜哋嘅芋泥係啱啱好，唔會太甜！

約好友一起去中環街市參觀購物，在地下美食坊內有一間... Pho Dho 順..越南牛肉河粉，越南 菜是我們的最愛，看看餐牌這裏的價錢很實惠，環境闊落舒適，於是我們在這裏吃了一些越南河粉和小食，味道真的很好吃啊！ 會安扎肉雞絲湯河....56元河粉爽滑彈牙，湯底雞肉味清甜而且絕不油膩，份量之多足夠飽肚，上等雞絲和札肉，鮮味濃沃，配以新鮮香葉和檸檬汁，令人吃得開胃又醒神，再加一些酸甜嘅魚露就更加好味👍👍😋😋💞🍲順..生牛肉牛丸湯河....62元半生熟的牛肉滑滑鮮甜好味道，牛丸粒粒爽滑彈口，肉味新鮮，河粉爽口又幼滑，份量之多非常抵吃，加上香菜蘿蔔等配料，大大碗食得開心又飽肚！👍👍😋😋🍲越南炸春捲四件....48 元真正皮薄餡靚脆卜卜，圓碌碌的餡料勁多，餡料有粉絲，豬肉，蔬菜，香菜等等，加一些魚露更加可口開胃👍👍😋😋😋😋❤️自家手工牛肉丸湯....56 元一口牛丸彈口爽滑好味道，一粒一粒的吃真是停不了！越南菜真是好有特色又好味啊！，值得一試再試呢！👍👍😋😋🏃🏃

之前去過中環街市樓下的中環食坊，園林風的環境設計，一路進食一路望住林景真心寫意！呢日相約朋友在附近放工過來食飯，先發覺開咗一間新越南粉麵和一間台灣牛肉麵鋪頭，因為風格類似food count所以兩間都食晒！🌟傳統順化湯檬味道正宗湯底較清，配料有生牛肉、牛丸、扎肉，仲有好特別的扎蹄，呢幾片扎蹄更有獨特之處是有胡椒粒，微辣惹味！🌟蕃茄蟹膏蟹肉蝦丸扎肉湯檬呢碗湯底有濃濃蕃茄味，仲有一大pat蟹膏放面，有好吸引🤩！為咗令味道更濃，我就無將佢拌勻在湯中，只食粉時配搭一齊，果然蟹味更突出，好好味！🌟花蓮地瓜酥外層質感好似麥樂雞🤭內裏有軟糯蕃薯蓉，口感外微微脆內微微煙韌，好有口感！🌟芋香珍珠奶茶頗濃芋頭香味，珍珠大小都適中

幫襯過好幾次 覺得尚可以同埋價錢算合理，每次都係食生牛肉河。上星期五（23/6）lunch 幫襯完就出事。那天都是一如以往食生牛肉河。食完冇幾耐 （其間沒有食其他東西）下午3、4點就開始肚痛。當晚緊嘔到飛起。 當日食既時候已經感覺同平時唔一樣。牛肉沒有之前幾次的質感 感覺比較”鞋”，牛肉好似冇咁新鮮。湯唔夠熱 （唔知係咪導致痾嘔的原因）。我眼見每日都有很多人幫襯。但覺多人幫襯 食物衛生都不可以馬虎！ 經此一事，我唔會再幫襯你⋯食到痾嘔 冇下次！建議有遇過同類事情的人都報告一下，以免有更多受害人！！！

蕃茄蟹膏蟹肉蝦丸扎肉湯檬這道菜色呈現得相當美觀，湯裡面有著豐富的蟹肉、蝦丸和扎肉，搭配著鮮紅的蕃茄和檸檬，讓人一口咬下去，感覺到豐富的口感和味覺。湯的口感鮮美，融合了蕃茄的酸甜和蟹肉的鮮甜，讓人意猶未盡。蝦丸和扎肉都非常鮮嫩，入口即化，增添了湯的豐富度。會安雞絲扎肉撈懞這道菜色的特色在於配料的豐富度。撈懞裡有著嫩滑的米粉和絲狀的雞絲，搭配著酥脆的扎肉、芝麻、蔥花和生菜，讓人一口咬下去，感受到豐富的口感和層次。撈懞的味道鮮美，有著淡淡的辣味和酸味，讓人食欲大開。越式香茅雞翼這道菜色的雞翼烤得剛剛好，外皮酥脆，肉質嫩滑。香茅的香氣和辣椒的辣味融合在一起，讓人感受到越南料理的特色。雞翼的味道非常美味，有著淡淡的甜味和微辣的口感，讓人食欲大開。蓮藕蝦餅這道菜色的特色在於蓮藕的使用。蓮藕蝦餅外皮酥脆，內裡有著豐富的蝦肉和蓮藕絲，搭配著甜辣的醬汁，讓人一口咬下去，感受到豐富的口感和層次。蓮藕的使用增添了這道菜的特色，讓人感受到越南料理的獨特風味。